လိမ်ဖယ်လိမ်ဖယ် မြန်မာ
ထိုင်းနဲ့ကန်တဲ့ ပွဲနေ့က တောင်ကြည့်ဖြစ်သေးပါသေးတယ်။ အဲဒိနေ့က ထိုင်းကလဲ ချာတူးလန်လိုက်တာ ကိုယ့်အသင်းက ညံ့လှပြီမှတ်တာ သူက ပိုဆိုးနေသေး။ ထိုင်းက သုံးဂိုး အရင်သွင်းတယ်။ တစ်ဂိုးက မြန်မာနောက်တန်းလူ လက်ဆောင်ပေးတာလေ။ အံ့ရော။ ဒုတိယပိုင်းပြီးခါနီးတော့မှ အသဲအသန် ပြန်ကောင်းပြနေတာ။ မြန်မာနှစ်ဂိုးထပ်ရတယ်။ ဒါတောင် တစ်ဂိုးက ထိုင်းကလဲ အားနာပါးနာ ပြန်လက်ဆောင်ပေးတယ်လေ။ ပွဲပြီးတော့ ထိုင်းက မြန်မာကို သုံးဂိုး နှစ်ဂိုးနဲ့နိုင်တယ်။ အဲဒိနေ့က တဖက်မှာလဲ မြန်မာအသင်းအုပ်စုက အင်ဒိုက ကမ္ဘောဒီးယားကို နိုင်တယ်။ အဲဒိမှာ ထိုင်းသုံးမှတ် အင်ဒိုသုံးမှတ်ရနေပြီ။ မြန်မာက ဘဲဥမကွဲသေး။ ဟူးအခြေအနေမကောင်းဘူးလို့ တွေးမိတယ်။
နောက်နေ့မကြည့်ဖြစ်တော့ပေမယ့် ရလဒ်လေးတော့ နားစွင့်ကြည့်တော့ အင်ဒိုနဲ့ မြန်မာသရေတဲ့။ တဖက် က ထိုင်းက နိုင်တယ်။ အဲဒိတော့ ထိုင်းက ခြောက်မှတ်၊ အင်ဒိုက ၄မှတ်။ မြန်မာက ၁မှတ်ကြီးများတောင် ရနေပြီ။ ဟူး… သေချာပါတယ် ဒီတခါလဲ အောင်ဖျာလိပ်ပဲ ထင်တာပဲ။ အုပ်စုနောက်ဆုံးပွဲစဉ် အဖြစ် မြန်မာက ကမ္ဘောဒီးယားကို နိုင်တယ်။ တပြိုင်တည်းမှာပဲ ထိုင်းကလဲ အင်ဒိုကို နိုင်လိုက်ပြန်တော့။ အင်း အူတိအူကြောင်နဲ့ မြန်မာအသင်း အုပ်စုက ကျွတ်သွားပြန်ပြီ။ အဲတဖက်အသင်းက တက်လာတဲ့ အုပ်စုပထမကိုကြည့်လိုက်တော့ အားပါး ဗီယက်နမ်ဆိုပါလား။ ပြုတ်အုံးမှာပဲ ဗီယက်နမ်နဲ့ တွေ့ရင် (အဟဲ အဲလောက်ထိ ကိုယ့်အသင်းကို ယုံတာ :P ) ။ မနေ့က ဗီယက်နမ်နဲ့ ကန်တော့ ပထမပိုင်း ကြည့်လိုက်တယ်။ ဘောလုံးအပေးအယူတွေက လွဲ ဂိုးရှေ့ရောက် ပြန်တော့ ဟိုကန်ဒီကန်။ ဟိုးဟိုး တော်ပြီ ကြည့်တော့ဘူးဆိုပြီး အိမ်ပေါ်ထပ်တက်ပြီး သီချင်းနဲ့ ငြိမ့်နေလိုက်တယ်။ အဘိုးနဲ့ ညီလေးတို့ အသံကတော့ ဆူညံလို့ပေါ့။ ခဏနေတော့ ကျွန်တော် လမ်းထိပ်ခဏ ထွက်ပြီး ပြန်လာတော့ လမ်းထိပ်နားမှာ ခုနက ဘောပွဲကြည့်နေတဲ့ ကျွန်တော့်အဘိုးကို တွေ့တော့
“ဟာ ဖေကြီး ဘောပွဲ မကြည့်တော့ဘူးလား” လို့ လှမ်းမေးလိုက်တော့
ကွမ်းဗူးလေးကိုင်ပြီး တုတ်ကွတုတ်ကွ လျှောက်လာနေတဲ့ ကျွန်တော့်အဘိုးက
“တော်စမ်းပါကွာ အေဘေးတွေ အားပေးရတာ မတန်ဘူး။ ဘာသောက်သုံးမှ ကျတဲ့ကောင်တွေ မဟုတ်ဘူး ဒုတိယပိုင်းမှာ တယောက်ချင်းကန်တဲ့ ပင်နယ်တီတောင် မ၀င်ဘူး။”
ဆိုပြီး ဒေါနဲ့ မောနဲ့ပြောပြီး ကွမ်းယာဆိုင်ကို လိမ့်သွားလေရဲ့။ အဲလေ :P လမ်းလျှောက်သွားလေရဲ့။
ဒါနဲ့ ကျွန်တော်လဲ အပေါ်ထပ်ပြန်တက်ပြီး သီချင်းပြန်နားထောင်နေလိုက်တယ်။ အချိန်ပိုဆက်ကန်တယ်ထင်ပါရဲ့။ မြန်မာပဲ ခံစစ်ကောင်းနေလား။ ဗီယက်နမ်တိုက်စစ်မှူးတွေပဲ ယနေ့သည် ဂိုးမသွင်းရနေ့ အဖြစ်သတ်မှတ်သည်။ ဟု သန္ဒိဋ္ဌာန်ချထားလား မသိဘူး။ အချိန်ပိုတောင် မသွင်းနိုင်ကြသေးဘူးလေ။ အံ့ရော။
ဒါနဲ့ပဲ ပင်နယ်တီကန်နေပြီ ကိုကြီးရေလို့ အငယ်ကောင်က လှမ်းခေါ်တော့ ကျွန်တော်လဲ မနေနိုင်တော့ပဲ အောက်ထပ်ဆင်းပြီး ကြည့်မိတော့တာပါပဲ။ အရင်ဆုံးမြန်မာက စကန်ရတယ်လေ။ ပထမအလုံးကို မြန်မာကသွင်းနိုင်တယ်ဗျာ။ ဂိုးးးးး အဲလေ အားမပေးဘူး အားမပေးဘူးနဲ့ မနေနိုင်ဘူး ကျွန်တော်ကတော့ ဟိဟိ။ ဗီယက်နမ်လဲ ၀င်တယ်ဗျာ။ အဲဒုတိယမြောက်အလုံးမှာ မျိုးမင်းထွန်းကန်တာ မ၀င်ဘူး။ ဟူးးး ရင်မောရပြီ ချိတ်ညစ်တယ် (မမဘာညာစကား ခဏငှားသုံးပါသည်။ ဟိ) ဒါကြောင့် ကျောတာ ကြည့်ချင်ပါဘူးချို ကြည့်မိပြန်ပြီ။ အဲဗျ တတိယအလုံး ကန်တော့ ဗီယက်နမ်က မ၀င်ပြန်ဘူး။ တိန်..နဲနဲ စိတ်ဝင်စားဖို့ကောင်းလာပြီ။ အဲဗျ နောက်တလုံးလဲ ဗီယက်နမ်မ၀င်ပြန်ဘူး။ ဝေးးးးးးးး မြန်မာနိုင်ပြီ။ မြန်မာနိုင်ပြီ။ ဟေး ဗိုလ်လုပွဲတက်ပြီကွ။ ဟူး ပွဲစဉ်တလျှောက်လုံး လိမ်ဖယ်လိမ်ဖယ်နဲ့ တက်လာတဲ့ မြန်မာ ခုတော့ လိမ်ဖယ်လိမ်ဖယ်နဲ့ ဗိုလ်လုပွဲတက်သွားပြန်ပြီ။ ဝေး ပျော်လိုက်တာ။ ဘာဖြစ်လာအုံးမလဲ မသိဘူး။ အီး အမှတ်မရှိတဲ့ ကျွန်တော် မနေနိုင်ဘူးဗျာ။ ခုလဲ ဗိုလ်လုပွဲကို ကြည့်ဖို့ ဒီနေ့ထဲက ယားကျိကျိဖြစ်နေပြန်ပြီလေ။ ဟီး :P
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "လိမ်ဖယ်လိမ်ဖယ် မြန်မာ"
Post a Comment