နောက်ဆုံးဒြပ်စင်
ကြိုက်လို့ ပြန်လည် ဖော်ပြခွင့်ပြုပါခင်ဗျာ.။ ကျွန်တော့်မှာ အကျင့်တခုက
မြို့ထဲပန်းဆိုးတန်းသွားရင်း ကဗျာစာအုပ်ကောင်းတွေ ဟောင်းဟောင်း သစ်သစ်
ဝယ်စု တတ်တဲ့ ၀ါသနာပါတယ်။ ပြီးတော့ ၀ယ်လာတဲ့ ကဗျာစာအုပ်ပါးပါးလေးကို
တပတ်လောက်ကြာအောင် ဇိမ်နဲ့ဖတ်တတ်တယ်။ ပြီးရင် ကြိုက်တဲ့ အပုဒ်လေးတွေကို
တစ်ခ် လုပ်ထားလိုက်တယ်။ ဆရာမောင်စိန်ဝင်း(ပုတီးကုန်း) ကအစ ဆရာမင်းလူ၊
ဆရာမောင်သိန်းဇော်၊ ဆရာသစ္စာနီ၊ဆရာတာရာမင်းဝေ၊ ဆရာမင်းခိုက်စိုးစန်၊
ဆရာစိုင်းဝင်းမြင့် စတဲ့ဆရာတွေ အပြင် တခြားသော နာမည် ဆရာတွေရဲ့
လက်ရာမွန်တွေကြိုက်ရင် အကုန်ဝယ်စုဖြစ်ပါတယ်။ ဒါပေမယ့်ဗျာ တခုတော့
ရယ်စရာကောင်းရဲ့ ဒီလောက် ကဗျာတွေ ဖတ်ပြီး ကျွန်တော့် ကဗျာတွေက ခပ်ချာချာ
ဖြစ်နေတာကတော့ ကျွန်တော်ညံ့လို့ပဲ ဖြစ်မှာပါ။း) ကဲ..ဖတ်ရှု
ခံစားပေးကြပါအုံး...။ ဖတ်ပြီး မူးမသွားနဲ့နော်..။း)
****************************************
နောက်ဆုံးဒြပ်စင်
သူ မူးနေပြီလေ....။
သူ့အရိုးစုက ကျောပိုးသယ်လာခဲ့
ရှေ့တည့်တည့် ချိန်လျှောက်ခဲ့
နောက်လေးဆယ်ငါးဒီဂရီ
ရှစ်ဆယ်ဒီဂရီ
ငါးဆယ် ဒီဂရီ
ကိုးဆယ့်ငါး ဒီဂရီ
သူ အိမ်ကို တန်းတန်းမတ်မတ် ပြန်ချင်နေရှာပြီ။
အဝေးမှုန်လမ်းမရဲ့ လည်ပင်းမှာ
အဆင်းအတက် လှေကားထစ်များ ဆင်းတက်
ချဉ်သိုးသိုး စာရိတ္တတွေ နေရာအနှံ့ ထိုးအန်ချ
သူ့ ရိုးဂုဏ် တစ်ရပ်ကတော့
သဲကြိုးပြတ်ပြီး ကျွတ်ကျန်ခဲ့လေရဲ့။
တကယ့် ပါးလှပ်လှပ် သူ့လျှာ
နှုတ်ခမ်းထူပြာပြာတွေနဲ့ ငြိလို့
ဦးနှောက်တောင်ဘက်ခြမ်းနဲ့ မြောက်ဘက်ခြမ်း
ခပ်ကြမ်းကြမ်း စစ်ဖြစ်လို့
အာရုံဖမ်းရေဒါတွေ မယုံနိုင်စရာ ပျက်စီးလို့
သူ့မျက်မှန်ကိုတော့ ရှပ်အင်္ကျီအိတ်ထဲ ချွတ်ထည့်
လက်နဲ့ ဖိထားနိုင်တုန်းပါပဲ။
သူ ထိန်းတွယ်စရာ တစ်စုံတစ်ရာ ရလိမ့်မယ်
ဒါမှမဟုတ်
သူ ပြိုကျသွားလိမ့်မယ်
ဒါမှ မဟုတ်
တွဲထူသူ တွေ့လိမ့်မယ်
ဒါမှမဟုတ်
သူတစ်ခုခု ဖြစ်လိမ့်မယ်
ဘယ်သူ ပြောနိုင်ပါ့မလဲ။
ဒါပေမယ့်
ခွက်ထဲက နောက်ဆုံးတစ်ပက်ကို
သူလုံးဝ ငြင်းနိုင်ခဲ့တယ်။ ။
မောင်ပြည့်မင်း
ရုပ်ရှင်တေးကဗျာ
*****************************
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "နောက်ဆုံးဒြပ်စင်"
Post a Comment