ငါတို့..တိုက်ပွဲ..
ခပ်ပြာပြာ ရဲတိုက်ကြီးဆီက…
လှုပ်လီလှုပ်လဲ့ အရိပ်တွေ….
လမ်းလျှောက်လာကြ…
ဘယ်တော့မှ မြင်ရခဲပေမယ့်…
အစိမ်းနံ့တွေ ညှီဝေနေတယ်…
သားရဲတွေ.. ငတ်မွတ်နေတဲ့…
သွေးဆာမှုမျိုး…
လိုလိုချင်ချင် ပေးခဲ့တာတော့ မဟုတ်ခဲ့ဘူး..။
ငါက.. နီအံ့အံ့ ပုဆိန်တလက်နဲ့..
ဒင်းတို့ကို.. ခုတ်ထစ်ဖို့ စောင့်နေရတာလဲ…
အချိန်လင့်နေပြီ..…
ပုန်းလျှိုးဝှက်တတ်တဲ့ သေချင်းဆိုး
မျက်နှာပေါက်မျိုးနဲ့..
အကောင်တွေက… အစွယ်အားကိုးနဲ့..
ဂုတ်သွေးစုပ်ချင်ကြတာပါ…
သိပ်တော့ မထူးဆန်းပါဘူး..
အောက်တန်းစား… တစ္ဆေတွေကို..
သိမ်းကြုံးကြောက်နေဖို့တော့ မလိုပါဘူး…
ငါတို့ရဲ့.. အလင်းလက်နက်တွေနဲ့..
ပစ်လွှတ်တာနဲ့ ပြာဖြစ်သွားလောက်ပါရဲ့..။
တော်လဲသံတွေကြားရပြီ.. သူငယ်ချင်း..
ခေါင်းမော့ပြီး ရင်ကော့ထားလိုက်စမ်းပါ..
ဘယ်တော့မှ မသေတဲ့ စိတ်ဓာတ်မျိုးဟာ
ငါတို့ကို အားဖြစ်စေတာပဲ…
ခြေလှမ်းတိုင်းဟာ မျှတမှုအတွက်..
စတေးချက်တွေလို့ မြဲမြဲမှတ်လိုက်ကြမယ်…။
ငါတို့ ရဲ့ ခွန်အားတွေဟာ….
တွန်းလှန်ဖို့ တတ်နိုင်စွမ်းနေပြီ..
မီးဟုန်းဟုန်းတောက်နေတဲ့… ငါတို့ မာန်တွေ..
မာကြောမှု အတွက် ရိုက်ခတ်မှုဒဏ်ခံနိုင်တယ်…
ဘာကောင်တွေ ဘယ်လိုခြောက်လှန့်လှန့်….
ငါတို့ လုံးဝမမှုဘူး….
မဖြစ်စလောက် လှိုင်းပုတ်မှုဟာ..
ငါတို့ကို မတိုက်စားနိုင်တော့ဘူး..
ငါတို့ရဲ့ သမိုင်းတွေ ရာဇ၀င် မရိုင်းအောင်..
ခုတ်ထွင်ဖို့တော့ လိုနေပြီ….
စည်းချုပ်နှောင်ထားတဲ့ အဲဒိတံတိုင်းတွေ..
ဟိုမှာဘက်ကို လှမ်းမျှော်ကြည့်လိုက်စမ်း..ပါ..
အဲဒိမှာ… ရောင်ခြည်တွေ.. ပျို့လတ်နေပြီ…
ငါတို့ရဲ့ ဒဏ်သင့်ခံ ရင်ဘတ်တွေထဲမှာ….
အရိုးစွဲအောင် ယုံကြည်တယ်….
ငါတို့လက်တွေဟာ.. အနာဂတ်…
တရားမျှတမှု အဆောက်အဦကြီးအတွက်..
ဗိသုကာ လက်တွေဖြစ်ရမယ်….။
ငါတို့ ချယ်မှုန်းတဲ့ စိတ်ဓာတ်တွေဟာ..
အရောင်ကင်းမဲ့နေရမယ်…
ငါတို့ ပန်းချီကားကြီးကို…
ငါတို့ ကြွေးကြော်မှုတွေနဲ့ ဘောင်ကွပ်ထားကြမယ်…။
ငါတို့ချီလေတဲ့ လှော်တက်သံတွေဟာ…
ဘ၀ဂ် ညံစည်နေစေ့မယ်….
အဲဒိ ယုတ်မာတဲ့ ပင်လယ်ကြီးကို ဆုတ်…..ဖြဲ……ပစ်…..ရင်းပေါ့……။
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "ငါတို့..တိုက်ပွဲ.."
Post a Comment