ပြတင်းတဘက်ခြားက ရပ်ဝန်း
(၁)
မိုးသက်လေပြင်းများ ကျတတ်သော ယခုလို ရာသီမျိုး တွင် အိမ်ရှေ့ရှိ မြေနီလမ်းလေး ဆီမှ မြေသင်းရနံ့ပါသော လေများသည် အိမ်လေးထဲသို့ တိုးဝှေ့တိုက်ခတ် လာတတ်သည်။ ဘာပဲဖြစ်ဖြစ် မိုးရနံ့ ပါသော လေကို ရှုရှိုက်လိုက်ရတော့ အနည်းငယ် လတ်ဆတ် သွားသလိုပင်။ ပြတင်းပေါက်ဘောင်များတွင် ချိတ်ဆွဲထားသော ကုလားကာများကို အသာလှစ်ဟလိုက်သည်။ အမြဲတမ်းကြည့်နေကျ ပြတင်းပေါက်၏ ဟိုမှာဘက်က ရှုခင်းများကို နေ့တိုင်းကြည့်သော်လည်း မရိုးနိုင်ပဲ ငေးကြည့်နေဆဲ။ သူငေးကြည့်သော နေရာမှာ တဘက်ခြံထဲသို့ ဖြစ်သည်။ ထိုအိမ်သည် သူတို့ ရပ်ကွက်ထဲသို့ ပြောင်းရွှေ့လာသည်မှာ တလပင် မပြည့်သေးပေ။ တဖွဲဖွဲကျနေသော မိုးစက်လေးများကြားထဲမှ တဖက်တိုက်ရဲ့ ပြတင်းတံခါးဆီကို လှမ်းကြည့်လိုက်သည်။ နံရံပေါ်ရှိ တိုင်ကပ်နာရီသည် ခြောက်နာရီ တိတိထိုးပြီဖြစ်ကြောင်း တေးသွားများ မြည်လာတော့၏။ သူစိတ်လှုပ်ရှား စွာဖြင့် အဲဒိ အပေါ်ထပ်ထို ပြတင်းပေါက်ကို…..။
+++++++++++++
(၂)
မှိန်ပြသော မီးအလင်းတခု ဖျတ်ကနဲ လင်းသွားသည်။ အိမ်ကြီးတခုလုံး မီးချောင်းများထွန်းပြီး ယခုအခန်းလေးမှာကျတော့ ဘာကြောင့် အ၀ါရောင်မီးလေးသာ ထွန်းထားကြမှန်းမသိ။ ထို့နောက် သူမြင်တွေ့ချင်သော အရိပ်လေးတခု ပြတင်းပေါက်ရဲ့ ခပ်လှမ်းလှမ်းဆီမှာ လှမ်းတွေ့နေရသည်။ ထိုအရိပ်လေးသည် မိန်းမပျိုလေး တစ်ယောက်၏ ပုံရိပ်ဖြစ်ပြီး သေချာမမြင်ရသော ပုံရိပ်ကလေးကပင် လှပ၍ နူးညံ့သိမ်မွေ့သူလေး ဖြစ် လိမ့်မည်ဟု ထင်ဟပ်မိသည်။
သူမ၏ မျက်ဝန်းလေးသည် ၀ိုင်းစက်ရွှန်းလဲ့ နေလိမ့်မည်။ သူမလေးတွင် အကြောစိမ်းလေးများပင် ပေါ်နေသော ချစ်စရာ ပါးရဲရဲ လေးရှိလိမ့်မည်။ နှုတ်ခမ်းသွယ်သွယ်လေးလဲ ပိုင်ဆိုင်သူဖြစ်လိမ့်မည်။ ပြီးတော့ ဒီချိန်တိုင်း ထိုကောင်မလေးကို ထိုအခန်းထဲ၌ မြင်တွေ့နေရတာ လွန်ခဲ့သော ၅ရက်ထဲကပင်။ ဒီချိန်ဆို အဲ့ဒိ ခပ်မှိန်မှိန် မီးလေးများ ထွန်းထားသော အခန်းထဲ၌ သူမလေး မလှုပ်မယှက် ဘာတွေ လုပ်နေပါလိမ့်။ ဒါပေမယ့် ကောင်မလေး ပုံစံက တခုခုကို စိတ်ဝင်စားစွာ ငေးစိုက်ကြည့်နေပုံ ပါပဲ။ မိုးတွေ ပိုသဲလာတော့ တဘက်တိုက် ကို မိုးပေါက်တွေ ကြားမှ မနည်း ကြည့်နေရသည်။ ညမှောင်ရီ ပျိုးတော့မည်။ ပြီးတော့ ထိုအခန်းလေးသည် မီးများ ပိတ်သွားသည်။ ဟင် ..။ သူ့ရင်ထဲဟာ ကနဲဖြစ်သွားသည်။ ကျေးဇူးပြုပြီး မသွားပါနဲ့အုံး ကောင်မလေးရယ်။
+++++++++++++++++++++++
(၃)
၆နာရီခွဲ…။ နာရီဝက်စာ အချိန်လေးသည် သူ့အတွက် ခံစားမှုတွေ အများကြီးပေးသွားသည်။ 12 girl band တေးသွားများကို ဖွင့်လိုက်သည်။ ငြိမ့်ညောင်းလှသော သံစဉ်များကို ညက်ညောစွာ စီးမျောလိုက်သည်။ ပြီးတော့ စိတ်ရှိလက်ရှိ လွမ်းပစ်လိုက်တော့သည်။ အချစ်ဆိုတာ ဘာလဲ သူမသိတော့ပေ။ သူအရင်က သိခဲ့တာ သူ့နေထိုင်သော တစ်ထပ်ပျဉ်ထောင်အိမ်လေးရယ်။ သူ့အချစ်တော် ခွေးလေးတစ်ကောင်ရယ် ဒါက သူ့ကမ္ဘာလေးပဲဖြစ်သည်။ သူအတွေးတခု ရသွားသဖြင့် အိပ်ခန်းကုတင်အောက်က ကင်းပတ်စ ဘောင် တခုကို ယူလိုက်သည်။ ပြီးတော့ ထောက်တိုင်ကို ကျနစွာ ထောင်လိုက်သည်။
ပြီးတော့ ကင်းပတ် ပေါ်က ဖုန်တွေကို သုတ်သင်လိုက်သည်။ ပန်းချီမဆွဲတာ ဘယ်လောက် ကြာနေပြီလဲ။ ဆေးခွက်ထဲသို့ ရောင်စုံဆေးများ ညှစ်ချပြီး အရောင်တွေ ဖျော်စပ်နေသည်။ သူပန်းချီဆွဲရန် အကြောင်းပေါ်လာပြီပေါ့။ ၀ါသနာအရ ပန်းချီဆွဲ သော်လည်း သူ့အလုပ်နှင့် တော့ ပတ်သက်သည် မဟုတ်ပေ။ သူဒီလို စိတ်ကူးပေါက်လာလျှင်တော့ ဆွဲလေ့ရှိသည်။ သူဘာဆွဲရမည်လဲ။ သူခဲဖြင့် ကောက်ကြောင်းတခု ဆွဲလိုက်သည်။ အင်း သူစိတ်ထဲကို စိုးမိုးနေသည့် ကောင်မလေး ပုံပဲ ဖြစ်သည်။ ဟုတ်တယ် သူကောင်မလေးကို မမြင်ရတဲ့ အချိန်မျိုးဆို ဒီပုံတူလေးနဲ့ အလွမ်းဖြေလို့ ရနိုင်တယ်။ ဒါပေမယ့် သူတကယ် ဆွဲမယ် ဆိုတော့ ကောင်မလေး၏ မျက်နှာကို အပြည့်အစုံဆွဲဖို့ ခက်ခဲနေသည်။ သူစိတ်ထဲေ၀၀ါးနေသည်။ ကောင်မလေး၏ ပုံရိပ်က မပြတ်မသား ဖြစ်နေပြန်သည်။
သူစိတ်ကူးဖြင့် မှန်း၍ ဘယ်လိုဆွဲဆွဲ သူဆွဲလိုက်သော ပုံတိုင်း ထိုကောင်မလေးနှင့် မတူဟု ခံစားမိသည်။ သူခပ်ဖွဖွ ဆွဲပြီးသား ပုံကြမ်းကို ပြန်ဖျက်ပစ်လိုက်သည်။ နောက်တော့ သူ့ပြတင်းပေါက်ဆီကနေ ဟိုဘက် တိုက်ရဲ့ ပြတင်းတံခါးလေးဆီ မြင်နေရသည့် မြင်ကွင်းလေး အတိုင်းပင် ရေးဆွဲလိုက်သည်။ သူအချောသတ်လိုက်သည်။ သူဆွဲသော ပုံက ရှင်းရှင်းလေး။ ပြတင်းပေါက် တခုကနေ တခြား ပြတင်းပေါက် တခုဆီက ၀ိုးတ၀ါး အရိပ်လေးကို မြင်နေရသည့် ပုံလေးပင်။ အင်း အခုမှ သူ့ခံစားချက်နှင့် တထပ်တည်းကျ သွားတော့သည်။ သူက ပန်းချီကားထဲက သေသေ ချာချာ မမြင်ရတဲ့ ကောင်မလေးကို ငေးကြည့်ရင်း သဘောကျစွာ ပြုံးလိုက်သည်။
+++++++++++++++++
(၄)
မိုးရာသီလေးသည် အုံမှိုင်းစွာ သည်းထန်နေ၏။ ယနေ့သည် စနေနေ့ဖြစ်ပြီး စနေ့မိုး မို့ တနေကုန် ဆွေနေလေတော့သည်။ ရုံးပိတ်ရက်မို့ သူအိမ်ရှေ့ တံစက်မြိတ်လေးမှ အိမ်ရှေ့လမ်းမပေါ်သို့ ကြည့်နေ၏။ လူမျိုးစုံ၊ ထီးမျိုးစုံသည် လမ်းမပေါ် ဖြတ်လျှောက်သွားကြ၏။ ငွေရောင် ထီးမိုးထားသော လူသည် သူ့အိမ်ရှေ့တွင် လာရပ်ပြီး လူခေါ်ခေါင်းလောင်းထိုးနေသည်။ မိုးပေါက်များ ကြားမှာ ထီးဆောင်းရင်း ထိုသူကို ခြံတံခါးဖွင့်ပေးလိုက်သည်။
“ကျွန်တော်က ဟိုဘက်ခြံကပါ.. အကို့ဆီမှာ မီးစမ်းတဲ့ တက်စတာ ရှိလား”
“ဟုတ် ရှိတယ်ဗျ..။ ခဏလေး ကျွန်တော်ယူပေးမယ်။”
ထို့နောက် တက်စတာကို ထိုလူအား ကမ်းပေးရင်း ဘာဖြစ်လို့လဲလို့ အနည်းငယ် မေးမြန်းကြည့်တော့
“မီးအားမြှင့်စက်က ညှော်နံ့ထွက်လာလို့ စမ်းမလို့… အကိုကော နည်းနည်းပါးပါး ကြည့်တတ်လား..”
“ကြည့်တတ်ပါတယ်…”
အမှန်တော့ လျှပ်စစ်အင်ဂျင်နီယာ တစ်ယောက်ဖြစ်ကြောင်း မပြောပြဖြစ်လိုက်ပါ။
စိတ်လှုပ်ရှားမှု အပြည့်နှင့် ၀န်းခြံထဲကို လိုက်သွားသည်။ သူမမြင်ဖူးသေးသော သူမရောက်ဖူးသေး သော ဟိုဘက်ခြံသို့…။
မီးအားမြင့်စက်ကို အဖုံးဖွင့်ပြီး ကြည့်တော့ ဒါးမိန်းဆီကို သွယ်ထားသော ၀ါယာသည် ပူပြီး ရှော့ခ်ဖြစ်သွားပုံရသည်။ လောင်သွားသော ဒါးမိန်းနေရာတွင် သူ့အိမ်တွင် အပိုဆောင်ထားသော ဒါးမ်ိန်းဖြင့် လဲလှယ် တပ်ဆင်ပေးလိုက်လေသည်။ ကျေးဇူး တင်စွာဖြင့် သူတို့က ဧည့်ဝတ်ပြုကြသည်။ သူတို့ အိမ်၏ ဧည့်ခန်းတွင် ရှေးဟောင်း အနုပညာ ပစ္စည်းအများ အပြား တွေ့ရသည်။ စိတ်ဝင်စား စွာနှင့် ငေးမော ကြည့်နေရင်း
“ရှေးဟောင်း ပစ္စည်းတွေ စုဆောင်း တတ်ပုံရတယ်..”
အိမ်ရှင်က သဘောကျစွာ ပြုံးလိုက်ပြီး
“ဒီလို…ကိုမင်းဆက်…. ကျွန်တော်တို့ လုပ်တဲ့လုပ်ငန်းက ရှေးဟောင်း ပစ္စည်းတွေကို ရောင်းတဲ့ အလုပ်လေ ဒါကြောင့်ပါ.. အင်း ဒီလုပ်ငန်းကလဲ ၀ါသနာ လဲပါတယ်ဆိုတော့ စုဆောင်းမိသွားတာလေ”
ဖိနပ်ချွတ်တွင် ငွေရောင် ဒေါက်ဖိနပ်ကလေး တရံတွေ့ရသည်။ ချစ်စရာကောင်းသော ဖိနပ်ကလေး၏ ပိုင်ရှင်သည် ဘယ်သူဖြစ်မလဲ။ သိချင်တာက ဤအိမ်၌ မိသားစုဝင် ဘယ်နှစ်ယောက် ရှိတယ်ဆိုတာကိုပင်။ ဒီလိုမေးရင် ပထမဆုံး အကြိမ်မှာပင် သူ့ကို စပ်စုသူဟု ထင်သွားမည် စိုးသောကြောင့် မမေးမိလိုက်ပေ။
+++++++++++++
(၅)
တ၀က်တပျက်ပါပဲ....
မပြီးဆုံးသေးတဲ့ သက်ရှိပန်းချီကားဟာ...
အဝေးက မျှော်ကြည့်သူ တစ်ယောက်အတွက် မှုံတိမှုံဝါးနေတုန်းပဲ
အလင်းနှစ်တခုစာ မခြားပေမယ့် အလင်းနှစ်တခုစာ ခြားနေတယ်....
ခပ်ဖွဖွ ရွတ်ဆိုတတ်တဲ့ ကဗျာဟာ အမည်မသိနှုတ်ခမ်းထက်မှာ..
လှပစွာ သီကုံးဖွဲ့နေလေရဲ့....
ဟိုမှာဘက်ဆီက သိုဝှက်တတ်တဲ့ ကောင်မလေးရယ်...
လူမသိသူမသိ........ချစ်တယ်....။
++++++++
(၇)
အလှူပွဲ....။ တဖွဲဖွဲရောက်လာနေသော ဧည်သည်များကား အရောင်သွေးစုံလင်လှသည်။ ခြံဝင်းထဲနှင့် ခြံရှေ့တွင်တော့ ကားမျိုးပေါင်းစုံ ရပ်ထားကြသည်။ ကိုမျိုးမြင့်တို့ အိမ်က စီးပွားရေးလုပ်ငန်းပိုင်ရှင် ပီပီ အသိမိတ်ဆွေ ပေါပုံရသည်။
မနက်ဦးပိုင်း ဘုန်းကြီးများနှင့် အာရုံဆွမ်းကို သူတို့ မိသားစုနှင့်ပင် ကပ်လိုက်ကြပုံရသည်။ ဧည့်ခန်းထဲတွင် စားပွဲဝိုင်းများပေါ်၌ ဧည့်သည်များ ပြည့်နေ၏။
“အော်.. ကိုမင်းဆက် လာ ကြွပါ အပေါ်ထပ်ကို.”
“ညီမလေးရေ.. အပေါ်ထပ်အတွက် မုန့်တပွဲယူခဲ့ပါအုံး”
မင်းဆက် စိတ်လှုပ်ရှားစွာ ဖြင့် မီးဖိုဘက်ဆီသို့ လှမ်းကြည့်လိုက်သည်။
“ဟုတ်ကဲ့ ကိုကြီးရေ…”
ဟင်း.. သက်ပြင်းပြန်ချလိုက်ပြန်သည်။ သူထင်ထားသော ကောင်မလေး မဟုတ်သေးပေ။ အသက် ၁၅နှစ်ခန့်သာ ရှိသေးသော ကလေးမလေး တယောက်သာ ဖြစ်သည်။ ကိုမျိုးမြင့်မှာ မွေးချင်း ဘယ်နှစ်ယောက်များ ရှိသေးပါလိမ့်။ ကိုမျိုးမြင့် က ဦးဆောင်၍ သူ့ကို အပေါ်ထပ်ကို ခေါ်သွား၏။ အပေါ်ထပ်မှာတော့ ရပ်ကွက်လူကြီးတွေနှင့် တခြား ရင်းနှီးသော မိတ်ဆွေများ...။ အပေါ်ထပ် ဧည့်ခန်း၏ နံရံများဆီတွင်လဲ ပန်းချီကားများ ချိတ်ဆွဲထားသေး၏။ ပြီးတော့ ကနုတ်ပန်းများ အနုစိတ်ခြယ်ထားသော ပန်းချီကားဘောင်များ၊ စောင်းကောက်များ၊ ငွေဓားများဖြင့် ရှေးဟောင်း ပစ္စည်းအများအပြားကို ထပ်မံတွေ့ရလေသည်။
စားသောက်ပြီးတော့ သူက အခန်းထဲရှိ ရှေးဟောင်း ပစ္စည်းများကို လိုက်လံကြည့်နေမိသည်။ ခဏနေတော့
“ကိုမင်းဆက်..လဲ ဒီလို ပစ္စည်းတွေကို ၀ါသနာပါပုံရတယ်..”
မင်းဆက်ကြည့်နေသော ပန်းချီကားကို ကြည့်ရင်း ကိုမျိုးမြင့်က နှုတ်ဆက်လိုက်၏။
“ဟုတ် ကျွန်တော်လဲ ပန်းချီဝါသနာပါတယ်ဗျ... ဒီပန်းချီကားထဲက မိန်းကလေးပုံက တော်တော် အသက်ဝင်ပြီး မြန်မာဆန်တယ်နော်.. ဒီလက်ရာမျိုးတော်တော် ရှားမှာပဲ”
“ဟုတ်တယ်ဗျ.. သေချာကြည့်ရင် ပန်းချီကားထဲက အမျိုးသမီးက လှလဲလှတယ်ဗျ လက်ရာမြောက်လို့လား မသိဘူး ဒီပုံက ဗမာပုံ မဟုတ်ဘူး....”
ကိုမျိုးမြင့်က မင်းဆက်ရဲ့ ကောက်ချက်ကို ကြားချင်၍ လားမသိ ပြောမည့် စကားကို ခဏရပ်ထားလိုက်သည်။
“အင်း ကျွန်တော်လဲ အဲ့လိုမြင်ပါတယ်။ ဒီပုံကို ကြည့်ရတာ နန်းဆန်တယ်ဗျ..။ ပြီးတော့ တော်တော်လေး ရုပ်ကြွတယ်ဗျ။ ဒါရှေးမြန်မာ ပန်းချီလက်ရာစစ်စစ်ပဲဗျ..။ဆွဲထားတဲ့ ကောက်ကြောင်းတွေ ရိုးရှင်းတယ် ကိုယ်ပိုင် ဟန်အပြည့် ရှိတယ်၊ ကျွန်တော် ထင်တာ မမှားဘူး ဆိုရင် ရှမ်းလူမျိုးဖြစ်မယ်”
“အဟား.. ကိုမင်းဆက် ပန်းချီကို ၀ါသနာထုံတယ် ဆိုတာ ယုံသွားပြီဗျာ..။ မြင်လဲမြင်တတ်တယ်ဗျာ.၊ အမှန်ပဲဗျ ဒီပန်းချီကားကို ရှမ်းပြည်ဘက်ကနေ ကျွန်တော် ရလာတာ၊ ဒီတချက်တော့ ကျွန်တော်နဲ့ ၀ါသနာ တူသွားပြီဗျာ”
ကိုမျိုးမြင့်က အလွန်သဘောကျစွာနှင့်
“ကျွန်တော်လဲ ပန်းချီဝါသနာပါတယ်ဗျ.. လာ ကျွန်တော်ပြမယ်..”
ကိုမျိုးမြင့်က ပြောပြောဆိုဆိုနှင့် သူ့ကို အပေါ်ထပ် တနေရာကို ဦးဆောင်ခေါ်သွား၏။ ထို့နောက် အခန်းလေး တခန်းထဲကို ခေါ်သွားသည်။
“ဒါ ကျွန်တော့် အလုပ်ခန်းဗျ၊ ၀ါသနာ အရလေး တွေ လုပ်တယ်ပေါ့ဗျာ..၊ ဒီအခန်းထဲက လက်ရာတွေက ကျွန်တော် ဆွဲထားတာတွေချည်းပဲ..”
ကိုမျိုးမြင့်ရဲ့ ပန်းချီလက်ရာများက တကယ်တန်းဝင်သော ပန်းချီလက်ရာများ ဖြစ်သည်။ အများစုမှာ သရုပ်မှန်များ ဖြစ်သည်။ အခန်းပတ်ပတ် လည် တွင် ပန်းချီကား ၂၀ ခန့်ရှိသည်။
“အဲ.. ဒါကတော့ ကျွန်တော် လတ်တလောဆွဲနေတဲ့ ပန်းချီပဲဗျ....”
ထောက်တိုင်မှာ ထောက်ထားသော ကင်းပတ်စပေါ်ရှိ လိပ်ပြာတကောင်၏ ပုံကို ကြည့်ရင်းပြောသည်။ လိပ်ပြာအကြီးတကောင်၏ပုံ ဖြစ်သည့် အပြင် နောက်ခံတွင်လည်း လိပ်ပြာငယ်လေးများနှင့် ပန်းပွင့်များ ရောစပ်ထားပုံက အစပ်အဟပ် တည့်လှသည်။
မင်းဆက်သည် အမှတ်တမဲ့ သူ့အိမ်ဘက်ဆီကို ပြတင်းပေါက်မှ လှမ်းကြည့်လိုက်၏။ သူစိတ်လှုပ်ရှားသွားသည်။ အကြောင်းမှာ ဒီအခန်းလေးသည် သူ့အိမ်ဘက်ဆီမှ မြင်ရသော အခန်းလေး ဖြစ်သည်။ ဒီဘက်ပြတင်းပေါက်ကနေ သူ့အိမ်ဘက်ကို ကြည့်ရင်း ၆နာရီတိုင်း တိတ်တခိုးကြည့်လေ့ရှိသော သူ့ပုံရိပ်ကို သူပြန်မြင်ရသလိုပင်။
“ကျွန်တော် အမြဲတမ်း ညနေ၆နာရီဆို ပန်းချီဆွဲတယ်ဗျ...”
ဒါဆို ကိုမျိုးမြင့် တယောက် ပန်းချီဆွဲရန် မော်ဒယ်ငှား၍ ဆွဲခြင်းများလား။ ဒါပေမယ့် အခုထိ အခန်းထဲမှာတော့ မိန်းကလေးနှင့် ပတ်သက်သော ပုံမတွေ့မိသေး။
အင်း ဟုတ်နေပြီ။ သူသိချင်သော ကောင်မလေး အကြောင်း ပြောတော့မလားဟု ကိုမျိုးမြင့်၏ စကားကို နားစိုက်နေသည်။
“ကားတွေက များနေတော့ ကျွန်တော်ကား တချို့ကို အခန်းအနောက်ဘက်ကို ရွှေ့ပြီး ထပ်ထားရတယ်လေ။ ညနေစောင်းဆို ဒီနေရာကနေ..”
ကိုမျိုးမြင့်ကား တကယ့်ကို အနုပညာကို ဈာန်ဝင်စား တတ်သော သူဖြစ်မည် ထင်သည်။ ပုံမှန်ဆိုလျှင်လဲ သူပြောတာကို သေချာ နားထောင် နိုင်ပေလိမ့်မယ် ယခုမူကား သူအရမ်းဆန္ဒပြင်းပြစွာ သိချင် နေသော အမည်မသိ ကောင်မလေး အကြောင်းကို ဖြစ်၍ ကိုမျိုးမြင့် စကားပြောနေသည်ကို ပင် စိတ်မရှည်ချင်သလို ဖြစ်လာသည်။
နံရပ်၌ ကပ်ထောင်ထားသော ပန်းချီကား ချပ်ကြီးတခုကို သူရွှေ့လိုက်သည်။ ပြီးတော့ ဘီးတပ်ထားသော ခုံတခုကို ပြတင်းပေါက်နားသို့ တွန်းရွှေ့လိုက်သည်။
“ကျွန်တော် ပန်းချီဆွဲရင် မိုးဇက်ရဲ့ တေးသွားတွေ ဖွင့်ထား တတ်တယ်ဗျ.. ဒါမှ စိတ်တွေ ကြည်လင်လာတယ်လေ။ ဒီခုံကို ကျွန်တော်နဲ့ အနီးဆုံးကိုရွှေ့ပြီး သီချင်း.....”
မင်းဆက်ကား ကိုမျိုးမြင့်ပြောနေသော စကားများကို လုံးဝ မကြားတော့ပဲ ကြက်သေသာ သေ နေမိသွားတော့သည်။ ပြီးတော့ သူ့ရင် တခုလုံး ဗြောင်းဆန်သွားတော့သည်။ ၀မ်းနည်းသလိုလို၊ ၀မ်းသာသလိုလိုနှင့် အမည်မဖော်နိုင်သော ရင်ခုန်လှုပ်ရှားမှုကြီးက သူ့ခန္ဓာ တခုလုံးကို တုန်ဟီးသွားစေတော့သည်။ အကြောင်းမှာ ကိုမျိုးမြင့် ရွှေ့လိုက်သော ခုံ၏ အနောက်တွင် ထုဆစ်ထားသော သက်မဲ့ ရှေးဟောင်း ရုပ်ထုတခုကို မြင်တွေ့သွားခြင်း ဖြစ်သည်။ သူအလွန်တရာမှ စွဲလမ်းနေသော အမည် မသိကောင်မလေးသည် အမှန်တကယ်တော့ သစ်သားရုပ်ထု (သို့မဟုတ်) သက်မဲ့ ပစ္စည်းသက်သက်ပါလား။ ဘုရား...ရေ... သူနှစ်နှစ်ကာကာ ချစ်ရသော၊ သူ မြတ်နိုးမိသော စွဲလမ်းမိသော ၆နာရီ အချိန်က နတ်သမီးလေးသည် ရှေးဟောင်း ရုပ်ထု တခုသာ ဖြစ်တော့သည်။ ရှေးဟောင်း ရုပ်ထု တခုသာ ဖြစ်၏။ ရှေးဟောင်း ရုပ်ထုသာ ဖြစ်၏။ ရုပ်ထု တခုသာ......။
“ကိုမင်းဆက်.. ကိုမင်းဆက်..”
“ဟားဟား..ဟား.. ဟားဟားဟား... ကျွန်တော်...ကျွန်တော် ဒီရုပ်ထုလေး.....”
++++++++++++++
မိုးတွေ တဖြိုက်ဖြိုက် ရွာသွန်းနေ၏။ ပြတင်းပေါက် မှ လှမ်းကြည့်လိုက်လျှင် အိမ်ထဲတွင် တယောထိုးနေသော သူတယောက်ကို မြင်နိုင်သည်။ ထိုသူသည် ပန်းချီကား တချပ်ကို သူ့ရှေ့တည့်တည့်တွင် ထောင်ထားရင်း ဘယ်ချိန် အဆုံးသတ်မည် မသိသော တယောကို အဆက်မပြတ် တီးနေ၏။ သူ၏ နံဘေးဘက်ရှိ စားပွဲခုံပေါ်တွင်ကား ထက်ပိုင်းကျိုးနေသော သစ်သားရုပ်ထု တခုကို တွေ့ရလေသည်။ အိမ်အပြင်ဘက်ဆီမှ မြေသင်းနံ့များ ပျံလွင့်လာ၏။ မိုးကား အဆက်မပြတ်သည်းထန် နေဆဲ...။
++++++++++++++++++++++++++++++++++++
ဒီဝတ္တုတိုလေးကို ကျွန်တော်ရေးထားတာ ၂နှစ်ခန့်ရှိနေပါပြီ။ လက်ရာဟောင်းလေး ဆိုပါတော့ဗျာ။ ကောင်းချင်မှလဲ ကောင်းပါလိ့မ်မယ်။ ဆက်လက်ကြိုးစားပါအုံးမည်။
မင်းယွန်းသစ်
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
January 10, 2009 at 2:52 PM
ဟောင်းပေမယ့်လည်း ကောင်းဆဲပါ...
(လက်ရာဟောင်းဆိုလို့)
January 10, 2009 at 7:31 PM
အာဟ ဖတ်လို့ကောင်းတယ်သယ်ရင်း အမှန်အတိုင်းပြောရရင် ကောင်မလေးကို ဖွဲ့နွဲ့ပြီး မပီဝိုးတ၀ါးနဲ့ ဇတ်လမ်းကိုသယ်လာကထဲက အနောက်မှာတေ့ဖြုတ်တော့မယ်ဆိုတာ သိနေတယ် :)။ ဒါပေမဲ့တကယ်ဖတ်လို့ကောင်းတဲ့ ၀တ္တုတိုလေးပါ။
January 12, 2009 at 3:30 AM
အရေးအသားတော့ ပြောစရာကိုမရှိဘူး... ဇာတ်လမ်းလေးလည်း သဘောကျတယ်.. မိုက်တယ်..
February 8, 2009 at 1:12 AM
ကောင်းတယ်.. နောက်ဆုံးတစ်ခုခုဖြစ်တော့မယ်ဆိုတာတော့ သိနေတယ်.. ဒါပေမဲ့ ဘာဖြစ်မလဲဆိုတာကို အရေးအသား သိုသိုသိပ်သိပ်နဲ့ ဆွဲဆောင်သွားနိုင်တယ်.. နောက်ဆုံးအပိုင်းတော့ နားမလည်ဘူး.. ငါပဲ ဥာဏ်တိန်တာထင်တယ်.. သူက အရုပ်ကို ရိုက်ချိုးလိုက်လို့ ၂ပိုင်းကွဲသွားတာလား..
ဟား.ဟား.ဟားဟား.. ရီပြီး.. ဒီရုပ်ထုလေးဆိုတာက.. ဘာကိုဆိုလိုတာလဲ.. ရူးသွားတာလား.. ဒါမှမဟုတ်... အရုပ်ကို ချစ်မိတဲ့သူ့ကိုသူ ရှက်ပြီး ရီတာလား..
တာယာမင်းဝေတို့လို ပရိတ်သတ်ကို တမင်တွေးချင်ရာတွေးလို့ရအောင် ထားသွားတာလား...