စာအုပ်ဖတ်ခြင်း
ကျွန်တော် အက်ဆေးလေးတွေ မရေးဖြစ်တာ ကြာပါပြီ။ မရေးဖြစ်တဲ့ အကြောင်းက ကျွန်တော် အခုတလော စာရေးခြင်းထက်၊ စာအုပ်တွေ ဖတ်ခြင်းကို ပိုအရသာတွေ့နေ မိတယ်ဗျ။ အခုရက်ပိုင်း အတွေးပိုင်းဆိုင်ရာ စာစုလေးတွေ ပိုဖတ်ဖြစ်နေတယ်။ တခါတလေ ကြုံဖူးလား မသိဘူး။ စာအုပ်တအုပ်ကို ပြီးအောင် ဖတ်ရင်း၊ အဲ့ဒိစာအုပ်နဲ့ ပုံစံတူ ရသပိုင်းပေးနိုင်တဲ့ စာအုပ်တွေကို ဆက်တိုက် ဖတ်ချင်နေတဲ့ အာသီသ မျိုးပေါ့။ စာအုပ်မျိုးကွဲတွေထဲမှာ ကျွန်တော် နှစ်ခြိုက်မိတဲ့ စာအုပ်အမျိုးအစား တွေကတော့ အတွေးအခေါ်ပိုင်းစာအုပ်တွေ၊ သမိုင်းကြောင်း ဆိုင်ရာ စာအုပ်တွေ( ဒီစာအုပ်တွေကို ဖတ်ရတာ ကြိုက်တယ်၊ ဒါပေမယ့် ကျွန်တော် ခုနှစ်တွေ မှတ်တဲ့ နေရာမှာ အပျင်းထူတယ်ဗျ)၊ အနောက်တိုင်း ဂမ္ဘီရ (occult ကိုပြောတာ၊ မြန်မာလို ဒီလိုပဲ ပြန်တယ် ထင်တယ်၊ ဂမ္ဘီရဆိုတာနဲ့ ဘိုးတော်တွေ၊ ၀ိဇ္ဇာတွေ အင်းအိုင်ခလဲ့တွေကို သွားပြေးမမြင်နဲ့အုံး၊ ဒါတွေက မြန်မာပြည်က စူဠတွေ မတူဘူး၊ ဟိုဟာက ကျိုးကြောင်းဆီလျှော် ဆက်စပ်မှုတွေလဲ ပါတယ်၊ ယုံကြည်မှု သက်သက် တင်မဟုတ်ဘူး၊ သချာင်္တွေ၊ တခြား သိပ္ပံနဲ့ နှီးနွယ်နေတဲ့ ထူးဆန်းအံ့သြဖွယ် ဘာသာရပ်တွေ ဖြစ်ပါတယ်။)၊ သိပ္ပံစာအုပ်တွေ၊ စိတ်ကူးယဉ်သိပ္ပံဝတ္ထုမျိုးတွေ၊ အသဲတယားယား ဖြစ်စေတဲ့ ခေတ်ပေါ်ကဗျာလေးတွေ စတာတွေ ဖြစ်ပါတယ်။
ကျွန်တော် စာဖတ်ရင် သက်တောင့် သက်သာရှိတဲ့ နေရာထိုင်ခင်းနဲ့ ဖတ်လေ့ရှိတယ်။ ကုလားထိုင်၊ ဒါမှမဟုတ် ခေါင်းအုံးလေး ခပ်မြင့်မြင့် ဆင့်ပြီး ခြေဆန့်လက်ဆန့် ဇိမ်နဲ့ ဖတ်တယ်။ သက်သောင့် သက်သာရှိတော့ ခန္ဓာကိုယ်အနေနဲ့လဲ ဇိမ်ရှိသလို၊ စာဖတ်ရတဲ့ အရသာဟာလဲ အတော်လေး ဇိမ်ရှိတာကို တွေ့ရတယ်။ အဟဲ ကျွန်တော်က အားယားနေတဲ့ကောင်မို့လဲ ဖြစ်မယ်။ :P စာတကယ် ဖတ်တဲ့အခါ ဖတ်ရင်း ဖတ်ရင်းနဲ့ ကိုယ်ညံ့နေသေးတာ ပိုပိုသိလာတယ်။ ဆိုလိုတာ စာတွေ ဖတ်ရင်းနဲ့ ကိုယ်မသိသေးတာ၊ နောက်ထပ် လေ့လာစရာတွေ ထပ်ထပ်တိုးလာတယ်ဗျာ။ စာအုပ်တွေကလဲ ကာလံဒေသံ ရှိသေးသဗျ။ အချိန်မတန်သေးပြန်ရင်လဲ ဖတ်လို့ မရပြန်ဘူး။ လိုအပ်တဲ့ အခြေခံ အချက်လေးတွေ မရှိပဲ ဖတ်ပြန်တော့လဲ မထိဘူး။ ခက်တယ်၊ ရှုပ်တယ်။ နားမလည် ဘူး ဖြစ်ရော။ ဆရာကိုတာ စာအုပ်လေးတွေဆို ကျွန်တော် ၁၀တန်း ဖြေပြီးလောက် ကတည်းက ၀ယ်ထားဖြစ်တယ်။ ဘာရယ် မဟုတ်ဘူး။ နည်းနည်း ဖတ်ကြည့်တော့ သဘောကျတယ်ပေါ့ဗျာ။ ဒါပေမယ့် အဲ့ဒိတုန်းက ငယ်သေးတော့ လုံးစေ့ပတ်စေ့ နားမလည်ဘူး။ တချို့ အချက်အလက်တွေ ဘာကို ဆိုလိုချင်မှန်း မသိဘူး။ ဒီတအုပ်ထဲကို ပြောတာ မဟုတ်ပါဘူး။ ဆရာ ဆန်းလွင် စာအုပ်တွေကော၊ တချို့စာအုပ်တွေကော ကျွန်တော် ငယ်စဉ်တုန်းက ကြိုးစား ဖတ်ကြည့်ပေမယ့် ဘယ်လိုမှ အကုန်မရ ဘူး ဖြစ်နေတယ်။ အဲ့ဒါဟာ ဘာလဲ ဆိုတော့ ကျွန်တော် အဲ့ဒိစာအုပ်တွေ ဖတ်ဖို့ အခြေခံ အုတ်မြစ် လေးတွေ လိုနေခဲ့တာပဲ။ အခုဖတ်နိုင်လောက်တဲ့ အခြေအနေမှ ..ဟား တကယ်ဂွတ်သကိုး ဖြစ်နေတာ။
ဒီအုတ်မြစ်လေးတွေကို ဘယ်လိုချရမလဲ ဆိုတော့ စာတွေ ဖတ်တတ်လာဖို့ စာတွေကို ဖတ်ဖို့ လိုတယ်။ ဟုတ်ပါတယ်။ စာတွေကို များများ နားလည်ချင်ရင် စာဖတ်ခြင်း အလေ့ကို များများ လုပ်မှရမှာပါ။ ဟိုးအရင်တုန်းက ကျွန်တော် ဘာမှန်း မသိ ၀ယ်ထားပြီး သိမ်းထားမိတဲ့ စာအုပ်တွေက အခုချိန် ပြန်ဖတ်တော့ တယ်ဟုတ်သဟ ဆိုတာမျိုးတွေပေါ့။ မှတ်မှတ်ရရတော့ ကျွန်တော် ကိုးတန်းလောက် တုန်းက ၀ယ်မိတဲ့ အမေရိကန် အခြေခံဥပဒေ စာအုပ်လေးကို အဲ့ဒိတုန်းက ဘာမှန်း မသိဘူး နားမလည်ဘူး တွေ့လို့ စိတ်ဝင်စား ပြီး ဖတ်ကြည့်တာပဲ။ အခြေခံလိုအပ်ချက်လေး ရှိနေတော့ ဖတ်မရဘူး။ အထက်လွှတ်တော်တွေ ၊ အောက်လွှတ်တော်တွေ တာဝန်ခွဲဝေယူမှု အပိုင်းတွေ၊ အခွင့်အာဏာတွေ၊ ဘာတွေ မှန်း မသိဘူး အဲ့ဒိစာအုပ်လေးကို ကျွန်တော် အိမ်တွေဘာတွေ ပြောင်းတော့ သူများကို ပေးပစ်ခဲ့မိတယ် ထင်တယ်။ အခု ကျွန်တော် သတိရလို့ ဖတ်ချင်လာတော့ ကိုယ်က နားလည်လာလို့ ဖတ်ချင်လာတော့ မရှိတော့ဘူး။ နှမြောလိုက်တာဗျာ။ စာအုပ်စာပေ လူ့မိတ်ဆွေဆိုတာ စာအုပ်တွေကို အငမ်းမရ ဖတ်မိတဲ့ အခါမှ တန်ဖိုးကို ပိုသိလာတော့တယ်။
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "စာအုပ်ဖတ်ခြင်း"
Post a Comment