နဲနဲလေးတော့ လွဲနေတယ်
နောက်ဆုံး ကလေးတွေ ၁၁နာရီနားတော့မှ ကျနော်လဲ စက်တွေပိတ်ပြီး စားပွဲမှာ ဖင်မြဲမြဲ စာထိုင်လုပ်နိုင်တော့တယ်...။ :D ပြီးတော့ နာရီမကြည့်မိပဲ လုပ်နေတာ နာရီကြည့်လိုက်တော့မှ ညက်ချွာဖရား.... ၂နာရီတောင် ကျော်နေပြီ... (စာမေးပွဲ ဖြေချိန်က သုံးနာရီလေ... အနည်းဆုံး ကျနော့် အိမ်က သွားရင် ပုံမှန် ၄၅ မိနစ်လောက်ကြာတယ် မြေနီကုန်းကို...) ။ အဲဒိ ကျမှ အသည်းအသန်ရေချိုးရင်း အပြေးအလွှား ကားဂိတ်ကို ပြေးရတယ်...။ တက္ကစီငှား မလို့ ဈေးမေးတော့ CNG ကားတောင် မြေနီကုန်းကို လေးထောင်တဲ့ (ပုံမှန် ၂၅၀၀) .. ဆိုတော့ တော်တော်... ဘတ်စ်နဲ့ပဲ စီးမယ်ဆိုပြီး ဘတ်စ်ကားနဲ့ ဒိုးရတာပေါ့။ ဘတ်စ်ကားက မြန်ပါတယ်.. မှတ်တိုင်တောင် သိပ်မ၀င်ဘူး။ ဒါပေမယ့် ရန်ကင်း ဂွတ်တလိပ် ဈေးကွေ့နားကျတော့ စ ကျပ်တော့တာပဲ။ အဲ့နားမှာက မဏ္ဍပ်တွေ ရှိတာကိုး..။ ဒွတ်ခပဲ အချိန်က ကပ်နေပြီ။ မြလမ်း နားအရောက်မှာ သုံးနာရီ အတိ ဖြစ်နေပြီ..။ အီးဟီးဟီး... ကယ်ကြပါအုံး စာမေးပွဲ ချိန်ကပ်နေပြီ...။ ဒါနဲ့ ရွှေဂုံတိုင်က တဆင့် ၁၀၇ ကားကို စီးရတာပေါ့...။ ဒါတောင် ကိုရွှေကားသမားတွေက လင့် လမ်းကနေ ကွေ့ပြီး မသွားဘူး..။ (အေးလေ.. သွားလဲ ဟိုဘက် အင်းယားလမ်း ထိပ်ကျတော့ သွားတစ်နေမှာပေါ့...။) သကောင့်သားတွေက မြေနီကုန်းကို တည့်တည့် မသွားသေးဘဲ ရွှေတိဂုံ ဘုရားဘက်က နေ သွားလိုက်သေးတယ်..။ ဟူး... စိတ်က ပူနေပြီ .. အချိန်ကကပ်နေပြီလေ..။ တော်သေးတယ်.. သုံးနာရီ ၂၀ လောက်တော့ ရောက်သွားတယ်...။ ကျောင်းက အိမ်သာထဲ မြန်မြန်ဝင် အ၀တ်လဲ ပြီး.. စာမေးပွဲ ခန်းထဲ ပြေးရတာပေါ့။ ပြီးတော့ ခပ်တည်တည်နဲ့ ထိုင်ခုံ တခုံမှာ ၀င်ထိုင်လိုက်တယ်...။ ခဏနေတော့ ဆရာမ တစ်ယောက်က ရောက်လာပြီး “မင်း ဘာ ဘာသာ ဖြေမှာလဲလို့ ”မေးတော့ ကျနော်ဖြေမယ့် ဘာသာ ရပ်ပြောလိုက်တော့ အခန်းမှားနေပြီတဲ့ ... ..။ အော် လွဲပြီးရင်း လွဲနေပါလား...။ တော်သေးတယ်.. ရေစိုရင် ထကြွ လာတဲ့ ကျနော့် ကိုယ်တွင်းက သင်္ကြန်ပိုး အကြောင်း ကျနော့်ကိုယ် ကျနော် အသိဆုံးမို့ စာကြိုလုပ်ထားလို့ ဖြေနိုင်သွားတယ်။ :D
အပြန်ကျတော့ မြေနီကုန်း၊ ရွှေဂုံတိုင်၊ ရန်ကင်း တကျောလုံး မဏ္ဍပ်တွေနဲ့ လည်တဲ့ကားတွေ ကြိတ်ကြိတ်တိုး စည်ကားလိုက်တာ.. ကျနော့်မှာ သူများပျော်လို့ မပျော်နိုင် စာမေးပွဲ ဖြေလို့ ကားပေါ်ကနေ မှိုင်ပြီး ငေးနေရတော့တာပါပဲ။ ဟင့်..။ နက်ဖြန်လဲ ဖြေရအုံးမယ်ဗျာ။ဒါပေမယ့် နက်ဖြန်က ၂နာရီလောက်ဆို ပြီးပြီမို့ အိမ်ပြန်လမ်းက ပုံတွေ ရိုက်ခဲ့မယ်နော်..။ ဒီနေ့အတွက်တော့ ချောတီး..။ :)
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "နဲနဲလေးတော့ လွဲနေတယ်"
Post a Comment