နွားနို့သောက်သူများ
ကိုးကား ။ ။ ၀တ္တုတို ၆၀ စာအုပ်မှ
နွားနို့သောက်သူများ
နွားများသည် အရောင်ကွဲသော်လည်း နွားနို့တိုင်းသည် အဖြူဖြစ်သည်။
မနက်မိုးလင်းလျှင် သို့မဟုတ် အိပ်ရာမှထလျှင် လူတို့သည် နွားနို့သောက်ကြသည်။
သို့မဟုတ် လူတစ်ချို့သည် နွားနို့သောက်ကြသည်။
နေထွက်မလာသေး။
ပိတ်ထားသော တံခါးတစ်ချပ်ရှေ့တွင် နွားနို့ပုလင်းတစ်လုံး ရှိသည်။
ဝသော ဦးမြင့်သန်း၌ ကုပ်ပိုးနှစ်ထပ်ရှိသည်။
ထိုနွားကို စလေဦးပုည မပိုင်ပါ။
စူလဟူသော ဟိန္ဒူပိုင်၏။
သူ့လက်ချောင်းမည်းမည်းများဖြင့် နို့တိုင်ကို ညှစ်ဆွဲချလိုက်သောအခါ နို့များသည် အောက်တွင် ခံထားသော သွပ်ပုံးထဲသို့ ပန်း၍ကျ၏။ ဆရာဝန်က နားကျပ် ကိုဖြုတ်လိုက်သည်။ ခင်ဗျားမှာ ဘာရောဂါမှ မရှိဘူး၊ အားနည်းနေတာပဲ၊ နွားနို့မှန်မှန်သောက်ရမယ်ဟု ပြော၏။ နေလောင်ထားသော အသားအရေနှင့် သူ့ရှေ့မှ ပိန်ကပ်ကပ် မွဲခြောက်ခြောက် လူနာ၏အမည်မှာ ဒေါ်သိန်းကြွယ်ဖြစ်ကြောင်း သူမသိပါ။ သီတာသည် မီးဖိုပေါ်မှ နွားနို့အိုးကို သံဇွန်းကြီးဖြင့် အဆက်မပြတ် မွှေနေ၏။ မလိုင်မတက်ရန် ဖြစ်၏။ မလိုင်တက်သော နွားနို့သည် ၀မ်းပျက်တတ်သဖြင့် ကလေးများနှင့် မသင့်လျော်။ နွားများသည် မြက်အပြင် တခြားအရာ အနည်းငယ်ကိုလည်း စားသုံးလေ့ရှိသည်။ မောင်ရေ ရွှေဝါရယ် နွားနို့ကုန်အောင် မသောက်နိုင်ဘူး။ ရုံးသွားရန်ပြင်နေသော ကိုအောင်ဝင်းသည် ကြောင်ကလေးတစ်ကောင်ကို ရင်ခွင်တွင် ပိုက်ထားသော ဇနီးချောအိကို လှမ်းကြည့်လိုက်သည်။ သူတို့ အိမ်ထောင်ကျခဲ့သည်မှာ ဆယ်နှစ်နီးပါးရှိပြီ။ သူတို့တွင် ကလေးမရှိ။ ကျော်ကျော်၏ အမေတွင် ကလေးရှိ၏။ နွားများတွင် ခြေထောက်လေးချောင်း ရှိ၏။ ဤ၀ါကျ အနည်းငယ်မှားယွင်းနေသည်။ နွားတစ်ကောင်တွင် ခြေလေးချောင်းရှိ၏။ စူလ နွားနို့ညစ်နေသည်။ နွားနို့သံပုံးထဲကျသံမှာ တရှဲရှဲမြည်နေသည်။ သို့မဟုတ် တရှီးရှီးမြည်နေသည်။ စားပွဲပေါ်ရှိ နွားနို့ဖန်ခွက်ရှေ့တွင် ကျော်ကျော် ထိုင်မှိုင်နေသည်။ ထိုဖန်ခွက်ကို တရုတ်ပြည်တွင် ပြုလုပ်ခဲ့သည်။ ကျောင်းကြိုကား လာတော့မည်။ “သား နွားနို့ပူပူလေး သောက်လိုက်ဦးလေ” သူ့အမေက ပြော၏။ နွားနို့တခွက်ကို နံရံတွင် ကပ်ရိုက်ထားသော စင်ကလေးပေါ်သို့ ကိုဘခိုင်တင်လိုက်သည်။ ထိုစင်ပေါ်တွင် သူ့တို့ ကိုးကွယ်သော ယောဂီကြီး၏ ရုပ်တုရှိ၏။ နို့ဆာသော နွားသားပေါက်ငယ်တစ်ကောင် ချည်တိုင်မှာ ရုန်းကန်ရင်း တဘူးဘူး အော်နေ၏။ တဗူးဗူးဟု ရေးရင်လည်း မှန်နိုင်ပါသည်။
အိမ်ရှင်တို့ အိပ်ရာမှ ထလာသောအခါ ပိတ်ထားသော တံခါးရှေ့တွင် နွားနို့ပုလင်း တစ်လုံးစီ တွေ့ရ၏။ နို့သည်က ယူနေကျ ဖောက်သည်များ အိမ်ရှေ့မှာ ချပေးသွားခြင်းဖြစ်သည်။ ခရစ်တော် မပေါ်မီ နှစ်ပေါင်း ၄၀၀၀ကျော် လောက်က စတင်၍ အိန္ဒယလူမျိုးများသည် နွားနို့ကို သုံးစွဲလာကြသည်။ ဦးမြင့်သန်း၏ ရှေ့တွင် အငွေ့တထောင်းထောင်း ထနေသော နွားနို့တစ်ခွက်နှင့် ခေါက်ထားသော ယနေ့ထုတ် သတင်းစာတစ်စောင် ရှိသည်။ ခင်ဗျား နွားနို့ မှန်မှန်သောက်ရမယ်။ ဒေါ်သိန်းကြွယ်၏ ချွေးခံအင်္ကျီအိတ်ထဲမှ ငါးကျပ်တန်အဟောင်း တစ်ရွက်သည် စမ်းသပ်ခအဖြစ် ဆရာဝန်ထံ ခုန်ထွက်သွားလေသည်။ ဆရာဝန်ထံမှ တစ်ဆင့် အာစူလာအင်းဒရက်ထံ ရောက်သွား၏။ နွားနို့တွင် ကာဘိုဟိုက်ဒရိတ်၊ အဆီ၊ ပရိုတိန်း၊ ဓာတ်သတ္တုနှင့် ဗီတာမင်များ ပါဝင်ကြောင်း သူတို့ကောင်းကောင်းမသိ။ ဆရာဝန်က သိ၏။ ကိုဘခိုင်အိမ်မှ ကြွက်ကလေး တစ်ကောင်ကလည်းသိ၏။ သံပုံးထဲတွင် နွားနို့များ တစ်စထက်တစ်စ မြင့်တက်လာသည်။ စူလသည် အသားမည်း၏။ သို့သော် နွားနို့ကဖြူ၏။ သို့သော် ပန်းချီဆွဲသော ကိုဘခိုင်က နွားနို့သည် မဖြူဟု ပြော၏။ သီတာသည် မီးဖိုပေါ်မှ နွားနို့အိုးကို သံဇွန်းကြီးဖြင့် အဆက်မပြတ် မွှေနေ၏။ ထိုသို့ မွှေနေခြင်းမှာ လက်အားနေခြင်းကြောင့် မဟုတ်ပါ။ မလိုင်မတက်ရန် ဖြစ်၏။ နို့ဆာနေသော နွားသားပေါက်ငယ် တစ်ကောင်သည် ချည်တိုင်တွင် တဘူးဘူး အော်နေသည်။ တချို့က တဗူးဗူးဟု ကြားကြသည်။ ညနေကျရင် ရွှေဝါကို ဆေးသွားထိုးရအောင် မောင်ရုံးက စောစောပြန်ခဲ့နော်ဟု ချောအိက မှာ၏။ ရွှေဝါဆိုသည်မှာ ကြောင်ကလေး တစ်ကောင်၏ အမည်ဖြစ်သည်။ ထို့ကြောင်သည် ပိတောက်ပွင့်ကဲ့သို့ မ၀ါပါ။ ဖြူသန့်သော ကျော်ကျော်၏ ကျောင်းဝတ်စုံမှာ စိတ်အိုက်သဖြင့် ထွက်သော ချွေးနှင့် စွန်းကွက်နေသည်။ နေ့တိုင်း ၀တ္တရားမပျက် သောက်နေရသော နွားနို့ကို သူမုန်း၏။ အက္ခရာသင်္ချာကိုလည်း မုန်း၏။ သူ့နှာခေါင်းထဲတွင် စွဲနေသော နို့ညှီန့ ပျောက်လိုပျောက်ငြား ယောင်ယမ်းကာ ကျော်ကျော် သူ့နှာခေါင်းကို လက်ဖြင့် ပွတ်လိုက်၏။ ဒေါ်သိန်းကြွယ် ဘယ်လောက်ယူမလဲ။ ဒေါ်သိန်းကြွယ်သည် နို့စားနွားမွေးသော စူလထံမှ ဖောက်သည်ယူကာ ရောင်းသူဖြစ်သည်။ ဆရာဝန်သည် ရုပ်ရှင်ရုံတစ်ရုံရှေ့တွင် ရပ်ကာ ရုပ်ရှင်ကြည့်ရန် စောင့်ဆိုင်းနေသည်။ ထိုရုပ်ရှင်ကားထဲတွင် အာစူလာ အင်းဒရက်ပါ၏။ သူ့ကို ဘီယာမှန်မှန်သောက်ရမယ်ဟု ဘယ်သူ့မှမပြောပါ။ သီတာသည် နွားနို့အိုးကို မွှေနေသည်။ နှုတ်ခမ်းမွှေးတွင်ပေနေသော မလိုင်ဖတ်ကို ဦးမြင့်သန်းက လျှာဖြင့် သိမ်းသပ်လိုက်သည်။ သူသည် အိန္ဒယ၌ လေမုန်းတိုင်းမိ၍ လူနှစ်သောင်းကျော် သေကျေပျက်စီးသွားသည့် သတင်းကို နွားနို့သောက်မပျက်ဘဲ ဖတ်နိုင်သူဖြစ်၏။ ကိုဘခိုင်တို့အိမ် စင်ပေါ်မှ နွားနို့ခွက်ကို ကြွက်ကလေးတစ်ကောင် ခိုးသောက်နေသည်။ ခင်ဗျား နွားနို့မှန်မှန်သောက်ရမယ်ဟု ဆရာဝန်က သူ့ကို ပြောခဲ့သလား။ ညနေကျလျှင် ချောအိသည် ရွှေဝါကို တိရိစ္ဆာန်ကုဆရာဝန်ထံ ခေါ်ဆောင်သွားလိမ့်မည်။ ရွှေဝါသည် နွားနို့ကုန်အောင် မသောက်နိုင်သော ရောဂါရနေ၏။ ဒေါ်သိန်းကြွယ်၏ ခေါင်းပေါ်မှ တောင်းထဲတွင် နွားနို့ငါးပိဿာ ဆံ့သော ပုံးတစ်ပုံးရှိသည်။ ကျော်ကျော်သည် သူ့အမေ အလစ်တွင် သူ့ရှေ့မှ နွားနို့ခွက်ကို ဆတ်ခနဲ ကောက်ယူကာ သူ့ဘေးရှိ ပြတင်းပေါက်မှ သွန်ချလိုက်၏။
ဦးမြင့်သန်းတို့အိမ်၊ သီတာတို့အိမ်၊ ချောအိတို့အိမ်၊ ကျော်ကျော်တို့အိမ်၊ ကိုဘခိုင်တို့ အိမ်။ ဒေါ်သိန်းကြွယ် သူ့ဖောက်သည်အိမ်များကို ထွက်ဝင်ကျော်လွန်လာခဲ့၏။ တိမ်ဖြူဖြူထဲမှ နေသည နွားနို့စိမ်ထားသော လိမ္မော်သီး တစ်လုံးနှင့်တူသည်။ ဦးမြင့်သန်းသည် မလိုင်စားသဖြင့် ၀မ်းမသွားပါ။ ချည်တိုင်တွင် နို့ဆာသော နွားငယ်တစ်ကောင် ရုန်းကန်နေ၏။ ပြတင်းပေါက် အပြင်ဘက်က မြက်ခင်းပေါ်တွင် နွားနို့စက်များ ပြန့်ကျဲနေသည်။ စူလသည် အသားကိုလည်းကောင်း၊ နို့ဆမ်းထားသော မြက်ကိုလည်းကောင်း မစားပါ။ ထွက်ခွာသွားသော ကျောင်းကြိုကားပေါ်၌ ပြုံးနေသော ကျော်ကျော်ပါသွားသည်။ ဒေါ်သိန်းကြွယ်သည် နွားနို့ယူကြဦးမလားဟု မအော်ဘဲ တဘူးဘူး(တဗူးဗူး) ဟုအော်ပါသည်။ နွားနို့သောက်သူများ သည် နွားနို့ပုလင်းများကို မဆေးကြောကြပါ။ ကြွက်တစ်ကောင်၏ အိပ်မက်သည် နို့ညှီနံ့နံနေသည်။ ကိုဘခိုင် ပန်းချီရေးရန် အဖြူရောင်ဆေးတောင့်ကို ညှစ်လိုက်သောအခါ အထဲမှ နွားနို့ဖြူဖြူများ ထွက်လာလေသည်။ ကမ္ဘာပေါ်တွင် နွားမသည် အာစူလာအင်းဒရက်ထက် အရင်ဖြစ်ပေါ်ခဲ့၏။ ဒေါ်သိန်းကြွယ်သည် နွားနို့အကျန်ကို အရပ်ထဲတွင် လည်ရောင်းနေသည်။ နွားနို့တိုင်းသည် အဖြူဖြစ်သော်လည်း နွားများသည် အရောင်ကွဲ၏။
နွားနို့တွင်ပရိုတိန်း ကောင်းကောင်းပါသည်။ ပရိုတိန်းဆိုသည်မှာ ဂရိဘာသာစကားဖြစ်၍ ပထမတန်းစားဟု အဓိပ္ပါယ်ရလေသည်။
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "နွားနို့သောက်သူများ"
Post a Comment