ဧပရယ်လ်ပြခန်း
(က)
ပိတောက်တွေ ပွင့်နေကြပြီ..။ ဧပရယ်လ် လဖြစ်ပါသည်။ မိုးတွေလဲ တဖြိုက်နှစ်ဖြိုက် ရွာနေကြ၏။(ခ)
နွေနေပူက သွေ့ခြောက် ပူလျလို့.။ တိတိရိရိ ကြွေနေတဲ့ သစ်ရွက်တွေဟာ ဟောဒိ မြေပြင်ပေါ်မှာ နာနာကျင်ကျင် ၀ါရော် နေကြတယ်။ ဧပရယ်လ်ကို ရောက်ခဲ့ပြန်ပြီပေါ့။ သက္ကရာဇ် တခုရဲ့ နောက်ဆုံး ဂဏန်းတခု တိုးသွား ပြန်ပြီပေါ့။ တစ်နှစ်ပြီး တစ်နှစ် ပြက္ခဒိန်တွေ သာ သစ်သစ်သွား ပေမယ့် ဘယ်တော့မှ မသစ်တော့သလို ဘယ်တော့မှ မဟောင်းသွားသေးဘူး ........ဧပရယ်လ်။ နှလုံးသား တဆုပ်စာ မက ဒဏ်တွေက ဖရိုဖရဲ ပြန့်ကျဲနေတုန်းပါပဲ။ လွဲမှားမှု တွေနဲ့ ငါဟာ အခုထိ အံချော်နေ တုန်းပါပဲ။ အပိုအလျှံမရှိတဲ့ အတွက် စွဲမိစွဲရာ စွဲလမ်းမိတယ်ပဲ ထားလိုက်ပါတော့ ဧပရယ်လ်ရယ်။ ခပ်ဝေးဝေး လမ်းကလေးကိုမှ ကျေကျေနပ်နပ်ကြီး ရွေးလျှောက်ခဲ့မိသူပါ။ ဧပရယ်လ် ရယ်... ငါ့ရဲ့ အ၀ါရောင် ဧပရယ်လ်ရယ်.. အက္ခရာမဲ့ ပုံပြင်လေးတွေနဲ့ ပြာလဲ့လဲ့ အပြုံးတွေကို အမှတ်ရမိတယ် ကွယ်။ မှောင်မဲနေတဲ့ ခြောက်အိပ်မက်တွေထဲမှာ ငါလေ... တကြော်ကြော် အော်ခေါ်နေခဲ့ မိတယ်.။“ဧပရယ်လ်ရေ... ဧပရယ်လ်..”
(ဂ)
ဥတုနွေရဲ့ နံနက်ခင်းဟာ ပူနွေး ကြည်သန့်နေတယ်။ ၀တ်ရုံသစ်လဲ ၀တ်ထားသလို ကောင်းကင် တခုလုံး မိုးတိမ်တွေ ကင်းပပြီး သစ်လွင် သားနားလို့ပေါ့။ April Fool Day တဲ့လား။ တခုတ်တရ အရူးလုပ်ခံလိုက်ရတဲ့ နေ့လေး တနေ့ ပါပဲ။ ဟင့်အင်း ဧပရယ်လ် တခုလုံးကိုက ငါ့ကို အရူးလုပ် ခဲ့တာပါ ဆိုရင် ပိုမှန်ပါလိမ့်မယ်။ စွတ်စွတ်စို နေတဲ့ မိုးမကျနွေမကျ ရွာတဲ့ မိုးပြေးလေးရဲ့ သွန်းဖြိုက်မှု အောက်မှာ အရာအားလုံး အရှုံးပေးခဲ့ရဖူးတယ်။ အဲ့ဒိ ဧပရယ်လ်ဟာလေ သိပ်... အနိုင်ယူတတ်တဲ့ ကောင်ဆိုးမလေးပေါ့။(ဃ)
အင်းယားမှာ အတာရေတွေ ရွှဲစိုနေတယ်။ ဒီလိုပါပဲ ဧပရယ်လ် အတွက် အလွမ်းတွေကလဲ ဟောဒိ ရင်ဘတ်ဆီမှာ ရွှဲရွှဲနစ်လို့...။ သူမဟာ ဘယ်တော့မှ ရပ်တန့် မသွားနိုင်တဲ့ ကျွန်တော့်ရဲ့ အ၀ါရောင် နာရီလေးရယ်ပါ။ သူမအတွက် ဆိုရင် ကျွန်တော့် ညနေ တခုလုံး ခပ်ရဲရဲကြီး မှောင်မိုက် ပစ်ရဲပါတယ်။ ရူးနှမ်းတယ်လို့ ပြောချင် ပြောနိုင်ပါတယ်။ ဟုတ်ပါတယ် ကျွန်တော်ဟာ ဧပရယ်လ် အရူးတစ်ယောက် ပါပဲ။ ဧပရယ်လ် သိနိုင်ပါစေကွယ်..။(င)
နွေရယ်..၊ ဧပရယ်လ်ရယ်၊ ပြီးတော့ တူးပို့တေးသံရယ်ပေါ့။ အ၀ါရောင်ရဲရဲတွေနဲ့ သူမဟာ ကျွန်တော်ကို ဖရိုဖရဲ ရင်လှပ်ခုန်ခြင်းတွေ နဲ့ ပြုစားပစ်ခဲ့တယ်။(စ)
မျှော်လင့်ခြင်းတွေ တနိုင်တပိုင်မက ပေးပစ်ခဲ့တယ်။ ဖုန်းမြည်သံတွေ နွေအထပ်ထပ် ပဲ့တင် ခဲ့တာတောင် ပြန်လည် မဖြေကြားခဲ့ဘူး..။ နင်...ဘယ်များရောက်နေလဲ....ဧပရယ်လ် ရယ်..။ သက်ပြင်းတွေ ပွင့်အံခဲ့...၊ ပြီးတော့ ရင်မော လိုက်ရတာ...၊ ကျေးဇူး ပြုပြီး ကောင်မလေးရေ.. ငါ့ကို မလှည့်စား လိုက်ပါနဲ့နော်...။(ဆ)
ဒီလိုနဲ့..၊ ဒီလိုနဲ့ပဲ.. တန်ခူးလဟာ ကြွေနွမ်းခဲ့ရပါတယ်။ အင်းယားမှာ အတာရေတွေ အစား မိုးတွေ သာ ရွာနေတော့တယ်။ ခပ်စွင့်စွင့် ပိတောက်တွေ တော့ မပွင့်ကြတော့ပါဘူး။ ဧပရယ်လ်ဟာ တိတ်တိတ်လေး ချန်ရစ်နေခဲ့တယ်..။ အလှပဆုံး မုသားတွေနဲ့ နင် ..သိပ်ရက်စက် လွန်းတယ်.... ။
(ဇ)
အစိမ်းရောင် ပိတောက် ပင်ကြီး အောက်မှာ သူရူး တယောက် ရှိ၏။ မိုးပေါက် ကလေးများနှင့် အပြိုင် သည်းထန်နေသော မျက်ရည်များလဲ ရှိ၏။ ထို့နောက် ကွဲအက်ကြေနေသော နှလုံးသား ဒဏ်ချက်တွေနဲ့ ကိုင်ဆုပ်ထား၏။ သူ၏ နှုတ်မှ တကြော် ကြော် ဟစ်ခေါ်နေသော် လည်း မိုးခြိမ်းသံများ ကြားတွင် မသဲကွဲပဲ ဖြစ်နေလေ၏။ မိုးသက်ငြိမ်သွား သောအခါ တုန်ရီနေသော အသံကို အတိုင်းသား ကြားလိုက်ရသည်။“ဧ……ပရယ်.....ရေ”
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "ဧပရယ်လ်ပြခန်း"
Post a Comment