My TLMS

အဘိုးကြီး ဟိုမိုစမ်

ဟိုမိုစမ်သည် ၀မ်းရေးသက်သက်မှ တစ်ပါး အခြားမည်သည့် အရေးကိုမျှ ဂရုမစိုက်။ ဟိုမိုစမ်သည် မည်သည့်အခါမျှ ငတ်မွတ်သည်ဟူ၍ မရှိ။ လူအများသည် အရာရာကို ဦးခေါင်းဖြင့် စဉ်းစားဆင်ခြင် ဆုံးဖြတ်လေ့မရှိဘဲ ၀မ်းခေါင်းဖြင့်သာလျှင် စဉ်းစားဆင်ခြင် ဆုံးဖြတ်လေ့ရှိကြကုန်၏။ ထို့ကြောင့်ပင် ဟိုမိုစမ်ကို လူအများက ချစ်ခင်ကြသည်။ လူ့အဖိုးတန်တစ်ယောက်ဟု သဘောထားကြလေသည်။

တောင်ကြီးသည် ၀ီရိယ ဟူသော အမည်နှင့် လိုက်ပါပေ၏။ ကြီးစွာသော လုံ့လဥဿဟဖြင့် သာလျှင် ထိုတောင်ကို တက်နိုင်၏။

ဟိုမိုစမ်နှင့် သူ့အပေါင်းအဖော်တို့သည် စာရေးသောက်ရေးအတွက်ဆိုလျှင် မည်သို့သော အလုပ်ကိုမဆို လက်မရွံ့လက်မတွန့်သူများ ဖြစ်သော်ငြားလည်း တောင်တက်ခြင်းအလုပ်ကိုမူ အားအင်ဖြုန်းတီးမှုဟု ထင်မှတ်ကြသည်။ တောင်ထိပ်ပေါ်ရှိ ရဲတိုက်ကြီးကို မရောက်ဖူး မမြင်ဖူးလျှင်လည်း ကိစ္စမရှိ၊ ရောက်ဖူးမြင်ဖူး၍လည်း ဘာမျှ အကြောင်းမထူး။ ရဲတိုက်ကြီးသည် တိုက်အိုတိုက်ပျက်ကြီး တစ်ခုတည်းသာတည်း။ သူတို့လည်း တိုက်အိုတိုက်ပျက်ကြီး များကိုမြင်ဖူးခဲ့ပေါင်း များလှပြီ။ တိုက်အို တိုက်ပျက်များဟူသည် ဘရမ်ဒီမသောက်နိုင်၍ အားအားနေ ဖဲကစားနေကြရသည့် အမယ်အိုကြီးများအဖို့သာ ဖြစ်သည်။

“ငါထမင်းအ၀စားနေရတဲ့အခါ ငါဘာလုပ်နေလို့ ငါဘာဖြစ်မလဲဆိုတာ ငါသိနေတယ်ကွ။ တောင်တက်တဲ့အလုပ်ဆိုတာ ကတော့ ဘာလို့လုပ်ဘာဖြစ်မယ်မှန်းမသိရတဲ့ အလုပ်မျိုးပါကွယ်” ဟူသော စကားများမှာ ထိုဖုန်းတောင်းယာစား လောကတွင် လူသိအများဆုံး လက်သုံးစကားများဖြစ်၏။

တစ်ညတစ်၌ ဟိုမိုစမ်သည် ကြောက်မက်ဖွယ်ကောင်းသော အိပ်မက်ကို မြင်မက်လေ၏။ သူတို့ သူတောင်းစား အုပ်စု၏ ခေါင်းဆောင်ရှေ့တွင် တရားစစ်ဆေးခံနေရသည်ဟု မက်ခြင်းဖြစ်၏။ အိပ်ရာမှ တုန်တုန်ယင်ယင်ဖြင့် လန့်နိုး၏။ သူလည်ကုပ်ပေါ်သို့ အချိန်မရွေး ပုဆိန်ဖျားကြီး ရောက်တော့မည်ဟု လည်းကောင်း၊ လူထုလူတောထဲ နေသူများသည် လူတို့ကို စီရင်ဆုံးဖြတ်သည့် တရားဥပဒေ လက်အောက်တွင် နေရပြီး ထိုတရားဥပဒေ၏ ယဇ်ကောင်များသာ ဖြစ်၍ လူတောထဲမှ ထွက်ခွာ၍ လူထုအထက်သို့ လှမ်းကျော်တက်နိုင် သူများသာလျှင် လူအဖြစ် ဆက်လက်နေနိုင်မည်ဟု လည်းကောင်း မြင်မက်ခဲ့သည့် နမိတ်များကို ဖတ်လျှက် အထိတ်တလန့်ဖြစ်နေရှာသည်။

“ တက်ကွ တက်ကွ” ဟို သူကိုယ်သူ ပြောနေမိ၏။ လူအုပ်အထက် ကျော်တက်ရန်လမ်းမှာ တစ်လမ်းထဲရှိ၏။ လူထုလည်း ထိုလမ်းကို မနှစ်မြို့ကြ။ ထိုလမ်းသည်ကား ၀ီရိယဟူသော တောင်ပေါ်သို့ တက်သောလမ်းပေတည်း။

“ခင်ဗျားကြီး ၀ီရိယထုတ်ရမယ်ဆိုရင် ဒီမှာပဲနေပြီး ထုတ်စမ်းပါ၊ ရိုးရိုးသားသားထမင်း ရှာစားပါ၊ ဒီမှာဆိုရင် ခင်ဗျားကို ခင်ဗျား ဘယ်ရောက်နေမှန်းသိနေတာဗျ၊ ဒီမှာ စားစရာသောက်စရာလဲ ရှိနေတာပဲ မဟုတ်လား၊ အစားအသောက်ထက် ဘယ်ဟာကများ ပိုပြီး အရေးကြီးသေးလဲ” ဟု ဟိုမိုစမ်၏ သားက အဘိုးကြီးအား အပြစ်ဆိုလေသည်။

“ဟ မင်းတို့ငါတို့ဟာ စားဖို့သောက်ဖို့အတွက်သာ လူလာဖြစ်နေကြရတာလားကွယ့်” ဟု ဟိုမိုစမ်က စဉ်းစဉ်းစားစား မေးလိုက်သည်ကို သူ့သားက ပြောင်ရယ်ရယ်လေ၏။

“တွေးတွေး၊ ဆက်ပြီးတွေးနေပေါ့ဗျာ၊ ခင်ဗျားကြီးဟာ ကြီးကြီးကျယ်ကျယ် အလုပ်အကိုင်ကြီးတွေကို လုပ်နိုင်မယ့် လူကြီးတစ်ယောက်ကိုဗျ၊ ခင်ဗျားဟို.. ဗိုက်ပူကြီး ဦးပေါ်စက် ကို သွားသတ်ပြီး သူ့ပိုက်ဆံတွေကို ဒီယူခဲ့ပါလား၊ အဲဒီလိုလုပ်တာကမှ အကျိုးရှိအုံးမယ်၊ ကျုပ်တို့လူဘ၀ ဘာဖြစ်လို့ ဘယ့်အတွက် ရလာကြလဲ ဆိုတာကို တွေးကြံဖို့ လိုတယ်ဆိုတဲ့ စကားကတော့ လွန်လွန်းသဗျာ၊ ခင်ဗျားပဲ ဆက်တွေးနေစမ်းပါ၊ ဆက်ကြံနေစမ်းပါ” ဟု
သူ့သားအား နှုတ်လှန်ထိုးလေသည်။ ဟိုမိုစမ်၏သားသည် ထိုသို့ပြောရင်း ယားယံသည့်နေရာကို ကုတ်လျှက် သရော်ပြုံးပြုံးကာ ခေါင်းတခါခါလုပ်နေ၏။ ထို့နောက် ထမင်းစာလာသဖြင့် အဘိုးကြီးထံမှ ခွာလေသည်။

တောင်ပေါ်မှ အောက်သို့ငုံ့ကြည့်သူများ၏ မျက်စိများသည် ပွင့်လင်းကုန်၏။ ထို့ကြောင့်ပင် ထိုသူတို့သည် ကျိန်စာသင့်သူများနှင့် တူ၏။

ဤစကားများသည် ရှေးရှေးအချိန်တုန်းက လူတိုင်းလိုလို သိရှိကြသည့် စကားများဖြစ်သည်။ ယခုမူ မည်သူမျှ ဤစကားများကို နားမလည်တော့ချေ။ အချည်းနှီးစကားများသာ ဖြစ်နေ၏။ ၀ီရိယ တောင်ကြီးကို တက်ရန် သန္နိဋ္ဌာန် ချပြီးသော ဟိုမိုစမ်သည်ပင် ထိုစကားစုများ၏ အဓိပ္ပါယ်ကို နားမလည်ချေ။

တောင်ပေါ်တွင်ဘာကိုများ တွေ့ရပါလိမ့်။ တခုခုတော့ ဧကန္နရှိရမှာပဲ။

ဟိုမိုစမ်သည် တွေ့ရမည့်အရာကို အမျိုးမျိုးစိတ်ကူးယဉ်ကြည့်သော်လည်း ကျေနပ်မှုမရ။ သို့သော်လည်း ဘာမျှမရှိဟု လူအများထင်သလို မူမဖြစ်နိုင်၊ တခုခုတော့ ရှိကိုရှိရမည်ဟု သူ့စိတ်ထဲ အလိုလိုကြိုတင် သိရှိနေသယောင် ဖြစ်၏။

ကျမ်းဂန်များတွင်လည်း ယခုဆို လတ္တံ့ပါအတိုင်း ပါရှိနေ၏။ ရှေးရှေးတုန်းက လူအများသည် ထိုတောင်ပေါ်သို့ တက်ဖူးကြ၏။ တောင်ပေါ်ရောက်ပြီး ပြန်လာသော ပုဂ္ဂိုလ်များကို သူတော်စင် သူတော်မွန်များဟု အများက သမုတ်ကြ၏။ ထိုပုဂ္ဂိုလ်များကို အများက ယခင်ကဲ့သို့ “မိတ်ဆွေ” ဟု မလေးမစား မခေါ်ဝံ့ကြ။ ထိုပုဂ္ဂိုလ်များသည် ဆင်းရဲဒုက္ခကင်းသူများဖြစ်၍ ကျန်အခြားလူများမူကား ဆင်းရဲဒုက္ခရှိသူချည်းဖြစ်၏။

ဟိုမိုစမ်သည် တောင်ပေါ်သို့တက်ရန်ဖြစ်နေလေပြီ။ လူထုအဆင့်မှ ခြေတစ်လှမ်းခန့်ပင်ဖြစ်ဖြစ် ကျော်လွန်သွားနိုင်ရန် စိတ်တုံးတုံးချပြီးသားဖြစ်နေ၏။

ဟိုမိုစမ်သည် တောင်သို့ချဉ်းကပ်၏။ မိုးသည် တောင်ထိပ်ကို တိမ်အိတ်စွတ်ထား၏။ အဘိုးကြီးသည် တောင်ထက်သို့ တက်လှမ်းလေပြီ။ တစ်နာရီပြီး တစ်နာရီ၊ တစ်နေ့ပြီး တစ်နေ့၊ တစ်ပတ်ပြီး တစ်ပတ်၊ တစ်နှစ်ပြီး တစ်နှစ်ချီတက်ကာနေ၏။ သို့သော်လည်း ခရီးမည်မျှတွင်လေပြီကို နောက်သို့လှည့်ကြည့်တိုင်း လှည့်ကြည့်တိုင်း ခြေတစ်လှမ်းမျှပင် ခရီးမတွင်သေးသည်ကို အထိတ်တလန့်တွေ့တွေ့နေရ၏။ ခရီးမတွင်ရုံသာမက သူ၏မူလလောက ဟောင်းနှင့် ပို၍ပို၍ နီးလာနေသည်ကိုသာ တွေ့နေရလေသည်။

အတန်ကြာလတ်သော် လောကဟောင်းသည် ပို၍ ကြည်လင်လာ၏။ အထက်သို့ရောက်လေလေ အိမ်များ၏ နံရံတံတိုင်းများ၊ လူ့နှလုံးသားများ၊ လူ့သောကများ စသည်တို့ကိုပင် ဖောက်ထွင်း၍ မြင်လေ၏။ လောကဟောင်းကို စွန့်လိုသော ဆန္ဒမှာလည်း လျော့၍လျော့၍ လာလေလေဖြစ်၏။ သို့သော်လည်း ဟိုမိုစမ်သည် မြင့်သည်ထက်မြင့်အောင် မှန်မှန်ကြီး ချီတက်နေ၏။ သူ့၌ဖြစ်ပေါ်လာမည့် အသိဉာဏ်အလင်း၏ သတ္တိအရှိန်သည် ခြေလှမ်းတိုင်းလှမ်းတိုင်း ပို၍ပို၍ တိုးလာသည်။ သူ့ကို ရည်မှန်းချက်အဆုံးဆိုသည်နှင့် နီးကပ်လာအောင် စွမ်းဆောင်သည့် အရာများကား အချိန်လည်း မဟုတ်၊ အလိုရမ္မက် ဆန္ဒရာဂလည်း မဟုတ်ဘဲ သူ့ခြေလှမ်းများသာလျှင်တည်း။ သူသည်လောကဟောင်းနှင့် ကပ်ပင်ကပ်လျှက် ရှိသော်လည်း လောကဟောင်း၏ ဒုက္ခများမှာမူ ကင်းဝေးလာ၏။ သူကဤအဖြစ်ကို သူများအားပြောပြရာ မည်သူ့မျှနားမလည်ကြ။