မြန်မာတကယ်နိုင်ပြီဗျို့
ကျွန်တော် မနေ့ က မြန်မာ အမျိုးသမီးပွဲကြည့်ဖို့ လူလိုက်ဆွယ်တော့ ကိုနေဘုန်းလတ်က လဲ အလုပ်ရှိသေးလို့တဲ့၊ ကိုမျက်စိက လဲ မအားဘူး ဆိုလို့ ဘယ်သူ့ကို မှ ခေါ်လို့မရဘူးလေ။ ဒါနဲ့ ကျွန်တော်လဲ တစ်ယောက်တည်း တက်ကြွစွာပဲ သုဝဏကွင်းကို ချီတက်ရတာပေါ့။ ဗိုလ်တစ်ထောင်နားက ကျောင်းကနေ ဆင်းတော့ ပုစွန်တောင်ဈေးကို ကားစီး ပြီးတော့ ၃၈ စီး (သူများကို မေးပြီးစီးရတာ)။ ဟာဗျာ ၃၈က ဒီဘက် သုဝဏလမ်းဆုံမှာရပ်တော့ ကျွန်တော် သုဝဏ တံတားကြီးကို မိုးထဲရေထဲ လမ်းလျှောက်သွားရတယ်(တက်ကြွနေတာ)
ဟိုရောက်တော့ နေ့ခင်း ၂း ၀၀ နီးပါးရှိနေပြီ အားပါး လက်မှတ်ဝယ်မယ့်လူတွေ က ကိုယ့်ထက် အရင်ရောက်နေကြတာ တန်းစီလို့။ လက်မှတ်က မရောင်းသေးဘူးတဲ့။ ကွင်းထဲမှာ ဟိုဘက် အပေါက်က ၀င်တဲ့သူတွေက ရောက်နှင့်နေပြီ ဆိုတော့ ကျွန်တော်တို့ အထူးတန်း လက်မှတ်တန်းစီတဲ့ လူတွေက လှုပ်စိလှုပ်စိ ဖြစ်နေကြပြီလေ။ ဒါနဲ့ ၂ နာရီ ခွဲလောက်ကျမှ လက်မှတ်စရောင်းပေးတယ်။ အထူးတန်းက ၂၀၀၀ ၊ ရိုးရိုးတန်းက ၁၀၀၀ တဲ့ ဗျာ။ အော်ဒီကြားထဲ ၀င်ချင်နေပါပြီဆိုမှ အထူးတန်းလက်မှတ် ရောင်းတဲ့ဘက်က ၀င်ပေါက် သော့က ပျောက်နေလို့ သော့ဖျက်ရသေးတယ်။ ကောင်းရော။ ကဲကွင်းထဲရောက်တော့ ကျွန်တော် ကြည့်ချင်ဇောနဲ့ ထွက်လာ တာ ဘာမှ မစားရသေးဘူးဆိုတာ မုန့်ဈေးတန်း ကိုမြင်တော့ မှ သတိရတယ်။ (ဂွီ) ဒါနဲ့ စမူဆာ သုပ်တစ်ပွဲဝယ်စားလိုက်တယ်။ မုန့်မျိုးစုံ ရောင်းတဲ့ ဆိုင်တန်းလေးတွေ လဲရှိသေးတယ်ဗျ။ ဒါပေမယ့် အမှတ်တရ ပစ္စည်းရောင်းတဲ့ ဆိုင်တော့ မတွေ့ဘူုး။ ပြီးတော့ ရေတဗူးဝယ် (အဲလေ) ရေ တထုပ်လို့ ပြောမှ ပိုမှန်မယ် ထင်တယ်။ ရေသန့်ကို ဗူးနဲ့ မပေးဘူး ကြွပ်ကြွပ်အိပ်နဲ့ ထည့်ပေးလိုက်တယ်။ ပေါက်မှာ စိုးလို့ နေမှာပေါ့။
ဒါနဲ့ ကျွန်တော် ပွဲကြည့်စင်ပေါ်ရောက်တော့ ကျွန်တော်ထိုင်တဲ့ ခုံတန်းအရှေ့မှာ အထက ၃ မင်္ဂလာ တောင်ညွန့်က ဘင်ခရာ အဖွဲ့တွေ ရှိတယ်ဗျ။(ခဏနေတော့ အောက်ဆင်းသွားတယ်) သူတို့က ဖွင့်ပွဲ အတွက် လာတာတဲ့။ အစောပိုင်းက မိုးရွာနေပြီး ကွင်းထဲ ရောက်တော့ နေတဖြည်းဖြည်း ပြန်ပူလာလို့ ပွဲက ပြောတော့ ၃ နာရီ ခွဲဆိုပြီး ဖွင့်ပွဲ ကို ၃နာရီခွဲကျော်မှ စတယ်ဗျ။ အခမ်းအနားစတင်ကြောင်း ကြေငြာပြီး ဘင်ခရာ အဖွဲ့တွေ ချီတက်ပြီး တီးမှုတ်ကြတယ်။ ပြီးတော့ တိုင်းရင်းသား ၀တ်စုံနဲ့ ကလေးတွေရော လူကြီးတွေပါ ထွက်လာပြီး ဇော်ဝင်းထွဋ္ဋ် က စည်းလုံးခြင်းသည် အင်အားကို မြိုင်မြိုင်ဆိုင်ဆိုင် သီဆိုပြီး ဖွင့်ပွဲလုပ်သွားတယ်။ ခဏနေတော့ မြန်မာ နဲ့ စင်ကာပူ အသင်းထွက်လာကြတယ်။ ပြီးတော့ ဗိုလ်မှူးချုပ်သူရအေးမြင့် က ကစားသမားတွေကို လိုက်လံနှုတ်ဆက်တယ်။ ပြီးတော့ မိုးဟေကိုတို့ အေးမြတ်သူတို့ မော်ဒယ်တွေ က ကစားသမား တွေကို ပန်းစည်းပေးတယ်။ အဟိ တကွင်းလုံး အသံတွေ ဆူညံသွားတာပဲ။ (ဝေးဟေးဟေး) (ကျနော် မအော်ဘူးနော်) :P
စင်ကာပူ နိုင်ငံတော်သီချင်းတီးတယ်။ ပြီးတော့ မြန်မာနိုင်ငံတော် သီချင်းကို အကုန်မတ်တပ်ရပ်ပြီး သံပြိုင် သီဆိုကြတယ်။ ပျော်စရာကြီးဗျာ။ ကဲဘောလုံးပွဲစတော့ မိုးသားတွေ တရိပ်ရိပ်တက်လာပြီး မကြာမှီ မိုးတွေ တအုန်းအုန်းရွာပါလေရော။ မြန်မာ နဲ့ စင်ကာပူတော့ ရေတောထဲ မှာ အကြိတ်အနှယ်ပဲပေါ့။ ပွဲစတာနဲ့ မြန်မာ ကချည်းပဲ ဖိနေတာပဲ။ စင်ကာပူက လဲ မိုးရွာထဲ မကန်တတ်လို့လား မသိဘူး ခြေတော်တော် ပျက်နေတယ်။ ကွင်းက တချို့ နေရာတွေ ရေ၀ပ်နေတယ်လေ။ ဒါပေမယ့် မနေ့က မြန်မာ နိုင်တာ မိုးရွာလို့တော့ မဟုတ်ဘူးဗျ။ မြန်မာ အမျိုးသမီးကစားသမားတွေ အသင်းလိုက်ကော တဦးချင်းပါ အလိမ်အခေါက် ကျွမ်းကျင်ကြတယ်။ ဘောလုံးက မြန်မာခြေထဲမှာချည်းပဲ။ မကြာပါဘူး။ မြန်မာ သွင်းတော့ အထူးတန်းပွဲကြည့် စင်တခုလုံး “ဂိုး” ဆိုတဲ့ အသံကြီး က အုန်းကနဲပဲ။ မြန်မာ က တချိန်လုံးဖိနေတာများ မြန်မာနောက်တန်းလူတွေက ကွင်းလယ်ထိ တောင်ရောက်နေပြီး စင်ကာပူကတော့ သူတို့ဘက်ကို တစ်သင်းလုံး ပိတ်ဆို့ ကစားနေရတယ်ဗျ။ ဒါနဲ့ မြန်မာက ပထမပိုင်းမှာပဲ ၃ ဂိုးပြတ်သွားတော့တယ်။ အော် ဒါနဲ့ ကျွန်တော်တို့ ရှေ့မှာ ဘင်ခရာအဖွဲ့တွေ ထိုင်တယ်မဟုတ်လား။ အဲဒါဗျာ ကျွန်တော်နဲ့ ဘေးက လူတွေ ၀ိုင်းမြှောက်ပေးတာ ကလေးတွေနဲ့ တိုင်ပင်ကို ကိုက်လို့။ ဘာတဲ့။ ကျွန်တော်တို့က မြန်မာ.. မြန်မာ … ဆိုရင် ကလေးတွေက ဘင်ကြီးတွေ တီးလို့ ဒုန်း…ဒုန်း…ဒုန်း…ဒုန်း….နဲ့လေ တီဗွီမှာ ကြားရမှာပေါ့ ဘင်သံတွေ အဲဒါကျွန်တော်တို့ ရှေ့က ကလေးတွေ တီးနေတာ။ ဟိုဘက် မှာလဲ တဖွဲ့ ရှိသေးတယ်။ ဒါပေမယ့် ကျွန်တော်တို့ ရှေ့က ကလေး တွေက ပိုတီးတယ်ဗျ။ တဒုန်းဒုန်းနဲ့ကို တီးပြီး အားပေးနေကြတာဗျာ။ အားရှိပါးရှိပဲ။ ဒါပေမယ့် ဒုတိယ ပိုင်းကျတော့ ကလေးတွေ ပြန်သွားကြတော့ အားသိပ်မရှိတော့ဘူး အားပေးရတာ။ ဒုတိယပိုင်းမှာလဲ မြန်မာပဲ ဖိနေတာ။ တကယ်ဗျာ ထူးဆန်းတယ်။ မြန်မာ ဂိုးသမားခင်ဗျာ တပွဲလုံး တဂိုးမှ မဖမ်းရဘူး။ ဂိုးတိုင်နားမှာ ချမ်းလို့ ခုန်တောင်ခုန်နေရတယ်ဗျ။ ဒုတိယပိုင်းကျတော့ ဘယ်သူမှလဲ မသွင်းနိုင်ကြတော့ဘူးဗျာ။ မြန်မာက ဖိပေမယ့် ရေချောနေ ရေတွေဝပ်နေလို့ မ၀င်တော့ဘူး။ ဒါပေမယ့် ကျွန်တော် ထင်ပါတယ် မြန်မာ ဒီခြေစွမ်းနဲ့ ဆို အုပ်စု လုံးဝ ကျွတ်ပြီး ဗိုလ်လုပွဲတောင်တက်တယ်။(မှတ်ချက်။ ။ ကျွန်တော့် ကင်မရာ က အဝေးကြီး ဆွဲလို့ မရလို့ ကွင်းထဲ ကတချို့ပုံလေးတွေ ၀ါးနေတာ သည်းခံပေးကြပါ)
ကြည့်ချင်လွန်းလို့ မိုးရေထဲမှာ လမ်းလျှောက်ပြီး သုဝဏကွင်းသွားနေတာပေါ့
မြန်မာနိုင်ငံ ခြင်းလုံး အဖွဲ့ချုပ်ကလဲ လာရောက်အားပေးသေးတယ်။
မိုးထဲရေထဲ မှာ လက်မှတ်ဝယ်ဖို့ စောင့်နေကြတဲ့ မြန်မာဘောလုံးချစ်ပရိသတ်တွေ
အားပေးချင်လွန်းလို့ အထူးတန်းပွဲကြည့်စင် လက်မှတ်ပေါက်လေးကို ဒီလို တိုးဝှေ့ကြရတယ်။
သုဝဏအားကစားကွင်းကြီး
ကျောင်းက လာကတည်းက ဘာမှ မစားရသေးလို့ စမူဆာသုပ်ဝယ်စားနေတာဗျ။ ဗိုက်ဆာနေလို့လားမသိဘူး ပူပူနွေးနွေးလေး ကောင်းတယ်ဗျ။ စားကြပါအုံး အဟိ :D
ဖွင့်ပွဲ အခမ်းအနား
ဂိုး...................
အထူးတန်းမှာ ဒီလို စိတ်ဝင်တစားအားပေးနေတဲ့ ပရိသတ်
ဘင်ခရာ တီးတဲ့ ကျောင်းသူမလေးတွေကလဲ ဤသို့ အားပါးတရ ဘင်တီးပြီး အားပေးကြသဗျ
ဤသို့ အကြိတ်အနယ် ကန်နေကြတယ်။ တချိန်လုံး စင်ကာပူ ဘက်မှာကြီးပဲ ဘောလုံးက ၀ဲနေတယ်။
မြန်မာနိုင်လို့ပျော်နေတဲ့ ပရိသတ်တချို့
ပြီးသွားပြီ မြန်မာက စင်ကာပူကို ၃ ဂိုး ဂိုးမရှိနဲ့ နိုင်တယ်။ မြန်မာပွဲပြီးတော့ ထိုင်းနဲ့ လာအိုပွဲကို ၁၅ မိနစ်လောက်ကြည့်လိုက်သေးတယ်ဗျ။ အံမယ် လာအိုက ကစားသမားတွေက သူတို့ ထွက်လာပြီး သွေးပူလေ့ကျင့်ခန်းလုပ်တော့ မြန်မာပရိသတ်ဖက်ကို လက်အုပ်လေးတွေ ချီပြီး ဂါရ၀ ပြုကြတယ်ဗျ။ သိတဲ့အတိုင်း မြန်မာက ယိုးဒယားဆို သိပ်ကြည့်လို့ မရတော့ ပရိသတ်တွေက လာအို လာအိုဆိုပြီး အော်ဟစ်နေကြတယ်လေ။ ကျွန်တော်တို့ ပရိသတ်တွေ တချိန်လုံး လာအို..လာအို ဆိုပြီး အော်ဟစ်အားပေးနေကြတော့ အထူးတန်းပွဲကြည့်စင်က လာအိုအဖွဲ့က အလံတွေလိုက်ဝေပေးတယ်ဗျ။ မြန်မာပရိသတ်တွေလဲ လာအိုအလံကြီးတွေ တလွင့်လွင့်နဲ့ပေါ့။ ဒါပေမယ့်အားပေးရတာ အားမရှိပါဘူး။ လာအိုက ခြေနဲနဲ ညံ့တယ်ဗျာ။ ကျွန်တော် သတိထားမိတာ ကျွန်တော်တို့ မြန်မာ အသင်း အုပ်စု မှာ ယိုးဒယားခြေစွမ်းက မဆိုးတော့ အုပ်စုဗိုလ်ကို မြန်မာနဲ့ လုရမယ့်ပုံပဲ။ ကဲနောက်နေ့တွေလဲ အဆင်ပြေရင် မြန်မာပွဲတွေ လိုက်ကြည့်အုံးမယ်ဗျာ။ ဒီနေ့ မြန်မာ ပရိတ်သတ်အားပေးပုံက တော့ အားရှိစရာပဲ။ သူငယ်ချင်းတွေလဲ နောက်နေ့ တွေ အားရင် လာအားပေးကြအုံးနော။ ရှားရှားပါးပါး မြန်မာ့မြေမှာ ကန်တဲ့ နိုင်ငံတကာပွဲမဟုတ်လား။
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "မြန်မာတကယ်နိုင်ပြီဗျို့"
Post a Comment