နောက်ဆုံးပေါ်- အပိုင်း(၁)
အခန်း(၁)
ဒီနေ့ မနက်နိုးလာတော့ မနက်ခင်းတခုလုံးကိုက နေရောင်များဖြင့် လင်းချင်းလို့...။ ရှုပ်ထွေးနေသော သူ့အခန်းမှ ဟိုတစ ဒီတစ ပစ္စည်းပစ္စယာများကို ကျော်ခွပြီး ဧည့်ခန်းက နာရီကိုကြည့်လိုက်တော့ ၁၁နာရီတောင်ထိုးနေပြီ။ ကမန်းကတန်း ရေချိုးမျက်နှစ်သစ်ဖို့ ပြင်ဆင်ရတော့သည်။ ဒီနေ့ သူ့မေမေနဲ့ ဖေဖေရောက်လာမည်ပဲ။ မဖြစ်ဘူး ရေချိုးအုံးမှ၊ မဟုတ်သေးပါဘူး ငါ့အမှိုက်ပုံကြီးကို အရင်ရှင်းမှပဲ..၊ ဟင် အခန်းထဲမှာလဲရှင်းရမယ်၊ အီးဟီး ဧည့်ခန်းထဲက မလျှော်ရသေးသော အ၀တ်တွေကော၊ မီးဖိုချောင်ထဲက မဆေးရသေးတဲ့ ခွက်တွေပန်းကန်တွေ ဘယ်ဟာကနေ စရှင်းရမှန်းတောင် မသိတော့ဘူး။
“ဟူးးးးး..” သက်ပြင်းရှည်ကြီး မှုတ်လိုက်ပြီး လူမြင်သော ဧည့်ခန်းမှ စရှင်းရန် ဆုံးဖြတ်လိုက်သည်။ ညကူသူငယ်ချင်းဆီ အလည်လွန်သွားသည်။ သူဘယ်သွားခဲ့သည်ကို အဖေကို ပြောလျှင် အဖေက ကျိန်းသေပေါက် ဆူလိမ့်မည်။ သူညက အင်္ဂလန်ကို သွားခဲ့သည်။ သူငယ်ချင်းတွေနဲ့ ဘောလုံးပွဲအတူတူ သွားကြည့်ခဲ့ခြင်းဖြစ်သည်။ (ဘွတ်ကီဒိုင်တွင် သွားရောက်လောင်းခဲ့ရာ ခွက်ခွက်လန်အောင် ရှုံးခဲ့သည်။ ဖြစ်မှဖြစ်ရလေ အာကြီးအဲ့ဒိနေ့ညက သရေကျသွားလေရဲ့) အွန်လိုင်းမှ သူ့ကလပ်စည်းများကို encrypted လုပ်ပြီး သွားခဲ့ပြီး ဟိုရောက်မှ decrypted ပြန်လုပ်ပြီး သွားခြင်းဖြစ်သည်။ ဒါမျိုးဖြင့် ခရီးသွားခြင်းသည် အလွန်အန္တရာယ်များသော သွားခြင်းမျိုးဖြစ်သည်။
အကျိုးဆောင် အွန်လိုင်းကုမ္ပဏီများကတော့ လုံးဝလုံခြုံစိတ်ချရကြောင်း အထူးအာမခံကြသည်။ ဟုတ်တော့ ဟုတ်တယ် မတော်တဆဆိုတာ ဘယ်ဟာမှ မပြောနိုင် တော်ကြာနေ ကြားဖျက်ပြီး ကလပ်စည်း သွားသော လိုင်းကို hacker မှ hack လိုက်ရင်ဖြင့် ဟိုဘက်ရောက်သည့်အခါ လိုအပ်သော ကလပ်စည်းတချို့ ပျောက်ဆုံးသွားရင် ကိုယ်ကျိုးနဲစရာ မတော်တရော်တွေ ဖြစ်ကုန်မည် ထင်သည်။ နှာခေါင်းကြီးပျောက်သွားမလား၊ ပါးစပ်ကပဲ နဖူးပေါ်တက်ပေါက်နေမလား၊ နားရွက်ကြီးတွေကပဲ လက်မောင်းနှစ်ဖက်မှာ လာပေါက်နေမလား မသိ။ ဒါပေမယ့် ဒီနေ့ခေတ်မှာတော့ ဒီလိုပဲ သွားလာနေကြပြီး ဖြစ်ပြီး အခုလဲ သူ့မိဘတွေလဲ မိုင်ပေါင်း ၃၀၀၀ ကျော်မှ ကလပ်စည်းများ ပို့လွှတ်သော ခရီးသွားနည်းဖြင့် နေ့ခင်းပိုင်းလောက် လာကြမည် ဖြစ်သည်။
တဂွီဂွီနဲ့ ဗိုက်ဆာလာတော့မှ အမှိုက်တွေကို အမြန်ဆုံး ရှင်းလိုက်ပြီး ကွန်ပြူတာရှေ့ထိုင်လိုက်သည်။ power on လိုက်သည်နှင့် ချက်ချင်းပင် Desktop တက်လာပြီး သူ့အား အသံလျှို့ဝှက်ကုဒ်နံပါတ် တောင်းလေသည်။ သူလုပ်ထားသော လျှို့ဝှက်ကုဒ်မှာ သီချင်းစာသားတခုဖြစ်သည်။ “အမဲလိုက်အက စင်မြင့်ထက်က ရှုံးနိမ့်သူ လဲကျပေး”..... ထို့နောက် AI browser တခုတက်လာသည်။
“အခုဘယ်ဆိုက်ကို ဖွင့်မှာလဲ” ကွန်ပြူတာ browser က မေးလိုက်၏။
“လောလောဆယ် အစားအသောက်ရောင်းတဲ့ အွန်လိုင်းဈေးဆိုင်ဆိုက်ကို အရင်ဖွင့်”
သူစကားပြော၍ မဆုံးမီမှာပင် ၀က်ဆိုက်ပွင့်သွား၏။
“မနက်စာ တွေ တန်းစီပြီးကြည့်မယ်ကွာ”
မနက်စာများကို ဒင်းမ်ဆန်းမှ အစ ပေါက်စီ၊ ခေါက်ဆွဲ၊ ပေါင်မုန့်ကင်၊ မုန့်ဟင်းခါး၊ ဟမ်ဘာဂါ၊ လစ်ပတန်၊ ချိုကျ၊ ပေါ့ဆိမ့် စသည်တို့သည် ဈေးနှုန်းနှင့်တကွ ကျလာလေသည်။
“တော်ပြီတခြားဟာတွေ မလိုချင်ဘူး မုန့်ဟင်းခါး ပြီးတော့ ပေါ့ဆိမ်တခွက်... ဒေါင်းလုပ်ဆွဲပေးတော့”
ထို့နောက် သူ၏ ဘဏ်ကဒ်နံပါတ်ကို အသံထွက်ရွတ်ပြပြီး
“ဘလာဘလာဘလာ”
မကြာမှီမှာပင် မုန့်ဟင်းခါးတပွဲနှင့် ပေါ့ဆိမ့်တခွက် download ဆွဲလိုက်ရာ ကွန်ပြူတာနှင့်တွဲစက်ထားသော downloader စက်မှ လိုချင်သော စားစရာများ ထွက်ကျလာလေတော့သည်။
“ဂလွပ်” (ဒေါင်းလုပ်ဆွဲပြီးသော အသံ)
“တီ...တီ.. အီးမေးလ်ဝင်ရောက်နေပါသည်။”
စောစောစီးစီး ဘယ်သူက ပို့လိုက်ပြန်ပြီလဲ..၊ ဟိုကောင်တွေပြောတဲ့ စပိန်နွားရိုင်းသတ်ပွဲ သွားကြည့်ဖို့များလား။ လက်က မုန့်ဟင်းခါးစားနေသဖြင့် အသံဖြင့် ဘရောင်ဇာကို အမိန့်ပေးပြီးဖွင့်လိုက်သည်။
“Inbox ထဲကို ၀င်လိုက်”
အီးမေးလ်သည် သူ့ယောက္ခမဆီကဖြစ်ပြီး မတော်ရသေးသော ယောက်ဖလောင်းလေးကို မနက်ဖြန် အီးမေးလ်နှင့် attachment တွဲပေးလိုက်မည် ဖြစ်ကြောင်း အသံဖြင့် မေးလ်ပို့လာခြင်းဖြစ်သည်။ ဟူး မျောက်လောင်းလေး လာအုံးမှာပါလား။ ဟိုတခါ ဒီမျောက်လောင်းလေး တခါလာတာ သူသုံးချင်သော ပစ္စည်းများကို အွန်လိုင်းမှ နင်းကန်အားမနာတမ်း ဒေါင်းလုပ်ဆွဲသွားရာ သူ့လစာ တလစာ နီးပါး ဘေလ်ရှင်းလိုက်ရသည်။ သေချင်းဆိုးလေး တစ်ကောင်သာ ဖြစ်သည်။
“ကလင်..ကလင်”
ဟော လုပ်ပြန်ပြီ အစားစားမယ်ဆို အနှောင့်အယှက် ထပ်ပေါ်လာပြန်ပြီ။ ခေါ်နေသော ဖုန်းကို accept လုပ်လိုက်သည်နှင့် ကွန်ပြူတာ မျက်နှာတခုလုံး နီးပါး ပြည့်နေသော မျက်နှာ တခုပေါ်လာသည်။
“ဘလော့အစည်းအဝေးရှိတယ်၊ ဒီနေ့ညနေ ဌာနချုပ် ချက်ရွမ်း (Chat Room) ထဲကို ၄နာရီနောက်ဆုံးထား လာခဲ့ပါ။ ဘလော့ကာများအသင်းချုပ်ရဲ့ နှစ်လယ်အစည်းအဝေး အကြို ဆွေးနွေးကြမှာဖြစ်လို့ မတက်မနေရ တက်ရောက်ရမည် ဖြစ်ပါတယ်”
“နေ....နေ..ပါအုံး.. ကျွန်တော်...ဒီနေ့ မအား........”
သူပြောချင်ရာ ပြောပြီး ဘလော့အသင်းချုပ် အတွင်းရေးမှူးသည် sign out လုပ်သွားလေတော့သည်။ တယ်လေ..။ ဟူး ညနေစာ အထူးတလည် ဒေါင်းလုပ်ဆွဲမယ် ကြံစည်ထားကာမှ ဘလော့အသင်းချုပ် ချက်ရွမ်း ကိုဝင်ရအုံးမယ်။ မသွားပြန်ရင်လဲ ဒဏ်ပေးတဲ့အနေနဲ့ တက်ခ်ဂိမ်းတွေ ဗရပွရေးခိုင်းအုံးမည်။ ဟူး ဘလော့ကာ ဖြစ်ရတာ မလွယ်ပါလား။
“ဟေ့ကောင်... ငယွန်း မင်းတော့ ပွနေပြီ..”
နောက်လိုင်းတခုက ၀င်လာပြန်သည်။
“ဘာလဲဟ မင်းကလဲ အရင်းမရှိအဖျားမရှိ”
“မင်းကို ကြိတ်ကြွေနေတဲ့ ကင်ညာသူလေးက မင်းအကြောင်း မျက်နှာစာအုပ်ဆိုက်မှာ လျှောက်ဖွထားတယ်ဟေ့”
“အေ..ထပ်ထရီး... ဆိုးပ.. ဘာတွေဖွထားတာလဲ...”
“သိချင်ရင် ၀င်ခဲ့လေကွာ...”
တိန်... ဒီကောင်ကလဲ လူကို ကလိခဲ့တယ်..။ ဘာတွေရေးထားလဲ ပြောခဲ့တာ မဟုတ်ဘူး..။
“အော်..ခြူသစ်ရေ....
ဘူဖြစ်တာတောင် ... မေ့မရဘူး..
တကယ်တော့လေ ဒို့ဘ၀ဟာ စပိတ်ဖဲပေမယ့်
နောက်ဆုံးတိန် ပြီးခဲ့မှန်းတောင် မသိခဲ့သူပါ...
ကုန်းမြှီးနဲ့ ပြုံးဖြီးနေရပေမယ့် ..ကတုံးကြီးကိုတောင်.
စိတ်မ၀င်စားခဲ့ဘူးဖူး။
ဘ၀မှာ အချစ်မရှိရင်... ဆားပေါ့တဲ့ ဒညင်းသီးလို ပါပဲ...
အော်.. ခြူသစ်ရယ်..
တကယ်တော့ လေ....ကျမဟာ ညိုပြာညက်သူမို့...
အကို လာအက်ဒ် (add) မှာကို စောင့်နေရသူပါ....။”
(မှတ်ချက်..။ ဤကဗျာလေးသည် ဟိုးမိုင်ပေါင်း၃၀၀၀ ကျော်က ကိုကို့အတွက်ဖြစ်ပါတယ်။ ဘယ်သူလဲလို့ မမေးနဲ့နော်..မြန်မာပြည်က ကိုကိုယွန်းလို့ ပြောဘူး)
ဟိုက် ....မပြောပေလို့ပဲ..။ အင်း မဖြစ်သေးဘူး..။ ပိုင်ရှင် မသိခင်မြန်မြန်ထွက်မှ..။ တော်ကြာ.. ကိုယ် သူ့ မျက်နှာစာအုပ်ကို ကြည့်နေတာ တွေ့သွားရင်ဖြင့်..သူ့ကိုယ်သူ file transfer လုပ်လာမှဖြင့်..ဒွတ်ခ။
+++++++
အခန်း(၂)
“ဟေ့ လီလီ မင်းလာတာ နောက်ကျလှချည်လား ဘိုဖစ်တာလဲ”
အစည်းအဝေး ခန်းမ အ၀တွင်စောင့်နေသော ဘလော့ကာများဌာနရဲ့ စာရင်းစစ်ချုပ် ဂေါက်ဂေါက် က ဆီးကြို၍ ပြစ်တင်လေသည်။
“ဆောရီးပါဗျာ လမ်းမှာ ကွန်နက်ရှင်ကျနေလို့ဗျ.. လူတွေစုံနေပြီလား”
“ပြတ်နာပဲ... အထဲမှာ..လူစုံသလောက်တော့ ရှိနေပြီ...”
အစည်းဝေးခန်းထဲဝင်လိုက်တော့ တက်စ်တက်စ်၊ မီထရို၊ ဂျိမ်းစ်ကျော်ကြီး၊ ပိန်ဂိုးလ်၊ ရေခဲညှပ်၊ မှီမှီ စုံသလောက်ရှိနေပြီမို့ ခပ်သုပ်သုပ်လေး ထိုင်ခုံမှာ ၀င်ထိုင်လိုက်သည်။ ခဏကြာတော့ စတိတ်ပေါ်သို့ ဘဏ္ဍာရေးမှူးတက်လာပြီး
“ဟုတ်ကဲ့ ဘလော့ကာ လူကြီးမင်းများ မင်္ဂလာပါ.. ကျွန်မတို့ ဒီနေ့ပြုလုပ်အပ်တဲ့ နှစ်လယ် အစည်းအဝေးမှာ ကျွန်မက ဌာနချုပ်ရဲ့ ပြီးခဲ့တဲ့ နှစ်လယ်မတိုင်ခင်က ဘဏ္ဍာရေး အခြေအနေကို တင်ပြမှာ ဖြစ်ပါတယ်။ ပထမဦးစွာ တင်ပြလိုတာက ကျွန်မတို့ ဌာနခွဲ အသီးသီးရဲ့ အထွေထွေ ကုန်ကျစရိတ်ပဲဖြစ်ပါတယ်။”
ဘဏ္ဍာရေးမှူး ပိန်ဂိုးလ် က သူ့တကိုယ်ရေသုံး 11G (11th Generation) ဖုန်းကို နှိပ်လိုက်ရာ သူမ၏ အနောက်တွင် လေဆာပုံရိပ်တခု ပေါ်လာ၏။
“ရောင်စုံ တန်းပလိပ် ရောင်စုံတန်းပလိပ် တခုငါးပြား တခုငါးပြား ကြိုက်တဲ့ တန်းပလိပ်ရွေးပါ. ကြိုက်တဲ့ တန်းပလိပ်ရွေးပါ..တခုငါးပြား တခုငါးပြား..”
ဟိုက် ..ဘယ်သူမှ ထင်မှတ်မထားတဲ့ ကြော်ငြာတခု ပေါ်လာ၏။ ခပ်၀၀မင်းသမီးတစ်ယောက်က စကပ်တိုလေး ၀တ်ကာ တန်းပလိပ်နှစ်ခုကို လက်က ကိုင်ပြီး နှုတ်ခမ်းလေး တထော်ထော်နှင့် ကြော်ငြာပြနေသော ကြော်ငြာတခု ဖြစ်သည်။ အစည်းဝေး တက်လာသူများ အားလုံး ပါးစပ်အဟောင်းသား ဖြစ်သွား၏။ ဘာလဲဟ...ဘာလဲဟ..။
“အဲ..သည်းခံပါရှင် ကျွန်မ ဖိုင်ဖွင့်တာ မွှားတွားလို့ပါ..”
ထို့နောက် ဂရပ်ဖ်များ ပိုင်ချက်များဖြင့်ဆွဲထားသော စာရင်းဇယားများဖြင့် ရှင်းပြလေ၏။ ခုနက ပြူးသွားသော မျက်လုံးမှာ ခဏကြာတော့ မှေးစင်းပြီး အိပ်ချင်လာတော့သည်။
“ဟိုစတင်နဲ့ပတ်သက်လို့ ပိုက်ပိုက်ပေးပြီး သုံးချင်တဲ့သူတွေနဲ့ အလကားပဲတင်းပဲကြိုက်တဲ့ သူတွေဆိုပြီး ကျွန်မတို့ ဌာနမှာ နှစ်စုကွဲနေတဲ့ ကိစ္စကို မဲခွဲဆုံးဖြတ်ကြဖို့ပါပဲ..”
ဘဏ္ဍာရေးမှူးရှင်းပြနေတာ ကြားတချက် မကြားတချက်နှင့် ထောက်ခံသလိုလို ခေါင်းလေးတဆတ်ဆတ် ငြိမ့်ရင်း အိပ်ငိုက်နေမိလေသည်။
“ဖျောင်းဖျောင်း.. ဖျောင်း...”
လက်ခုပ်သံများ ဆူညံနေတော့မှ ကျွန်တော်လန့်နိုးသွားသည်။ ထို့နောက်တွင်တော့ လှုမှုဆက်ဆံရေး ၀ံကြီးဌာနမှ ညွှန်မှူး မှီမှီမှ
“မမှီတို့ အနေနဲ့ပေါ့နော်... အဲ့လိုပေါ့နော်... အင်း ဘယ်လိုပြော ရမလဲပေါ့နော်... ဒါပေမယ့်ပေါ့နော်...”
ဟု ပြည့်ပြည့်စုံစုံ တင်ပြသွားလေသည်။
ယခုအလှည့်ကျသူကတော့ ဘလော့တဂွန် ဌာနချုပ်မှ ပြာတာ ပန်းဆိုးတန်းလန်း ဂျိမ်းကျော်ကြီး..
“ဟုတ်ကဲ့ ကြွားရောက်ဟောက်....လာဟာ.. ကြတဲ့...”
ဘာဖစ်တာလဲဟ..။
ဂျိမ်းစ်ကျော်ကြီး။ ။“ဆောရီး အက်ကိုး ခလုတ် သွားနှိပ်မိလို့..”
“ဟုတ်ကဲ့ အာနီးမက်စေ့ရော.. လေးဒီးစ် အန်န် ဂျမ်းတုန်း လူဂျီးမင်းများ ခင်ဗျာ..”
ဂျိမ်းစ် ကျော်ကြီး ။ ။“ကျွန်တော် အနေနဲ့ လက်ရှိ ဘလော့နိုင်ငံတော်ကြီးရဲ့ လုံခြုံရေးကို အဓိက ခြိမ်းချောက်နေတဲ့ ကိစ္စကို တင်ပြလိုပါတယ်”
ဘလော့ကာ နိုင်ငံတော်ကြီးနှင့် သက်ဆိုင်သော သတင်းမို့ ခေါင်းထောင် ထလာကြသည်။
နုပ်။ ။“ဟင် .. ဘူသူတွေက ခြိမ်းခြောက်နေတာလဲဟင်”
“အခုလောလောဆယ် ကျွန်တော်တို့ကို အဓိက ခြိမ်းခြောက်နေတဲ့ နိုင်ငံတွေကတော့ Typad နိုင်ငံတော်နဲ့ ဂျွမ်းမလား ၊ ဇင်ကာ ဆိုတဲ့ ၀င်ရိုးစွန်း မဟာမိတ် နိုင်ငံတော်များ ပဲဖြစ်ပါတယ်။ ကျွန်တော်တို့ အနေနဲ့ တစတစ ကျွန်တော်တို့ ဘလော့စပေါ့ နိုင်ငံတော်ကြီးကို ဖက်ပြိုင်အံတု လာနိုင်တဲ့ ရန်ဘက် နိုင်ငံတော်တွေရဲ့ အင်အားကို ကြိုတင်ကာကွယ်ဖို့ အတွက် မဟာမိတ် နိုင်ငံဖြစ်တဲ့ ယူနိုက်တက်စ် ဝေါ့ပရက်စ် နိုင်ငံတော်နဲ့ ပူးပေါင်းသွား ဖို့ရှိပါတယ်။ ကျွန်တော်တို့ဟာ ဒီရန်ဘက် နိုင်ငံများကို တွန်းလှန်ပစ်ဖို့ မဟာ ဗျူဟာ တွေကို ချမှတ်ဖို့လိုပါတယ်။ အဲ့ဒိအတွက် စွမ်းအားမြှင့် widget များကို ထုတ်လုပ်သွားရမှာ ဖြစ်ပါတယ်...”
ထို့နောက် အသီးသီး တင်ပြကြပြီးသော အခါ အစည်းအဝေးကို အဆုံးသတ် လိုက်ကြ၏။
တက်စ်။ ။ ကဲ အစည်းအဝေး ပြီးပြီဆိုတော့ အခုအကောင်းဆုံးကတော့ ဘီယာဆိုင် သွားကြမယ်ဗျာ..။ ရွှေမန်းမှာ အသရေ လွှမ်းကြမယ်ဗျာ.။ ဒါဆို အကြံတွေ ထွက်လာနိုင်တယ်။
တချိန်လုံး ငြိမ်သက်နေသော ကြွက်တွင်းများ တူးဖော်ရေး ၀န်ကြီး မီထရိုက ...
“ဒီအစဉ်ကို အကြွင်းမဲ့ ထောက် ခံပါတယ်.. ဘရာဗို... ရွှီး.. ရွှီး”
ထိုစဉ်....
“ဟေ့... လောလောဆယ် အီးချော်နံတယ်.. ဘူသူပေါက်တာလဲကွ..”
ရေခဲညှပ်က နှာခေါင်းပိတ်ရင်း မေးလိုက်သည်။ အစည်းအဝေးခန်းထဲမှ လူများက အားလုံး ခေါင်းခါ၍ ငြင်းချက်ထုတ် ကြသည်။
ထို့နောက် ပိန်ဂိုးလ်က
“ဒါဆို ဒီလိုလုပ်မှ ပေါ်မယ် ထင်တယ်... အီးအီး ဘူသူပေါက် မောင်ပေါက်.. ပေါက်တဲ့ သူ မှန်မှန် ကျော အီးဘွတ် တရားဟော..”
အစည်းအဝေးခုံတန်းရှည်၏ အဆုံးဘက်တွင် ထိုင်နေသော စာရင်းစစ်ချုပ် ဂေါက်ဂေါက်က စပ်ဖြဲဖြဲနှင့်
“နာ ပေါက်တာကွ ဘာဖစ်လဲ.. ဂျကားတွေ ညားလို့ ပါးစပ်ပိတ်အောင် အီးထုလိုက်တာ ကဲကဲ အစည်းအဝေးပွဲ သိမ်းလိုက်တော့ဗျာ ပျင်းချာကြီး လိုအပ်သည်များကို မှာစားရအောင် ၀က်မှီးသွားမယ်”
ဂျိမ်းစ်ကျော်ကြီး။ ။ “ဟုတ်တယ် ဂေါက်ပြောသလိုပဲ ရွှေမန်း မသွားဘူး.. ၀က်မှီးပဲ ကောင်းတယ်”
တက်စ်။ ။ “ရဘူး.. ရဘူး.. ရွှေမန်းပဲ..”
ပိန်ဂိုးလ်။ ။ “ထောက်ခံပါတယ်... ထောက်ခံပါတယ်..”
ဂေါက်။ ။ “ဟဲ့ ယမ်းသန်းပြီး ထောက်ခံနေတယ်.. ဘာကိုထောက်ခံတာလဲ”
ပိန်ဂိုးလ် ။ ။ “ ဘာသိလို့လဲ အရာရှိကြီးကလဲ မထောက်ခံလဲ ထောက်ခံတယ် လုပ်မယ့် အတူတူ စောစောစီးစီး ထောက်ခံ လိုက်တာ ကောင်းပါတယ်။”
မှီ။ ။ “နာလဲ ပိန်ဂိုးလ် အတိုင်းပဲ ထောက်ခံပါတယ်... ထောက်ခံပါတယ်....”
နုပ်။ ။ “၀က်မှီးပဲ ကောင်းပါတယ်ဂျာ၊ တခွက်၊ တပြားလောက်ပေါ့ ငှက်ငှက်၊ ၀က်မှီးကင်လေးရယ်၊ ပြီးတော့ အမြည်းစုံလေး မရမ်းသီး ထောင်း စပ်စပ်လေး၊ လက်ဖက် ချဉ်စပ်လေး၊ ဟေးဟေး..”
ဂျိမ်းစ် ကျော်ကြီး။ ။ “ကဲကဲ... ဒါဆိုလဲ ၀က်မှီးကို သုံးမဲ ၊ ကျန်သူတွေက ၀က်မှီးဆိုရင် လက်ညှိုးထောင်”
ရေခဲညှပ်။ ။“သွားချင်တာသွား.. မြေနီကုန်း လမ်းကြားက ဖလန်း ဖလန်းလေးတွေ ထိုင်ငေးရတာပေါ့ ဟတ်ဟတ်”
ပိန်ဂိုးလ်။ ။ “အင်း..ဒါဆို မီးတို့ချည်းပဲ ပျင်းတယ်..၊ အမ ၀ါးဒီးကို ခေါ်လိုက်အုံးမယ်။ ပြီးတော့ ပန်ပန်လဲ ခေါ်မယ်..”
မှီ။ ။ “အင်းကောင်းတယ်.. ကောင်းတယ်..”
ဤသို့နှင့် အဆင့်မြင့် ဘလော့ကာအရာရှိ (ဘယ်နားရှိလဲတော့ မသိ) ဂျီးများ သည် အထူးထိပ်တန်း ဆုံးဖြတ်ချက်များကို ချမှတ်ရန် အလို့ငှာ ၀က်မှီးဆိုင်သို့ ချီတက်ကြလေသည် တမုံ့။
++++++++++++
ရေခဲညှပ်။ ။ “ဟေ့ဟေ့.. ပြောတော့ ၀က်မှီးဆို ဘယ်နှယ့် YKKO ကိုသွားနေကြတာလဲ”
တက်စ်တက်စ်က မချိုမချဉ် မျက်နှာဖြင့်..
တက်စ်။ ။ “ညှပ်ကြီးနှယ်.. ဒါက ထုံးစံလေကွာ... ပထမပိုင်းအစီအစဉ် အရ လေဒီဖက်တ် တွေ အတွက် လေဒီဖက်စ်၊ ကြေးအိုးစားကြမှာ၊ ဒုတိယ ပိုင်းကျတော့ ဟော.အီဖေကိုတို့ အထူးထိပ်တန်း ဆွေးနွေးပွဲလေ ငှက်ငှက်”
“အော် အဲ့ဂလိုလား..”
များမကြာမှီမှာပင် ပိန်ဂိုးလ်နှင့် မှီမှီ တို့၏ ပင့်ဖိတ်မှုအရ ဘလော့ကာမယ်တော်များ ဖြစ်သော ၀ါးဒီးအော့ခစ်၊ ပန်ပန်၊ တို့သည် ကိုယ်ပိုင် လက်ပ်တော့ ပျံကြီးများ စီးကာ အလျှိုလျှို ရောက်လာ ကြလေတော့သည်။
သို့နှင့် စားစရာများ အစုံအလင် မှာစားကြပြီးနောက် အရေးကြီးသော ထိပ်တန်း ဆွေးနွေးမှုများကို ပြုလုပ်ကြလေ၏။
မှီ။ ။ “ဟိုကိစ္စကြားပြီးပြီလား .. ”
ပိန်။ ။ “အေး ကြားပြီးပြီဟ အင်းနော် ..ဟုတ်သား အေး ဟုတ်ပါရဲ့အေ..”
မှီ။ ။ “ဟိုးထား.. ဘာမှ နာအကျောရသေးဝူးလေ..”
ပိန်။ ။“ဟုတ်ယား ချောတီး.. မှီမှီ”
ဝါးဒီး။ ။ “ဒီနေ့ တော်တော် လူစုံနေတာကိုး.. တို့လဲ တီကောင်တွေ အစာကျွေးနေတာနဲ့.. အစည်းအဝေးကို မလာဖြစ်တာ..”
ပန်ပန်။ ။ “ဝေ့ါထွီတွေ နကျောနဲ့လေဟာ...”
ဝါးဒီး။ ။ “ချောတီးဟာ..”
မှီ။ ။“ပြီးခဲ့တဲ့ တပတ်က နိုင်ငံတကာက အလိုရှိနေတဲ့ လူဆိုးဂျီး ကီးစိန် ဘလော့ကာ နိုင်ငံကို ရောက်နေ ပြီဆို.. အဲ့ဒါ ဟုတ်လား”
တက်စ် ။ ။“ကီးစိန်က သရဲတွေဘာတွေ မွေးတယ် ကြားထားတယ်.. အင်းဒီလိုဆို နာ ဖမ်းချင်နေတဲ့ သရဲတွေရဲ့ သဲလွန်စ ရနိုင်တယ်..”
တက်စ်တက်စ် ကတွေးတွေးစစနဲ့ ပြော၏။
“ဆရာတို့ ဘာသုံးဆောင်မလဲ မသိဘူးခင်ဗျ..”
“ကြေးအိုးအရောနှစ်ပွဲ ၀က်၊ ပြီးတော့ ကြက်တောင်ပံကင်၊ ကြေးအိုးဆီချက် ပွဲသေး”
သို့နှင့် တယောက်တပေါက် ၀ိုင်းမှာကြလေသည်။ ကျွနုပ်တို့ ၀ိုင်း၏ တ၀ိုင်းကျော်ရှိ အသားခပ်ညိုညို အင်္ကျီ အမဲရောင် ၀တ်ထားသော လူတယောက်သည် ဂဏ္ဍာမငြိမ်သော မျက်လုံးဖြင့် ကျွနုပ်တို့ ၀ိုင်းကို မကြာခဏ ကြည့်နေသည် ကို သတိထားမိလေသည်။ ထို့ကြောင့် ကျွနုပ်လဲ ခါးကြားမှ ရောင်ခြည် သေနတ်အား အသင့်အနေအထားဖြင့် ကိုင်ဆောင်ထားလိုက်လေသည်။ တယောက်တပေါက် မှာကြပြီးနောက် စားပွဲထိုးသည် မီနျူးမှတ်သော မှတ်စုတိုလေးပေါ်တွင် မှတ်နေရင်း ဘောပင်မင်ကုန်သွားပုံရကာ ထိုဘောပင်အား အိပ်ကပ်ထဲ ထည့်လိုက်ပြီး အခြားဘောပင် တချောင်းအား ဘောင်းဘီအိပ်ကပ်ထဲမှ နှိုက်လိုက်သည်။
“ဆောရီး ဘောပင်က မှင်ကုန်သွားပြန်ပြီ၊ နားကားတာပဲ..”
ထို့နောက် ၎င်းသည် ဘောပင်အား ကလစ်၂ချက်နှိပ်လိုက်၏။ ထိုစဉ်
“အားလုံး သတိ ..ရန်သူ....”
ကျွနုပ်ထင်ထားသည့် အတိုင်း မမျှော်လင့်သော အခြေအနေ တခု ဖြစ်ပေါ်လာ၏။ ကျွန်ုပ်တို့ ၀ိုင်းအား မကြာခဏ ကြည့်နေသော ပုဂ္ဂိုလ်သည် အသံနက်ကြီးဖြင့် သတိပေးကာ တမုဟုတ်ခြင်း ဂျွမ်းပစ်ကာ ကျွနုပ်တို့ ၀ိုင်းသို့ ရောက်လာလေသည်။ ထို့နောက် စားပွဲထိုးသည် ဘောပင်ထဲမှ အလုံးတခု ထုတ်လိုက်ပြီး ကြမ်းပြင်ပေါ်သို့ ပစ်ပေါက်ချလိုက်လေတော့သည်။
“ဖွတ်.....ရှူးးးးးးးး....”
မီးခိုးလုံးများ ကျွန်ုပ်တို့ ၀ိုင်းအနီးတွင် မွှန်ထူသွား၏။
“ဟဟ.. ဘာဖြစ်တာတုန်းဟ..အဟွတ်..အဟွတ်..”
“မလှုပ်နဲ့...”
ကျွန်ုပ်က အကျီအမဲနှင့် ဂျွမ်းပစ်လာသောသူကို လေဆာသေနတ်ဖြင့် ချိန်တွယ်ထားလိုက်သည်။ သို့သော် ထိုသူက ကျွန်ုပ်ချိန်ရွယ် ထားသည်ကို မမှုဟန်ဖြင့်
“တော်သေးတယ်ဗျာ.. ၀န်ကြီးတို့ ဘာမှမဖြစ်တာ... တော်တော်လဲ လျှင်တဲ့ ငနဲပဲ.. လက်မတင်လေး လွတ်သွားတယ်..”
မီနျူးမှတ်နေသော စားပွဲထိုးကား ရုတ်ခြည်းဆိုသလို ပျောက်သွား၏။
ကျွန်ုပ်က
“ခင်ဗျား ဘယ်သူလဲ...”
ဂျိမ်းကျော်ကြီး။ ။ “လီလီ မင်းသေနတ်ကို ချထားလိုက်ပါ..၊ သူက ငါတို့ လူပဲ”
“ဟုတ်ကဲ့. ကျွန်တော် အထူးစုံစမ်းရေး ဌာနက အကြီးတန်းစုံထောက် မိုးလှိုင်ညပါ.. ”
မှီမှီ။ ။ “အောင်ညတ်လေး အလန့်ထညက်ရှိလိုက်တာ.. ကံသီပေလို့...”
တက်စ်တက်စ်။ ။“ ကီးစိန်မှန်း မသိလိုက်ရတာ နာတယ်ဗျာ...နို့ ကိုမိုးလှိုင်ညက ကီးစိန်မှန်း ဘယ်လိုသိတာတုန်း”
မိုး။ ။ “ဒါကတော့ လွယ်ပါတယ်.. ကီးစိန်သုံးနေကျ စကားရှိတယ်လေ.. နားကားတယ် ဆိုတာပေါ့.. အဲ့ဒိအသံကြားလိုက်တော့ ကျွန်တော်လဲ မှတ်မိသွားပြီး သူ့ကို အပိုင်ဖမ်း မလို့ပဲဗျာ.. ကံဆိုးချင်တော့ ဒီလူက ကျွန်တော့် လှုပ်ရှားမှုကို မြင်သွားတယ်..”
ယနေ့တော့ ကျွန်ုပ်တို့ ၀န်ကြီးအားလုံး ဒူးတိုက်ဆွေးနွေးမည့် ဒုတိယပိုင်း အစီအစဉ်အား လုံခြုံရေး အခြေအနေ အရ လက်လျှော့လိုက်ရလေတော့သည်။ ဘာမှ မမှာစားလိုက်ရပဲ တကူးတက လက်ပ်တော့ပျံကြီးများ စီးလာကြသော ၀ါးဒီးနှင့် ပန်ပန်တို့ကတော့ မကျေမနပ်နှင့် ပြန်သွားကြသည်။
“ဟွန်း.. ကြေးအိုးလေးများ စားရမလား လာတယ်..၊ မသေတာ ကံကောင်း။ တော်ပြီ အိမ်မှာပဲ ဒေါင်းလုပ်ဆွဲပြီး စားတော့မယ်...” ဟုဆိုကာ လက်ပ်တော့များ အပြင်းနှင်၍ ပြန်သွားကြလေတော့သည်။
“ဘရွန်း... ဘရွန်း..”
+++++++++++++++
ဆက်ရန်.....
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
February 18, 2009 at 11:13 AM
အဲဒီခရီးသွားနည်းလေးလိုချင်လို့ပါ။
ဘယ်ဆိုဒ်နဲ့ဆက်သွယ်ရမှာလဲဟင်..း)
February 18, 2009 at 2:09 PM
ဖတ်ရင်းနဲ့မူးလာပြီး မောတယ် အမငေး မီနိုင်ဘူး
ပြန်တော့မယ်
February 18, 2009 at 6:08 PM
ရီးရလွန်းအား ကြီးလို့ ရှုးရှုးတောင်ထွက်တယ်...။
February 21, 2009 at 3:01 PM
အမလေးးးလေးးအူနာပီးသေတော့မယ် ကောင်လေးရေ
အိုင်ဒီယာက ပက်ပက်စက်စက် လန်ထွက်နေသကိုး
သိုင်းခရုကွာ မုံ့ကျွေးမယ် ဒီပို့စ်အတွက်
ယွမ်းယဲယွမ်းရိုက်တာ အဲ..လေ မပီချင်တော့ဘူး နာနော် ဟွင်းဟွင်း...
ဆက်ဖတ်မယ်..ဘယ်လိုဇာတ်သိမ်းလဲကွယ်...
February 21, 2009 at 8:25 PM
ဟား.. ဟား.. အိုင်ဒီယာတွေကတော့ ခိုက်တယ်ဟေ့...
တချို့လူတွေက နာနဲ့ သိပ်မသိတော့.. သိပ် မျက်လုံးထဲမပေါ်ဘူးဖြစ်နေတယ်.. ကောင်းတယ်ဟေ့.. နောက်တစ်ပိုင်းဆက်ဖတ်လိုက်အုံးမယ်...
February 23, 2009 at 4:00 PM
နာလေ.. ဒီနေ့ဗိုက်အောင့်လို့ နားနေရတာ...
ဒါကိုမှ ဖတ်မိတယ်.. တေချင်တာပဲ...။
ဝါးဒီးအော့ခစ်၊ ကို စဥိးစားနေတယ်..
ဘူလေးလဲ မသိဘူး
February 23, 2009 at 7:57 PM
ဟုတ်ကဲ့ အားပေးကြတဲ့ သူငယ်ချင်းများကို ကျေးဇူးတင်ပါတယ်..။ ဆက်ရေးပါ့မယ်...။ အော် ဆင်ဒဏ်လားရေ.. ၀ါးဒီးအော့ခစ် ဆိုတာ အမခွန်မြလှိုင်ကို ပြောတာပါ..။ :)