Posted in
Labels:
Fun,
Satire
|
Monday, September 28, 2009
ညက ပါးစပ်ဖြဲ၍ ခြင်းလုံးခတ်နေလေသည်။ ကွေးကားနေသော လ၏ အင်္ကျီကော်လံသည် အိပ်မှုန်စုံမွှား နာရီ၏ မျက်လုံး တစုံကဲ့သလို့ မီးလျှံခိုးများကို ဖျော်သောက်နေ၏။ လမ်းမီးတိုင်များက တစ်ပိုင်းတစ်စ ဖာထေးထားသော ချုပ်ရိုးကြောင်း ကြီးလို ကပိုကရိုလမ်းမနှင့် မဒမ်ကျူရီ၏ မြို့ပြက ကော်ဖီခါးခါး တစ်ခွက်မှာပြီး ဆောင့်ကြောင့် ထိုင်နေသည်။ ထိုသို့ ဆောင့်ကြောင့် ထိုင်ကတည်းက ပင် ဘဝက အောက်စလွတ် ခဲ့ရခြင်း ဖြစ်လေသည်။ ဤသို့ ဒုက္ခဆူးခက်များ မိုးပျံပူဖောင်းကဲ့သို့ တထောင်လွှားလွှားရှိခဲ့ရသော အချိန်ကာလများကား အိပ်ဆေးပုလင်း သောက်ချင်လှပေတော့၏။ ဟစ်တလာ၏ အိပ်မပျော်သောညများ အတွက် ဂျနီဖာလိုပက်ဇ်၏ လေလည်ခြင်းကို လေလံတင်မည်ဟု မကြားခဲ့ရပါ။ သိန်းခိုမြို့ကြီး ပျောက်ဆုံး ပျက်ဆီးသွားခိုက် လီနင်၏ လှေတစ်စင်းက သိမ်းမြစ်ထဲ ပေါလော မျောပါ... အဲ့ဒိညက မိုနာလီဇာဟာ ရော့ခ်အင်ရိုးလ် တေးသွားနဲ့ ကနေ၏။ ထို့ကြောင့်ပင် နစ်ဆင်၏ ပြင်းစပ်ခါးသွေ့သော ခေါင်ရည်တစ်ခွက်သည် “အပျိုမ” ဆန်စွာ ရယ်သွေးသွမ်းနေတော့သည်။ ဒါလည်း တုပ်ကွေး တစ်မျိုးပါပဲ.. လေတိုက်တိုင်း လှုပ်ယိမ်းသော မယ်ကမ္ဘာ၏ ၂၃ ၁/၂ ဒီဂရီစောင်းနေသော မျက်လုံးရွဲရွဲကြီးများ အား အရည်ဖျော်ပစ်လိုက်ချင်သည်။ “ဂလိန်း...ဂလွမ်း” ဟု အသံမြည်ကာ ငုံ့၍ငိုလိုက်သော ပဲရစ်မျှော်စင်မှာ ကြယ်များ “ရှုး” ခနဲ ထိုးပျံခြင်းကို ခံလိုက်ရ၏။ တနင်္ဂနွေသတို့သမီးကတော့ ဂမ္ဘီရသစ်ငုတ်တို ပေါ်တွင် ထိုင်လျှက် “အရာအားလုံးကို သိမ်းပိုက် ပစ်လိုက်ပြီ”။ ထို့ကြောင့်ပင် ရှည်ရှည်မျောမျော ချစ်ခြင်းဇောဖြင့် ကသော ကမျော ကဗျာ တစ်ပုဒ်ကို ထုဆစ်လိုက်ရပေတော့သည်။
လူကူးမျဉ်းကြားက မကူးတဲ့
နေရောင်ခြည်တွေ
ဘဲဥခြင်းထဲ ကပ်ပါသွားတယ်
“ညောင်မြစ်တူးရင်း ပုတ်သင်ဥပေါ်”
အမြစ်တွေ ညှပ်တဲ့ ဆံသဆရာအတွက်တော့
အဲ့ဒိလေပြေက နောက်မြှီးပြတ်နေလေရဲ့
ခုံဖိနပ်တစ်ရံ အတွက်
အခွင့်အရေးတိုက်ပွဲတွေနဲ့
ချာချီရဲ့ နားကပ်တစ်ဖက်မှာ
ရေတွင်းပျက်ကြီးတစ်လုံး....
ငတိမကြီးရေ....
သံသရာလည်ခြင်းနဲ့
လေလည်ခြင်းဟာ ထပ်တူကျခဲ့ပေါ့..
မထိတထိ ပစ်ပြသွားတဲ့
အပျိုမလေးရဲ့ မျက်ခုံးစ အဖျားအနားမှာ
ပင်လယ်နက်ကြီး တစ်စင်းရှိလေရဲ့
ကိုယ်ကတော့
စက်ြဝဠာကို ခေါင်းအုံးလုပ်ပြီး
လေဘောလုံးကြီး ကားယား စီးသွားချင်ခဲ့တယ်။
တကယ်တော့
ကောင်ဆိုးမကြီးရေ..
အတွင်းခံ မပါတဲ့ ရာသီဥတုဟာ
အမိန့်မချမှတ်ခင်မှာ
ကင်ဆာ.. ဖြစ်သွားခဲ့တော့တယ်။
(မှတ်ချက်။ ။ လူနားမလည်သော ဦးတည်ရာမဲ့ နမိတ်ပုံဆန်းများ ဖြင့် ရေးသား ထားသော စာများကို လှောင်ပြောင်လို၍ ကျွန်တော်၊ သူရဿဝါ၊ ဇာတိ၊ ရိုးရာ တို့မှ ဤ ပေါက်ပန်းလေးဆယ် ကဗျာအက်ဆေးကို ပူးပေါင်း လိုက်ကမြင်းလိုက်ရပါကြောင်း...ဒန့်...တန့်...တန့်)
Posted in
Labels:
Fun,
News,
Today Yangon
|
Wednesday, September 02, 2009
ဆားချက်တာ မဟုတ်ပါဘူး။ ကျွန်တော်အခုတလော ကဗျာဝါသနာပါတဲ့ သူငယ်ချင်းတွေနဲ့ မကြာခဏ ဆုံဖြစ်ကြတယ်။ ပြီးတော့ ကျွန်တော်တို့ ကဗျာချစ်သူတွေချည်းပဲ ကဗျာကလပ်လေး တစ်ခု တည်ထောင် ထားပါသေးတယ်။ ဒီနေ့တော့ ကဗျာဆရာ ဇာတိအိမ်မှာ စုဝေးကြပြီး ပျော်ပျော် ပါးပါး ချက်ပြုတ်စား သောက်ဖြစ်ကြတယ်ဗျ။ ပြီးတော့ ကဗျာဆရာသူရဿဝါရဲ့ အသံဖြင့် ရွတ်ဆိုထားတဲ့ ကဗျာရွတ်သံလေးတွေကိုလဲ ငြိမ့်ငြိမ့်ကလေး နားထောင် ဖြစ်ခဲ့တယ်။ အွန်လိုင်းမှာလဲ ပြန်မျှဝေပေးပါ့မယ်။ တေးသွား နောက်ခံလေးနဲ့ ရွတ်ဆိုထားတဲ့ ကဗျာလေးတွေက မူလကတည်းက ကောင်းပြီးသား ကဗျာလေးတွေကို အချိုသကာရေ ထပ်လောင်းလိုက်သလို တော်တော်လေး နားထောင်ရတာ အိစိမ့်နေတာပါပဲ။ ဒီထဲက ဆရာကြက်သွန်ရဲ့ ကဗျာလေးတစ်ပုဒ်ဆိုရင် ကြိုက်လွန်းလို့ ကျွန်တော်တို့ အဖွဲ့ documentary လေး တစ်ခုရိုက်ဖို့ပါ အိုင်ဒီယာ ရခဲ့တယ်။
အမှန်အကန် ပါးပါးလှီးနေတဲ့ ကျွန်တော်ပေါ့..အဟတ်
ငြုပ်သီးထောင်းနေတဲ့
ရိုးရာ
စားမယ် ၀ါးမယ်ဗျာ။
ဟိုင်းယား.. ( သိုင်းဆရာကြီး
သောတ)
ကွန်စွန်းရွက်တွေ ဆေးနေတဲ့ ကိုအောင်သန့်နှင့် ရုပ်သေး
ကဗျာရွတ်သံ နားထောင်ရင်း မုဒ် ၀င်နေတဲ့ ကဗျာဆရာမလေး
ပိုးဥ
ပဲများနေတဲ့
ဇာတိ
ဇာတ်ညွှန်းဆြာကြီး မောင်မင်းယွန်းနှင့် အနုပညာ အကြံပေး ဆရာမ ပိုးဥ :)(ကျွန်တော်တို့ အဖွဲ့တွေ ကြိုးစား အားထုတ်ထားတဲ့ ဇာတ်ကားကြီးကို youtube မှာ နောက်လ တင်ပေးပါမည်။ မကြာမှီမျှော်...)
ရိုးရာ၊ ရုပ်သေးနှင့် သောတ
ညနေကျတော့ ဘောလုံးကန်တယ်ခင်ဗျ။ ဒီပုံက သောတလေ MOWA F.C ရဲ့ တိုက်စစ်မှူးပေါ့။
ဒါက ပလာတာ ရုပ်သေး တကယ်ပါဗျာ သောက်ညင်ကပ်စရာ ကောင်းအောင် အလိမ်အခေါက် ကောင်းတယ်။ :)
ဒါက
သူရဿဝါ (ပဲကလဲ များသေးတယ်။ သူ့ကိုယ်သူ ဒိုလေး ဆိုလား ဘာဆိုလား။ တူတာဆိုလို့ ယောက်ျားချင်း ဖြစ်နေတာပဲ ခွိခွိ)
ဗလကောင်းကောင်းနှင့် ရိုးရာ အဟိ
ခြေပစ်လက်ပစ်ပဲဗျာ ဘောလုံးနောက် လိုက်ရတာ မောသွားပြီ :P
Posted in
Labels:
Fun,
Photo
|
Monday, June 22, 2009
Posted in
Labels:
Fun,
Song
|
Sunday, June 07, 2009
ဒီသီချင်းလေးရဲ့ သံစဉ်ဟာ 'လမင်းချစ်သူ' သီချင်းရဲ့ အလိုက်လေး ဖြစ်ပါတယ်။လမင်းလေးလိုချစ်နေမှာ...ဖြူသော ကိုယ့်ချစ်များနဲ့...ဆိုတဲ့ အလိုက်လေးလေ..အဟဲ အောက်က စာသားနဲ့ ဆိုကြည့်ကြပါအုံး..:P
- ဘယ်တော့မှ မအောင်ပေမယ့်လဲ မျှော်လင့်ချက်ကတော့ ရှိနေမှာ မပြောင်းလဲတဲ့ ကျူရှင်တွေလဲ အစဉ်အမြဲ တက်အုံးမှာ
ဆယ်တန်း၂နှစ်ကျပေမယ့်လဲ လင်နောက် လိုက်ပစ် အုံးမှာ .. ဘယ်သူတွေ ပြောကြလဲ ပဲ ဂရုမစိုက်ဘူးကွာ ဒို့က ဆက်ဖြေအုံးမှာ
- CHO : ( ဆယ်တန်းကျတာ ရှက်စရာလား ကိုကြီးကော ကျဖူးသလား၊ ဒီနှစ်ကျလဲ နောက်နှစ်များ ၊ နောက်နှစ်များ ဆက်ဖြေအုံးမှာ...)
- သင်ရိုးများ ပြောင်းပေမယ့်လဲ စာခိုးချဖို့တော့ သိပ်လွယ်တာ၊ မဟောင်းသေးတဲ့ ဘာဂျာလဲ အစဉ်အမြဲ အသုံးတည့်တာ..
ဆယ်တန်း၂နှစ်ကျပေမယ့်လည်း ကိုကိုနဲ့ ချိန်းလိုက်အုံးမှာ... ဘယ်သူတွေ ပြောကြလဲပဲ ဂရုမစိုက်ဘူးကွာ ဒို့က ဆက်ဖြေအုံးမှာ...
- CHO:(ဆယ်တန်းကျတာ မရှက်နိုင်ပါ ကိုကြီးကောကျဖူးသလား၊ ဒီနှစ်မရလဲ နောက်နှစ်များ နောက်နှစ်များ ကဲနေအုံးမှာ...)
စဆုံး ပြန်ဆို
အဟတ် ဒီနေ့ ဆယ်တန်း (တက္ကသိုလ်ဝင်တန်း) စာမေးပွဲ ထွက်လို့ ဘာရယ် မဟုတ်ဘူး ရီစရာ အဖြစ် ရေးဖွဲ့လိုက်ရပါကြောင်း...ဒန့်..တန်..တန်။
Posted in
Labels:
Fun,
News,
Today Yangon
|
Sunday, March 15, 2009
ညီအကိုတို့ရေ ဒီနေ့ည မြေနီကုန်းမှာ ဘာရွန်းမစ်ရှင်းအား ကျွန်တော် မောင်မင်းယွန်းမှ ကွန်မန်ဒို ဘလော့ဂ်ကာများအား လာရောက် စစ်ကူမည် ဖြစ်ပါသည်။ အဟိ။ / ဒီလောက်ပဲ ပါတယ်နော်..။ ပါသလောက်ပေါ့ဗျာ.။ အားလုံး ဒီညနေဆုံမယ်ဗျို့..။ ထပ်၍ လိုက်ချင်သူများ မြေနီကုန်း ၀က်မှီးဆိုင်သို့ ညနေ၆နာရီ အရောက် လာခဲ့နိုင်ကြောင်း မောင်းထု၍ ကြေငြာအပ်ပါသည်။ ဒူဝေ.. ဝေ..ဝေ..။ :P
Posted in
Labels:
Fun,
Knowledge,
Technology
|
Saturday, March 07, 2009
ကျွန်တော့်ရဲ့ www.minnyoonthit.net ဒိုမိန်းကို ၀ယ်ထားတာ ၁နှစ်ကျော်ပြီ နောက်တနှစ်စာတောင် ထပ်ဝယ်ပြီးပြီ။ ကျွန်တော့် ဒိုမိန်းကို ကိုဇေယျာရဲ့ Ideal Technology Co,Ltd ကနေ ၀ယ်ထားတာပါ။ အဟတ် ကျွန်တော့် ဒိုမိန်းက ၀ယ်ကတည်းက ကို ကျွန်တော်က Google Apps မှာ လျှောက်ကလိထား တော့ တခါ ပြဿနာ တက်ပါသေးတယ်။ ဒီအကြောင်းတောင် ကျွန်တော် ဒီမှာ ရေးထားပါသေးတယ်။ မျောက်အုံးသီး ဒိုမိန်းလေ ဟိဟိ။ ဒိုမိန်းနဲ့ ပတ်သက်လို့ ကွိုင်တက်တိုင်း ကိုဇေယျာဆီ နားပူ နားဆာ လုပ်လေ့ရှိပါတယ်။ :P သူမို့လို့ ကျွန်တော့်ကို စိတ်ရှည်တာ တခြား သူသာဆို ကျွန်တော် ကဂျီကကြောင် ကျတာနဲ့ စိတ်ရှည်မှာ မဟုတ်ဘူး။ ကျွန်တော်က ကလိကလဲ ကလိ အမေးအမြန်းကလဲ ထူ။ နောက်တခု ကျွန်တော့် ဒိုမိန်းကို ၀ယ်ကတည်းက မရတဲ့ ပြဿနာ တခုက ကျွန်တော့် ဘလော့ကို www.minnyoonthit.net ဆိုရင် ရပြီး minnyoonthit.net (www မပါရင်) မရပါဘူး။ အဲ့ဒိ ကိစ္စကို ကျွန်တော်က Ideal ကိုလဲ အကြိမ်ကြိမ်သွား နိုင်ဂျံကား ရောက်နေတဲ့ ကိုဇေယျာ့ကိုလဲ လုပ်ပါအုံး ဘာလို့မရတာလဲ ဘာညာပေါ့ အဟီး သွားရစ်နေတာ။ သူ့ကတော့ ကျွန်တော်မေးတိုင်း စိတ်ရှည်ရှည် ရှင်းပြရှာပါတယ်။ ဟီး အားလည်း နာတယ် ခင်လဲ ခင်တယ်။ ဒီနေ့လဲ ကျွန်တော် သတိရလို့ သူ့ကို အွန်လိုင်းတွေ့တော့ ထပ်မေးပါတယ်။ သူကလည်း စိတ်ရှည်လက်ရှည် ရှင်းပြပေးပြန်ပါတယ်။ ဟီး။ ဒါနဲ့ ကျွန်တော်လဲ တခုခုတော့ လွဲနေတာ သေချာပြီ။ ကိုဇေယျာက သူတို့ဘက်က အကုန်လုပ်ပေးပြီး သွားပြီတဲ့။ ကျွန်တော်လဲ ထပ်မေးရမှာ အားနာလာတယ်။ ဒါနဲ့ ဟိုရှာ၊ ဒီရှာ ပြီးတော့ သူငယ်ချင်းဆီကို ဖုန်းဆက်မေးတော့မှ လိပ်ပတ်လည် သွားတယ်။ သူ့သူငယ်ချင်း တယောက်နဲ့ ဖုန်းပြောတာ သူလဲ အဲ့လို ကလိဘူးတယ်။ ဒီလို အဲယာ တက်ဖူးပါတယ် ဆိုမှ သေချာ သဘောပေါက်သွားတော့တယ်။ (ဟီး ပေါက်သွားပြီနော်.. ကိုကြီး ဇေယျာ :D) အင်း နောက်ဆုံးတော့.. ဘလော့ကာ ကြောင့်ဆိုတာ သိသွားတယ် ဗျာ။ ဟုတ်တယ် blogger မှာ ဒိုမိန်းထည့်ရင် www.yourname.com ဆိုတာမျိုးပဲ ရပြီး www မပါတဲ့ ဟာတွေကို ဒီလို Error လာပြတယ်ဗျာ။
အော် ဘလော့တွေကို ကိုယ်တုံးလုံး ဒိုမိန်းတွေမှာ ဟို့စ် မလုပ်ပေးပါဘူးတဲ့။ :P (ဟီး တော်တယ်နော် ဘာသာပြန်တာ။) အဲ အနှစ်ချုပ် အနေနဲ့ ပြောရရင် ဘလော့ကာမှာ www မပါပဲ ဟို့စ်လို့ မရပါဘူး ခင်ဗျာ။ လူရှိန်အောင် လုပ်လို့ မရပါဘူး။ Wordpress မှာတော့ ရပါလိမ့်မယ်။ အဟဲ.. ဆိုတော့ ကိုကြီးဇေယျာရေ ညီလေး သိသွားပါပြီ ခင်ညာ..။ :D အဟဲ ဒိုမိန်းလေးများ ၀ယ်ချင်ရင် ကိုဇေယျာ့ဆီမှာ ၀ယ်ပါခင်ဗျာ..။ မေးချင်တာ မေးလို့ ရပါတယ်။ ကိုဇေယျာက သဘော အရမ်းကောင်းပါတယ်..။ ဟီး
Posted in
Labels:
Fun,
Satire,
Today Yangon
|
Friday, February 27, 2009
`ဟုတ်ကဲ့ ရပ်ကွက်အတွင်းရှိ လုပ်သားပြည်သူ အပေါင်းတို့ခင်ဗျာ... ယခုအခါ ပွင့်လင်းရာသီရောက်ရှိလာပြီး လျှပ်စစ်မီးအား တနေ့လျှင် ၅မိနစ်သာ ပေးလွှတ်မည် ဖြစ်ပါသောကြောင့် ဖယောင်းတိုင်များ ကြိုတင် စုဆောင်းထားကြရန်နှင့် ရေစည်လှည်းများ ၀ယ်ယူရန် ချွေတာ စုဆောင်းထားကြပါရန် ကြိုတင် အသိပေး နှိုးဆော်အပ်ပါသည် ခင်ဗျားးးး..။´
ပုံ
အမိန့်မရ...
ရပ်ကွက်လူဂျီး... ဦးမင်းယွန်း
Posted in
Labels:
Fun,
Short Story
|
Sunday, February 01, 2009
လှထွန်း တစ်ယောက် ညကင်း ကျသဖြင့် အကျပ်ရိုက်နေလေသည်။ ခါတိုင်း သူ့ဆရာ တပ်ကြပ်ကြီး ရှိတုန်းက ဆို ညနေခင်းပိုင်း သူ့ဆရာကို ဘီအီး တလုံး တည်လိုက်ရင် ညကင်းစောင့် ရမည့် အစား ရုံးခန်းက အဖွဲ့များဖြင့် အေးအေး လူလူ ဂျူတီကျတတ်သည်။ အခုတော့ သူ့ဆရာကား လွန်ခဲ့သော တပတ်က ပင် တခြားနယ်မြို့သို့ ပြောင်းရွှေ့သွားပြီ ဖြစ်သည်။ မသွားခင် သူ့ကို ကြက်ခြံ ၌ တာဝန်ချထားပေးခဲ့သည်။ ဖြစ်ချင်တော့ ကြက်ခြံမှာ သူနှင့် အတူတူ လုပ်ရသော တပ်သားမင်းမင်းမှာလဲ သူ့ကဲ့သို့ပင် သတ္တိခဲဖြစ်သည်။ သတ္တိခဲဆိုတော့ တကယ် မထင်လိုက်ပါနှင့် နှစ်ဦး စလုံး သရဲကို အလွန်ကြောက် တတ်သူများဖြစ်ကြသည်။
သူတို့သည် ညနေ ကြက်ခြံသိမ်းချိန်ပြီးသည်နှင့် ကြက်ခြံကို သေချာ သော့ခတ် ခဲ့ပြီး အလင်းရောင်ရှိသေးသော ညဦးပိုင်းမှ လွဲ၍ ညပိုင်း လုံးဝပင် ခြေဦးမလှည့်ကြပေ။ အကြောင်းမှာ ၀ဲကျော်( နာမည်အရင်းက ရဲကျော်)က သူတို့ အလုပ်လုပ်သော ကြက်ခြံနားတွင် ညညဆိုလျှင် ခွေးများ အူသံကြားကြောင်း သူ့အိမ်ဘက်က ကြက်ခြံဘက် လှမ်းကြည့်လျှင် ကြက်ခြံ၏ ခေါင်မိုးထက်၌ မဲမဲအရာ တခုသည် အမြဲ လွင့်နေတတ်ကြောင်း ပြောထားခြင်း ကြောင့် ဖြစ်သည်။ ထို့ပြင် ထိုမဲမဲ အရာသည် ညဘက်ညဘက် အလွန် နာမည်ကြီးနေသော သရဲခြောက်သည်ဆိုသော တောင်ဘက် ကင်းမျှော်စင်မှ သရဲကြီး ဖြစ်ကြောင်း စသည်ဖြင့် ပြောသံကြားထား လေရာ ၎င်းတို့၂ယောက်မှာ ညပိုင်းဆိုလျှင် ထိုကြက်ခြံဘက်သို့ ယောင်လို့ ပင် ခြေဦး မလှည့်ဝံ့ကြပေ။
လှထွန်းသည် တခါက လူပျိုအဆောင်တွင်နေတုန်း အခန်းဖော်မှ သူ့ကို သရဲအယောင်ဆောင် စ ရာ ကြောက်ကြောက်နှင့် ခေါင်းရင်းမှ နံပါတ်တုတ်ဖြင့် အားကုန်လွှဲရိုက်ရာ ထိုအခန်းဖော်မှာ မနည်းလွတ်အောင် ပြေးခဲ့ရသည်။ ပြီးနောက် အခြားအခန်းများမှ လာကြည့်သောအခါ လှထွန်းမှာ ကြောက်လွန်း၍ တကိုယ်လုံး တုန်နေပြီး ပုဆိုးတခုလုံးလဲ သေးများပင် ရွှဲရွှဲစိုနေလေတော့သည်။ ထို့ကြောင့်ပင် လှထွန်းအား ဗန္ဓုလသားဟု နာမည်ပြောင် ပေးထားကြ၏။ မင်းမင်းသည်လဲ ထူးမခြားနား ပင် ဖြစ်သည်။ သူသည် လောလောလတ်လတ် မိန်းမယူ ထားသူဖြစ်သည်။ သို့သော် မိန်းမသာ ယူထားသည် လူက သရဲကြောက်တုန်း။ (အေးလေ မိန်းမရတာနဲ့ သရဲ ကြောက် တာ ဘာဆိုင်တာ မှတ်လို့)။ တညတော့ ညဘက်ကြီး အိမ်သာ ထတက်လေသည်။ ကိစ္စပြီးလို့ အိမ်သာထဲမှ ထွက်လာတော့ တံခါးပေါက်ဝ တွင် မြင်လိုက်ရသော မဲမဲအရိပ်ကြီးကို မြင်ကာ မင်းမင်း အလွန်သွေးပျက်သွားသည်။ သူမြင်လိုက်ရသည်မှာကား အလင်းရောင်ကို နောက်ခံပေးထားသော ဆံပင်ဖားယားနှင့် သရဲမကြီး တယောက်ကို ဖြစ်လေသည်။ သို့နှင့် လွန်စွာမှ သတ္တိကောင်းလှသော မင်းမင်းသည် နေရာ၌ပင် လန့်၍ တက်သွားလေရာ အိပ်ချင်မူးတူးနှင့် အပေါ့ထသွားသော သူ့မိန်းမခင်ဗျာ.. ဘေးအိမ်များကို အော်၍ အကူအညီတောင်းကာ မနည်း နှာနှပ် ယူရသည်။ ကိုယ့်မိန်းမကိုပင် သရဲမဟု ထင်လေလောက်အောင် ကြောက်တတ်သော မင်းမင်းမှာလဲ ၀န်ထမ်းများ ကြား နောက်စရာ တယောက် ဖြစ်နေလေသည်။
ထိုသတ္တိခဲကြီး ၂ယောက်မှ တိုက်တိုက်ဆိုင်ဆိုင် အတူတူ အလုပ်လုပ်ကြလေသည်။ ပြီးခဲ့သော အပတ်ကမှ အတွဲလိုက် အသစ်ပြောင်းလာကြသော အရာရှိနှင့် တပ်ကြပ်ကြီးသည် အစမို့လို့လား မသိ အလွန်စည်းကမ်း တင်းကြပ်လှသည်။ ခါတိုင်း သူတို့ ယူနီဖောင်းကို အောက်မှ ညှပ်ဖိနပ်ဖြင့် လွတ်လွတ်လပ်လပ် ရုံးတက်သော်လည်း ယခုမူ ထိုကဲ့သို့ အရာရှိ ရှေ့တွင် တွေ့ပါက ၀န်ထမ်းများအား လမ်းဘေးက ကောင်တွေ ဟု ကျိန်းမောင်း တတ်လေသည်။
ယခုလဲ ညကင်းမစောင့်တာ ၂လခန့်ကြာပြီ ဖြစ်သော လှထွန်းကို ခေါ်တွေ့ပြီး ယနေ့ ညကင်းစောင့် ရမည် ဖြစ်ကြောင်း ပြောလေသည်။ လှထွန်းမှာ ဘာပြောရမည် မသိ။ ထို့ထက် ဆိုးသည်မှာကား အလွန်တရာမှ နာမည် ကြီးလှသော တောင်ဘက် ကင်းမျှော်စင်တွင် စောင့်ရမည် ဖြစ်လေသည်။ ညက်ချွာဖရား…။
ညနေပိုင်း တပ်ဖွဲ့အားလုံးကို တန်းစီစစ်ဆေးပြီး မင်းမင်းမှာလဲ ထီပေါက်လေသည်။
တပ်ကြပ်ကြီး။ ။ “တပ်သားတွေအားလုံး တာဝန် အပြောင်းအလဲ ရှိမယ်။ တနေရာကို ၃လထက် မပိုစေရဘူး။ အလှည့်ကျ တာဝန်ကျမယ်။ ဒီတော့ မနက်ဖြန် အားလုံးကို ဘယ်တာဝန်ကျတယ်ဆိုတာ ထပ်ပြောပေးမယ်။ ဒီတော့ ဒီနေ့ည ပတ်ကင်း တာဝန်ကျသူတွေကို ပြောမယ်။ တပ်သား စိုးရွှေ”
“ရှိ...”
တပ်ကြပ်ကြီး ။ ။ “တပ်သား တင်မြင့်”
“ရှိ..”
တပ်ကြပ်ကြီး။ ။ “တပ်သား မင်းမင်း၊ အင်း .. ဟေ့ မင်းမင်း မှတ်တမ်းတွေမှာ မင်း စိုက်ပျိုးရေးနဲ့ ကြက်ခြံကို လှည့်ကိုင်တာ ၅လလောက် ရှိနေပြီ။ ပတ်ကင်းကော မျှော်စင် တာဝန်မကျတာ ကြာနေပြီ။ ဒီတော့ ဒီနေ့ ပတ်ကင်းကို စိုးရွှေ၊ တင်မြင့်နဲ့ မင်းမင်းတို့ တာဝန်ကျတယ်။”
မင်းမင်း မျက်နှာမှာ ဆီး(ဇီး)ရွက်လောက်ပင် ရှိတော့သည်။ အသစ်ရောက်လာသော တပ်ကြပ်ကြီးကို လဲ မပြောရဲ သဖြင့် ငြိမ်နေရသည်။ တန်းဖြုတ်တော့ တခြား ကောင်တွေက သူ့အား ဒီည လကွယ်ည ဖြစ်သဖြင့် ကင်းမျှော်စင် သရဲကြီး ထကြွ သောင်းကျန်း တတ်ကြောင်း တယောက်တပေါက် လာပြောကြလေသည်။ အားလုံးက နောက်နေမှန်း သိသော်လည်း လကွယ်နေ့တွင် တာဝန်ကျသူတိုင်း သူရှေ့တွင် ခြောက်ခံရသည့် ဆိုသော ပါးစပ်ပြောများ ရှိနေသည့် အတွက် မင်းမင်းမှာ မိန်းမခိုးပြေးတုန်းက ထက်ပင် ရင်တဒိန်းဒိန်းနှင့် ခုန်နေလေပြီ။
ညနေစောင်းတော့ လှထွန်းက မျှော်စင်ပေါ် ရောက်နေပြီ။ သူ့အိပ်ယာလိပ်တွေအပြင် ဖောင်းကားနေတဲ့ ကျောပိုးအိတ် တလုံးကလဲ ပါသေး။ ကျောပိုးအိတ်ထဲမှာ ဘာတွေထည့်ထားသလဲ ဆိုတော့ သောက်ရေဗူး အပြင်၊ ဘုန်းကြီးပုံတော်တွေ၊ ပရိတ်စာအုပ်တွေ၊ ပုတီး စတဲ့ ပစ္စည်းတွေပါ ပါလို့။ ညနေစောင်း အရာရှိက လိုက်စစ်တော့ အပေါ်ကနေ အားလုံးကောင်းကြောင်း သတင်းပို့တော့ လည်ပင်းကြီးမှာ ပုတီးကြီးက အတိုင်းသား။ ရီတော့ ရီရတယ်.. အရာရှိနဲ့ နောက်က ၀န်ထမ်းတွေ အားလုံး ပြုံးစိစိနဲ့။
အဲ ညပိုင်းရောက်တော့.. တပ်ကြပ်ကြီးက မင်းမင်းကို ရှေ့ပြေးကင်း အရင်စစ်ခိုင်းတယ်။ မင်းမင်းမှာတော့ ဒူးတုန်နေပြီ။ ကျန်တဲ့သူတွေထဲက တယောက်ယောက်ကို မသိမသာ ခေါ်တော့ ဘယ်သူမှ မလိုက်ဘူး။ အတွင်းဘက်ကို လိုက်စစ်ရအုံးမှာတဲ့။ အီးဟီး သေပြီ ဆရာ။ တပ်ကြပ်ကြီးက တပတ်လိုက်စစ် နောက်ဆုံး မျှော်စင်ရောက်ရင် နောက်က ငါတို့လိုက်ခဲ့မယ်တဲ့။ လက်ယာဘက်လှည့်ရင် တပတ် ပြည့်တဲ့ နေရာက အောင်ညက်လေး သရဲခြောက်တဲ့ တောင်ဘက် မျှော်စင်ပါလား..ဖလား.. အဲလေ..ဘုရား..။
လှထွန်း တယောက်တော့ ဘုရားစာရွတ်ရလို့ ရေကလဲ ခဏခဏ သောက်နေရတယ်။ ကင်းဆိုတော့ သိပ်ပြီး ကလားသေ ကလားမော အိပ်လို့မရ (အမှန်တော့ ခိုးအိပ်တာ) လာစစ်တဲ့အချိန်ကျ ရွတ်ရမယ့် ဦးရေ၊ ဘာတွေကို စာရွက် ကြည့်ရသေးတယ်။ ပုံမှန်တော့ ကင်းက မျှော်စင်ပေါ် ၂ယောက် စောင့်ရတာ။ ဒီနေ့ သူနဲ့ စောင့်ရမယ့်သူက ၀ဲကျော်အဲလေ ရဲကျော်.. ဒီကောင့်ကို တပ်ကြပ်ကြီးက စိုက်ခင်းဘက် တပ်သား တယောက် ဖျားလို့ဆေးရုံတင်ထားတော့ စိုက်ခင်းဘက်ကို အစားထိုး လွှတ်လိုက်တယ်။ ဟင့် သူနဲ့ စောင့်ဖို့ အတွက်တော့ ဒီည အင်အား မလောက်လို့ အစား မထိုးပေးဘူး။ သူများမျှော်စင်တွေက ၂ယောက်စီ။ သူ့ မျှော်စင် အီးဟီး သရဲခြောက်တဲ့ မျှော်စင်ကျမှ သူ တယောက်တည်း။
ညကား တဖြည်းဖြည်း တိတ်ဆိတ်လာ၏။ အချိန်သည် ၁၂နာရီစွန်းခဲ့လေပြီ။ လှထွန်းသည် မျှော်စင်ပေါ်မှ ၁၂ချက် သံချောင်းကို ခေါက်လိုက်ပြီး ပါးစပ်မှ ပွစိပွစိ ဘုရားစာ ရွတ်နေ၏။ လေတိုးသံများကြောင့် သူပိုလန့်နေ၏။ သူ့မျက်လုံးများက မျှော်စင်နဲ့ ကပ်လျှက်ရှိ ကုက္ကိုပင်ကြီးဆိုသို့။ ဟင်…။
အ..အပင်ပေါ်မှာ လှုပ်လှုပ်နဲ့ ဘာပါလိမ့်..။ သစ်ကိုင်းဖျားပေါ်သို့ တက်နေသော အရိပ်တခု..။ တရွေ့ရွေ့ ….။ လှထွန်း ခေါင်းနပန်းကြီးသွားသည်။ သူ့မျှော်စင်နဲ့ အနီးဆုံး ကိုင်းပေါ်သို့ တက်လာသည်တွင် ထိုအရိပ်၏ ခေါင်းကြီး သည် လှုပ်လှုပ် လှုပ်လှုပ် ဖြစ်လာကာ…နောက်ဆုံး..လေထဲသို့ လွင့်သွားလေသည်။ ဟင်…ဒါ..ဒါ.. သရဲကြီးရဲ့.. ခေါင်း..ခေါင်း လွင့်..လွင့်.. လာတာ ဖြစ်မယ်…။ လုပ်ကြပါအုံး။ လေတိုးလေလေ ထိုလွင့်နေသော ခေါင်းကြီးသည် သူ့မျှော်စင်ဘက်ဆီသို့ ကပ်လာလေလေဖြစ်သည်။ နောက်ဆုံး…။
'ဖလပ်…ဖလပ်'
ဒီတခါတော့.. လှထွန်း ချုပ်တည်းနိုင်စွမ်းကုန်သွားပြီမို့…
'အောင်မြတ်ဟတ်လေး….. အမေဂျီးရေ….ခေါင်း….ခေါင်း…..ခေါင်းကျပ်ကြီး….. ခေါင်းကျပ်ကြီး…."
'ကယ်တော်မူကြပါ……'
တိုက်ဆိုင်ချင်တော့ … တောင်ဘက် မျှော်စင်အောက်ကို မင်းမင်းအရောက် အသံနက်ကြီး ကြားလိုက်ရသဖြင့် မင်းမင်းလဲ ခြေဦးတည့်ရာ ပြေးလေတော့သည်။
'အောင်မြတ်လေး…. ၀ုန်း….အား……'
'ဟေ့ကောင်တွေ ဘာတွေဖြစ်နေတာလဲ.. မျှော်စင်ပေါ် အမြန်တက်စမ်း… ဟိုကောင် မင်းမင်း ဘာဖြစ်လဲ မသိဘူး.. အရှေ့ဘက်မှာ အသံကြားတယ်ဟ…'
အနောက်မှ လိုက်လာသော တပ်ကြပ်ကြီးတို့ အဖွဲ့လဲ ပြာပြာသလဲ ဖြစ်ကုန်၏။ ထို့နောက် အသံပျောက်သွားသော မင်းမင်းကို လိုက်ရှာကြရ၏။
'ဟေ့ကောင်… မင်းမင်း…မင်းဘယ်မှာလဲ အဆင်ပြေလား…မင်းမင်း..'
'အီးဟီး….ကျွန်တော် ဒီမှာ ဆရာကြီး…. ဝေါ့…..မြန်မြန်.. လာဆယ်ကြပါ…'
ဟိုက်…။ မင်းမင်း တယောက် ကံဆိုးချင်တော့ တလောက ပိတ်ပစ်တဲ့ အိမ်သာကြွင်းထဲ ကျသွားတာကိုး။ ၀ါးလုံးတလုံး ရှာပြီး အမြန်ဆယ်ကြရတယ်။ နံစော် နေတာပဲ… ဝေါ့….။
ထို့နောက် တပ်သား တယောက်လာ သတင်းပို့၏။
"ဟေ့ကောင် ဟိုကောင် ဘာဖြစ်တာလဲ.."
"ဟုတ်..ဟဲ.. ဒီကောင် အကြောက်လွန်ပြီး တက်သွားတယ် ဆရာကြီး အခု နှာနှပ်လိုက်တာ.. ပြန်သတိရနေပါပြီ..။ အဟဲ ဘာမှ မဟုတ်ဘူး.. ကလေးတွေ ဆော့တဲ့ စွန်က သစ်ပင်မှာ ညိနေတာ.. လေတိုက်ပြီး မျှော်စင်ဘက် လွင့်လာတာကို ကြောက်ပြီး တက်သွားတာ…ဟီးဟီး"
လာသတင်းပို့တဲ့ တပ်သားက စပ်ဖြီးဖြီး ရယ်ချင်ပက်ကျိနဲ့ တင်ပြ၏။ တပ်ကြပ်ကြီးလဲ ထိုသတ္တိခဲ ၂ကောင်ကို တော်တော် လက်လန်သွား၏။ မင်းမင်းကတော့ ညကြီးမင်းကြီး ပေကျံနေတဲ့ သူ့အကျီအ၀တ်အစားတွေ အကုန်ချွတ်ပြီး မိမွေးတိုင်းဖမွေးတိုင်း ရေကန်ဆီသို့ ပြေးလေသည်။ ထို့နောက် သူ့သူငယ်ချင်းများက အ၀တ်အစား သွားပေး ရလေသည်။ ရေကို တညလုံး ချိုးနေတာ.. မနက် ၄နာရီလောက်မှ အချိုး ရပ်တော့သည်။ လှထွန်းကိုတော့ အိမ်ပြန်ခိုင်းလိုက်ပြီး တောင်ဘက်မျှော်စင်ကို ပတ်ကင်းထဲမှ နောက်တယောက်ဖြင့် အစားထိုး လိုက်သည်။ မနက်ကျတော့ မင်းမင်းမှာ အအေးမိကာ ဖျားလေတော့သည်။ (လှထွန်းညဘက်က မြင်သော လှုပ်လှုပ်နှင့် သတ္တ၀ါသည် ကုက္ကိုသီးများ တက်စားလေ့ရှိသော ရှဥ့်တကောင်သာ ဖြစ်ကြောင်း နောင်တွင် သိရလေသည်)ဤသို့ဤနှယ် လွန်စွာမှ သတ္တိကောင်းသော လှထွန်းနှင့် မင်းမင်း တို့၏ ပြောင်မြောက်သော သတ္တိတို့အား အစွဲပြှုလျှက် ကျန် ၀န်ထမ်းများက ခေါင်းကျပ်ကြီးနှင့် အီးလူးမင်းဟု မော်ကွန်း တင်လိုက်ကြလေတော့သည် တမုံ့။
(ဟိဟိ ၀န်ထမ်းလောက မှ တကယ့်ဖြစ်ရပ်မှန် ဇာတ်လမ်းအား ဆီလျှော်အောင် ဇာတ်လမ်းရေးဖွဲ့ပါသည်)
Posted in
Labels:
Essay,
Fun
|
Saturday, January 24, 2009
ကျွန်တော်လား သိပ်ပြီး ဖြစ်ချင်တဲ့ ဆန္ဒတွေ များနေတယ်ဗျာ။ ဖြစ်ချင်တာတွေ များနေ၊ အချိန်က မလောက် ဖြစ်နေရတယ်။ လောက်အောင် ဘာလို့ မလုပ်သလဲ ဆိုတော့ ဟုတ်ကဲ့ ဖြစ်ချင်တာက လက်ဆယ်ချောင်း မက ရှိနေတော့ ဘယ်လိုလုပ်ရပ။ အကယ်၍ ကျွန်တော်သာ ဟိုးအရင်တုန်းက ဖတ်လိုက်မိတဲ့ သက်တော်ရှည် ရှရှားအဖိုးကြီး တယောက်လို အသက်၂၀၀ ကျော်ရှည် ခဲ့ရင် ကောင်းမယ်လို့ စဉ်းစားမိတယ်။ ကျွန်တော် အသက်၂၀၀ ကျော်ရှည်ရင် ကျွန်တော် ဘာလုပ်မလဲ။ (အမှန်က ၂၀၀ကျော်တောင် မလောက်သေးဘူး လုပ်ချင်တာတွေက) ဟုတ်ကဲ့ လုပ်ချင်တာတွေ ပြောပြမယ်ဗျာ။
ကျွန်တော်များ အသက်၂၀၀ကျော်ရှည်ခဲ့ရင်ပေါ့လေ။ ကျွန်တော် သမိုင်းသုတေသီ တယောက် ဖြစ်ချင်တယ်။ သမိုင်းသုတေသီဆိုတော့ ရှေးဟောင်း သမိုင်းတွေရဲ့ တိမ်မြုပ်နေတဲ့ ဆန်းကြယ်မှုတွေ၊ လူမျိုးစုတွေ အကြောင်း က အစ ရုပ်ကြွင်းတွေ၊ ရှေးဟောင်း လက်ရာတွေအဆုံး ထဲထဲဝင်ဝင် လေ့လာ ချင်တယ်။ ကျွန်တော် ဆေးသိပ္ပံဆရာဝန် တယောက်လဲ ဖြစ်ချင်တယ်။ ဆရာဝန် ဖြစ်ချင်တာက လူနာကို ဆေးကုခြင်းထက် anatomy တွေကို လေ့လာချင်တယ်။ ကုရာနတ္ထိဆေးမရှိတဲ့ ရောဂါတွေကို ရှေးဟောင်း ထူးဆန်းအံ့ဖွယ် ကုထုံးတွေနဲ့ ခေတ်သစ်ကုထုံးတွေနဲ့ ပေါင်းစပ်ပြီး သုတေသန ပြုချင်တယ်။ အမြဲတမ်း နီးပါး ကျန်းမာကြံ့ခိုင်နိုင်မယ့် သီအိုရီတွေ ရှာဖွေချင်တယ်။ ဒါတင်ပဲလား မကသေးပါဘူး။ ကျွန်တော် အာကာသ ရူပဗေဒ ပညာရှင် ဖြစ်ချင်တယ်။ အဟဲ စာဖတ်တဲ့သူတွေ ရီကြမလားတော့ မသိဘူး။ ငယ်ငယ်တုန်းကတည်းက နာဆာရဲ့ သိပ္ပံသတင်း အတိုအထွာတွေ ဖတ်မိပြီး ကျွန်တော်က နာဆာလို နေရာမျိုးမှာ သိပ္ပံပညာရှင် ဖြစ်ချင်တယ်ဗျာ။ အာကာသ ဆိုင်ရာ သီအိုရီ အသစ်တွေကို ရှာဖွေချင်တယ်။ အာကာသထဲ သွားချင်တယ်။ ပြီးတော့ စကြာဝဠာအကြောင်း ပိုပြီး ပြည့်စုံစုံ လေ့လာချင်တယ်။ သိချင်တယ်။ ပြောလို့မရဘူးလေ အိုင်းစတိုင်းထုတ်ခဲ့တဲ့ သီအိုရီတွေလဲ အမြဲမှန်နေလိမ့်မယ်လို့ ဘယ်သူမှ အာမမခံနိုင်ဘူးလေနော့။
အဲ. ကျန်သေးတယ်။ ကျွန်တော် ဂီတ ပညာရှင် တယောက် ဖြစ်ချင်တယ်။ ဂီတပညာရှင်တောင် ကမ္ဘာအရပ်ရပ်က တီးမှုတ်တဲ့ ဂီတတူရိယာတွေရဲ့ အတိမ်အနက် အသံလှိုင်းတွေကို သိမြင်တဲ့၊ တတ်ကျွမ်းတဲ့ ပေါင်းစပ်တတ်တဲ့ ဂီတ ပညာရှင် ဖြစ်ချင်တယ်။ အာဖရိက ကျွဲချိုတူရိယာတွေ၊ စပိန် လေမှုတ် ဘာဂျာတွေ၊ ပြီးတော့ မြန်မာ စောင်းတွေ၊ အိန္ဒိယ ဗုံတွေ ပေါင်းပြီး နတ်တေးသွားလို ဖန်တီးနိုင်ရင် ကောင်းမလား မသိဘူး။ အင်း ကြားဖူးတာတော့ ကမ္ဘာပေါ်က လူကြိုက်များတဲ့ အကောင်းဆုံး သီချင်းတွေဟာ အဲ့ဒိရုပ်နုအလွှာက အသံလှိုင်းတွေနဲ့ အနီးစပ်ဆုံး သွားကိုက်ညီတဲ့ အတွက် လူတွေ ဘ၀င်ခိုက် နှစ်သက် ကြတာ ဖြစ်ပါသတဲ့။ ကြားဖူးတာပဲ။
အဟဲ ဒါတွေက စိတ်ကူးအိပ်မက်တွေပေါ့။ အခုလတ်တလော ဖြစ်ချင်တာတွေကော ပြောပြရအုံးမလား။ အခုဖြစ်ချင်နေတာ စာရေးဆရာ ဖြစ်ချင်တယ်။(စာလေး စာခန့်ကြီးတွေ ရေးကြည့်ချင်တယ်) ရုပ်ရှင်ဒါရိုက်တာ ဖြစ်ချင်တယ်။ (ရာဇ၀င်ကားကို ကမ္ဘာ့ အဆင့်မှီရိုက်ပြီး ဟောလိဝုဒ်ကို ထိုးဖောက်ချင်တယ်)၊ နက်ဝေါ့အင်ဂျင်နီယာကြီး ဖြစ်ချင်တယ်။ (နက်ဝေါ့ စတန်းဒတ်တွေ ထပ်ထွင်မယ်၊ နည်းပညာတွေ ထပ်ဖော်ထုတ်မယ်)..။ (အဟဲ ဒါတောင် လျှိုထားတဲ့ ထူးဆန်း အံ့သြဖွယ် ဖြစ်ချင်တဲ့ ဆန္ဒတွေရှိသေးတယ် ခင်ဗျ ဟိဟိ)
ဟုတ်ကဲ့ ကျွန်တော်ရဲ့စာ အထက်ပါ အပိုဒ်ဖတ်ပြီးတဲ့ အခါမှာတော့ ကျွန်တော့်ကို စာဖတ်သူများ အရူး အဖြစ် သတ်မှတ်လိုက်ပါပြီ။ ဂုဏ်ယူပါတယ်။ ကျေးဇူးတင်ပါတယ်။ ဟုတ်ကဲ့... ကျေးဇူးပြုပြီး ဆေးရုံကားကို ကျွန်တော့် ဆီ လွှတ်လိုက်ကြပါ။ 
Posted in
Labels:
Fun,
memories,
Record
|
Friday, January 02, 2009
Posted in
Labels:
Essay,
Fun,
miscellaneous
|
Monday, December 22, 2008
ပြီးခဲ့တဲ့ တပတ်လောက်က စပြီး အိမ်မှာ ဘယ်ကရောက်လာမှန်း မသိတဲ့ ကြွက်တွေ တော်တော် သောင်းကျန်းနေတယ်ဗျာ။ အိမ်ကလဲ ကြွက်တွေပျော်လောက်အောင်လဲ ညစ်ပတ်မနေပဲနဲ့ ထူးဆန်းတယ်။ ခါးပန်းပေါ်တွေရော၊ မီးဖိုချောင်မှာရော၊ ရေခဲသေတ္တာပေါ်တွေမှာရော နေရာအနှံ့ကို ကြွက်တွေ ပျော်မြူးနေကြလေရဲ့။ အစပိုင်းတော့ ကျွန်တော်က သူတို့ကို ခြောက်ရုံခြောက်ပါတယ်။ ဒါပေမယ့် ဒင်းတို့က ဖုတ်လေတဲ့ ငပိ ရှိတယ်တောင် မထင်လေတော့ တင်းလာတယ်။ ပထမတော့ သူ့ဟာသူ လျှောက်သွားနေတာ အိုကေ ရတယ် သွားပါစေ ဆိုပြီး လွှတ်ထားတာ။ အံမယ် တစတစ အတင့်ရဲလာပုံက လူခြေထောက်နားထိတောင် အေးဆေးဖြတ်လျှောက်တဲ့ အထိပဲ။
ဒါတင်ပဲလားဆိုတော့ မကသေးဘူး။ ဆပ်ပြာခွက်ထဲက ဆပ်ပြာကိုတောင် အဖုံးဖွင့်ပြီး ကိုက်တတ်သေးတယ်။ ဘုရားစင်ပေါ်က ရေခွက်တွေကိုလဲ တွန်းလှဲသေးတယ်။ ပြီးတော့ ပြီးခဲ့တဲ့ ရက်ကလဲ ဟင်းအိုးအဖုံးကို လှန်စားတယ် ။ နည်းနည်းတော့ များနေပြီ ဒီကောင်တွေ။ နောက်ဆုံးတော့ အိမ်က ဆောင်းဘောက်စ် အနောက်ဘက်က အ၀ကို ကိုက်ဖြတ်တယ်ဗျာ။ ရဲတင်းလာပုံက ကျက်ပြီးသားဆီတွေကို ထည့်ထားတဲ့ ခွက်ရဲ့ အဖုံးကိုတော့ ကိုက်ပြီး ဂွေလှိမ့် သလိုဆော့နေတာ။
ဒီတခါတော့ မောင်မင်းယွန်းရဲ့ သည်းခံနိုင်စွမ်း ကုန်သွားပြီမို့ လာစမ်း ကိုယ့်ကိုကိုယ် ကြွက်အထူးနှိမ်နှင်းရေး အရာရှိ ခန့်လိုက်ပြီး အိမ်နားက ဈေးက ထောင်ချောက် သုံးခုဝယ်လိုက်တယ်။ :) (ကဲ လာလေရော့...) အမှန်တော့ ကျွန်တော် ဒိအရင်က ကြွက်ထောင်ချောက်ကို မကိုင်တတ်ဘူးဗျ။ ဒါပေမယ့် ထောင်ချောက် ၀ယ်လာတဲ့နေ့ကမှ ကိုင်ပုံ ကိုင်နည်း သိသွားတာ။ အစာကို အရင်ညှပ်၊ ပြီးတော့ မောင်းတံကို ကိုယ့်ဘက်(မောင်းပြုတ်မယ့် ဘက်ရဲ့ ဆန့်ကျင်ဘက်)ကို လှန်ထားရင်း လက်နဲ့ ဖိထိန်းထား (မဟုတ်ရင် ကိုယ့်လက် ပါသွားမယ်)၊ ပြီးရင် မောင်းတံကို အစာညှပ်ထားတဲ့ ထောင်ချောက်ခွင်ရဲ့ အပေါက်လေးထဲကို အသာလေး ထောက် တယ်ဆိုရုံထည့်၊ ပြီးရင် လက်နဲ့ ဖိထားတဲ့ မောင်းကို အသာလေး လွှတ်ကြည့်၊ အကုန်မလွှတ်ရသေးဘူး၊ ခဏစမ်းတာ။ ပြီးလို့ မောင်းတံ ပြန်မပြုတ်တော့ဘူး ဆိုမှ အသာလေး ဖွဖွလေး ကိုင်ပြီး ထောင်ချင်တဲ့ နေရာမှာ ထောင်လိုက်ရုံပဲ။ အဲလေ ဆောရီး ကျွန်တော် ကြွက်ထောင်ချောက် ထောင်နည်း သင်ကြားပေး နေတာ မဟုတ်ပါဘူး။ အဟတ် ကျွန်တော့် အတွေ့အကြုံကို ပြောပြနေတာပါ။
ပထမ နှစ်ရက် သုံးရက်တော့ တော်လိုက်တဲ့ ကျွန်တော် များ ကြွက်ထောင်ချောက်မှာ ကြွက်တွေတော့ မမိဘူး ဒါပေမယ့် အစာတွေတော့ ကုန်သွားတယ်လေ။ အံမယ် ဒင်းတို့ကို တကူးတက ကျွေးနေတယ်များ ထင်နေလား မသိဘူး။ ဒါနဲ့ ထောင်ချောက်မှာ အပြစ်ရှာလိုက်တော့ မောင်းတံထောက်တဲ့ အ၀မှာ မောင်းတံထုတ်တာ ရှည်လွန်းနေရင် မောင်းမပြုတ်ဘူး ဆိုတာပဲ။ ဒါနဲ့ ထောက်တယ် ဆိုရုံလေး အသာ ထောက်ပြီး နောက်နေ့တွေ ပြန်ထောင် လိုက်တယ်။ ရက်စက်မှ ကြွေကွဲ... သုံးခုထောင်တာ သုံးကောင် စလုံး မာလကီးယားကြွရော။ အမျိုးပြုတ်ပြီးလားဆိုတော့ မပြုတ်သေးဘူး နောက်ထပ် ၂ကောင်လောက် ကျန်သေးတယ်။ မနေ့ကတော့ အလုံးစုံ မျိုးပြုတ်ရေး (လမ်းကြောင်း တလျှောက် နေရာလပ် မကျန်) စစ်ဆင်ရေး ဆင်လိုက်တာ အကုန် တိုက်ပွဲကျသွားကြလေရဲ့။ ဟူးးး ခုမှပဲ ညည ကောင်းကောင်း အိပ်ရတော့တယ်။ မဟုတ်ရင် ဘယ်ချက်များ ကြွက်တွေ ခြင်ထောင်ထဲ ၀င်လာမလဲလို့သာ အသဲယားနေရတယ်။ ကြောင်ကျတော့လဲ မချစ်တော့ မမွေးချင်ဘူး။ အသံကိုက မယားငယ်သံ တညှောင်ညှောင်နဲ့ ကြည့်မရဘူး ကြောင်တွေကို။ :P အခုတော့ စစ်ဆင်ရေး အောင်မြင်တဲ့ အတွက် ကိုယ့်ဟာကိုယ် ရာထူး တိုးပေးလိုက်ပြီဗျို့ ဘာတဲ့ ကြွက်အန္တရာယ် ငြိမ်းချမ်းသာယာရေး ကောင်စီ ဘိုကြက်ချီး မင်းယွန်းလို့ ခွိခွိ..။ :P
Posted in
Labels:
Cartoon,
Fun
|
Tuesday, December 09, 2008
Posted in
Labels:
Fun,
Photo,
Thought
|
Sunday, December 07, 2008
wallpaper ထဲက ဒီပုံလေးတွေ့ပြီး တွေးစရာလေး ဖြစ်လာတယ်။ အဟတ် ပေါက်ကြတယ်နော်။
Posted in
Labels:
Article,
Fun
|
Friday, November 28, 2008
အခုနောက်ပေါက် ကလေးတွေများ တတ်လိုက်တာ လွန်ပါရောဗျာ။ စကားအရာမှာကော၊ သွက်လက် ချက်ချာ မှုမှာရော ကျွန်တော် တွေ့သမျှ၊ သိသမျှ ကလေးတွေ (New Generation) လေးတွေ အားလုံးလိုလို ဉာဏ်ထက်မြက်ကြ တယ်။ ဒါဟာ သတင်း၊ မီဒီယာတွေ၊ ရုပ်ပိုင်းဆိုင်ရာတွေ ခေတ်မှီ လာလို့လား တော့ မသိဘူး။ ကျွန်တော့်အဖွားအိမ်မှာဆို ညီဝမ်းကွဲလေးတွေ ရှိတယ်။ အရွယ်ကလဲ အစုံပဲ မူကြိုတက်တဲ့ အရွယ်ကနေ ၃တန်း၊ ၄တန်းအထိ တစ်နှစ်ကြီး တစ်နှစ်ငယ်တွေ။ အိမ်က ညီငယ်တစ်ယောက်ဆို သီတင်းကျွတ်တုန်းက ကျောင်းမှာ ဆရာမက သူ့ကိုနောက်သတဲ့။ ဟဲ့ကောင်လေး နင်ငါ့ကို လာမကန်တော့ဘူးလားတဲ့။ ဒီကောင်က ဘာပြန်ပြောလဲဆိုတော့။ မဆိုင်းမတွပဲ ဟုတ်. လာကန်တော့မှာပေါ့ ဆရာမရဲ့ သား စိတ်ပုတီးနဲ့ သွားကြားထိုးတံ ကန်တော့မယ်တဲ့။ ဆရာမမှာ သူပြောတဲ့ စကားကြောင့် ရယ်ချင်ပက်ကျိဖြစ်သွားတော့တယ်။ အံမယ် သူ့အဓိပ္ပါယ် ဖွင့်ဆိုချက်ကတော့ သူများတွေက မုန့်တွေစားစရာတွေလာကန်တော့တဲ့အခါ သွားကြားညပ်မှာ စိုးလို့ သွားကြားထိုးတံ ကန်တော့ပြီး၊ ဟော ဥပုသ်စောင့်ဖို့ အတွက် စိတ်ပုတီးကို ကန်တော့မှာ ဖြစ်ပါတယ်တဲ့ ခင်ဗျာ။ အဟတ် ...။
ကျွန်တော့်ညီငယ်လေး နောက်တစ်ယောက်ကျတော့ လာဘ်ပေးလာဘ်ယူကောင် ဒီကောင် ကြီးလာရင် စီးပွားရေးသမားပဲ ဖြစ်မလားတော့ မသိဘူး။ အဟတ်။ ဖြစ်ပုံက သူ့လပတ်စာမေးပွဲမှာ သချာင်္ကို ၉၇ မှတ်ပဲရလို့ သူက အမှတ်ပေါင်းတဲ့အခါ တတိယ အများဆုံးသာ ဖြစ်နေတယ်။ ဆိုလိုတာ အဆင့်၃လောက်ဖြစ်နေတယ်။ အဲ့ဒိတော့ သူက အတန်းပိုင်ဆရာမကို သွားပြောတာက ဆရာမရယ် ဒီ ၃မှတ်လောက် လေးကို တိုးပေးလိုက်ပါလား ဆရာမရယ်။ ဆရာမမှာ တိုးပေးပိုင်ခွင့် ရှိတယ်မှတ်လား။ သားအဆင့်တစ် ရရင် ဆရာမကို မုန့်နဲ့ လာကန်တော့ ပါ့မယ်တဲ့။ လုပ်ပုံက..ဟတ်ဟတ်။ နောက်တစ်ယောက်ကတော့ လေကြီးလေကျယ်ကောင်။ သူက လားရှိုးမှာနေတာ။ အရင်ကတော့ မူဆယ်မှာ နေတာ ရှမ်းပဲပုတ်ကလေးပေါ့ အခုမှ မူကြိုတက်တုန်း။ ဒီကောင်က မူဆယ်မှာ မွေးတဲ့ကောင်ဆိုတော့ သူ့မူဆယ်မြို့ အကြောင်းကို ရန်ကုန်လာလည်တဲ့ အခါ ပြောလို့ မဆုံးဘူး တထောင့်တညပဲ။ ပြောရင်လဲ သားတို့မူဆယ်ကလို့ မပြောဘူး. .. သူ့ကို ဘယ်သူမှ လဲ မသင်ပေးပဲနဲ့ သားတို့ နိုင်ငံခြားမှာ သားတို့ နိုင်ငံခြားမှာနဲ့...။ မူဆယ်ပါကွာ ဆိုပြီး ပြင်ပေးလဲ မရဘူး။ တပြားမှ မလျှော့တာ။ :P
နောက် ကလေးတွေထဲမှာ အကြီးဆုံး ၂ယောက်ရှိသေးတယ်။ အခုတော့ တစ်ယောက်က ၄တန်း တစ်ယောက်က ၅တန်း။ ဒါပေမယ့် ဒီနှစ်ယောက်ကို မိတ်ဆက်ပေးရအုံးမယ်။ အကြီးက မိန်းကလေး ဒါပေမယ့် သူက သူ့အဖေဘက်က အသားအရေ မဲတာနဲ့သွားတူပြီး ပိန်တာကျတော့ သူ့အမေနဲ့ တူလေတော့ မဲပိန်ပိန်လေးပေါ့။ ဆိုတော့ ကျွန်တော်တို့ အိမ်မှာ တအိမ်လုံး ဖြူကြပြီး သူတစ်ယောက်ထဲ မဲပိန်ပိန် နားရွက်ကားကားလေး ဖြစ်နေတော့ ထူးထူးခြားခြား လေးဖြစ်နေတယ်။ အဟဲ နောက်တစ်ယောက်ကတော့ ခုနက မူဆယ်သားရဲ့ အကို ဒီကောင်က အ၀လွန်နေတဲ့ ဖက်တီးပုပ်ကလေး (သူ့ကြည့်လိုက်ရင် မေးကနှစ်ထပ် ၀အစ်ဖောင်းလို့ ပူပေါင်းကြီး ကွဲတော့မလိုပဲ :P) စဉ်းစားကြည့် ဒီနှစ်ကောင်ရဲ့ ပုံစံကို ကျောင်းမှာ မောင်နှမဆို မသိရင်ယုံမှာ မဟုတ်ဘူး။ (၀မ်းကွဲတွေ ဆိုပေမယ့် အရင်းတွေလို နေကြတာ)အကြီးလုပ်တဲ့သူက မဲပိန်ပိန်လေး။ အငယ်လုပ်တဲ့ သူက ၀တုတ်တုတ် ဘုတ်အီး။
ဒါပေမယ့် ကျွန်တော်တို့ အိမ်ထုံးစံအရ ကြီးသူကို ငယ်သူက ကြောက်ရတော့ အဲ့ဒိ မဲပိန်လေးကို ဘုတ်အီးက တုန်နေအောင် ကြောက်ရတယ်။ ဒီကောင်က အစားပုပ်ဆိုတော့ တခါတလေ မတည့်တဲ့ ရေခဲချောင်းတွေ ခိုးစား သူ့အမက မိလို့ ဆူရင် မျက်ရည်လည်ရွှဲ အာပြဲကြီးနဲ့ အော်ငိုနေတာ။ :D ဒါနဲ့ ခုနက စကား ပြန်ဆက်ရရင် မနှစ်ကတုန်းက ရုတ်ရုတ် ရုတ်ရုတ်တွေ ဖြစ်တော့ ကျွန်တော်တို့ တွေက ကလေးတွေကို စိတ်ပူတာပေါ့။ ဒါနဲ့ အိမ်မှာ ကလေးတွေကို မှာရတာပေါ့။ ကဲ ကလေးတွေ တခုခု ဖြစ်ရင် ကျောင်းမှာ ကိုယ့်မောင်လေးတွေ ၊ ညီလေးတွေကို အရင် ခေါ်ပြီး တစုတစည်းထဲနေနော် ကိုကြီးတို့ လာခေါ်မယ် လို့ မှာထားရတယ်။ ပြီးတော့ သူတို့ဘာလုပ်မလဲ ဆိုတဲ့ အကြီးနှစ်ကောင်ရဲ့ အိုင်ဒီယာကို မေးကြည့်တော့။ အတိုင်အဖောက် ညီညီနဲ့ ဘုတ်အီးလေးက အာ ဘာခက်တာမှတ်လို့ သားက မမကို ချီ.။ ဟိုတစ်ယောက်က သမီးက သူ့ပုခုံးပေါ်ကနေပြီး ဟဲ့ ဘယ်ကို ပြေးဘယ်ကို ပြေးဆိုပြီး ညွှန်ကြားမှာပေါ့။ အဟတ် ဟုတ်ပ။ အကြီးမက ပါးလှပ်မှု ပိုရှိပြီး အငယ်ကောင် ဖက်တီးကတော့ ဗလရှိတာမို့ သူတို့ အတွေးကလဲ ဟုတ်နေတာပဲပေါ့။ :)
တစ်ကောင်ကတော့ သူကြီးလာရင် သူဌေးကြီးလုပ်မယ်ဆိုပဲ။ ကျွန်တော်က ဘယ်က ပိုက်ဆံရပြီး ဘာစီးပွားရေး လုပ်မလဲလို့ မေးကြည့်တော့ ။ အံမယ်လေး ဒင်းက ဘာပြောလဲဆိုတော့ ဘာခက်တာ မှတ်လို့ မေကြီး (အဖွား) တို့ အိမ်ကို ရောင်းပြီး ကုမ္ပဏီထောင်မှာပေါ့တဲ့။ ကျွန်တော်အဖွားက ဟင် ငါတောင် မသေရသေးဘူး ဒင်းက လက်တောက်လောက်နဲ့ အမွေစကား ပြောနေပါလားဆိုပြီး ထပြောတော့ ဇက်ကလေး ပုပြီး ပြေးပါလေရော။
အိမ်ရှေ့အိမ်မှာ သူတို့နဲ့ ရွယ်တူ ကလေးမလေးရှိတယ်။ အဲ့ဒိ ကလေးမလေးက ငယ်ငယ်လေးနဲ့ ပဲကလဲ များတတ်သေးတယ်။ သူက အပြင်သွားရင် အမြဲ ဒေါက်ဖိနပ် ပိစိလေးနဲ့ (မနှဲလေး ကပ်တဲ့ ဖိနပ်ပိစိလေးလား အောက်မေ့ရတယ် အဟတ်ဟတ်) စကပ်တိုတိုလေးနဲ့ ဖင်လေးကို ခါခါ ခါခါ နဲ့ လျှောက်တာ။ ရီနေရတယ်။ တခါက ကျွန်တော်က ဟေ့ ကလေးလေး ဒီနေ့ တယ်လှနေပါလားဆိုတော့ အံမယ် ကျွန်တော့်ကို မျက်လုံးလေး ပုပ်ခလက် ပုပ်ခလက်နဲ့ ရှက်ကိုးရှက်ကန်း ရီပြပြီး ဒေါက်ဖိနပ်လေး တဂွက်ဂွက်နဲ့ အပျိုမကြီး ပုံစံ လုပ်သွားပုံကို ကြည့်ပြီး ကျွန်တော့်မှာ အူလိမ့်ပြီး ရီလိုက်ရတာ...။
သင်္ကြန်တုန်းကပေါ့ အိမ်က အငယ်ဆုံးကောင် ပြဿနာ ရှာတာ။ ကျွန်တော်တို့ အိမ်က သင်္ကြန်ဆိုရင် ကလေးတွေ ဆော့ပါစေတော့ ဆိုပြီး ရေတိုင်ကီတွေ ရေဗုံးတွေချပေး ကက်ဆက်တွေ ဘောက်စ်တွေနဲ့ အုန်းလက်မဏ္ဍပ် ထိုးပေးလေ့ရှိတယ်။ ဒါနဲ့ ကျွန်တော်တို့ မဏ္ဍပ်ကို အိမ်ရှေ့အိမ်က ကလေးမလေးလဲ လာဆော့တာပေါ့။ ဆော့ကြပြုကြပြီး ကျွန်တော်တို့လဲ မနီးမဝေးကနေ စောင့်ပေးနေတာပေါ့။ လျှောက်ပြေးဆော့နေတဲ့ အသံတွေ ကြားတော့ ကလေးတွေ ချော်လဲမှာစိုးလို့ ကြည့်လိုက်တော့ အိမ်က အငယ်ဆုံးကောင် မူဆယ်သားက တရွှတ်ရွှတ်နဲ့ ကောင်မလေးကို လိုက်နမ်းနေလို့ ကောင်မလေး က ပတ်ပြေးနေရတယ်။ ဒါနဲ့ ကျွန်တော်လဲ ဟဲ့ကောင် ဟဲ့ကောင် လာစမ်းလာစမ်း..ဆိုပြီး ဘာလို့ လိုက်နမ်းနေရတာလဲ ဆိုတော့ “ချစ်ချာကောင်းရို့ သားသားက နမ်းတာပဲ” တဲ့ အံမယ်လေး မောင်မင်းကြီးသားကို မလုပ်နဲ့ဆိုပြီး ပြောပြီး ပြန်ဆော့ခိုင်းရတယ်။ မဟုတ်ရင် ကလေးမလေး အမေများ တွေ့သွားမှ မသိရင် ကျွန်တော်တို့ လူကြီးတွေကပဲ မြှောက်ပေးနေသလိုလို ဖြစ်နေမှာပေါ့။ တော်တော် မလွယ်တဲ့ကောင်။ :P
အိမ်နားက နောက်ကလေးမလေး တစ်ယောက် အသက်က ၄နှစ်တောင် မပြည့်သေးတဲ့ ကလေးမလေး ဆိုရင်လဲ အဲ့လိုပဲ ပဲက ခပ်များများရယ်။ သူ့ကိုယ်သူ ကိုရီးယားကားထဲက ကလေးသရုပ်ဆောင်မလေး အွန်းဂျီတဲ့။ အွန်းဂျီလေးက အရမ်းလန်းတယ်ကွာလို့ နောက်ရင် ပီတိတွေ ဖြာနေပြီး သူ့ကို ဟေ့ရုပ်ဆိုးမလေး လို့ ပြောရင် နှုတ်ခမ်းကို ကိုက်ပြီး မှုန်ကုပ်ကုပ် မျက်နှာပေးနဲ့ ခါးထောက်ပြီး မကြည်ကြည် ကြည့်တာ...။ အံမယ်လေးလေး ကလေးလေးတွေများ အူယားစရာ တ၀ါးဝါးနဲ့ ရီနေရတယ်။ တတ်လိုက်ပုံတွေများ ပြောပါတယ်။
Posted in
Labels:
Fun,
memories,
News,
Photo
|
Friday, November 28, 2008
“ကလင် ..ကလင်..”
“မင်းယွန်းလား... ငှါ မှောင်မျိုးပါ. ငှါ ရန့်ကုန် ရောင်းနေး တယ်”
မောင်မျိုးရဲ့ မွန်သံဝဲ၀ဲ အသံနဲ့ ကျွန်တော့်ဆီဖုန်းဆက်လာပါတယ်။ သူက ရန်ကုန်ရောက်နေတာ နှစ်ရက်ရှိပြီး ကျွန်တော့်ကို ပြန်မယ့် နေ့မှ ဖုန်းဆက်လေရဲ့။ ဒါနဲ့ မင်းဘယ်ချိန်ပြန်မှာလဲဆိုတော့ ကားလက်မှတ်က ကားဂိတ်ရောက်မှ ဖြတ်လို့ရတယ်ဆိုတော့ နေအုံးကွာ မင်းကလဲ ရောက်တာ ငါ့ကို စောစောစီးစီး မပြောဘူး ညနေမှ ပြန် ငါလိုက်ပို့ပေးမယ်။ ဒါနဲ့ ကျွန်တော်လဲ သူနဲ့ ချိန်းပြီး ပန်းဆိုးတန်းက Moon ကို လိမ့်ရတာပေါ့။ မွန်းကိုရောက် ခဏ ကြာတော့ ကြောင်ကလေး ရောက်လာရော သူ့ဘေးမှာတော့ သူငယ်ချင်းတစ်ယောက်နဲ့ (နောက်မှ သူမိတ်ဆက်ပေးလို့ သိရတာက ဘလော့ကာ ပိစိ
n-ight.blogspot.com)။ ကြောင်မျိုးက အပြင်မှာ ဓာတ်ပုံထဲကလိုပဲ ပိန်ပိန်ပါးပါး ပြီးတော့ နှုတ်ခမ်းမွှေး ကားကားနဲ့ ပြောလို့ပြောတာ မဟုတ်ဘူး ခေါင်းပေါင်းဆောင်းပေးလိုက်ရင် သမိန်ပေါသွပ်ပဲ ငှက်ငှက်။
ဒါနဲ့ အအေးထိုင်သောက်ကြရင်း မနေ့ညက လွတ်သွားတဲ့ ပွဲအကြောင်းပြောတယ်။ ဟုတ်တယ် ကျွန်တော့်ဆီ မလာခင် တညက ဆိုင်ခရွှန်၊ ပိစိ၊ မောင်မျိုးတို့ ကြိတ်ဝိုင်းလေး လုပ်သွားတယ်တဲ့။ ဟင်းဟင်း ကြောင်ကလေး ဒီတစ်ခုတော့ ငါတင်းတယ်။ ပြီးတော့ ကျွန်တော်တို့ နက်ဆိုင်သွားကြတယ်။ နက်သုံးကြပြီးတော့ ရွှေမြို့တော်မှာ ချစ်တီးထမင်းသွားစားကြတယ်။ ပြီးတော့ ပိစိနဲ့ လမ်းခွဲ ကျွန်တော်နဲ့ မောင်မျိုးက အောင်မင်္ဂလာကို တက္ကစီနဲ့ ဒိုးကြတယ်။ စကားတွေလဲ အများကြီးပြောဖြစ်တယ်။ ဒီနေရာမှာ တခု ထူးခြားတာ ပြောချင်တာက ဘလော့ရပ်ဝန်းက လူတွေ အပြင်မှာတွေ့ကြရင် ဟိုးအရင်က ပေါင်းလာခဲ့တဲ့ ငယ်ပေါင်းကြီးဖော်တွေလိုပဲ တရင်းတနှီး ဖြစ်နေတယ်။ ဒါက ကျွန်တော်တို့ လောကရဲ့ ချစ်စရာခင်စရာ ကောင်းတဲ့ ဓလေ့လေးပဲ။ တကယ်ပါ မမြင်ဖူးရသေးတဲ့ အွန်လိုင်းမှာပဲ ခင်ရသေးတဲ့ သူများလဲ ရန်ကုန်လာရင် သံချောင်းခေါက်နိုင်ပါတယ်ခင်ဗျာ။ ကျွန်တော်တို့နဲ့ ပေါင်းရင် ပျော်သွားပါလိမ့်မယ်။ နောက်တခါ ပြည်ပက ဘလော့ကာတွေ ရန်ကုန်လာကြရင် တိုးတိုးတိတ်တိတ် မလာနဲ့နော်။ ကျွန်တော်တို့ကို ဆက်သွယ်ပါဗျာ။ ကျွန်တော်တို့ ကြိုတန်ကြို၊ လိုက်ပို့တန် လိုက်ပို့ပါ့မယ်ဗျ။ သူငယ်ချင်းအချင်းချင်းတွေပဲ ခင်ခင်မင်မင်ပေါ့။
ကြောင်ကလေးပုံများ ရှုစားကြပါကုန်။
ကြောင်မျိုးဆိုတာ သူ...သူ..။
ဆိတ်နဲ့ဆင် သူငယ်ချင်းတွေပေါ့..။ဟတ်ဟတ်
ကြောင်မျိုးနဲ့ ပိစိ :P
ကျုပ်တို့ရွာမှာ ချစ်တီးထမင်းချိဘူးဂျ ဟိဟိ
လာမလုစားနဲ့နော်....
Posted in
Labels:
Fun,
miscellaneous,
Photo
|
Friday, November 07, 2008
ခုရက်ပိုင်း အိပ်ရေးတွေပျက်တယ်ဗျာ ညဆိုလဲ ညဥ့်နက်မှ အိပ်ဖြစ်တယ်။ မနက်ဆို ၈နာရီခွဲလောက်မှနိုးတော့တယ်။ အဟတ် မောင်မင်းယွန်းတစ်ယောက် စာမေးပွဲနီးလို့ စာတွေကျက်နေတယ်တော့ မထင်လိုက်နဲ့.။ ကိုရီးယားခွေတွေ ၀ယ်ကြည့်နေတာဗျို့။ ဇာတ်လမ်းစတာက ကျွန်တော့်ညီမကပေါ့။ သူက အခုမြန်မာ့ရုပ်မြင်သကြား မှာလာနေတဲ့ စူပါမင်းနဲ့မာနရှင် ဆိုတဲ့ကားကို ကြည့်ချင်ပါတယ်ဆိုလို့ ကျွန်တော့်ကို လူကြုံမှာလိုက်တာ တနေ့က ခွေဆိုင်သွားတော့ သူမှာတဲ့ခွေရွေးရင်း တခြား ခွေတွေပါ ၀ယ်လာဖြစ်တယ်။ စူပါမင်းနဲ့မာနရှင် (Witch Yoo Hee)ပြီးတော့ ကော်ဖီချစ်သူ (coffee prince) ကိုဝယ်လာတယ်။ ကော်ဖီချစ်သူကတော့ တပိုင်းတစကို ကျွန်တော့်အဒေါ်အိမ်မှာ ကြည့်ဖူးတာနဲနဲတော့ ကြာပြီ။ ဒါပေမယ့် တ၀က်တပျက်ပဲ ကြည့်လိုက်ရတော့ အာသာမပြေဘူး။ ကော်ဖီချစ်ထဲက မင်းသမီးက ကျွန်တော်အရမ်း ကြွေတဲ့ ယွန်းအွန်ဟေး ပါတယ်လေ။ Princess Hour ထဲကမင်းသမီးပေါ့။ ဒီကားထဲမှာ သူက ယောက်ကလျှာ ပုံစံ လုပ်တာ။ တလွဲတချော် ပြောင်စပ်စပ် သရုပ်ဆောင်မှုတွေက အရမ်းအသဲယားဖို့ကောင်းတယ်ဗျာ။ :P အခုဆိုညပိုင်းတွေမှာ တီဗီကလာတဲ့ ကားတွေတောင် မကြည့်တော့ဘူး။ အိမ်မှာ ကျွန်တော့်ညီမနဲ့ တလှည့်စီကြည့်ကြတယ်။ ညနေပိုင်းကနေ ည၈နာရီလောက်ထိ စူပါမင်းနဲ့မာနရှင် (Witch Yo Hee) ကိုကြည့်ပြီး၊ အဲဒိနောက်ပိုင်းမှာ ကျတော့ ကျွန်တော့်ကော်ဖီချစ်သူကို ကြည့်တယ်။ ညဘက်မေမေက ဟဲ့အိပ်ကြတော့ ဆိုမှ အိပ်ဖြစ်တယ်။ အဟီး။ မနေ့ကလဲ ညီမလေးပေါ့ ကိုရီးယားခွေတွေ ထပ်ဝယ်လာပြန်ပြီ။ အင်း ကိုရီးယားကားဆိုတာကလဲ ကြည့်မိရင် မပြီးတော့ဘူး ဆက်ကြည့်ရမှလေ အဟတ်။ မောင်မင်းယွန်းတစ်ယောက် ကိုရီးယား ရောဂါရနေပြီဗျို့။ ကြုံတုန်း ကျွန်တော်စုဆောင်းထားတဲ့ အွန်ဟေးပုံလေးတွေ မျှဝေလိုက်တယ်နော် ဒါတောင် နဲနဲပဲရှိသေးတယ် အိမ်က စက်ထဲမှာ အများကြီးကျန်သေးတယ် :)။ She is so.........cute!!! :P
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။