ပိတ်ဆို့မှုတွေကို ဖွင့်ဖို့ သော့တစ်ချောင်း
- Find out what I'm doing, Follow Me :)
Showing posts with label Guide. Show all posts
Showing posts with label Guide. Show all posts
အဖိုးတန်ဆိုက်လေးတဆိုက်
မြန်မာစာအုပ်အညွှန်းဆိုက်ကို ကိုညီလင်းဆက် တည်ထောင်ထားတာပါ။ ဒီဆိုက်လေးကို ကျွန်တော်ဒီနေ့မှ သေချာ ရောက်ဖြစ်တယ်ဗျ။ ရောက်သွားတဲ့ အချိန်ကျမှ ကိုညီလင်းဆက်ရဲ့ စေတနာကို လေးစားမိတယ်။ ကျေးဇူးလဲ တင်မိတယ်။ Myanmarbooks ဆိုတော့ အော် တခြားဆိုက်တွေလိုပဲ ဖရီးဒေါင်းလုပ်ပေး အုံးမှာပဲ ဒေါင်းလုပ်ဆွဲစရာ ဆိုက်တခုတော့ တိုးပြီလို့ ထင်မိခဲ့တယ်။ဒါပေမယ့် သေချာသွားကြည့်တော့ သူက ဒေါင်းလုပ်ပေးဖို့ မဟုတ်ဘူး စာအုပ်လေးတွေကို catalouge ပုံစံနဲ့ညွှန်းပေးထားတာပါ။ သူညွှန်းပေးထားတဲ့ စာအုပ်တွေတော်တော်များများဟာ တကယ့်ရှားပါး အဖိုးတန်စာအုပ်တွေပါ။ ဒီလိုညွှန်းပေးလိုက်တဲ့ အတွက် ကျွန်တော်တို့ စာအုပ်လေးတွေ ၀ယ်စုတဲ့သူတွေ အဖို့ အများကြီး အထောက်အကူပြုပါတယ်။ တကယ် အသုံးဝင်ပါရဲ့။ ကျွန်တော်တို့က အခုမှ စာဖတ်သင်ခါစ လူတွေမို့ တခါတလေ ကိုယ်ဖတ်ချင်တဲ့ အကြောင်းအရာပါတဲ့ ဘယ်စာအုပ်ကို ရှာဖတ်ရမှန်း မသိဘူး။ ကိုယ်ဖတ်ချင်တဲ့ အမျိုးအစားကို ဘယ်စာရေးဆရာ က ဘယ်တုန်းက ထုတ်ထားခဲ့မှန်း ကိုယ့်ထက် စာဖတ်ရင့်သူတွေ မပြောရင် မသိပါဘူး။ ကိုညီလင်းဆက်က ဒီလိုလေး ညွှန်းပေးလိုက်တော့ အတော့်ကို အသုံးတည့်သွားတယ်ဗျာ။ သူညွှန်းတဲ့ စာအုပ်တွေထဲက ကိုယ်ဖတ်ချင်တဲ့ အကြောင်းအရာပါ စာအုပ်ဆိုရင် နာမည်နဲ့တကွ ဟော အပြင်မှာ သွားရှာလိုက်ရုံပဲ။ ကိုညီလင်းဆက် အနေနဲ့ ဒီလိုညွှန်းပေးနိုင်ဖို့ သူဘယ်လောက် ရင်းနှီးထားရတယ် ဆိုတာ သူညွှန်းထားတဲ့ စာအုပ်တွေကို ကြည့်ရင် သိနိုင်ပါမယ်။ အလွန် အဖိုးတန်တဲ့ ဆိုက်လေး တခုအဖြစ် ညွှန်းလိုက်ပါရစေ ခင်ဗျာ။ သူငယ်ချင်းတို့လဲ အဲ့ဒိဆိုက်မှာ ကိုယ့်ဆီမှာ ရှိတဲ့ စာအုပ်လေးတွေရဲ့ အဖုံးတွေကို စကန်ဖတ်ပြီး ညွှန်းပေးလို့ရပါတယ် ခင်ဗျာ။ Knowledge Sharing ပေါ့..။ အမြဲမပြတ် သွားလည်သင့်တဲ့ ဆိုက်လေး တခုပဲ ဖြစ်ပါတယ်။
Link : myanmarbooks.ning.com
ဘုန်းဘုန်းဦးကော လိပ်စာ ပြောင်းလဲခြင်း
'A light of dhamma' blog ကိုရေးသားတဲ့ ကျွန်တော်တို့ရဲ့ ဘုန်းဘုန်းဦးကောဝိဒ(မြိတ်) ရဲ့ လိပ်စာ ယခင် www.venkawwida.info မှ ယခု လိပ်စာအသစ် www.venkawwida.net သို့ပြောင်းလဲ လိုက်ပြီ ဖြစ်ကြောင်း အသိပေးအပ်ပါသည်။ ဘုန်းဘုန်းဘလော့ဂ်ကို ဖတ်ရှုနေကျဖြစ်သော စာဖတ်ပရိသတ် များအနေနှင့် ယခုလိပ်စာ အသစ်နှင့် ကြည့်ရှုမှသာ ဘလော့ဂ်စာမျက်နှာများကို တခုချင်းဖတ်ရှုနိုင်မည်ဖြစ်ပါတယ်။ ဘုန်းဘုန်းဘလော့ဂ်ရဲ့ ဓမ္မရသ စာရှုသူ ပရိသတ်အပေါင်းအား သိရှိစေရန် ကျွန်တော့်ဘလော့ဂ်မှ တဆင့် ကြေငြာအပ်ပါသည်။
ကြော်ငြာပါရစေ
ဒီဘလော့ဂ်လေးကိုသိပြီးတဲ့သူတွေလဲ သိပြီးကြမှာပါ။ ဟုတ်ကဲ့မသိသေးသူများ အတွက်လဲ ကြော်ငြာပါရစေ။ မြန်မာပြည်က အာဆင်နယ်အသင်းကို ချစ်တဲ့ပရိသတ်များအတွက် ရည်ရွယ်ပါတယ်။ ဒီဆိုက်ကို တည်ထောင်သူကတော့ ကိုနိုင်လွင်ဖြစ်ပြီး နောက်ပိုင်းမှာ ကျွန်တော်နှင့် ကိုလင်းဦးတို့က ၀င်ရောက်အားဖြည့်ထားပါတယ်။ ကျွန်တော်တို့ ဘလော့ဂ်လေးမှာဆိုရင် အာဆင်နယ် အသင်းရဲ့ နောက်ဆုံးရ သတင်းများ၊ ပွဲကြိုသုံးသပ်ချက်၊ ပွဲပြီးသုံးသပ်ချက်များအပြင်၊ အာဆင်နယ်အသင်းနဲ့ပတ်သက်တဲ့ ဆောင်းပါးလေးတွေပါ တင်ဆက်သွားမှာ ဖြစ်ပါတယ်။ အာဆင်နယ် ပရိသတ်တွေ အနေနဲ့ ဒီဘလော့ဂ်လေးဟာ Gunners များ ကွန်းခိုရာ ဘလော့ဂ်လေးတခု ဖြစ်ပါကြောင်း ကြော်ငြာပါရစေ။ မည်သူမဆို လာလည်ဖို့ ဖိတ်ခေါ်ပါတယ်ခင်ဗျာ။ ကျွန်တော်တို့ အာဆင်နယ်ချစ်ပရိသတ်တွေကိုလဲ ၀င်ရောက်ရေးသားဖို့ ဖိတ်ခေါ်ပါတယ်။ လိပ်စာကတော့ www.arsenalmmfans.co.ccဖြစ်ပါတယ်။
ကြည့်မိသော ဇာတ်ကားကောင်းတခု
ဒီပုံက မောင်ခဒီဇိုင်းဆွဲပေးထားတဲ့ ကာဗာဒီဇိုင်းပေါ့။
မနေ့က မောင်ခအိမ်ကို လိုက်လည်ရင်း ကျွန်တော့်ကို ရုပ်ရှင်ခွေ တခွေ ငှားလိုက်သည်။ ထိုခွေနာမည်က လန်ဒန်ပုံပြင်...။ ဒီခွေထွက်တာ လွန်ခဲ့သော ၂လ ကျွန်တော် ခရီးမထွက်ခင်ကတည်းက ဖြစ်သည်။ ကျွန်တော်ရန်ကုန်ကို ပြန်ရောက်ပြီးချင်း ထိုခွေကို ကျွန်တော်တို့ ရပ်ကွက်က အခွေဆိုင်မှာ မေးကြည့်သော်လည်း ငှားရမည် မထင်၍ မ၀ယ်ထားဟုသိရသည်။ ဟုတ်တော့ဟုတ်တယ် ဇာတ်လမ်းမှာက နာမည်ကြီးမင်းသား မင်းသမီး တယောက်မှမပါ။ မျက်နှာသစ်များသာ။ ထိုကားကို ရိုက်သူက ဇာတ်ကားထဲမှာ မင်းသားအဖြစ်ပါ ပါဝင်သရုပ်ဆောင်ထားသော ဒါရိုက်တာအသစ် ဏကြီး...။
ဇာတ်လမ်းအစက လန်ဒန်ကို ကျောင်းလာတက်သော လဂွန်းဆိုသော ကျောင်းသားတယောက်...။ သူ့မှာ ကျောင်းတက်ဖို့ အပြင် တခြားသော ရည်ရွယ်ချက်တခုမှာ သူကျောင်းသားဘ၀က တိတ်တိတ်လေး ချစ်နေမိသော ကောင်မလေး တယောက်ကို ရှာဖို့....။ ပြီးတော့ သူနံဘေးမှာ အမြဲကူညီပေးတတ်တဲ့ သူငယ်ချင်းမလေး တစ်ယောက်။ သူရှာဖွေချင်သောကောင်မလေးကို ကံကောင်းစွာ ရှာဖွေတွေ့ခဲ့သည်။ ဒါပေမယ့် ကံကြမ္မာ ကျီစယ်သည်ဟု ပြောရမလား ထိုကောင်မလေးတွင် ချစ်သူရှိနှင့်နေခဲ့ပြီ။ သူကောင်မလေးနှင့် ရင်းနှီးသော အခြေအနေရောက်သည့်တိုင် သူသိမ်းထုပ်ထားသော စကားလုံးတွေကို မဖွင့်ဟခဲ့ချေ။ ထို့နောက် သူတိတ်တိတ်လေး ချစ်နေမိတဲ့ အကြောင်း မထင်မှတ်ပဲ ကောင်မလေးသိသွားသောအခါ.....။ ပြီးတော့ သူ့ချစ်သူ စပိန်ကောင်လေး…ထိုသုံးဦးရဲ့ သုံးပွင့်ဆိုင်ဇာတ်လမ်း…. ဘာတွေဆက်ဖြစ်ကြမလဲ….။
ဇာတ်လမ်းလေးက ရိုးစင်းပေမယ့် ရိုမန်တစ်ဖြစ်သော ဇာတ်လမ်းကောင်းလေးတခု ဖြစ်သည်။ (နိုင်ငံရပ်ခြားမှာ ကျောင်းတက်ရတဲ့ မြန်မာ ကျောင်းသားတွေရဲ့ဘ၀ တစိတ်တပိုင်းကို ခြယ်မှုန်းပြထားသည်။) ပြီးတော့ နောက်ထပ် သတိထားမိတဲ့အချက်က ကင်မရာအယူအဆ..။ ကျွန်တော်တို့ မြန်မာပြည်မှာ ကြည့်ဖူးနေကျ အချစ်ကားများနှင့် ဒီနေရာမှာ အနည်းငယ် ကွာခြားသွားသည်ဟု ကျွန်တော်မြင်ပါတယ်။ လန်ဒန်မှာရိုက်လို့ဆန်းတာတော့ မဟုတ်ပါ။ အသေးစိတ်သော ရိုက်ချက်များကို ဆိုလိုပါသည်။ အခန်းအချိန်းအပြောင်းလှသည်။ အသံပိုင်းဆိုင်ရာ အားနည်းချက်တချို့မှ လွဲ၍ (home studio သဘောမျိုးနှင့် edit လုပ်ထားသောကြောင့်ဖြစ်မည်။)။ ဇာတ်ကောင်များရဲ့ emotion ကို အသေးစိတ်ပေါ်လွင်အောင် ရိုက်ပြနိုင်သည်။ အားလုံးခြုံကြည့်ရင် ဇာတ်ကားကောင်းလေးတခုဖြစ်သည်။ ကြည့်သင့်သော quality ဇာတ်ကားကောင်းလေး တခုဟု ညွှန်းလိုက်ချင်ပါသည်။
ဝက်ဘ်ဆိုက်အညွန်း
ကိုယ့်ဘလော့လေးကို blogspot.com ဆိုတဲ့ ဒိုမိန်းနာမည်က ဘလော့တိုင်းမှာ သုံးနေလို့ တမျိုးတမည် ပြောင်းသုံးချင်ရင်ဖြစ်ဖြစ်။ လူရှိန်အောင် ဘလော့လိပ်စာပြောင်း ချင်တယ်ဆိုရင်ပဲဖြစ်ဖြစ်။ http://co.cc ကနေ free domain ယူလို့ရပါတယ်။ ဥပမာ ကျွန်တော်ဆိုရင် www.minnyoonthit.blogspot.com ကနေကျွန်တော့် ဘလော့ကို ကြည့်နိုင်သလို www.minnyoonthit.co.cc ဆိုပြီးလည်း ကြည့်နိုင်ပါတယ်။ သူက beta for blog ပါတဲ့ ဘလော့လိပ်စာတွေအတွက် အလကားပဲတင်း ဒိုမိန်းပါတဲ့ခင်ဗျာ။
သူ့ဒိုမိန်းကနေ report တွေကို real time ထုတ်ပေးနိုင်ပါတယ်။ ပြီးတော့ သင့်ဘလော့ကို လာရောက်လည်ပတ် သူတွေရဲ့ နေ့စဉ်၊ အပတ်စဉ်၊ လစဉ်၊ အလိုက် chart ဇယားတွေနဲ့ ကြည့်နိုင်ပါတယ်။ ဘယ်ဆိုက်တွေကနေ ကိုယ့်ဆီကို လာလည်တယ်ဆိုတာလဲ ကြည့်လို့ရပါတယ်။ blogspot.com ဒိုမိန်လေးနဲ့ သူငယ်ချင်းတွေကို ကိုယ့်ဘလော့ လိပ်စာမပေးပဲ စတန့်ထွင်ချင်တဲ့ သူများအတွက် co.ccကနေ အလကားပဲတင်း ဒိုမိန်းအကောင့်ဟာ သုံးပျော်ပါတယ်။ sign up လုပ်တာလဲ ၅ မိနစ်ထက်ပို မကြာပါဘူး။ အပျင်းပြေစမ်းသုံးကြည့်ကြပေါ့ခင်ဗျာ :D။
Subscribe to:
Posts (Atom)
Caution!!
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
My TLMS by minnyoonthit is licensed under a Creative Commons Attribution 3.0 United States License.