အဆင့်မြင့်လာသော ခိုးကူးခွေများ
အရုပ်ပါတယ်ဆိုပေမယ့် အရင်အစထွက်တုန်းကတော့ ကိုရီးယား ဇာတ်လမ်းတွဲတွေ ဆီကနေ တွေ့ကရာ အရုပ်တွေ ဖြတ်ကပ်ညှပ်ပြီး တည်းဖြတ်ထားတဲ့ ခွေတွေပါ။ အဲ့ဒိနောက် တဖြည်းဖြည်းတော့ အရင်က ထွက်ခဲ့ဖူးတဲ့ မြန်မာ ဗွီစီဒီခွေတွေကနေ သီချင်းတစ်ပုဒ်စာ ဇာတ်လမ်း တစ်ခုလုံးပါ ဖြစ်လာပါတယ်။ မြန်မာ ဗွီစီဒီတွေ ဆိုတာကလည်း သီချင်းနဲ့ အရုပ်တွဲပြီး ပါတာက လွဲလို့ အလွမ်းသီချင်းဆိုရင် ကောင်မလေးနဲ့ ကောင်လေး ပထမ ပန်းခြံလိုနေရာမျိုးမှာ လျှောက်ပြေး၊ ပြီးရင် ကောင်လေး ဖြစ်ဖြစ် ကောင်မလေး ဖြစ်ဖြစ် အသဲတွေကွဲ အရင်က အကြောင်းတွေ နောက်ကြောင်းပြန်၊ အချစ်သီချင်းဆိုရင်လဲ ရီလိုက်မောလိုက်နဲ့ သမီးရည်းစားတွေ ဘာမှန်းမသိ လျှောက်ပြေးနေတဲ့ ဇာတ်လမ်းမျိုးတွေပဲဆိုတော့ အလွယ်တကူ ပြန်သုံးလို့ ရတာပေါ့။ အခုနောက်ဆုံး ဗွီစီဒီကူးခွေ တွေမှာတော့ ပိုပြီး အဆင့်မြင့် ပါတယ်။ အခုနောက်ဆုံး ထွက်တဲ့ ခွေတချို့ မှာတော့ အရုပ်တင် မဟုတ်တော့ပဲ MTV ပုံစံ အောက်က စာတန်းပါ ထိုးလာကြပါတယ်။ ဒီလိုသာဆို နောက်ပိုင်း ကာရာအိုကေလိုပါ စာတန်းထိုးလာဖွယ် ရှိပြီး စီဒီထွက်လာတာနဲ့တင် အတော် အလုပ်ဖြစ်မယ့် သဘောရှိပါတယ်။ ကဲ ဘယ့်နှယ်လုပ်ကြမလဲဗျာ။
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "အဆင့်မြင့်လာသော ခိုးကူးခွေများ"
Post a Comment