လားရှိုး
အတက်အဆင်း တောင်ကုန်းများဆီ
တဘုန်းဘုန်း မောင်းနှင်ခဲ့ရတယ်…
ကိုယ်က မသိတော့လဲ
မြေနီးလမ်း ကွေးကောက်တွေ
ကွေးသမျှ လိုက်ကွေးနေရ…
လှမ်းမျှော်ကြည့်လိုက်တိုင်း တောင်စောင်းတွေပေါ်မှာ
ဗြုန်းအုတ်ကာ အိမ်တွေထဲက ချောင်းကြည့်နေသလိုပဲ…
အိတ်ဇောပိုက် ညှော်နံ့တွေနဲ့
ပလုတ်တုတ် (တုတ်တုတ်) ပေါ်က
ဟူးဟူးရားရား လေများ ခြုံထည်တကိုယ်စာ ခြုံလွှမ်းခဲ့..
ဝန်းကျင်ကို ရှုလိုက်တိုင်း
တောင်တန်းများက မတ်မတ် ရပ်နေကြလို့…
ဂျင်းပန်ဝတ် ရှမ်းမလေးတွေရဲ့
နှစ်လိုဖွယ် အပြုံးလေးတွေက
မြေပြန့်သား တစ်ယောက်ကို
တောင်တန်းတွေပေါ် နေခဲ့ချင့်စဖွယ်ပေါ့….
ရှမ်းခေါပုတ်နဲ့ ရှမ်းခေါက်ဆွဲ ကို ကြိုက်သလို
ဆွမ်းမွှေးခတ်ထားတဲ့ ကောင်ညှင်းနံ့သင်းသင်း
ရေနွေးတခွက်က အိမ်ပြန်ဖို့ မချင့်မရဲ ဖြစ်စေတယ်…
မြူနှင်းတွေ ကြွေနေတုန်းမှာပဲ မန်ဆူဈေးဆီကနေ
လက်ပြနှုတ်ဆက်ခဲ့ရ…
နောက်ပြန်လှည့်ကြည့်ရင်း အိမ်ပြန်ခရီးက
ရှမ်းဓလေ့တွေကို လွမ်းမောရစ်စေတယ်…
တချက်တော့ ပြုံးလိုက်မိတယ်…
တနေ့တော့ ပြန်လာရအုံးမယ်ပေါ့………။
Read Users' Comments (1)comments
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
June 19, 2008 at 12:12 PM
ရှမ်းခေါပုတ်နဲ့ ရှမ်းခေါက်ဆွဲ ကို ကြိုက်သလို
ဆွမ်းမွှေးခတ်ထားတဲ့ ကောင်ညှင်းနံ့သင်းသင်း
ရေနွေးတခွက်က အိမ်ပြန်ဖို့ မချင့်မရဲ ဖြစ်စေတယ်…
သွားရည်လာယိုသွားတယ်ဗျာ.
Keep it up, ကိုမင်းယွန်းလေးရေ.. ဓာတ်ပုံလေးတွေကြည့်ရတာ လွမ်းမောစရာပဲ...