ကျွန်တော်တို့ခေတ်ရဲ့သူရဲကောင်း
ဆရာဟာ ကျွန်တော်တို့ရှေ့က
တံခါးပေါက်ကို ဖွင့်ပေးသွားရဲ့
ရွပ်ချွံချွံ ဆရာ့ စကားလုံးတွေက
ကျွန်တော်တို့တွေကို ထိခတ်သွားစေတယ်
ပြီးတော့...ဆရာဟာ ကျွန်တော်တို့ခေတ်ရဲ့ ကြယ်တပွင့်ဖြစ်တယ်
ဆရာ့အကြောင်း ကောင်းကောင်း မသိပေမယ့်
ဆရာ့ ကဗျာတွေ အကြောင်းတော့ ကျွန်တော်တို့ သိတယ်
ဆရာဟာ ကျွန်တော်တို့တွေကို လင်းချင်းပြသွားတယ်
ဆရာဟာ ကျွန်တော်တို့ လူငယ်တွေ အတွက် ကဗျာဂုရုဖြစ်တယ်
ဆရာဟာ ကျွန်တော်တို့ လေးစားလောက်တဲ့ မော်ကွန်းတစ်ခု ဖြစ်တယ်
ဆရာဟာ ကျွန်တော်တို့ အတွက် ကဗျာသူရဲကောင်းကြီး ဖြစ်တယ်
ပြီးတော့ ဆရာဟာ ကျွန်တော်တို့ ခေတ်ရဲ့ စစ်သူကြီး ဖြစ်တယ်။
ဆရာဟာ ကျွန်တော်တို့တွေကို လွမ်းကျန်ရစ်အောင် ထားရစ်ခဲ့တော့တယ်။
(ဆရာရေ ကျွန်တော့် မတောက်တခေါက် ကဗျာလေးနဲ့ မရိုမသေ ပြုမိရင် ခွင့်လွှတ်ပါ)
မထွက်ရှိလိုက်ရတဲ့ နက္ခတ်ရစ်သမ်ဆိုတဲ့ စာအုပ်လေးထဲက ဆရာ့ကဗျာလေးတွေကို ဒီနေရာမှာ သွားဖတ်နိုင်ပါတယ်။
ဆရာ့အတွက် အမှတ်တရ အောက်မေ့ဖွယ် ရေးသားထားကြတဲ့ အရှေ့မြိုးရိုးပေါ်က နံနက်ခင်းကဗျာပြပွဲကို ဒီမှာ သွားရောက်ဖတ်ရှုနိုင်ပါတယ်။
မင်းယွန်းသစ်
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "ကျွန်တော်တို့ခေတ်ရဲ့သူရဲကောင်း"
Post a Comment