Scorpio ကြီးကျွန်တော်
SCORPIO-SAGITTARIUS CUSP
နိုဝင်ဘာ ၁၉၊ ၂၀၊ ၂၁၊ ၂၂ရက်နေ့ မွေးသောသူများသည် ဗြိစ္ဆာရာသီအထွက် ဓနုရာသီအ၀င် ရာသီနှစ်ခု ပေါင်းစည်းထားသည့် SCORSAGIAN စကော်ဆာဂျီးယန်းများဟု သတ်မှတ်သည်။ အသစ်အဆန်းကို လိုလားသည်။ စိုးမိုးချုပ်ချယ်မှုကို မကြိုက်၊ အလွန်ထက်မြက်သည်။ ပိုင်ဆိုင်လိုစိတ် ပြင်းထန်သည်။ Revolution အခြေအနေအသစ်ကို ပြောင်းလဲသူများ၊ လမ်းဟောင်းမလိုက်ဘဲ အရာရာကို အသစ်ထွင်၍ ဆောင်ရွက်သူများ၊ အငြင်းသန်သူများ မိမိအပေါ် ချုပ်ကိုင်လေ ဆန့်ကျင်တုန့်ပြန်လေ ပြုသူများဖြစ်သည်။ သူတစ်ပါးအပေါ် စည်းရုံးနိုင်သော စွမ်းအားမြင့်မားသည်။ ကိုယ့်အပေါ် ဆရာလုပ် အမိန့်ပေးခြင်းကို လုံးဝမနှစ်သက်။ သစ္စာတရားကြီးများ သည်။ စာနာမှုအား မြင့်မားသည်။ တစ်ပါးသူအတွက် ပေးဆပ်အနစ်နာခံသူများဖြစ်သည်။
လူမှုဆက်ဆံရေး
ပဋိပက္ခ များမည်။ ဆန့်ကျင်ဘက်ပြုသူများနှင့် ထိပ်တိုက်ရင်ဆိုင်ရမည်။ ကိုယ်က ကောင်းသလောက် ကိုယ့်အပေါ် ပြန်ကောင်းသူတွေ့ရန် ခဲယဉ်းသည်။ ဗြိစ္ဆာရာသီဖွား အားလုံးတို့သည် ရောက်သည့်နေရာ၊ ဖြတ်သန်းရသောဝန်းကျင်အတွင်း လူတိုင်းနှင့် အဆင်ပြေအောင် တသားတည်းကျအောင် ဆက်ဆံတတ်သည်။ ဤမိတ်ဆွေကို အထူးကောင်းအောင် ဆက်ဆံ၍ နောက်နေရာတွင် နောက်လူကို အဆင်ပြေအောင် ဆက်ဆံတတ်သည်။ ပစ္စုပ္ပန်နှင့် အတိတ်ကို ခြားခြားနားနား ပြုထားသည်။ ပစ္စုပ္ပန် မိတ်ဆွေများအတွက် ကိုယ်ကျိုးမငဲ့ ဆောင်ရွက်ပေးတတ်သည်။
အချစ်ရေး၊ မေတ္တာရေး
အချစ်ကို ဦးစားပေးသည်။ လူတစ်ဦးတစ်ယောက်ကို ချစ်မိပြီဆိုက မျက်စိအောက်က အပျောက်မခံ။ သဲသဲလှုပ်လှုပ် ချစ်တတ်သည်။ ကိုယ်ကသာ ချစ်သူများ လျှင်များမည်။ ကိုယ့်ချစ်သူသည် မျက်နှာများခွင့်မရှိ။ အချစ်ပြဿနာနှင့် ရင်ဆိုင်ရပါက နားလည်ခွင့်လွှတ်သည့်အပြင် ဖြစ်ရပ်ကိုလည်း ရင်ထဲမေ့ပျောက်မှုမရှိ။ ကိုယ်က သူတစ်ပါး တစ်ကြိမ်တစ်ခါ ယုံကြည်မှု ပျက်ယွင်းသွားပါက နောက်နောင် ဘယ်သော အခါမှ မယုံကြည်တော့၊ အမြဲမသင်္ကာစိတ် ၀င်နေမည်။ မုန်းပြီဆို လုံးဝလှည့်မကြည့်တော့။
အဟဲ အချစ်အရေး အတွက် နောက်ဆက်တွဲပြောပြရရင်-
ဗြိစ္ဆာရာသီဖွားတစ်ဦးအား ချစ်သူ အဖြစ် ရရှိပိုင်ဆိုင်သူတစ်ယောက်သည် လွတ်လပ်မှု အတိုင်းအတာတစ်ခုအား ဆုံးရှုံးရပေတော့သည်။ အမှန်တကယ်သစ္စာရှိသော ထားရာနေ စေရာသွား အချစ်အတွက် ဘ၀ကို ပုံအပ်သောသူများ၊ မေတ္တာတရား ကြီးမားသောသူများနှင့်သာ ဗြိစ္ဆာရာသီဖွားတို့နှင့် ထိုက်တန်သည်။ပြိဿရာသီ၊ ကရကဋ်ရာသီတွင်မွေးသောသူများနှင့် ချစ်မိက ထာဝရလက်တွဲရသော အဆင့်သို့ ချောချောမွေ့မွေ့ ရောက်ရှိလေ့ရှိသည်။ သိဟ်ရာသီ၊ ကန်ရာသီ ၊ မိန်ရာသီတို့နှင့် အခက်အခဲ ၊ အနှောက်အယှက် ကြုံပြီးမှ ဆုံစည်းခြင်း ကြုံမည်။ မိဿရာသီ၊ မေထုန်ရာသီ၊ ဓနုရာသီ တို့နှင့်ကား လုံးဝအဆင်မပြေပါ။
ဗြိစ္ဆာရာသီဖွား အများစုသည် လူမျိုး၊ ဘာသာဓလေ့ကွဲပြားသူများနှင့် မေတ္တာရေးကိစ္စပေါ်တတ်သည်။ လူမျိုးတူ၊ ဘာသာတူများနှင့် ဆုံစည်းက ဒုတ်ကြိမ်း၊ ဓားကြိမ်းသည် အထိ ဖြစ်တတ်ပါသည်တဲ့။
ကဲ ပြိဿတို့ ကရကဋ် ရာသီဖွား ကောင်မလေးများ ချစ်သူအဖြစ် လျှောက်ထားရန် လျှောက်လွှာများ ရနိုင်ပါပြီ။ ဟိဟိ နောက်တာ...။ :P
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "Scorpio ကြီးကျွန်တော်"
Post a Comment