My TLMS

မနေ့က မနက်က ကျွန်တော် ရွှေဂုံတိုင်ကနေ အင်းယားလမ်းကို ၂၅၀၀ နဲ့ ကားငှားပြီး သွားခဲ့တယ်။ (ဒါတောင် တချို့ကတွေက ဈေးကိုင်သေးတယ် အင်းယားကို ၃၀၀၀၊ ၄၀၀၀ ဆိုပြီး) ။ ဒါတောင် ကျွန်တော်ငှားတဲ့ကားက အင်းယား လမ်းထိပ် နားထိ မရပ်ပေးဘူး ကားတွေ ကျပ်နေလို့ ဆိုပြီး ကျွန်တော့်ကို မာလာဆောင် မျက်နှာချင်းဆိုင် နားမှာ ရပ်ပေးတယ်။ ဒါနဲ့ ကျွန်တော်လဲ အင်းယားလမ်းကို လမ်းလျှောက်ခဲ့တာပေါ့။ ဟုတ်တော့ ဟုတ်တယ်ဗျ လမ်းဘေးတဖက် တချက်မှာ ကားတွေရပ်ထားတော့ ရေပက်ခံကားတွေနဲ့ ပြည်လမ်းက ကျပ်ကုန်တာပေါ့။ ပြီးတော့ လမ်းဘေး ပလက်ဖောင်းမှာလဲ လမ်းဘေးဆိုင်လေးတွေ ဖွင့်ထားသေးပြန်တော့ လမ်းလျှောက်တဲ့ လူတန်းကြီးက မနည်းတိုးနေရတယ်။ အင်းယားလမ်းထိပ်ရောက်တော့ ရေတွေ ဒလဟော စီးနေတယ်။ မဏ္ဍပ်တွေက ရေစပက်နေပြီလေ။ အင်းယားထိပ်ကိုရောက်တာနဲ့ အနဂ္ဂတို့ ထက်ထက်မိုးဥိးတို့ ထိုင်တယ်ဆိုတဲ့ X₂O မဏ္ဍပ်က Techno သီချင်းသံတွေ တအုန်းအုန်းနဲ့ ကြားနေရပြီ။ သီချင်းသံ ကြားတော့ ရင်ထဲမှာ ကလိကလိတောင် ဖြစ်တာတယ်။ ဟိဟိ။ :)

ကျွန်တော်တို့ မဏ္ဍပ်ကဒ်

လန်းသလားတော့ မမေးနဲ့ ဟိဟိ :P

ကျွန်တော်တို့ ထိုင်တဲ့ မဏ္ဍပ်

ရေပက်ခံထွက်တဲ့ ကားတွေ

ကျွန်တော့် ထိုင်မယ့် မဏ္ဍပ်က ဘုတ်ကလပ်နားမှာ ဆိုတော့ နဲနဲလှမ်းနေသေးတယ်လေ။ ဒါကြောင့် လူအုပ်ကြီးကို တိုးပြီး မြန်မြန်သွက်သွက်လေး လျှောက်ခဲ့တယ်။ ရေက ပက်ချင်နေပြီလေ။ သိတယ်မှတ်လား ကျွန်တော့် ကိုယ်တွင်းက သင်္ကြန်ပိုးတွေက သင်္ကြန်ရေ ထိရင် ရွစိရွစိ ဖြစ်လာပြီလေ။ :P မဏ္ဍပ်တွေက ရေတွေ စပက်နေပြီ ရေပက်ခံတဲ့ ကားတွေတောင် စရောက်နေပြီလေ။ ပုံမှန် ခဏလေးရောက်မယ့် ဘုတ်ကလပ် နေရာကို လူတွေကို တိုးနေရတာနဲ့ ၁၀ မိနစ်လောက်မှ ရောက်တယ်။ ကျွန်တော်ထိုင်မယ့် မဏ္ဍပ် စပွန်ဆာက Shoe Gallery ဆိုတော့ ဗီနိုင်းကြည့်လိုက်တာနဲ့ ကျွန်တော်တို့ မဏ္ဍပ်မှန်းသိလိုက်တယ်။ မဏ္ဍပ် နာမည်က gravity တဲ့။ ဒါနဲ့ ကိုဂေါက်တို့က ကြိုရောက်နှင့်နေမယ်ဆိုလို့ တဖက်လမ်း ပလက်ဖောင်း ကနေ မဏ္ဍပ်ပေါ်ကို ရေတွေ ကြားထဲက မနည်း ရှာရတာပေါ့။ ခဏနေတော့ ကိုဂေါက်က မဏ္ဍပ်ပေါ်ကနေ လက်လှမ်းပြပြီး အောက်ဆင်းလာတယ်။ ပြီးမှ မဏ္ဍပ် လက်မှတ်ဝယ်ပြီး တပ်ခဲ့တာပေါ့။ ကျွန်တော်တို့ မဏ္ဍပ် ပုံစံက လေးဆင့် ရှိတယ်။ အောက်သုံးဆင့်က ရေပက်တဲ့သူတွေအတွက်ပေါ့။ အပေါ်ဘက်ဆုံး အထပ်မှာ က ဘေးတဖက် တချက်မှာ ခြံခတ်ထားတဲ့ စတိတ်စင်လေး ၂ခု စီရှိတယ်။ ညာဘက် ခြမ်းနောက်ဘက်မှာက ဒီဂျေစင်ပေါ့။ အပေါ်ဘက်ရဲ့ အလယ်ကတော့ မီးစလိုက်တွေ၊ ရေပန်းတွေနဲ့ သီချင်းတွေနဲ့ ကမယ့် သူတွေရဲ့ နေရာပေါ့။ ကျွန်တော် အပေါ်ရောက်တော့ လူတွေတော်တော် များများ ရောက်နေပြီး ကနေကြပြီ။ ဟဲဟဲ ရောက်တာနဲ့ လူကို ဆီဖြည့်လိုက်တယ်။ :P ဆီမပြည့်တပြည့်ဖြစ်သွားတော့မှ သီချင်းသံတွေက ပိုမြူးလာသလိုဖြစ်လာပြီး ဒန့်စ် ဒန့်စ်တာပေါ့။ ဆီဖြည့်လိုက် ကလိုက် ကလိုက် ဆီဖြည့်လိုက်နဲ့ သံသရာကို လည်နေတာပါပဲ။ ဟီး။

ကျွန်တော်တို့ ကတဲ့နေရာ

၁၀ နာရီကျော်လောက်ကျတော့ ဖိုးသူတော် ရောက်လာတယ်။ မရှေးမနှောင်းမှာပဲ မမဘာညာတို့ မမဒီမိုတို့ ရောက်လာပြီး ကျွန်တော်တို့ အဖွဲ့ လူစုံပြီဆိုတော့ ဒန့်စ်ကြတယ်။ အော် ကျွန်တော်တို့ အဖွဲ့ဆိုလို့ မနေ့က မဏ္ဍပ် တူတူ ထိုင်တဲ့ လူတွေကတော့ ကိုဂေါက်၊ ကိုကြီးကျော်၊ မမဘာညာ၊ မမဒီမို၊ ဆိုင်ခရွန်၊ သဇင်ဏီ၊ ဖိုးသူတော်၊ ကျွန်တော် တို့ ဖြစ်ပါတယ်။ တနေကုန် ကလိုက်တာ ကလိုက်တာ နေ့ခင်း ၀ါးတီးကျွေးဖို့ ဒီဂျေစင်က ကြေငြာမှ ပဲ ဒန့်စ် တာ ရပ်တော့တယ်။ ဟီး။ ကျွန်တော်တို့ကို ကျွေးတဲ့ နေ့ခင်းစာက ထမင်းကြော် ကြက်သားလား ၊ ၀က်သားလား မသိပါဘူး။ အသားက ပါတယ်ဆိုရုံလောက်ပဲ။ ထမင်းကြော် သွားတန်းစီတော့ မဏ္ဍပ်ရဲ့ အနောက်ဘက် ချောက်ထဲမှာ မဏ္ဍပ်ကဒ်လေးတွေ ပြပြီး သွားယူရတာပေါ့။ စားသောက်ပြီးတော့ ရေက မဖွင်သေးတော့ ၁နာရီလောက် ထိုင်နေရသေးတယ်။ အပေါ်ဆင့် ကတဲ့ နေရာမှာ လူရှင်းသွားတော့မှ မူးပြီး ကိုးယိုးကားယား လဲနေတဲ့လူတွေချည်းပဲ သုံးလေးငါးယောက်လောက်ရှိတယ်ဗျာ။ သင်္ကြန်တွင်း ဒီလောက် အံဖတ်စို့အောင် သောက်တာတော့ သိပ် အဓိပ္ပါယ်မဲ့လွန်းနေသလားလို့။ ဟုတ်တယ်လေ ကျွန်တော်တို့လဲ လုံးဝ မသောက်ဘူး မဟုတ်ပါဘူး။ နဲနဲလေး အချမ်းပြေ ကကောင်းရုံလောက် သောက်ပါတယ်။ ဒါပေမယ့် တအားကြီး အမူးလွန်သွားရင် သင်္ကြန်ဆိုတဲ့ အပျော်လေး ပျောက်ကုန်မှာပေါ့။ တစ်နှစ်မှာ တစ်ခါ ပျော်ရတဲ့ ပွဲ မူးပြီး လောက ကြီးနဲ့ အဆက်အသွယ် ပြတ်နေရင် သင်္ကြန် အပျော်တွေ နှမြောစရာကြီး။ ၁နာရီကျော်လောက် ကျတော့ ရေပြန်ဖွင့်တယ် အပေါ်ထပ် မှာလဲ လူတွေ ပြန်ရောက်လာပြီး ကျွန်တော်တို့တွေ ပြန်ကကြပြန်ပါရော။

ကားတွေကလဲ မဏ္ဍပ်တွေ ရှေ့မှာ ကြိတ်ကြိတ်တိုးပဲ။ လူတွေကလည်း လမ်းလျှောက်ရင်း လာကြည့်သူတွေ ကောဆိုတော့ တိုးမပေါက်ဘူး။ အောက်အဆင့်က ရေပက်သူတွေပက်နေကြသလို အပေါ်ဆင့်က ကနေတဲ့ ကျွန်တော်တို့ကလဲ ဒစ်စကို သီချင်းသံတွေ ကြားမှာ ကပြီးရင်းကပေါ့။ ခေါင်းပေါ်ကရေပန်းတွေက ဖြန်း၊ ရောင်စုံ စလိုက်တွေက တဖျတ်ဖျတ်၊ သီချင်းသံတွေ တအုန်းအုန်း ကြားထဲမှာ ကျွန်တော်တို့တွေ အလိုက်သင့် စီးမျောနေကြတာပေါ့။ ကျွန်တော်တို့ ပျော်လို့ကောင်းနေတုန်း ညနေ သုံးနာရီလောက်မှာ မဏ္ဍပ်အပေါ်ဆင့်မှာ ရန်ပွဲလေးတစ်ပွဲ ဖြစ်လိုက်သေးတယ်။ ဒါပေမယ့် ခဏပါပဲ အချင်းချင်းဖြစ်တာ ထင်တယ်။ ဘာရယ် မဟုတ်ဘူး ရန်ဖြစ်တယ်ဆိုတော့ လူတွေက ရှဲကုန်တာပေါ့။ သင်္ကြန်တွင်း ရန်ရှာ၊ ရန်ပွဲဖြစ်တာလောက် အာရုံနောက်တာ မရှိဘူး။ ခဏနေတော့ သူတို့အချင်းချင်း ၀င်ထိန်းရင်းနဲ့ ပြေလည်သွားကြပါတယ်။ ကွိုင်ရှာတဲ့သူတွေကိုလဲ အောက်ကို ဆွဲချသွားကြတယ်။ ခဏနေတော့ သီချင်းသံတွေ ပြန်ဆူညံလာပြီး ပြန်ပြီး ရေပက် ၊ ပြန်ပြီး ကကြပါလေရော။ ကျွန်တော်လဲ အောက်အဆင့် မှာ ရေသွားပက်တုန်း အပေါ်တက်လာတော့ မမဘာညာ၊ မမဒီမို၊ ကိုကြီးကျော်တို့ မရှိတော့ဘူး။ ပြန်သွားကြလေရဲ့။ ဒါနဲ့ ကျန်တာက ဆိုင်ခရွှန်၊ ဏီဏီ နဲ့ ကျွန်တော်ပဲ ကျန်တော့တယ်။ ကျွန်တော် ကတော့ သူများတွေ အကုန်ပြန်ပြီး ညနေ ၆နာရီကျော် မဏ္ဍပ်ပိတ်တော့မှ အိမ်ကို မဏ္ဍပ် ဖယ်ရီနဲ့ ပြန်ခဲ့တာပေါ့။း)