My TLMS

မြောက်အမေရိကကို အဦးဆုံးတွေ့သူများ

မြောက်အမေရိကတိုက်ကို အရင်ရှာတွေ့ခဲ့သူများမှာ ဗိုက်ကင်း(Vikings)လူမျိုးများဖြစ်သည်။ ၄င်းတို့သည် ပင်လယ်ရေကြောင်းတစ်လျှောက် လှည့်ပတ်သွားလာသော သဘောင်္သားများဖြစ်ကြသည်။ ဗိုက်ကင်းတို့သည် သဘောင်္များဖြင့် ကမ္ဘာ့ရေပြင်များပေါ်တွင် နှစ်ပေါင်းငါးထောင်မျှ လှည့်လည် သွားလာခဲ့ကြသည်။ ကြေးခေတ်တွင် လူတွေသိထားပြီးသမျှ ရေပြင်များပေါ်တွင် ဗိုက်ကင်းလှေသဘောင်္များ ရောက်ခဲ့သည် ချည်းဖြစ်သည်ဟု ယူဆကြသည်။ ကမ္ဘာ့မြောက်ပိုင်း နယ်မြေမှ ဗိုက်ကင်းများသည် ကုန်သွယ်၊ ကုန်သည်များ မဟုတ်ကြပဲ သူတို့အခြေချနေထိုင်ဖို့ နယ်မြေသစ်များ ချဲ့ထွင်သူများဖြစ်ကြသည်။ ၎င်းတို့သည် သူတစ်ပါးနယ်မြေများကို အညှာအတာ ကင်းမဲ့စွာ ကျူးကျော်သိမ်းပိုက် တတ်သူများ ဖြစ်ကြသည်။ ဗိုက်ကင်းများသည် “ကိုလံဘတ်” ကို မမွေးမီ နှစ်ရာပေါင်းများစွာကတည်းက မြောက်အမေရိကတိုက် သို့ ရောက်ခဲ့ကြလေသည်။

Vikings

ဗိုက်ကင်းလူမျိုးများထဲမှ လိဖ်အဲရစ်ဆင် (Leif Ericson) ဆိုသူသည် မြောက်အမေရိကတိုက်ပေါ်တွင် ပထမဦးဆုံးခြေချနိုင်သူ ဖြစ်ခဲ့၏။ သူ့ခရီးစဉ်တွင် သင်္ဘောတစ်စီးနှင့် ဗိုက်ကင်းလူမျိုး သုံးဆယ့်ငါးဦးသာ ပါဝင်သည်။ သူအသုံးပြုခဲ့သည့် သင်္ဘောမှာ အစဉ်အလာရှိသည့် သင်္ဘောဖြစ်သည်။ လိဖ်သည် ထိုသင်္ဘောကို ဘဂျာနီဟာဂျပ်ဆန်ဆိုသူထံမှ ၀ယ်ခဲ့သည်။ ဗိုက်ကင်း စူးစမ်းရှာဖွေရေးသမား ဘဂျာနီသည် လိဖ်ထက်စောပြီး အမေရိကတိုက်ကို တွေ့ခဲ့သူဖြစ်နိုင်သည်။ ၉၈၅ ခုနှစ်တွင် ဘဂျာနီသည် စူးစမ်းရှာဖွေရေးခရီးထွက်ခဲ့သည်။ သို့သော် သူ့ခရီးစဉ်အကြောင်းနှင့် သူရောက်ရှိခဲ့သည်ဆိုသော ဒေသများအကြောင်း ရေးမှတ်ထားသည်မှာ တိကျမှုမရှိ။ သူ၏ ပြောဆိုချက်တွေကို သမိုင်းဆရာအများစုက လက်သင့်မခံ။ မည်သို့ပင်ဖြစ်စေ မြောက်အမေရိကတိုက်ပေါ်တွင် လိဖ် ခြေချနိုင်ခဲ့သည်ဆိုသည့် အချက်မှာမူ ယုံမှားသံသယ ဖြစ်ဖွယ်မရှိချေ။

ခရစ်နှစ် ၁၀၀၃ခုနှစ်တွင် “သော်ဖင်းကာဆယ်ဖနီ” ဆိုသည့် ကူးသန်းရောင်းဝယ်ရေးသမား ဦးဆောင်ပြီး သဘောင်္သုံးစင်းပေါ်တွင် ယောက်ျားတွေ သူတို့မိသားစု များ အပြင် အိမ်မွေးတိရိစ္ဆာန်များကို သယ်ဆောင်လာကြသည်။ သူတို့သည် အရှေ့ဘက်ကမ်းခြေတစ်နေရာတွင် အခြေချပြီး လယ်ယာစိုက်ပျိုးရေး လုပ်ကြသည်။ သို့သော် အင်ဒီးယန်းလူရိုင်းများ အကြိမ်ကြိမ်တိုက်ခိုက်မှု ကိုခံခဲ့ရပြီး အင်းဒီးယန်း လူရိုင်းများမှာ အင်အား များပြားလွန်းသဖြင့်၊ ဗိုက်ကင်းစစ်သည်တော် များသည်ပင် မနိုင်လောက်အောင် ဖြစ်ရသည်။ တဖြည်းဖြည်း တိုက်ရင်းနှင့် သူတို့အင်အားနည်းလာကြသည်။ ၁၀၀၆ ခုနှစ်တွင်မူ မသေမပျောက်ကျန်နေသူများ သည် တစ်စီးတည်းသော သဘောင်္ဖြင့် ဂရင်းလန်းသို့ တပ်ဆုပ်ခဲ့ရလေသည်။

ဗိုက်ကင်းများက မြောက်အမေရိကတိုက်ကို ပစ်ပယ်ထားကြသည်မှာ ကိုလံဘတ် က ၎င်းတိုက်ကို ပြန်လည် တွေ့ရှိသည့် အလယ်ခေတ်အထိ ဖြစ်တော့၏။

အမေရိကတိုက်ကို ပြန်လည်တွေ့ရှိခြင်း

ဆယ်ငါးရာစုအရောက်တွင် အနောက် ကမ္ဘာသည် အရှေ့ဖျားဒေသ သို့ပေါက်မည့် ရေလမ်းကြောင်း တစ်ကြောင်းကို ရှာဖွေတွေ့ရှိရန် အလွန်စိတ်အားထက်သန်ကြလေပြီ။ ဝေးမြေရပ်ခြားမှ ကုန်ပစ္စည်းများသည် အနောက်ကမ္ဘာသို့ လုံလုံလောက်လောက် ရောက်မလာ။ ဤကား လွန်ခဲ့သည့် နှစ်ပေါင်း များစွာကတည်းက ပေါ်ပေါက်ခဲ့သည် ပြဿနဖြစ်၏။ သည်တစ်ကြိမ် ပြဿနာပေါ်ရာခြင်းမှာ အင်အားကြီး အုပ်စုနှစ်ခုကြောင့် ဖြစ်သည်။

တူရကီလူမျိုးများသည် အလွန်အမင်း တန်ခိုးအာဏာ ကြီးထွားလာပြီး၊ ကုန်လမ်း အတော်များများကို ပိတ်ဆို့ထားကြသည်။ တစ်ချိန်တည်းတွင် အာရပ်လူမျိုးများက မြေထဲပင်လယ်နှင့် အရှေ့ပိုင်း ပင်လယ်နီ၏ ရေကြောင်းများကို ထိန်းချုပ်ထားသည်။ အနောက်ကမ္ဘာသည် အရှေ့တိုင်းနှင့် အဆက်အသွယ် ရလိုက်တိုင်း နိုင်ငံတစ်ခုခုက အပြန်အလှန် ကူးသန်းရောင်းဝယ်မှုကို ဖြတ်ကျော်ပစ်သကဲ့သို့ ရှိနေသည်။ သည်တော့ စူးစမ်းရှာဖွေရေး သမားတွေ တစ်စခန်း ထရပြန်တော့၏။

ကမ္ဘာကြီးလုံးသည်ဆိုသည်ကို ယုံကြည်ခဲ့သည်မှာ ကိုလံဘတ် တစ်ဦးတည်းလား

Christopher Columbus

ဆယ့်ငါးရာစုအရောက်တွင် အာဖရိကတိုက်ကို ရေလမ်းဖြင့် ပတ်သွားနိုင်သည်ဆိုခြင်းကို လူများစုက မေ့လျော့နေကြပြီ ဖြစ်၏။ အတ္တလန်တိတ်သမုဒ္ဒရာကို ဖြတ်ပြီး အနောက်ဘက်သို့ သွားလျှင် တရုတ်ပြည်၊ အိန္ဒိယပြည်နှင့် အရှေ့တိုင်းအင်းဒီးဒေသများ သို့ ရောက်နိုင်သည်ဆိုသည် ဟူသည့် အယူအဆ ပေါ်ပေါက်ခဲ့သည်မှာ ကြာပြီ။ ၎င်းအယူအဆသည် မှန်ကန်၏။ သို့သော် လမ်းခရီးတွင် အမေရိက တိုက်ကြီးနှစ်တိုက်က ပိတ်ဆို့ကာဆီးနေသည် ဆိုသည့်အချက်ကို ဘယ်သူမျှ မသိကြသေး။
အနောက်ဘက်သို့ ဦးတည်ရွက်လွှင့်ခြင်းအားဖြင့် အရှေ့အရပ်သို့ ရောက်နိုင်သည် ဆိုသည့် အချက်ကို လက်ခံနိုင်ရန်မှာ ကမ္ဘာကြီ။လုံးဝန်းနေသည် ဆိုသည့်အချက်ကို ယုံကြည်မှ ဖြစ်ပေမည်။ ဂျီနိုအာမြို့သား ရေကြောင်း ကပ္ပတိန် ခရစ်စတိုဖာကိုလံဘတ်က ထိုအချက်ကိုယုံကြည်သည်။ ထိုသို့ ယုံကြည်သည်မှာ သူတစ်ဦးတည်း မဟုတ်ချေ။

Pythagoras

ကမ္ဘာကြီးလုံးဝန်းနေကြောင်းကို ဘီစီ ၅၀၀ကပင် ဂရိစာပေပညာရှင် ပိုင်သာဂိုးရပ်က အတည်ပြုခဲ့သည်။ ခရစ်နှစ် ၁၂၅၀ တွင် နော်ဝေမှ ပြုစုသည့် ကျောင်းသုံးစာအုပ်တစ်အုပ်တွင်လည်း ထိုအချက်ကို ဖော်ပြခဲ့သည်။

အရှေ့အင်ဒီး ဒေသသို့ ကိုလံဘတ်ဘာကြောင့် သွားချင်သလဲ

ကိုလံဘတ်သည် ဘ၀ရည်မှန်းချက် တစ်ခုတည်းသာ ရှိခဲ့ဟန်တူ၏။ ၎င်းရည်မှန်းချက်ကား အတ္တလန်တိတ် သမုဒ္ဒရာကို ကျော်ဖြတ်ပြီး အရှေ့အင်ဒီးဒေသသို့ သွားရောက်ရေးပင်ဖြစ်သည်။

သူ့ခရီးအောင်မြင်ရေးအတွက် သူက နက္ခတ္တပညာ၊ မြေပုံဆွဲပညာ၊ ရေကြောင်းပြ ပညာတို့ကို လေ့လာသည်။ ဗိုက်ကင်းလူမျိုးများ ရောက်သွားသည်ဟု ဆိုသော အင်္ဂလန်နှင့် အိုက်စလန်ကျွန်းသို့င် ရေလမ်းမှ သွားခဲ့သည်။
သို့သော် သူသည် အမှားကြီးမှားခဲ့သည်။ သူက ကမ္ဘာကြီးကို အမှန်တကယ်ရှိသည်ထက် သေးငယ်သည်ဟု ယူဆခဲ့ပြီး အာရှတိုက်ကိုမူ အမှန်တကယ်ရှိသည်ထက် ပိုကြီးသည်ဟု ထင်မှတ်ခဲ့သည်။

မည်သို့ပင်ဖြစ်စေ သူက ရေကြောင်းခရီးထွက်ဖို့ သန္နိဌာန် ချထားသည်။ သူက သည်ခရီးကို မဖြစ်မနေ သွားမည်သာဖြစ်၏။ သည်ခရီးကို ထွက်ခြင်းမှာ ဘယ်နိုင်ငံအတွက်မျှ မဟုတ်သလို၊ ဘယ်ရှင်ဘုရင်အတွက်မျှ မဟုတ်။ သူ့သွေးသားအထဲကကို သွားချင်နေသဖြင့် သူ့အတွက်သူ သွားခြင်းသာ ဖြစ်၏။

သူ၏ သမိုင်းဝင်ခရီးစဉ်အတွက် ငွေကြေး ဘယ်ကရခဲ့သလဲ

ကိုလံဘတ်က ပေါ်တူဂီဘုရင် ဒုတိယမြောက် ဂျွန်ထံသို့ ဦးစွာသွားသည်။ ထိုခေတ် ထိုအခါက ပေါ်တူဂီလူမျိုးများသည် ရေလမ်းနှင့် ပတ်သက်၍ ဆရာကြီးများ ဖြစ်၏။ သည်တော့ သူ့ အစီအစဉ်ကို ပေါ်တူဂီများက ထောက်ခံလိမ့်မည်ဟု ကိုလံဘတ် တွက်ဆထားသည်။

သို့သော် ပေါ်တူဂီဘုရင်က အာဖရိကတိုက်ကို ကွေ့ပတ်ပြီး အိန္ဒိယသို့ အရောက်သွားမည့် သဘောင်္တပ်ဖွဲ့ တစ်ဖွဲ့ စေလွှတ်ရန် စီစဉ်ထားသည်။ ကိုလံဘတ်၏ အစီအစဉ်မှာ လက်တွေ့အားဖြင့် မဖြစ်နိုင်ဟု ယူဆသည်။ သို့ဖြင့် ကိုလံဘတ်၏ တင်ပြချက်ကို ပယ်ချလိုက်ရာ သူသည် ၁၄၈၄ ခုနှစ်တွင် ပေါ်တူဂီမှ ပြန်ခဲ့ရသည်။

ကိုလံဘတ်က စပိန်ဘုရင်မကြီး အဇ္ဖဘယ်လာ (Isabella I) ထံသို့ မျှော်လင့်တကြီး သွားပြန်သည်။ သို့သော် ပေါ်တူဂီမှာကဲ့သို့ပင် ပယ်ချခံရပြန်သည်။ သို့ဖြင့် သူ့အစ်ကိုဖြစ်သူအား အင်္ဂလန်သို့ စေလွှတ်ပြီး၊ သတ္တမမြောက် ဟင်နရီဘုရင်ကို ဆွဲဆောင်စည်းရုံးစေသည်။ အချိန်တွေသာ ကုန်သွားသည်။ အကြောင်းထူး မလာ။

၁၄၉၂ ခုနှစ်ဇန်န၀ါရီအထဲတွင် သူက ပြင်သစ်သို့ စတင်ခရီးထွက်သည်။ သို့သော် ထိုအချိန်မှာပင် စပိန်ပြည်ရှိ သူ့မိတ်ဆွေများက သည်ခရီးအောင်မြင်လျှင်၊ စပိန်ပြည် ချမ်းသာကြွယ်ဝပြီး တန်ခိုးအာဏာကြီးထွား နိုင်မည်ဖြစ်ကြောင်း တင်ပြကာ ဘုရင်မကြီးကို စည်းရုံးနိုင်ခဲ့သည်။ သို့ဖြင့် ကိုလံဘတ်အား ပြန်လည် ဆင့်ခေါ်သည်။ ၁၄၉၂ ခုနှစ်ဧပြီလ ဆယ့်ခုနှစ်ရက်နေ့တွေင် အဆိုပါ ခရီးအတွက် သဘောတူစာချုပ်တစ်ရပ်ကို ဘုရင်မကြီး အဇ္ဖဘယ်လာနှင့် ကိုလံဘတ်တို့ လက်မှတ်ရေးထိုးခဲ့ကြသည်။

ကိုလံဘတ်နှင့်အတူ လူအင်အား၊ သဘောင်္အင်အား ဘယ်လောက်ပါသွားသလဲ
ကိုလံဘတ်သည် ၁၄၉၂ ခုနှစ် သြဂုတ်လ သုံးရက်နေ့တွင် သူ၏အလံတင်သင်္ဘော “စန်တာမာရီယာ” ပေါ်သို့တက်သည်။ စန်တာမာရီယာနှင့်အတူ ရွက်လွှင့်မည့် “နီနာ” (Nina) နှင့် “ပင်တာ”(Pinta) သဘောင်္များလည်း အဆင်သင့် ဖြစ်နေပြီ။ ကိုလံဘတ်နှင့်အတူ ၀ါရင့်သင်္ဘောသား ရှစ်ဆယ်ကျော်လည်း လိုက်ပါကြမည်။

ကိုလံဘတ်သည် ရေကြောင်းနှင့် ပတ်သက်၍၊ သူ့ခေတ်သူ့အခါ အကောင်းဆုံးမြေပုံများ၊ အကောင်းဆုံးရေကြောင်း ပြကိရိယာများ၊ နာရီများကို ယူဆောင်သွားသည်။ သူက ထိုပစ္စည်းကိရိယာများ အကူအညီဖြင့် အာရှတိုက်ဟု သူထင်ထားသည့် ဒေသသို့ ရောက်အောင် အနောက်စူးစူးသို့ ဦးတည် ရွက်လွှင့်ခဲ့သည်။

ကင်နရီကျွန်းစုတွင် ခရီးတစ်ထောက်နားပြီးသည်နှင့် သူတို့ အဖွဲ့သည် လူသူမရောက်မပေါက်ဖူးသေးသည့် ပင်လယ်ပြင်ကြီးအထဲသို့ ရောက်သွားတော့၏။ ထိုအချိန်မှစပြီး အသစ်အဆန်းတွေချည်း ကြုံကြသည်။ သို့သော် သြဂုတ်လကုန်သွားသည်။ စက်တင်ဘာလ ကုန်သွားသည်။ အောက်တိုဘာလ ရောက်လာသည်။ သူတို့သည် ရေပြင်ကြီးအထဲမှာပဲ ရှိသေးသည်။ ကမ်းမမြင်ရ၊ လမ်းမမြင်ရ။ မျှော်ကြည့်လေရာတိုင်းတွင် တ၀ုန်ဝုန်းကြွထနေသည့် လှိုင်းလုံးကြီးတွေသာ မြင်တွေ့ကြရသည်။

ကိုလံဘတ်၏ သင်္ဘော ကပ္ပတိန်များ ဘာကြောင့် စပိန်သို့ ပြန်ချင်ကြသလဲ

ကိုလံဘတ်က အလျှော့မပေး။ သည်ခရီးစဉ်အတွက် သူသည် တစ်သက်လုံး ပြင်ဆင်ခဲ့ရသည်။ ပြီးတော့ ကုန်းမြေတစ်ခု အနီးသို့ ရောက်နေပြီ ဆိုသည်ကို သူသိနေသည်။ သိသည် ဆိုခြင်းမှာ မျက်ရမ်းမှန်းဆ ပြောခြင်း မဟုတ်။ တစ်နေရာမှ တစ်နေရာသို့ ပျံသန်းသွားသည့် ငှက်တွေကို သူတို့ ခေါင်းပေါ်မှာ မြင်နေရသည်။

ထို့ကြောင့် ကိုလံဘတ်က နောက်ထပ် သုံးရက် အပေးအယူလုပ်သည်။ သူ၏ သင်္ဘောကပ္ပတိန်များက သဘောတူညီချက် တစ်ခုပြုလုပ်သည်။ အောက်တိုဘာ ၁၂ရက် ညနေမှာမှ ကုန်းမြေကို မမြင်ရလျှင် သင်္ဘောများကို စပိန်သို့ ပြန်လှည့်မည်ဟူ၍ သဘောတူညီချက်ရခဲ့သည်။

ကိုလံဘတ် နှင့် သူ့အဖွဲ့ ဘယ်ဒေသသို့ ရောက်သွားသလဲ

သစ်တောများ ဖုံးအုပ်နေသည့် ကမ်းစပ်များရှိသော မြောက်အမေရိကတိုက်ကို လိဖ်အဲရစ်ဆန် ရှာဖွေတွေ့ရှိခဲ့သည်မှာ နှစ်ပေါင်းငါးရာနီးပါးရှိပြီ။ ထိုတိုက်ကြီးကိုယခု ကိုလံဘတ်က ပြန်လည် တွေ့ရှိခြင်းဖြစ်၏။ သို့သော် သည်အကြောင်းကို ဘယ်သူမျှမသိ။ သူတို့စိတ်ထဲတွင် အာရှတိုက်သို့ရောက်သွားသည်ဟုပဲ ထင်နေကြသည်။

ကိုလံဘတ်က သူ ပထမဆုံးခြေချသည့်ကျွန်းကို “စန်ဆဲလ်ဗေဒို” (San Salvador) ကျွန်းဟု အမည်ပေးခဲ့သည်။ သူနှင့် တွေ့ဆုံသည့် ကျွန်းသားများအခေါ်အရတော့ “ဂွာနာဟာနီ” (Guanahani) ကျွန်းဟုခေါ်သည်။ ထိုကျွန်းကို ကျွန်ုပ်တို့ ယနေ့ခေါ်ဝေါ် နေသည်မှာ “၀က်တလင်းကျွန်း” ဖြစ်၏။

ကိုလံဘတ်သည် ထိုကျွန်းကို စပိန်နိုင်ငံအတွက် သိမ်းပိုက်လိုက်သည်။ ကျွန်းသားများကတော့ ကိုလံဘတ်၏ အဖိုးထိုက်အဖိုးတန် ၀တ်ရုံတွေကို ကြည့်ပြီး အထင်ကြီးလေးစား နေကြသည်။ သူသည် အရှေ့အင်ဒီးတစ်နေရာသို့ ရောက်သည်ဟု ယူဆသော ကိုလံဘတ်က ကျွန်းသားများကို “အင်ဒီးယန်း” များဟု ခေါ်ဝေါ်သမုတ်ခဲ့သည်။ ဤကား အမေရိကတိုက်ပေါ်မှ ကျွန်းသားလူမျိုးစုများကို ဘာကြောင့် “အင်ဒီးယန်း” များဟု ခေါ်ဝေါ်ခြင်း၏ ဇစ်မြစ် ဖြစ်ပေသည်။

ကိုလံဘတ်နှင့်အဖွဲ့သည် ဘဟားမား ကျွန်းစု အထဲမှ ကျွန်းတော်တော်များများကို တွေ့သည်။ ထို့နောက် အေတီကျွန်းသို့ ရောက်သည်။ ကိုလံဘတ်သည် စပိန်နိုင်ငံသို့ ၁၄၉၃ ခုနှစ်မတ်လ ဆယ့်ငါးရက်နေ့တွင် ပြန်ရောက်သည်။ သူ့အား သောင်းသောင်းဖျဖျ ကြိုဆိုကြသည်။ ဘာစီလိုနာမြို့တွင် အဇ္ဖဘယ်လာ ဘုရင်မကြီး ထံ ၀င်ရောက်ခစားပြီး သူစုဆောင်းရရှိခဲ့သည့် ပစ္စည်းများကို ဆက်သသည်။ ထူးဆန်းသော ငှက်များ၊ တိရိစ္ဆာန်များ၊ ၀ါဂွမ်းများ လှပပြီး အနုစိတ်သော သစ်ထွင်းလက်ရာများ။ စိတ်ဝင်စားစရာ အကောင်းဆုံးမှာ အင်ဒီးယန်း လူမျိုး အချို့ဖြစ်၏။ ကိုလံဘတ်သည် ရွှေတွေလည်း သယ်လာသည်။

စပိန်အာဏာရှင်များက အခွင့်အလမ်းကိုမြင်ပြီး လှုပ်ရှားမှုများ ချက်ချင်းပြုလုပ်သည်။ ကိုလံဘတ်အတွက် ခရီးသုံးခေါက်ထွက်ဖို့ ထပ်မံစီစဉ်ပေးကြသည်။ ထိုခရီးစဉ်များ၏ အကျိုးဆက်အဖြစ် ကာရစ်ဘီယံ ပင်လယ်အထဲမှ အဓိက ကျွန်းကြီးတိုင်းပေါ်တွင် အခြေချခဲ့သည်။ အမေရိကတိုက်အလယ်ပိုင်းမှ နေရာဒေသ အတော်များများနှင့် တောင်အမေရိကကို တွေ့သည်။ သူက လက်အောက်ခံ နယ်မြေပေါင်းများစွာ ထူထောင်ခဲ့သည်။ မြောက်မြားစွာသော ရွှေတွေနှင့် အင်ဒီးယန်းကျွန်များသည် စပိန်သို့ ရောက်လာသည်။

တွေ့ရှိထားသည့် ကမ္ဘာသစ်ကို ဘာကြောင့် အမေရိက ခေါ်တွင်သလဲ

သူ၏ ခရီးစဉ်များအကြောင်း ရေးသားဖော်ပြချက်များသည် ဥရောပတစ်ခွင်တွင် ပျံ့နှံ့ ကျော်ကြားခဲ့သည်။ ဗက်စ်ပူချီသည် အမေရိကတိုက်ကို စတင်တွေ့ရှိသူ မဟုတ်။ သို့သော် သူ၏ ရေးသားချက်များ၏ အောင်မြင်ကျော်ကြားမှုကြောင့် အသစ်တွေ့ရှိထားသည့် နယ်မြေအား သူ့နာမည်ကို အစွဲပြုလျှက် “အမေရိက” ဟုခေါ်တွင်ခဲ့ကြခြင်းဖြစ်၏။

ကိုးကား

• မြေကြီးရှာသူများ


• http://en.wikipedia.org/wiki/History_of_North_America


• http://lib.lbcc.edu/handouts/vikings.html


• http://en.wikipedia.org/wiki/Vikings


• http://en.wikipedia.org/wiki/Christopher_Columbus


• http://en.wikipedia.org/wiki/Amerigo_Vespucci

ကျောက်ခေတ်

မြန်မာနိုင်ငံ အလယ်ပိုင်း ဧရာဝတီမြစ်ဝှမ်းဒေသ ဖြစ်သည့် ပြည်နှင့် သရက်ခရိုင်တို့ ၌ ကျောက်လက်နက် ကရိယာ များကို အများအပြား ရှာဖွေ တွေ့ရှိရသည်။ ထို့ပြင် ရှမ်းပြည်၌လည်း ရှေးဟောင်း ကျောက်ဂူများ အတွင်း၌ ကျောက်လက်နက် ကရိယာများ၊ လူအရိုးများ၊ ကျောက်ဂူနံရံ၌ ပန်းချီကားများကို တွေ့ရှိရသည်။ (ဤ ကိစ္စကို ရှေးဟောင်း သုတေသန ဌာနမှ ဆက်လက်၍ စူးစမ်းလျက်ရှိ၏။)

လူမျိုးများ

ကျောက်ခေတ် အလွန်တွင် အတော်အတန် ယဉ်ကျေးသော ဆလုံနှင့် မလေးလူမျိုးများ မြန်မာပြည်သို့ ရောက်ရှိ ကြသည်။ ထိုလူမျိုးများမှာ မြန်မာနိုင်ငံသို့ အပြင်အပမှ ပထမဦးစွာ ရောက်လာကြသူများ ဖြစ်၏။

သမိုင်းသုသေသီတို့က လွန်ခဲ့သော နှစ်ပေါင်း ၂၀၀၀ ကျော် ၃၀၀၀ ခန့်က ထိုဆလုံနှင့် မလေးလူမျိုးများသည် မြန်မာနိုင်ငံနှင့် အင်ဒိုချိုင်းနား ကျွန်းဆွယ်တွင်းသို့ ၀င်ရောက်လာသည်ဟု ယူဆကြသည်။

ထပ်မံရောက်ရှိလာသူများ

ဆလုံ၊ မလေးတို့သည် အမဲလိုက်ခြင်း၊ ငါးဖမ်းခြင်း အပြင် တောင်ယာ လုပ်ကိုင်ပြီး ဆန်စပါး၊ ပဲ၊ ပြောင်း ကြံစသည့် သီးနှံစုံ စိုက်ပျိုးရေးများကို စိုက်ပျိုး လာကြသဖြင့် စိုက်ခင်း ပျိုးခင်းနှင့် နီးကပ်သော ဒေသများ၌ သူတို့ နေထိုင်ကြသော ရွာကလေးများ ပေါ်လာသည်။

တိဗက်-မြန်မာ

ပျူတို့သည် ဧရာဝတီမြစ်အတိုင်း စုန်ဆင်းလာပြီးလျှင် မြန်မာပြည် အလယ်ပိုင်းဒေသ ၌ နေထိုင်ကြသည်။ သက်တို့သည် ဧရာဝတီ နှင့် ချင်းတွင်းမြစ် မြောက်ပိုင်းဒေသတို့၌ အခြေစိုက်ကြပြီးနောက် ချင်းလူမျိုးများ ဖြစ်လာကြသည်။ ကရင်တို့ကမူ သံလွင်မြစ်အတိုင်း စုန်ဆင်းလာပြီးလျှင် ရှမ်းကုန်းမြေမြင့်ကို ဖြတ်ကျော်၍ ကယားပြည်နယ် တ၀ိုက်တွင် နေကြပုံရသည်။

မြန်မာနိုင်ငံသို့ တိဗက်-မြန်မာတို့ လွန်ခဲ့သော နှစ်ပေါင်း ၁၅၀၀ ခန့် (ခရစ်နှစ် ၄၆၀ ခန့်) က ရောက်လာကြသည်ဟု ယူဆကြသည်။
*(ပျူ၊ ကရင်၊ သက်သို့ မဟုတ် ပျူ၊ ကမ်းယံ၊ သက်ဟုဆိုသော အဆိုပြုချက်များ ရှိသော်လည်း ယခုအခါတွင် ရှေးဟောင်း သုသေတန ဌာနမှ ရှိရင်းတိုင်းရင်းသားများ၏ ဇာတိ၊ ဇာစ်မြစ်နှင့် ဖြစ်ရပ်အမှန်များကိုသာလျှင် အတည်ပြု၍ ဆက်လက် စူးစမ်းရှာဖွေ နေဆဲပင် ဖြစ်ပါသည်။)

မြန်မာ

ထိုလူမျိုးများသည် တသီးတခြားစီ ကိုယ်ပိုင် ယဉ်ကျေးမှု၊ ကိုယ်ပိုင်ဘာသာစကားဖြင့် နေခဲ့ကြ၏။ ထိုလူမျိုးများသည် တရုတ်ပြည်က ၀င်ရောက် တိုက်ခိုက်ခြင်းကြောင့် ခရစ်မပေါ်မီ နှစ်ရာစု ခေတ်လောက်တွင် မိမိတို့နေရင်းဒေသကို စွန့်၍ တောင်ဖက်သို့ တရွေ့ရွေ့ ဆင်းလာခဲ့ကြသည်ဟု ယူဆရသည်။

ခရစ်ခုနှစ် ၆၅၀ လောက်တွင် ရှမ်းကုန်းမြေမြင့်ကို ဖြတ်ကျော်၍ ကျောက်ဆည် ခရိုင်တွင် အခြေစိုက်ကာ နေထိုင်ကြပြီးလျှင် မြန်မာနိုင်ငံ တောင်ပိုင်း၌ ရှိနှင့်ပြီးဖြစ်သော မွန်တို့၏ ယဉ်ကျေးမှုကို ခံယူကြသည်။ ထိုလူမျိုးများနှင့် မြန်မာနိုင်ငံ၌ ရှိပြီးဖြစ်သော လူမျိုးတို့ အချင်းချင်း ရောရှက်ကာ နောင်တွင် မြန်မာလူမျိုးဟူ၍ ပေါ်ပေါက်ခဲ့သည်ဟု ယူဆရသည်။

ရှမ်းလူမျိုးများ

ခရစ်မပေါ်မီ အနှစ်၁၀၀ ခန့်တွင် ရှမ်းလူမျိုးတစုသည် ရွှေလီမြစ်ဝှမ်း၌ နေကြသည်ဟု သမိုင်း သုတေသီတို့က ဆိုသည်။ ခရစ်ခုနှစ် ၆၀၀ ခန့်တွင် နောက်ရှမ်းတသုတ် ရောက်ရှိ လာပြန်သည် ဟု ယူဆကြသည်။

အချို့သုသေတီတို့ကမူ ထိုင်းတရုတ် အနွယ်ဝင် ရှမ်းလူမျိုးစုသည် ခရစ်ခုနှစ် ၇၈တွင် တရုတ်တို့၏ စိုးမိုးခြင်းကို မခံလိုကြသဖြင့် ပုန်ကန်ကြရာမှ အရေးနိမ့်၍ ရှမ်းကုန်းမြေမြင့် မြောက်ပိုင်းသို့ ရောက်လာကြသည်ဟု ဆိုသည်။

(ထိုင်းလူမျိုးများကို အချို့သော သမိုင်းစာအုပ်များ၌ တိုင်လူမျိုးဟုလည်းခေါ်ဆိုကြသည်။ “မင်းယွန်းသစ်”)

(အထက်ပါအချက်အလက်များသည် စတုတ္ထအကြိမ်ထုတ် ကမ္ဘာ့သမိုင်းမှတ်တိုင်များ- ပထမတွဲစာအုပ်မှ ထုတ်နှုတ်ဖော်ပြခြင်း ဖြစ်ကြောင်း ၀န်ခံအပ်ပါသည်။)

ရှေးဦး အာဏာပိုင် နိုင်ငံများ

သုဝဏ္ဏဘုမ္မိ

ရှေးခေတ်တွင် သထုံမြို့သည် ပင်လယ်ဆိပ်ကမ်းမြို့ ဖြစ်ပြီးလျှင် အိန္ဒိယပြည်နှင့် ပင်လယ်ရေကြောင်းမှ ကုန်စည် ကူးသန်းရောင်းဝယ်သည်။ ထိုမြို့သည် အလွန်စည်ကားသော ဆိပ်ကမ်းမြို့ဖြစ်သည်ဟု သုတေသီတို့က ဆိုကြ၏။

သုဝဏ္ဏဘုမ္မိသည် ဗုဒ္ဓဘာသာကို အိန္ဒိယမှ ရှေးဦးစွာ ရရှိခဲ့သော ဒေသဖြစ်၏။ ရှေးမဆွကပင် ထိုမြို့၌ လက်မှု အတတ်ပညာများ ထွန်းကားခဲ့သည်။

သရေခေတ္တရာ

သရေခေတ္တရာသည်လည်း သထုံမြို့ကဲ့သို့ ပင်လယ်ဆိပ်ကမ်းမြို့ဖြစ်ခဲ့သဖြင့် ကူးသန်းရောင်းဝယ်မှုအတွက် အချက်အချာစခန်း ဖြစ်ခဲ့သည်။ သရေခေတ္တရာပြည်သည် တောင်သို့လားသော် ပြည်မြို့ထိ မြောက်သို့လားသော် ရွှေဘိုခရိုင် ဟန်လင်းကြီးမြို့အထိ ဧရာဝတီမြစ်ရိုးတလျှောက် ကျယ်ပြန့်သော ပြည်ဖြစ်သည်။

သရေခေတ္တရာခေတ်တွင် မဟာသမ္ဘ၀မှအစ မင်းဆက်ပေါင်း ၂၇ဆက် ရှိခဲ့ရာ နောက်ဆုံးမင်းဆက်မှာ ခရစ်ခုနှစ် ၉၅ ၌ ကွယ်လွန်သော သုပညာမင်း ဖြစ်သည်။

ဗိဿနိုးမြို့

သို့ရာတွင် ယခုအခါ၌ ရှေးဟောင်း သုတေသန ဌာနက ရှာဖွေတွေ့ရှိချက်အရ အုတ်ဖြင့် ဆောက်လုပ်သော ဗိဿနိုးမြို့ကြီးကို မျက်ဝါးထင်ထင်တွေ့ရပြီး၊ ထိုမြို့ကို မြေအုတ်တို့ဖြင့် စနစ်တကျ အခိုင်အခံ့ တည်ဆောက်ထားပုံ၊ ထိုမြို့တွင် တွေ့ရှိရသော မြေအိုးမြေခွက်တို့မှာ အလွန် လက်ရာ မြောက်သည်ကို တွေ့ရသည်။

ဗိဿနိုးမြို့ ယဉ်ကျေးမှုသည် အဆင့်အတန်းမြင့်သည်။ အိန္ဒိယ ရှေးဟောင်း ယဉ်ကျေးမှုနှင့် နီးစပ်ပုံရသည်။ သို့သော် ထိုမျှ ကြီးကျယ်ခမ်းနားသော ယဉ်ကျေးမှု ပျောက်ကွယ် သွားပြီးနောက် ပေါ်လာသော ယဉ်ကျေးမှုလက်ရာတို့မှာ ထိုခေတ်က လက်ရာမျိုးကို မမီပဲ ဖြစ်နေသည်မှာ မတွေးတတ်စရာ ဖြစ်နေသည်။

တကောင်းပြည်

အဘိရာဇာသည် တကောင်းပြည်ကို သိမ်းပိုက် အုပ်စိုးခဲ့သည်။ ပထမ တကောင်းမင်းဆက်တွင် အဘိရာဇာ အပါအ၀င် မင်းဆက်ပေါင်း ၃၃ ဆက်ရှိခဲ့သည်။

အိန္ဒိယပြည်၌ ဂေါတမဘုရားပွင့်စဉ် (ခရစ် မပေါ်မီ ခြောက်ရာစုခန့်) တွင် သာဝတ္ထိပြည် ပသေနဒီ ကောသလမင်း၏ သားတော် ၀ိဋဋူပ၏ ရန်ကို ကြောက်၍ ပြေးလာသော သာကီဝင်မင်း ဓဇရာဇာသည် တကောင်းသို့ ထပ်မံရောက်လာ၏။ မူလတကောင်းမင်းဆက်မှ ဘိန္နကမင်း၏ မိဖုရား နာဂဆိန်နှင့် တွေ့ပြီးလျှင် သာကီဝင် အနွယ်ချင်း စုံဖက်၍ ဒုတိယ တကောင်းဆက် တည်ထောင်ခဲ့ရာ မင်းဆက် ၁၇ ဆက်အထိ ကြာခဲ့သည်။

ဓဇရာဇာ အုပ်စိုးသော ဒုတိယ တကောင်း မင်းဆက်နှင့်အတူ မြန်မာနိုင်ငံ အထက်ပိုင်းသို့ ဗုဒ္ဓဘာသာသည် ရောက်လာခဲ့သည်။

ယဉ်ကျေးမှု

မြန်မာလက်မှုပညာ၊ အနုပညာတို့မှာ အထက်ပါ ယဉ်ကျေးမှု သုံးခုကို ပေါင်းစပ်ရာမှ ပေါ်ပေါက်လာဟန် ရှိသည်။ မြန်မာ တိုင်းရင်းသားတို့၏ စရိုက်မှာ ပြင်ပမှရသော ယဉ်ကျေးမှုကို ပြန်လည် တီထွင်၍ ကိုယ်ပိုင် ယဉ်ကျေးမှု ဖြစ်အောင် ဖန်တီးတတ်သည်ကို တွေ့ရ၏။

အိပ်ခ်ျဂျီဝဲလ်ကမူ ရှေးဘီစီ ၁၅၀၀ ခန့်ကပင် မြန်မာနိုင်ငံတွင် တောကြက်ကို အိမ်ကြက်အဖြစ် ယဉ်ကျေးအောင် မွေးမြူတတ်ကြသည်ဟု ဆို၏။ ကြက်ကို ယဉ်ကျေးအောင် မွေးမြူသော အတတ်သည် မြန်မာနိုင်ငံက စ၍ ဘီစီ ၁၀၀၀ ခန့်တွင် တရုတ်ပြည်သို့ ပြန့်သွားပြီးလျှင် ထိုမှတဆင့် ပါရှားနိုင်ငံကို ဖြတ်ကျော်ပြီးလျှင် ဆိုကရေးတီး၏ ခေတ် ဂရိပြည်သို့ ရောက်သွားသည်ဟု ဖော်ပြထားသည်။

(အထက်ပါအချက်အလက်များသည် စတုတ္ထအကြိမ်ထုတ် ကမ္ဘာ့သမိုင်းမှတ်တိုင်များ- ပထမတွဲစာအုပ်မှ ထုတ်နှုတ်ဖော်ပြခြင်း ဖြစ်ကြောင်း ၀န်ခံအပ်ပါသည်။)

စီတန်းပြီး ဘုရားကျောင်းထဲ အလှည့်ကျဝင်ဖို့ စောင့်နေကြသူတွေ

ဒီလို တီးမှုတ်ကခုန်ကြသေးတယ်

လျှာမှာလဲ အပ်ထိုးထားသေးရဲ့ (အီး ကြက်သီးထလိုက်တာနော်)

ကိုယ်မှာလဲ အပ်တွေနဲ့ဗျာ