Posted in
Labels:
miscellaneous
|
Thursday, December 31, 2009
အခု တလော ရန်ကုန်မှာ ခါတိုင်းနှစ်ထက် အအေးပိုသလိုပဲ။ စောင်တွေ အထူကြီးခြုံပြီး ကွေးတာတောင် သိပ်မနွေးချင်ဘူး။ မနက်ဆိုရင်တော်တော် ကြိုးစားပြီး ထရတယ်။ အဟတ် အေးတော့ ထချင်တော့ဘူး။ မနေ့က မိုးလေဝသ သတင်းမှာ ကသာနဲ့ ရွှေဘိုမြို့တို့မှာ စံချိန်တင် ညအပူချိန်တွေ လျော့နည်းခဲ့တယ်တဲ့။ (၃.၃ နဲ့ ၃.၅ ဆိုပဲ)။ တခြား မြန်မာပြည် အထက်ပိုင်းက မြို့တွေလဲ တော်တော်ကို အအေးပိုနေတယ်။ ကျွန်တော့် ဦးလေး တစ်ယောက်ဆို နယ်ကနေ ဖုန်းဆက်တာ မေးချင်း ရိုက်နေတယ်။ အအေးလှိုင်းက ဖြတ်တာလား ဆောင်းကပဲ ပိုအေးသလား ဘယ်လိုမှန်းတော့ မသိဘူး။ ကျွန်တော်တို့တောင် ဒီလောက် အနွေးထည်တွေ ဝတ် စောင်တွေ ထူထူ ခြုံထားတာတောင် အေးနေတုန်း ဆို လမ်းဘေးအိပ်တဲ့ အခြေအနေမဲ့တွေဆို ဘယ်လိုများ နေမလဲ တွေးမိတယ်။ (ပိုက်ပိုက် ရှိရင်တော့ ဒီလူတွေအားလုံးကို အနွေးထည်ထူထူနဲ့ စောင်တွေ အလကား လိုက်ဝေချင်တယ်။) မခွန်မြလှိုင်နဲ့တောင် တနေ့က ပြောဖြစ်သေးတယ်။ ၂၀၀၉ ဒီဇင်ဘာက ကုန်ဆုံး ကာနီး အစွမ်းတွေ ပြနေတယ် ထင်ပါရဲ့။ အင်း ဘာလိုလိုနဲ့ ဒီနေ့ဟာ ၂၀၀၉ ရဲ့ နောက်ဆုံး နေ့ပဲ နက်ဖြန်ဆို နှစ်သစ် ရောက်ပြီ။ နှစ်သစ်မှာ အတွေ့ကြုံသစ်တွေနဲ့ ၊ စိတ်ဝင်စားစရာတွေ ပြည့်နှက်နေ လိမ့်မယ်လို့ ယုံကြည်မိတယ်။ ၂၀၁၀ မှာ ကမ္ဘာကြီး ငြိမ်းချမ်းပါစေ။ ၂၀၁၀မှာ မြန်မာပြည်ကြီး ကျန်းမာ ချမ်းသာပါစေ။ ချစ်သော သူနဲ့ လူတိုင်းပေါင်းသင်း ရပါစေ ကြောင်း နှစ်သစ် အကြို ဆုမွန်ကောင်း တောင်းလိုက်ပါတယ်။ Happy New Year! ဖြစ်ပါစေ။ နှစ်သစ် အတွက် သယ်ရင်းအားလုံး Aja Aja Fighting!!
Posted in
Labels:
poem
|
Thursday, December 24, 2009
ဒီလိုဗျာ…
ကျွန်တော်တို့ တတွေ အရည်မရ အဖတ်မရတွေကို ဆက်လက်စားသုံးနေသ၍
စကားများကြတာပဲ အဖတ်တင်မယ်….
မိမိအတ္တ အစွန်းထွက်တွေ မပါတဲ့ ရောင်းတန်းဝင် လူကြိုက်များ
ဖက်ရှင်ထွင်လုံး သက်သက်တွေဆိုတာ .. တကယ်က သုံးစား မရဘူးဗျ
ဘယ်လိုပဲ ဗားရှင်းအသစ်ထွက်ထွက်.. မူလအပေါ် အခြေခံတဲ့ ညွှတ်ယိမ်းမှုတွေကို..
လက်ခံလိုက်ကြမယ်..
ပိုက်ကွန်ထဲက မြေခွေးတစ်ကောင်ရဲ့ အရိပ်လက္ခဏာမျိုးကို ရွေးချယ်မှာလား
တဝက်အောင်မြင်ခြင်းဆိုတာ. ဆန္ဒရှိသူရဲ့ မှန်ထဲက ဖျက်ဆီးနိုင်ခြင်း..တွေကိုပြောတာ..
ဖြောင့်ဖြောင့်တန်းတန်း သွားချင်သွားမည်။
သဘောတူညီမှု ရရှိပြီးသား ပိရမစ်တွေဟာ.. ရယ်မောသံများနှင့်အတူ
ကျွန်တော်တို့လိုပဲ… အချစ်နာကျ..နေကြ….
ကတိကဝတ်များသည် အလွန်ကျယ်လောင်သော မိုးခြိမ်းသံများလို/
စကားအလွန်များသော… မိန်းမကြီးများလို…..
Learn wisdom by the follies of others.
လက်အိတ်ဟာ ခြိမ်းခြောက်မှုတွေ ပြည့်နှက်နေတယ်
အို.. ဘုရားသခင်…
ငတ်မွတ်ခြင်းတွေကို… မဖြေသိမ့် နိုင်သေးသရွှေ့တော့.. ကျွန်တော်တို့
ခြေထောက်တွေက ရှက်နေလိမ့်မယ်…
ဆိုလိုတာက..
နတ်အလိုမလိုက်နိုင်သော လူ၏ အလိုကို ခုတုံးလုပ်ပြီး
ကျွန်တော်တို့ ပေတေခြင်း အမြှီးတွေကို ကျည်တောက်စွပ်ကြည့်ခြင်း သာဖြစ်ပါတယ်။
အသက်ရှူမဝသော လူငယ်များ၏ ဆန်းသစ်မှုများဆီက ရုန်းထွက်ပြေးဖို့ မဖြစ်နိုင်ပါ။
သီချင်းများ သံပြိုင်သီဆို ကြပြီး မျက်နှာမူ၍ နေထွက်လိုက်ကြ၏။
ဖယောင်းတိုင်များကို မီးမှုတ်ငြိမ်းသတ်ကာ သွေးထွက်သံယိုဖြစ်နိုင်သော ဓားရှည်ကို ထိန်းသိမ်းလိုက်ပါသည်။
သမိုင်း၏ နောင်တရမှုတွေဆီက ဆင်းသက်လာသောအခါ…
ကျွန်တော်တို့ ဖိနပ်တွေ စီးထားကြဖို့ လိုအပ်မည် ဖြစ်ကြောင်း…..။
Posted in
Labels:
Announcement,
poem
|
Monday, December 21, 2009
ကဗျာတွေ ဖတ်တဲ့ ကျွန်တော့် သူငယ်ချင်းတွေက ပြောတယ်။ မင်းဘလော့ ဖတ်ရတာ ရှုပ်နေတာပဲတဲ့။ ဟုတ်တော့လဲ ဟုတ်ပါတယ် ကျွန်တော်က သတင်းတွေလဲရေး၊ အက်ဆေးတွေလဲရေး၊ ခရီးသွားဆောင်းပါးတွေရော စုံစီနဖာ ဆိုတော့ အဲ့လို သီးသန့် ဖတ်တဲ့သူတွေ အတွက် ဘယ်အဆင်ပြေပါ့မလဲ။ လက်ရှိ ကျွန်တော်ရေးနေတဲ့ ဘလော့ဂ်က စလုပ်ကတည်းက ဘလော့ဂ်ရေစီးကြောင်း အတိုင်း သွားနေတော့ ဒီပုံစံလေးကို တော့ မပြင်ချင်တော့ဘူး။ ဒီတော့ ကဗျာတွေ သီးသန့် ဖတ်ပေးမယ့် သူငယ်ချင်းတွေ လဲ အဆင်ပြေအောင် ကဗျာတွေ ချည်း သီးသန့် စုစည်းထားတဲ့ ကဗျာဘလော့ဂ်လေး တစ်ခု လုပ်လိုက်ပါတယ်။ ဒါပေမယ့် တစ်ခုတော့ ရှိတယ် ကျွန်တော် အရင်ရေးခဲ့တဲ့ ကဗျာလေးတွေတော့ အဲ့ဒိမှာ ပါလာမှာ မဟုတ်ပဲ။ အခု အသစ် တင်ထားတဲ့ လေးပုဒ်လောက်ကနေ စပြီး တင်မှာပါ။ ဆိုတော့ ကျွန်တော့်ကဗျာတွေကို အခု ဒီဘလော့ဂ်မှာလဲ အလျဉ်းသင့်သလို တင်မယ် ဟိုဘလော့ဂ်မှာလဲ တင်မှာပါ။ အဲ့ဒိဘလော့ဂ်မှာတော့ ကဗျာသီးသန့်ဆိုတော့ ကဗျာဖတ်မယ့်သူတွေ အတွက် မျက်စိရှင်းတာပေါ့။ ကျွန်တော် လုပ်ထားတဲ့ ဘလော့ဂ်လေးကတော့..
mypoetrynote.wordpress.comဖြစ်ပါတယ်။ လာလည်နိုင်ပါတယ် ခင်ဗျာ။ :)
Posted in
Labels:
News,
poem,
Today Yangon
|
Monday, December 21, 2009
မနေ့က စိမ်းလန်းစိုပြည်ထဲမှာ ပြုလုပ်တဲ့ အလင်းပျိုးလက်များ ကဗျာရွတ်ပွဲကို အောင်မြင်စွာ ကျင်းပပြီးစီး ခဲ့လို့ ဝမ်းသာ ဂုဏ်ယူမိပါတယ်။ တက်ရောက်ခဲ့ပေးကြတဲ့ သူငယ်ချင်းများ၊ စာနယ်ဇင်းဆရာများအားလုံးကို ကျေးဇူး တင်ပါတယ်။ ကျွန်တော်တို့တွေ အပင်ပန်းခံ ကြိုးစား ထားသမျှလေး အောင်မြင်သွားလို့ အရမ်းပျော်မိပါတယ်။ မနေ့က ပွဲကို လူဦးရေ ၁၀၀ လောက် တက်ရောက်ခဲ့ကြလို့ ကျွန်တော်တို့ DOI ကဗျာကလပ် လုပ်ခဲ့သမျှ ပွဲတွေထဲမှာ ဒီပွဲက လူအများဆုံး ပါပဲ။ ပရဟိတပွဲလေးလဲ ဖြစ်လို့ ဧည့်သည်တွေ များများလာကြတာ ထင်ပါတယ်။ ပွဲကလေးကို အစက ကော်ဖီဆိုင်ထဲမှာ လုပ်မယ်ဆိုပြီးမှ ပွဲစရိတ်အတွက်ချည်းပဲ စရိတ်စက တွေများနေမှာစိုးလို့ ကျွန်တော်တို့ မြက်ခင်းပေါ်မှာပဲ လွတ်လွတ်လပ်လပ် လုပ်လိုက်ကြတယ်။ မထင်မှတ်ပဲ လုပ်လိုက်တဲ့ မြက်ခင်းပြင် ကဗျာရွတ်ပွဲလေးဟာ ကန်ရေပြင်ကို နောက်ခံပြုရင်း အရိပ်အာဝါသလေး အောက်မှာမို့ တော်တော်လေး လိုက်ဖက်ညီသွားတယ်လို့ ပြောလို့ရနိုင်တယ်။ (ကိုမိုးလှိုင် ကတော့ ကမ္ဘာပေါ်မှာ မြက်ခင်းစိမ်းတွေ ပျောက်သွားတဲ့ နိုင်ငံတွေ အများကြီး ရှိပါတယ်။ ကျွန်တော်တို့မှာတော့ အခု ထိုင်စရာ မြက်ခင်းတွေ ရှိနေသေးလို့ ဂုဏ်ယူရပါတယ်လို့ ပြောသွားပါတယ်။)
Posted in
Labels:
poem
|
Sunday, December 20, 2009
တံခါးတွေက စကားတွေ အများကြီး ပြောတယ်။
ခေါ်ဆိုသံ မဲ့နေသော တယ်လီဖုန်းကို
မအားမလပ် ပြန်လည် ဖြေကြားရန် မဖြစ်နိုင်ပါ။
ည၏ အနမ်းတရှိုက်ကြောင့် လှစ်ဟာသွားသော ကန်ရေပြင်၏
မျက်နှာပြင်သည် လမြင် ကြယ်မြင် .... ပါပဲ။
ရော့ခ်အန်ရိုး... တေးသွားနှင့် ဓမ္မကျမ်းစာအုပ်..
ဘယ်နှခုမြောက်မှန်း မသိသော လီဆယ်မှု များမှ တဆင့်
သူတော်ကောင်းတွေ ဝတ်တယ်ဆိုတဲ့ ဝတ်ရုံထဲ တိုးဝင်သွားတယ်။
ကျွန်တော်တို့တတွေ/ ခင်ဗျားတို့ တတွေ
ပဋိပက္ခများကို အတူတကွ လက်မခံတတ် ကြတဲ့အခါ
ဖန်တီးစရာ မလိုသော ဘေးထွက်ဆိုးကျိုး ရပ်ဝန်းများကို ထုဆစ် လိုက်ကြတယ်။
အိပ်ပျော်အောင် အိပ်လိုက်သည်။
ဓာတ်ခဲကုန်နေသော လရောင်များ... အကြောင်း ပြတင်းတံခါးတွေနားက
ငှက်တွေ လျှို့လျှို့ဝှက်ဝှက် ပြောနေကြလိမ့်မယ်။
(ရီမုဒ်ကွန်ထရိုးကနေ Next ကိုနှိပ်၍ ကျော်ပါ)
ရစ်သမ်တွေ ၊ ကာရံတွေ၊ တေးသွားအမှတ်အသားတွေနဲ့
အခုထိတော့ .. သုံးကြိုးမြောက် တူရိယာ ကြိုးကို မဆက်ရသေးဘူး။
သပ်သပ်ခတ်ခတ် နှင့် ကြိုတင်စီမံထားသော လမ်းမကြီးပေါ် ပက်ကြားတွေတက်အပ် အုံးမှာလား။
မျိုးရိုးဗီဇ အမှိုက်ကို လိမ်ကျစ်ရင်း စံချိန်စံနှုန်းမှီ တွင်းနက်တွေထဲ ဆင်းသွားကြ၏။
မီးကြောင့် သင်မလောင်ပါစေနှင့်....
ဂြိုလ်ကြီး ၈လုံး စူပါနန်းကြိုးမျှင်သီအိုရီ...၊ အိုင်းစတိုင်းမှာ ကိုယ်ပိုင် ဘလော့ဂ်တခု မရှိ။
ဆိုတော့ကာ....
ကျွန်တော့်ကို မော့သောက်နေသော ပုလင်းများအား ဒါနပြုခြင်းအားဖြင့်
ဖြစ်ပေါ်လာနိုင်သော လော်မာဖောက်ပြားမှုများကို အရစ်ကျပေးချေခြင်းသာ ဖြစ်သည်။
မျှော်လင့်ထားတာ/ မမျှော်လင့်ထားတာ ၂ခု ကြား လွဲမှားမှုမှာ ရာနှုန်းပြည့်ဖြစ်၏။
ကျွန်တော်တို့ ကိုယ့်ကိုကိုယ် ချွေတာဖို့ တပတ်ရစ် နေ့စွဲများကို စားသုံးပါ။
ဧရိယာ ပြင်ပသည် ဆက်သွယ်မှုသို့ ရောက်နေ၏။
တစွန်းတစမျှ မကြားဖူးသော ပုံပြင်များကို နာရီအကုန်ခံ၍ အိပ်ယာဝင်သည့်အခါ
တပ်ဆင် အသုံးမပြုပါနှင့်...။
စိမ်းလန်းမှုများကို အသေအကျေ မြတ်နိုးပစ်လိုက်ပါ။
ဖုံးကွယ်ထားသော.. လိုက်ကာများကို လှစ်ဟ နေပါစေ။
Posted in
Labels:
poem
|
Thursday, December 17, 2009
ဒီမှာ ဟန်နီ...
တပိုင်းတစ သီချင်းတွေနဲ့ ငါ မရောင့်ရဲ တတ်ခဲ့ဘူးဆိုတာ..
မင်းလေးက လွဲလို့ အားလုံး သိတယ်..။
ငါဟာ သားရဲတစ်ကောင် မဟုတ်ပေမယ့်
တောအုပ်တွေထဲ ရှင်သန်ခြင်းကိုမှ လိုက်ရှာနေတဲ့ကောင်။
ရွှေ့လျားနေသော ခရီးလမ်းတွေကိုမှ ငါက လိုက်ပါစီးနင်းမိတဲ့အခါ
ကျိုးပဲ့ကြွေ သွားတဲ့ မုန်းအီမှုတွေကိုပဲ ရလိုက်တယ်။
ဝင်လာခဲ့ပြီးမှ ပြန်ထွက်သွားတဲ့အခါ ငါ့စာမျက်နှာရွက်များ
အကူအပံ့မရှိ ကြမ်းပြင်ပေါ် လဲလျောင်း ကျဲပြန့်ကုန်တယ်။
ရိုမန်တစ် ဆန်ခြင်း/မဆန်ခြင်းတွေကို ငါငြင်းဆန်နေမှာ မဟုတ်ပါဘူး
ဒါပေမယ့် တမျှော်တခေါ် ပင်လယ်တစ်ခုလောက် ငါနာကျင်တတ်ခဲ့ခြင်းကိုတော့
ဘယ်သူ့မှ သိလိုက်လိမ့်မယ် မထင်ဘူးကွယ်
ဘွဲ့ထူးခံ ချီးကျူးမှုကို ငါမလိုအပ်ဘူး ... ရှစ်ဆယ့်ငါးရက်မြောက်
တနင်္ဂနွေတွေကို မုန်းတယ်။
လင်းသင့်လို့ လင်းခဲ့တဲ့ မနက်ခင်းကို ဘာအတွက်နဲ့မှ ဝိရောဓိတွေ
ချိတ်ဆွဲထားဖို့ မလိုအပ်ဘူးလို့ ငါထင်ပါတယ်။
အပြာရောင် အကျီတထည်နဲ့ အတူ ငါ့တည့်တည့်ကြီး လျှောက်လာခဲ့မယ်...။
ဒီမှာ... ဟန်နီ.. မနက်ဖြန် ကိုးနာရီ ငါလာခဲ့မယ်...။
Posted in
Labels:
poem
|
Monday, December 14, 2009
ထိုအခါ ဆာလောင်မွတ်သိပ်ခြင်းများကို
ကိုယ့်သဘောနှင့် ကိုယ် ဖြေသိမ့် ပစ်လိုက်၏။
တနံတလျား ရှည်လျားလွန်းသော လမ်းတွေ.. ကျွန်တော်တို့
လျှောက်^မလျှောက်...
စဉ်းစား စရာ မလိုသော ... စဉ်းစား စရာလိုသော
အရောအနှော.. ဟောဒိမြောင်းတွေထဲ ပစ်^မပစ်
ငါတို့ရွတ်ဆို ကြသော .. ဘာသာမဲ့ခြင်းတွေ.
သူတို့အလိုလို.. ဆွံ့လို့.. အလို့...သွားလိမ့်..မယ်
တထွာတမိုက်လောက်နဲ့.
ရင်ဘတ်ထဲက ဒဏ်ရာတွေ ဒင်းကြမ်း အပြည့်..
ဗော့ဒကာ တခွက်စာ နဲ့ ရင်ခုန်သံခြင်း
လဲလှယ်မည့် ကိစ္စ...
အဲ့ဒိ ဓာတ်မီးတိုင်တွေအောက် ကိုယ့်သမိုင်း ကိုယ်ရေးမယ့်
ငါတို့ မော်ကွန်းတွေ အကြောင်း ...မှတ်တမ်းတင်လို့..
တထပ်တည်း ကျရောက်နေသော ထပ်တူညီမှုများသည်
အချိုးချ၍ ဖြစ်နိုင်သော နှုတ်ထွက် ရွတ်ဆိုခြင်းများကို
နားလည် ပေးရလိမ့်မည်ဟု ဆိုသည်။
မတရားသဖြင့် ချုပ်ကိုင်ခြင်းများကို အံတုရန်
ဗီဇပါရှိပြီးသား အမှန်တရားတို့ကို ရဲဝံ့စွာ ဖော်ထုတ်ပြသခြင်း...
ပူလောင်ပွက်ဆူ နေသော မီးလမ်းကို ငါတို့ နည်းလမ်းကျကျ
လျှောက်လိုက လျှောက်မည်။
ဥပက္ခာ ပြုလုပ်လိုက်သော ဂုဏ်ဆောင်မှုများ သည်
ညစ်နွမ်းကြောင်း ထုချေလွှာ တင်ရန် မလိုအပ်ပေ။
ထို့ကြောင့်…..
ဘောင်ခတ်၍ စနစ်တကျ ကျဉ်းမြောင်းနေသော အယူဝါဒများကို
လွှင့်ပစ် လိုက်ကြပြီး…သည့်နောက်….
ခပ်ရဲရဲ ရွတ်ဆိုလိုက်ကြတော့၏။
Posted in
Labels:
Barcamp Yangon,
News,
Today Yangon
|
Thursday, December 10, 2009
မြန်မာနိုင်ငံတွင် ပထမဦးဆုံး အကြိမ် ကျင်းပမည် ဖြစ်သော Barcamp ပွဲနှင့် ပတ်သက်၍ မီဒီယာတွေ့ဆုံရှင်းလင်းပွဲကို ယနေ့ နံနက်ပိုင်း ၁၀နာရီခွဲ တာမွေအဝိုင်းထိပ်ရှိ Moon Bakery တွင် ကျင်းပ ပြုလုပ်ခဲ့ပါသည်။ ၎င်းပွဲကို 7Days၊ Internet၊ Myanmar Post၊ ပြည်မြန်မာ၊ အလင်းတန်း၊ ရန်ကုန်တိုင်းမ်၊ မြန်မာတိုင်းမ်၊ Time to Time၊ Knowledge Bridge၊ Flower News၊ PC Magazine စတဲ့ သတင်းမီဒီယာများမှ လာရောက်သတင်းယူ မေးမြန်းမှုများ ပြုလုပ်ခဲ့ပါတယ်။
ဒီရှင်းလင်းပွဲမှာ Barcamp Yangon - Public Relation Team မှ မထိုက်ထိုက်အောင်က Barcamp များ ဖြစ်ပေါ်လာပုံ၊ Barcamp များရဲ့ သဘောသဘာဝများကို Website များကို ကိုးကားပြီး ရှင်းလင်းပြသခဲ့ပါသည်။ ကိုဇေသီဟမှ စီးပွားရေးလုပ်ငန်းရှင်များအနေနဲ့ Barcamp များကို ထောက်ပံ့ပေးခြင်းဖြင့် Barcamp လာရောက်သူ ပရိသတ်များနဲ့ လုပ်ငန်းရှင်များ စသည်ဖြင့် နယ်ပယ်အသီးသီးမှ လုပ်ငန်းရှင်၊ ပညာရှင်၊ ဝါသနာရှင်လူငယ်များအားလုံးကို ဘယ်လို အကျိုးဖြစ်ထွန်းစေနိုင်သလဲဆိုတာ ရှင်းလင်းပြောကြားခဲ့သည်။ ကိုသက်ထူး(ကိုမျက်လုံး)မှ Barcamp Yangon မှာ ကျင်းပပြုလုပ်ဖို့ စီစဉ်ထားတဲ့ အစီအစဉ်များကို ပြောပြခဲ့ပါသည်။ လိုအပ်တဲ့ ဖြည့်စွက်ချက် အချို့ကို ကိုကျော်ဇေယျမှ ဖြည့်စွက် ရှင်းလင်းခဲ့သည်။ ရှင်းလင်းပွဲ ကျင်းပ နေစဉ်အတွင်း Barcamp Yangon သတင်းနှင့် ပြန်ကြားရေးမှ ကိုမင်းယွန်းသစ်မှ Facebook နှင့် Twitter (www.twitter.com/barcampyangon) များပေါ်တွင် Live update များ တင်ဆက်ပေးခဲ့သည်။
Barcamp ဆိုသည်မှာ နည်းပညာဖလှယ် ဖလှယ်ပွဲ တစ်ခုဖြစ်ပြီး နိုင်ငံတကာတွင် နှစ်စဉ်ကျင်းပလေ့ ရှိသော်လည်း မြန်မာနိုင်ငံတွင်တော့ ယခုအကြိမ်သည် ပထမဆုံး အကြိမ် ပြုလုပ်ခြင်း ဖြစ်ကြောင်း သိရသည်။Barcamp ကို Barcamp Bangkok, Barcamp KL စသည်ဖြင့် ကျင်းပတဲ့ မြို့အမည်နဲ့ တွဲပြီး မှတ်တမ်းတင်လေ့ရှိပါသည်။ အာရှနိုင်ငံများအနေနဲ့ ပြောရရင် Singapore, Malaysia, Kazakhtan, Thailand, India, Vietnam နိုင်ငံတို့မှာရှိတဲ့ မြို့အသီးသီးမှာ Barcamp တစ်ကြိမ်ထက်မနည်း ကျင်းပပြုလုပ်ခဲ့ကြပြီး ဖြစ်ပါသည်။ India မှာဆိုလျှင် သူ့ရဲ့ မြို့ အသီးသီးမှာ Barcamp ၂၇ ကြိမ်လောက် ပြုလုပ်ကျင်းပနိုင်ခဲ့တာကို တွေ့ရှိရပါသည်။ အခြားသော Africa နိုင်ငံများ၊ Arab နိုင်ငံများ၊ America နိုင်ငံများ၊ Europe နိုင်ငံများမှာရှိတဲ့ မြို့အသီးသီးမှာလည်း Barcamp များ အကြိမ်များစွာ ပြုလုပ်ကျင်းပ နိုင်ခဲ့ပြီး ဖြစ်ပါတယ်။ ဆက်ပြီး ကျင်းပပြုလုပ်ဖို့ ပြင်ဆင်နေတဲ့ နိုင်ငံတွေ၊ မြို့တွေလည်း အများအပြား ရှိကြောင်း သိရှိရပါသည်။
Barcamp Yangon ပွဲကို ၂၀၁၀ ဇန်နဝါရီလ ၂၃၊ ၂၄ ရက်နေ့များတွင် Myanmar Info-Tech တွင် ကျင်းပသွားမည် ဖြစ်ပြီး ၎င်းပွဲဖြစ်မြောက်ရေးအတွက် MCPA မှ ဦးဆောင်ပြီး Freelance လူငယ် အိုင်တီသမားများနှင့် ပူးပေါင်း ကျင်းပသွားမည် ဖြစ်ပါသည်။ ထပ်မံ၍ ပူးပေါင်းပါဝင်လိုသော အိုင်တီသမားများ၊ Volunteer များအားလည်း ဖိတ်ခေါ် ကြောင်း သိရှိရပါသည်။ Barcamp ၏ သဘောသဘာဝသည် ပညာရှင်များမှ ဟောပြောသော နည်းပညာ ဟောပြောပွဲများ၊ Workshop များနှင့် ပုံစံ မတူပဲ မည်သူမဆို မိမိ တတ်ကျွမ်းထားသော နည်းပညာများကို လွတ်လပ်စွာ မျှဝေဖလှယ် နိုင်သည်ဟု သိရှိရသည်။ ထို့ပြင် Barcamp Yangon အတွက် လိုဂိုပြိုင်ပွဲကို လည်း ကျင်းပသွားမည် ဖြစ်ပြီး မည်သူမဆို Facebookရှိ (Barcamp Yangon) တွင် ဝင်ရောက် ယှဉ်ပြိုင်နိုင်ကြောင်း သိရသည်။
“Barcamp Yangon မှာ နယ်ပယ်အသီးသီးမှာ ရှိတဲ့ လုပ်ငန်းရှင်၊ ပညာရှင်၊ ဝါသနာရှင်များကို စုစည်းပြီး ကိုယ့်ရဲ့ အတွေ့အကြုံ၊ နည်းပညာ၊ ဗဟုသုတ၊ အကြံဉာဏ်တွေကို ဖော်ထုတ်စုစည်းနိုင်ဖို့၊ လက်တွေ့ အကောင်အထည် ဖော်ကြဖို့အတွက် Open Environment တစ်ခု ဖန်တီးပေးဖို့ ရည်ရွယ်ကျင်းပသွားမှာ ဖြစ်ပါတယ်။ Barcamp Yangon မှာ ကျွန်တော်တို့ရဲ့ အသိဉာဏ်ဗဟုသုတတွေကို လွတ်လပ်ပွင့်လင်းစွာ ဖလှယ်ကြဖို့၊ ပြန့်ကျဲနေတဲ့ Idea တွေကို ဝါသနာတူ၊ စိတ်တူ၊ ကိုယ်တူသူများနဲ့ စုစည်း အကောင်အထည်ဖော်နိုင်ကြဖို့ အဓိက ရည်ရွယ် ကျင်းပသွားမှာပါ။ Barcamp Yangon မှာ ဘယ်နယ်ပယ်၊ ဘယ်ဘာသာရပ်တွေကို အဓိက ဆွေးနွေးကြမယ်ဆိုတာ တက်ရောက်တဲ့ပရိသတ်များက ဆုံးဖြတ်ကြပါလိမ့်မယ်။ ကျွန်တော်တို့က ပရိသတ်ကို အချိန်၊ နေရာ၊ စသည်ဖြင့် organize လုပ်ပေးတာပဲ ဖြစ်ပါတယ်။ ဘာသာရပ်မျိုးစုံမှာ အားလုံးရဲ့ ပူးပေါင်း ညှိနှိုင်းဆွေးနွေးမှု၊ သရုပ်ပြမှု၊ အပြန်အလှန်ထိတွေ့မှုကနေ အကျိုးရလဒ်ကောင်းတွေ ထွက်ပေါ်လာမယ်လို့ ယုံကြည်ယူဆပါတယ်။” ဟု ကိုသက်ထူးမှ ရှင်းလင်း ပြောကြားပါသည်။
ပါဝင်လိုသူများ၊ တက်ရောက် လိုသူများ သည် www.barcampyangon.org တွင် ကြိုတင် register ပြုလုပ်ရန် လိုအပ်ပါသည်။ အဘယ်ကြောင့်ဆိုသော် လူဦးရေ အရေအတွက်ပေါ် မူတည်၍ စီစဉ်စရာ များရှိ ၍ ဖြစ်ကြောင်း ပွဲဖြစ်မြောက်ရေး ကော်မတီ၏ ပြန်ကြားရေးနှင့် ပြည်သူ့ဆက်ဆံရေး တာဝန်ရှိသူ မထိုက်ထိုက်အောင်မှ ပြောကြားပါသည်။ Lucky Draw အစီအစဉ်များ၊ Gift Pack များပေးသွားမယ့် အစီအစဉ်များ၊ စားသောက်ဖွယ်ရာများနဲ့ အခြား စိတ်ဝင်စားဖွယ်ရာ အစီအစဉ်များကိုလည်း အလျဉ်းသင့်သလို ထည့်သွင်းပေးသွားမှာ ဖြစ်ကြောင်းလည်း သိရှိရသည်။
ထို့နောက် မီဒီယာသမားများ၏ သိလိုသည်များကို Barcamp Yangon ဖြစ်မြောက်ရေး ကော်မတီ အဖွဲ့သားများက ပြန်လည် ဖြေကြား ပေးခဲ့ပြီး ရှင်းလင်းပွဲကို မနက် ၁၁နာရီခွဲခန့်တွင် အောင်မြင်စွာ ကျင်းပ ပြီးစီးခဲ့ပါသည်။
Posted in
Labels:
poem
|
Thursday, December 10, 2009
ကျွန်တော် တူးဖော်ရရှိသော သောကြာနေ့များကို
တင်ဆက်ဖို့.. စင်မြင့်ပေါ်တက်လိုက်သည်။
နှုတ်ဆိတ်နေကြပြန်၏။ နှုတ်ပိတ်နေကြသည်။ (လက်ခုပ်သံများပင် မကြားရ)
မရှင်းလင်းသော အချက်အလက်များ အကြောင်း…
ဘူတာအိုလေးက ရှင်းလင်းနိုင်လိမ့်မည် ဖြစ်ပါသည်။
အလျှံတညီးညီးနှင့် ထိုလောင်မီးများသည်
ထို့ထက်ပို၍ လောင်ကျွမ်း လိမ့်မည်ဟု ယူဆရသည်။
ပြတင်းတံခါးများကို ပိတ်ပစ်ပါ…
(ပြင်ပ မြင်ကွင်းများ၏ အရောင်သွေး စုံလင်မှုကို မမြင်ချင် အဆုံး ဖြစ်၏)
သံကြိုးများ ခတ်ထားသော ရူးသွပ်မှုများသည်
စိတ်မလုံခြုံမှု၏ ပြတိုက်များ ဖြစ်သည်။
အနီရောင်ပန်းများ ဖြစ်သည်…
အနီရောင် ဝတ်ရုံများ ဖြစ်သည်…
အနီရောင် သွေးများ ဖြစ်၍
အနီရောင် အလံတော် ဖြစ်သည်….။
ဝိရောဓိများကို သော့ခတ် သိမ်းထားရန် မလိုအပ်ကြောင်း
ခြေရာအထပ်ထပ်များက သက်သေပြခဲ့ ပြီး၏။
အမှားနှင့် အမှန်.. အမှန်နှင့် အမှားဖြစ်သည်။
တနင်္လာနေ့ ဖြစ်သော်လည်း တနလာင်္နေ့ အသစ် ဖြစ်သည်။
နိဒါန်း ရှိသော်လည်း လက်မှတ် တခု မပါရှိသဖြင့် ..
၎င်းသည် မည်သည့် အရာဟု ကျွန်တော် တပ်အပ် မပြောနိုင်ပါ။
Posted in
Labels:
poem
|
Monday, December 07, 2009
လမ်းမကြီးက တမျှော်တခေါ်ကြီး ရှည်ရှည်လျားလျား
အဲ့ဒိက ပြန်လာတုန်းမှာ ကျွန်တော့် ဘဝထဲက
ပစ္စည်းပစ္စယာ တချို့ ကျကျန်ခဲ့သလိုပဲ..
အသက်ရှူမဝလို့ သံပတ်ပေးထားတဲ့ နာရီချွတ်ပြီး
အိပ်ကပ် အဟောင်းကြီးထဲ ထိုးသိပ်ထည့်ပစ်တယ်
တွဲလိတွဲလျ ဓာတ်ကြိုးတွေ ဓာတ်မီးတိုင်ရဲ့ လည်ပင်းကနေ
ပြေလျော့ ကျတော့ မလိုနဲ့...
ဟား.....
ဒုက္ခအဟောင်းတွေကို မှုတ်ထုတ်လိုက်ပြီး
ဒုက္ခအသစ်တွေကို ပြန်လည် ရှူရှိုက်လိုက်တယ်
သားရဲကောင်တွေ ငုတ်တုတ်ထိုင်သလိုမျိုးနဲ့
မှတ်တိုင်ရဲ့ အာခံတွင်းထဲ ဘယ်သူမှ မစေခိုင်းပဲ
ငါဝင်ထိုင်တယ်
လူအသိုးတွေ၊ ကားအသိုးတွေ၊ တိုက်အသိုးတွေ၊ စာအုပ်အသိုးတွေ
သီချင်းအသိုးတွေ၊ ရည်းစား အသိုးတွေ၊ တရားအသိုးတွေ
အားလုံး.. အားလုံး အသိုးတွေ....
(ဝေါ့....)
ဘူတာထဲ ရှောရှောရူရူ ဝင်သွားတဲ့
ရထားတစင်းလို ကိုယ့်ကိုကိုယ် နားချရင်း
ခေါက်ရိုးတွေ ချိုး... ချိုး..ချ
ကြေးစား လိပ်ပြာတစ်ကောင်ရဲ့ ကျိန်စာရွတ်သံတဲ့
ငါ့ဂစ်တာ သံတောင် ငါ မကြားရတော့ ပြန်ဘူး
ကိုယ့်ကိုကိုယ် သေချာတဲ့ ကိုယ့်ကိုကိုယ် မသေချာတဲ့
အရေပြားတွေကို တူးဆွပြီး ဂျစ်ပဆီ တစ်ယောက်လို
လွတ်လပ်ခြင်းတွေကို ပေါင်းဖက်မိရဲ့
မူကွဲရှိတဲ့ သမိုင်းတွေမှာ မိရိုးဖလာတွေကို
လွှင့်ပစ်လိုက်တယ်
သတ်သတ်လွတ်မစားတဲ့ ထိုသားရဲတွေဆိုတာ
စာအုပ်တွေထဲက ဇာတ်ကောင်တွေလို ပါပဲ
ဘာမှ မသိလိုက်ခင်မှာပဲ...
မြို့ပြက ငါ့ကို ကျောသပ်သွားခဲ့
ဘဝဆိုတာ ခြေအိတ်ထဲက လက်ဆောင် တစ်ခုလို
မှန်းဆရခက်တယ်
အဲ့ဒိနေ့ကပေါ့ ကျွန်တော်က ကျွန်တော့်ကို သိမ်းထုပ်ပြီး
ဈာပနလုပ်ပစ်ခဲ့ရတယ်။
Posted in
Labels:
Article,
News
|
Saturday, December 05, 2009
ဒီနေ့ ဆီးဂိမ်းပြိုင်ပွဲ မြန်မာ နဲ့ လာအိုပွဲ ကန်မယ်။ ဘယ်လိုင်းက လာမလဲတော့ မသိသေးဘူး။ သတင်း လိုက်ယူတဲ့ ထဲမှာတော့ ကျွန်တော်တို့ရဲ့ soccermyanmar နဲ့ MRTV4 တော့ ပါသွားတယ်လို့ သတင်းမှာ ဖတ်လိုက် ရတယ်။ မနေ့က အမျိုးသမီးပွဲကတော့ အိမ်ရှင် လာအိုကို သရေကျသွားတယ်တဲ့။ စလာပြီ ထင်တယ်။ ဘောလုံးအဖွဲ့ချုပ် ဥက္ကဌကြီးကတော့ ရွှေမှ ရွှေပဲလို့ ပြောနေတာပဲ။ ကျွန်တော်တော့ အများကြီး မမျှော်လင့်ရဲ ပါဘူး။ သိတဲ့အတိုင်း ခဏခဏ ရင်မောရလွန်းလို့။ အုပ်စုအဆင့်ကို ကျော်နိုင်ရင်ပဲ ဝမ်းသာလှပါပြီ။ မြန်မာ အသင်းက ပြီးခဲ့တဲ့ ၂၀၀၇ တုန်းကတော့ ငွေရထားတယ် ပြောတာပဲ။ သိတောင် မသိလိုက်ဘူး။ ကျွန်တော် ကြည့်မိတဲ့ တိုက်ဂါးဖလား ပွဲတွေမှာတော့ အဲဗား အနီတွေ အဝါတွေနဲ့ ဆွေမျိုးရင်းခြာ ဖြစ်နေတာချည်းပဲ တွေ့တယ်။
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။