ဟိုမိုစမ်သည် ဤသို့လည်း ဖိတ်ခေါ်သေး၏။ တောင်ပေါ်သို့ ငါ့နောက်ကိုလိုက်ခဲ့ကြကုန်လော့။ ပိုကောင်းသော ငြိမ်းချမ်းရေးကို တွေ့ရလိမ့်မည်။ ဖန်အကြည်ကို တိုးလျှိုပေါက်မြင်နိုင်သကဲ့သို့ သင်တို့၏ သောကများကိုလည်း သင်တို့ ကိုယ်တိုင် မြင်ကြရလိမ့်မည်။ သင်တို့၏ လောကသည်လည်း ပို၍ကြီးမားကျယ်ပြန့်လာခြင်း၊ ပို၍လှပ တင့်တယ်လာခြင်း၊ ပို၍သန့်ရှင်းစင်ကြယ်လာခြင်း ရှိလိမ့်မည်။
သို့သော်ကြားရသူများက သူအားလှောင်ပြောင်၍ ရယ်မောကြ၏။ ရယ်သံတို့မှာ မျောက်များ၏ တခစ်ခစ်ဟစ်သံနှင့် တူဘိ၏။ မရယ်သူအချို့အနည်းငယ်က “သင့်စကားများကို ရှင်းပြအုံးလော့၊ သင်ဘာကို ဆိုလိုသည်ကို ပြောဦးလော့” ဟုဆိုကြ၏။
“လိုက်သာလိုက်ခဲ့စမ်းပါ၊ လာပြီးကိုယ်တိုင်သာ လိုက်ကြည့်လှည့်ပါ” ဟုဟိုမိုစမ်က မောကြီးပန်းကြီး ပြောရှာ၏။
“ဘာဗျ၊ ဒီကကြည့်လို့ မမြင်ရတာတွေကို ကျုပ်တို့ကို ပြချင်တာလား၊ ကျုပ်တို့တတွေ မြင်တာထက် ခင်ဗျားက ပိုပြီးမြင်တယ်လို့ဆိုရင် ကျုပ်တို့လိုက်မှာပေါ့၊ ကျုပ်တို့ဟာ ကျုပ်တို့ရဲ့ရန်သူတွေကို နှိမ်နှင်းဖို့ အကြားအမြင် တန်းခိုးဣဒ္ဓိတွေကို အလိုရှိနေတာနဲ့ အံကိုက်ပဲ၊ ဒါပေမယ့် အခုတော့ ခင်ဗျားကိုယ်တိုင်က ခင်ဗျားဟာ ကျုပ်တို့လောက်ပဲ မြင်နိုင်တယ်လို့ ပြောနေတော့ရင် ဘာဖြစ်လို့ တောင်ပေါ်ကို ကျုပ်တို့က အပင်ပန်းခံ တက်ရအုံးမှာလဲဗျ” ဟု သူ့ကို ပြန်ပြောကြ၏။
ဟိုမိုစမ်သည် ပိုမြင့်အောင် တက်လေလေ ပို၍တစ်ယောက်တည်း အထီးကျန်စိတ်မျိုးဖြစ်လာလေလေ။ သို့သော် အထီးကျန်စိတ်မျိုးပေါ်လေလေ၊ ပိုပြီးပျော်လေလေဖြစ်၏။ ဤသို့သော ဆိတ်ငြိမ်ခြင်း၊ ချမ်းသာခြင်းမျိုးကား စင်စစ်အားဖြင့် အထီးကျန်အဖြစ်မျိုးမဟုတ်။ အတွင်း အဇ္ဈတ္တ၌ ဖြစ်ပေါ်လာသော ၀ိဝေက ချမ်းသာမှုကြီး ဖြစ်၏။
“တစ်ယောက်တည်း ပျင်းရိစရာမဟုတ်ဘူးဟေ့..! မင်းတို့ကိုယ်မင်းတို့ ကျေနပ်နေရင် ပျင်းစရာမဟုတ်ဘူးကွ” ဟုအောက်ဘက်သို့ အော်ပြော၏။ ကြားရသူ အပေါင်းလည်း တစ်ဖန်ထပ်၍ ရယ်မောကြပြန်၏။
“သြော် ဒီအဘိုးကြီးတော့ စိတ်နောက်သွားရှာပြီ”
အဘိုးကြီးက အော်ခေါ်လေ သူတို့က အဝေးသို့ ပြေးကြလေလေ။ အဘိုးကြီး၏ မိတ်ဆွေများ ဖြစ်နေကြသည်ကိုပင် ရှက်စနိုးဖြစ်လာကြ၏။
ဟိုမိုစမ်သည် သူ့အား သူ့မိတ်ဆွေတို့က ဤသို့ ပြုမူကြသည်ကိုပင် စိတ်နာခြင်းမရှိ။ အဘယ့်ကြောင့်ဆိုသော် အဘိုးကြီးသည် သူတို့၏ နှလုံးဓာတ်အိမ်များကို ထိုးဖောက်မြင်လာနိုင်သည့် အခြေသို့ ရောက်နေသောကြောင့်တည်း။ အဘယ်သူ၏ နှလုံးဓာတ်အိမ်သည် ရွှေဖြင့်ပြီးသည်၊ အဘယ်သူ၏ နှလုံးဓာတ်အိမ်သည် ငွေဖြင့်ပြီးသည် အဘယ်သူ၏ နှလုံးဓာတ်အိမ်သည် ကျောက်စရစ်ခဲဖြင့် ပြီးသည်ကို သူသိ၏။
သူ၏မျက်စိများကို သေသေချာချာ စိုက်ကြည့်လိုက်လျှင် စာအုပ်များကို လှန်လှောကြည့်ရဘိသကဲ့သို့ ရှင်းလင်းနေ၏။ ဟိုမိုစမ်၌ သူကိုယ်တိုင် အံ့သြနေရသည့် အချက်တစ်ချက်သာရှိ၏။ ထိုအချက်မှာ ယခု ကြည့်မြင်နေရသည့် အရာအရာတိုင်းသည် လွယ်လွယ်နှင့် ရှင်းရှင်း အစင်းသာချည်းဖြစ်နေ၏။ ရှေးယခင်ကမူ ဤသို့ ဘယ်တုန်းအခါကမှ မမြင်ခဲ့စဖူး။ “သြော် တယ်လဲ အံ့သြစရာကောင်းပါကလား၊ ကြည့်လေတိုင်း တယ်ကလဲ ပြတ်ပြတ်သားသား ရှင်းရှင်းလင်းလင်း ရှိလှချည်လား၊ ကလေးကစားသလောက်ပဲ၊ တယ်လွယ်တဲ့ ကိစ္စပါလား” ဟု အဘိုးကြီးသည် ထင်မိ၏။
နှစ်များလည်း တစ်နှစ်ပြီး တစ်နှစ် ကုန်ဖန်များလှပြီ။ ဟိုမိုစမ်သည် ယခုအခါ သိပ်ပြီး အားစိုက်စရာမလိုတော့။ သူ၏ ကိုယ်တွင်းဖြစ် အင်အားများဖြင့်သာ အရှိန်ရနေလျက်သား ဖြစ်နေသည်။ တောင်ထိပ်ပေါ်သို့ရောက်ရန် သူ၏တစ်ချိန်က လွယ်လွန်းလှသည့် အာသာပြင်းပြ ဇောအကြွကိုသော်ပင် သူယခုမေ့နေလေပြီ။
ဟိုမိုစမ်သည် ယခုဆိုလျှင် အတိုင်းထက်အလွန် စိတ်ချမ်းသာနေ၏။ ငြိမ်းချမ်းနေ၏။ သို့တစေလည်း သူ၏ ယခုလောကအမြင်မှာ တခြားသူများကဲ့သို့ပင် ဖြစ်နေ၏။ တခြားသူများသည် သူ့ကို ရှက်ကိုးရှက်ကန်းဖြင့် ကြည့်၍ ကြောက်လန့်သော ကလေးသူငယ်များပမာ အိမ်ပြန်ချင်ကြကြောင်း လက်များကို မြှောက်ချီပြကြကုန်၏။
တောင်ပေါ်လမ်း၌ အဆုံးဟူသည် မရှိကြောင်းကို တစ်နေ့သောအခါ သူတွေ့ရှိလာ၏။ သို့သော် သူသည် ဤအကြောင်းကို မည်သူအားမျှ မပြောဘဲနှုတ်ပိတ်နေ၏။ အဆုံးဆိုသည်ကိုသာ မျှော်မျှော်စောစော ဖြစ်နေသူတို့အား “မင်းတို့ မျက်စိများဖြင့် မြင်နိုင်တဲ့ အဆုံးဆိုတာဟာ မရှိဘူးဟေ့” ဟု သူက အဘယ်သို့လျှင် ပြော၍ ဖြစ်ပါမည်နည်း။
သူ့အား “သစ္စာရဲတိုက်ကြီးသို့ သင်ရောက်လေပြီလား” ဟု မေးကြပြန်၏။
သစ္စာရဲတိုက်ကြီး၊ သူပြန်သတိရပြီ။ သြော်..သူတို့ စိတ်စောနေတဲ့ အဆုံးဆိုတာဟာ ဒါကိုး။ ထို့နောက် ဟိုမိုစမ်သည် ရုတ်တရက်ပင် တောင်ကြီးမှာတောင် မဟုတ်တော့ကြောင်း၊ ခံညားသော ခန်းမကြီးတစ်ခုထဲ၌ ကော်ဇောပမာ ခင်းထားသော ပန်းပြင်ကြီးသာ ဖြစ်နေကြောင်းကို မြင်ရ၏။
ဒါဖြင့်ရင် တောင်က ဘယ်မှာလဲ၊ ဘယ်ရောက်သွားသလဲ ဟု တအံ့တသြ သူ့ကိုယ်သူ မေးမိ၏။ ထိုအခါ တောင်ဟူသည် သူ့ခန္ဓာ၊ သူ့ရမ္မက်၊ သူ့အလို၊ သူ့ဒုက္ခဆင်းရဲတွေပါကလားဟု သူမြင်ပြန်၏။သူကိုယ်တိုင်ရော၊ အခြား သူ့အပေါင်းအဖော်များပါ အမြဲပင် သစ္စာရဲတိုက်ကြီး အတွင်း၌သာ တစ်သက်လုံး နေလာကြပါကလား ဟုလည်း မြင်ပြန်၏။
နေ့စဉ်နေ့တိုင်း ငါတို့အားလုံးဟာ ငါတို့ရဲ့ ဒုက္ခိတဘ၀ တစ်လျှောက်လုံးမှာ ကျောက်သဲပုံတွေကို တောင်တွေဖြစ်အောင် လုပ်လုပ်ပြီး သစ္စာရဲတိုက်ကြီးသို့ ဖုံးကာဖုံးကာ မျက်ကွယ်ပြုနေတာကိုးဟု သူမြင်ပြန်၏။
ထို့ကြောင့် ဟိုမိုစမ်သည် “တောင်ထိပ်ကို ရောက်ဖို့ တို့တောင်တက်နေတာ မဟုတ်ဘူး၊ တို့ကိုယ်တို့ အမြင့်ကို ရောက်အောင်သာ တို့လုပ်နေရမှာ၊ ဘယ်အဆုံးဆိုတာကိုမှ မရည်စူးဘဲ ပိုကြီးမားတဲ့ ငြိမ်းချမ်းမှုကိုသာ ရည်းစူးပြီး တို့ရဲ့ အလိုရမ္မက် ဆန္ဒရာဂတွေကို နည်းနည်းသွားအောင် တို့လုပ်ကြရမှာ”
ဟိုမိုစမ်သည် ဘ၀တစ်လျှောက်လုံး၌ မျက်စိများကောင်းလျက်နှင့် အကန်းတစ်ယောက်မျှသာ ဖြစ်ခဲ့ကြောင်းကို ယခုမှ သိလေသည်။ သူ့၌ နောက်ထပ်မေးစရာ မြန်းစရာ စုံစမ်းစရာဟူ၍ မရှိတော့။ သံသယဟူ၍ မြူမျှမရှိတော့။
သူသည် လူကြားထဲ လူတောထဲ၌ပင် နေငြားသော်လည်း လူတော လူအုပ်ကြီးကို ဖန်အကြည်ပမာ မြင်နေရ၏။ လူတွေက ဘာတွေကို ကြောက်လန့်နေကြ၍ ဘာတွေကို ရှိခိုးနေကြသည်ကို သူမြင်ရ၏။
သူတို့၏ နှလုံးဓာတ်အိမ်များသည် မည်ကဲ့သို့ လှုပ်ခုန်နေကြသည်၊ သူတို့၏ ဦးနှောက်များသည် မည်ကဲ့သို့ အလုပ်လုပ်နေကြသည်၊ သူတို့၏ ပါးစပ်များက ကြယ်တွေအကြောင်း အသံထွက်လျက် သူတို့ မျက်စိများကမူ မည်ကဲ့သို့ မြေသို့ စိုက်လျက် ရှိနေကြသည်၊ ဘာတွေများ ရှေ့ဝယ် မည်ကဲ့သို့ဒူးထောက်ဝပ်တွားနေကြသည်၊ သစ္စာရဲတိုက်ကြီးမှ အလင်းရောင်တစ်ချက်တလေပြက်ပြီး သူတို့၏ တွေဝေနေမှုကို ဖောက်ထွင်းလိုက်သည်နှင့် တစ်ပြိုင်နက် သူတို့မည်ကဲ့သို့ ကသောကမြော ကစဥ့်ကရဲ ပြေးကုန်ကြသည်၊ ဤသည်အားလုံးကို ဟိုမိုစမ်သည် မြင်နေရလေသည်။
သူတို့သည် ဝေးလံလှသည့် အဆုံးဆိုသည်များကို လိုချင်တတ်၍ တောင်ထိပ်သို့ မျက်ရည်စက်လက်ဖြင့် အမျှော်ကြီးမျှော်ရုံသာမျှော်နေကြ၏။ မျက်စိများလည်း ညောင်းလှလေပြီ။
ဟိုမိုစမ်က “တက်ကြ..စတက်ကြ” ဟုဆိုလေသော် “ဘာဖြစ်လို့ တက်ရမှာလဲဗျ၊ ကျုပ်တို့က မျှော်ကြည့်နေရတာကိုပဲ ကြိုက်နေကြတာ၊ ကျေနပ်နေကြတာ၊ တောင်ထိပ်ကို တစ်နေ့ကျရောက်မှာ ပေါ့ဗျာ” ဟု သူတို့က ပြန်ပြောကြ၏။
“ဟ တောင်ထိပ်ဆိုတာ မင်းတို့ အတွင်းမှာရှိတာ၊ မင်းတို့ဘေးပတ်လည်မှာ ရှိတာကွ” ဟု ဟိုမိုစမ်က ဆိုပြန်သော်၊ သူတို့က သူတို့ရဲ့ မူလ ယုံကြည်ချက်ကို တစ်ပြားသားမျှမလျှော့ဘဲ “ဘယ်ဟုတ်နိုင်ပါ့မလဲ? မိုးကောင်းကင်လို မြင့်တာဗျ၊ ခင်ဗျားကိုယ်တိုင်လဲ တက်ပြီးပြီ မဟုတ်လား။ ခင်ဗျားကိုယ်တိုင်လဲ တက်ခဲ့သေး၊ သစ္စာရဲတိုက်ကြီးဟာ ကျုပ်တို့ထဲမှာပဲ ရှိတယ်လို့ အခုပြောနေပြန်တယ်၊ တယ်လဲခက်ပါလား” ဟုဆိုကြပြန်၏။
ဟိုမိုစမ်သည် သက်ပြင်းချ၏။ သူ့စကားများသည် သူတို့ အဖို့ အချည်းအနှီး ဖြစ်နေကြောင်းကို သိရှိနေသောကြောင့်တည်း။
“သစ္စာကို တွေ့အောင် အထက်အမြင့်ကို မျှော်ရတာ မဟုတ်ဘူး၊ အောက်အနိမ့်ဘက်ကို မြင်အောင် ပြန်ကြည့်ရတာ သစ္စာဆိုတာဟာ တို့ကိုယ်တိုင် ကိုယ်စီကိုယ်ငှ ကိုယ်လွတ်ရုန်း ထွက်ချင်တဲ့စိတ်မျိုးဖြစ်လာရင် အဲဒိစိတ်မျိုးဖြစ်တဲ့ နေရာမှာ သစ္စာဆိုတာ တည်ရှိတာကွ၊ တို့ရဲ့ ဒုက္ခဆိုတဲ့ ဆင်းရဲခြင်း တောင်၊ တို့ရဲ့မောဟ ဆိုတဲ့ မိုက်မဲခြင်း တောင်ကိုသာ ကျော်လွန်အောင် တက်ရမှာ၊ စိတ်အမှောင် တစ်စတစ်စ ပါးသွားပြီး စိတ်ရောင် တစ်စတစ်စပွားလာအောင် သာတို့လုပ်ရမှာကွ၊ ဒီလိုသာ တို့ လုပ်နိုင်ရင် အားသာငမ်းငမ်းနဲ့ ခုလိုတို့မြင်တဲ့ အရာရာတိုင်းဟာ တို့ရှေ့မှာ အထင်းသား ပေါလောပေါ်လာမှာကွ” ဟူသော စကားများသည် ဟိုမိုစမ်၏ အဆုံးအမတည်း။
သို့သော် ဤစကားများကို မည်သူကမျှ မယုံကြည်ချေ။
“တောင်ပေါ်မှ အောက်သို့ငုံ့ကြည့်သူများ၏ မျက်စိများသည် ပွင့်လင်းကုန်၏။ ထိုကြောင့်ပင်လျှင် ထိုသူတို့သည် ကျိန်စာသင့်သူများနှင့် တူ၏” ဟူသော ရှေးဟောင်းစကားများကို ဟိုမိုစမ်သည် ယခုမှ ဘ၀င်ကျအောင် နားလည်ပေတော့သတည်း။
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။