Posted in
Labels:
News
|
Sunday, February 08, 2009
၂၀၀၇ ခုနှစ် မြန်မာ့ရုပ်ရှင်ထူးချွန်ဆု (အကယ်ဒမီ)ဆုချီးမြှင့်သည့် အခမ်းအနားကို နေပြည်တော်တွင် ကျင်းပပြုလုပ်ခဲ့ရာ မြင့်မာလာရုပ်ရှင်ထုတ်လုပ်ရေးမှ ဝတ္ထုဇာတ်ညွှန်းနှင့် ဒါရိုက်တာ မြို့တော်မောင်ယဉ်အောင်၏ “ကိုးဆယ်ဆသာလိမ့်မယ်” ဇာတ်ကားမှာ အကယ်ဒမီဆုများစွာဖြင့် အောင်ပွဲခံခဲ့သည်။ “ကိုးဆယ်ဆသာလိမ့်မယ်” ဇာတ်ကားဖြင့် အကောင်းဆုံး ဇာတ်ကားဆု၊ အကောင်းဆုံး ဒါရိုက်တာဆု၊ အကောင်းဆုံး အမျိုးသားသရုပ်ဆောင်ဆု၊ အကောင်းဆုံး အမျိုးသားဇာတ်ပို့ဆုနှင့် အကောင်းဆုံး တေးဂီတဆုတို့ကို ဆွတ်ခူးရရှိခဲ့ ကြောင်း သိရှိရပါတယ်။ ဒီနှစ်ဟာ တော်တော် ထူးခြားပါတယ်။ တကားထဲကို အကယ်ဒမီငါးဆုတောင် ရခဲ့သလို ထူးထူးခြားခြားပဲ ဒီနှစ်မှာ ရတဲ့ အကယ်ဒမီမှာ အမျိုးသမီးသရုပ်ဆောင်ဆု တွေ မပါခဲ့ပါဘူး။ အမျိုးသားတွေချည်းပါပဲ။
၂၀၀၇ခုနှစ် မြန်မာ့ရုပ်ရှင်ထူးချွန်ဆု အတွက် စာရင်းဝင်သော ဇာတ်ကား ၁၀ကား ရှိခဲ့ပါတယ်။
၁။
ရုပ်ရှင်အမည် - ငါ့ဓား ငါ့သွေး ငါ့ဧရာဝတီ
ထုတ်လုပ်ရေး - ပြည့်ဖြိုးမြတ်
ဒါရိုက်တာ - ထွန်းအောင်ဇော်
ဇာတ်ညွှန်း - ခင်မောင်ကျော်၊ မြမြင့်မိုရ်၊ မြတ်ဆွေ
သရုပ်ဆောင် - ကျော်သူ၊ ကျော်ရဲအောင်၊ လူမင်း၊ ညွန့်ဝင်း၊ မျိုးသန္တာထွန်း၊ နန္ဒလှိုင်
၂။
ရုပ်ရှင်အမည် - ကက်ကင်း
ထုတ်လုပ်ရေး - ပေပါမွန်း
ဒါရိုက်တာ - မောင်မျိုးမင်း(ရင်တွင်းဖြစ်)
ဇာတ်ညွှန်း - ငြိမ်းမင်း
သရုပ်ဆောင် - ဒွေး၊ ကျော်ရဲအောင်၊ ရန်အောင်၊ နန္ဒလှိုင်၊ မေသဉ္ဇာဦး
၃။
ရုပ်ရှင်အမည် - အမေနှင့် သမီးများ
ထုတ်လုပ်ရေး - ဖြိုးနှင့်မင်း
ဒါရိုက်တာ - ဓာတ်ပုံ အဏ်ထော်ဏီ
ဇာတ်ညွှန်း - ငြိမ်းမင်း
သရုပ်ဆောင် - ရန်အောင်၊ ရဲအောင်၊ စိုးမြတ်သူဇာ၊ ခိုင်သင်းကြည်၊ သက်မွန်မြင့်
၎။
ရုပ်ရှင်အမည် - ကျွန်တော့်ချစ်သူပြောသော သူ့ချစ်သူအကြောင်း
ထုတ်လုပ်ရေး - လှိုင်
ဒါရိုက်တာ - မီးပွား
ဇာတ်ညွှန်း - အကြည်တော်
သရုပ်ဆောင် - လွင်မိုး၊ ခန့်စည်သူ၊ နန္ဒာလှိုင်၊ ပုလဲဝင်း
၅။
ရုပ်ရှင်အမည် - ဒီကောင်ဘယ်သူတုန်း
ထုတ်လုပ်ရေး - ကန်းထရီးစတား
ဒါရိုက်တာ - ညီညီထွန်းလွင်
ဇာတ်ညွှန်း - အက်ဆစ်၊ သြရသ
သရုပ်ဆောင် - နေတိုး၊ မော့စ်၊ အိန္ဒြာကျော်ဇင်
၆။
ရုပ်ရှင်အမည် - ကိုးဆယ်ဆသာလိမ့်မယ်
ထုတ်လုပ်ရေး - မြင့်မာလာ
ဒါရိုက်တာ - မြို့တော်မောင်ယဉ်အောင်
ဇာတ်ညွှန်း - မြို့တော်မောင်ယဉ်အောင်
သရုပ်ဆောင် - ကျော်ရဲအောင်၊ ရန်အောင်၊ နန္ဒလှိုင်
၇။
ရုပ်ရှင်အမည် - ဝင်္ကပါအခြစ်နှင့် သူ၏ချစ်ကိုကို
ထုတ်လုပ်ရေး - ဖီးနစ်
ဒါရိုက်တာ - သိန်းဟန်(ဖီးနစ်)
ဇာတ်ညွှန်း - အကြည်တော်
သရုပ်ဆောင် - မင်းမော်ကွန်း၊ နေတိုး၊ အိန္ဒြာကျော်ဇင်၊ သင်ဇာဝင့်ကျော်
၈။
ရုပ်ရှင်အမည် - မိုးပေါ်ခုန်တက် ကလိုက်ချင်ပါတယ်
ထုတ်လုပ်ရေး - ကျော်ဇေ
ဒါရိုက်တာ - ညွန့်မြန်မာညီညီအောင်
ဇာတ်ညွှန်း - ငြိမ်းမင်း
သရုပ်ဆောင် - နေတိုး၊ ထွန်းထွန်း၊ ရဲလေး၊ အိန္ဒြာကျော်ဇင်၊ မြတ်ကေသီအောင်
၉။
ရုပ်ရှင်အမည် - ရင်နင့်အောင်မွှေး
ထုတ်လုပ်ရေး - မျိုး
ဒါရိုက်တာ - မောင်ဝဏ္ဏ
ဇာတ်ညွှန်း - မြင့်အောင်
သရုပ်ဆောင် - လွင်မိုး၊ မျိုးသန္တာထွန်း၊ နဝရတ်၊ နွဲ့နွဲ့မူ
၁၀။
ရုပ်ရှင်အမည် - ဓမ္မာသောက အင်းဝရာဇာ
ထုတ်လုပ်ရေး - လှိုင်
ဒါရိုက်တာ - အောင်မင်းသိမ်း
ဇာတ်ညွှန်း - အောင်မင်းသိမ်း
သရုပ်ဆောင် - လူမင်း၊ နန္ဒလှိုင်၊ မိုးဒီ၊ ချိုပြုံး
အထက်ပါကားများမှ ငါးကားခန့်မှာ ဟာသကား များဖြစ်ကြပါတယ်။ (ရုပ်ရှင်စီစစ်အကဲဖြတ်ရေး ပေါ်လစီအရ ဟာသကားများကို အကယ်ဒမီပေးလေ့ မရှိပါဘူး။) ကျန်ငါးကားထဲမှ ၂ကားဖြစ်တဲ့ ကိုးဆယ်ဆသာလိမ့်မယ် နှင့် ငါးသွေး၊ ငါးဓား၊ ငါ့ဧရာဝတီ ဇာတ်ကား ၂ကားသာ ဆုတွေချိတ်ခဲ့ပါတယ်။ ဆိုတော့ မြန်မာကားများ ထူးချွန်ဆုရဖို့ အရည်အသွေးရော၊ အရေအတွက်ပါ လိုအပ်နေပြီလား စဉ်းစား စရာပါခင်ဗျာ။
(အောက်ပါ ပုံများအား ပလန်းနက် ဆိုက်ဒ်မှ ကိုးကား ထားခြင်း ဖြစ်ပါတယ်။)
အကယ်ဒမီည မြင်ကွင်း
အမျိုးသားသရုပ်ဆောင်ဆုရ ကျော်ရဲအောင်
အမျိုးသား ဇာတ်ပို့ဆုရ ဦးမိုးဒီ
ကိုးဆယ်ဆသာလိမ့်မယ် ဇာတ်ကားထဲမှ ကျော်ရဲအောင်နှင့် နန္ဒာလှိုင်တို့၏ သရုပ်ဆောင်ဟန်
ကိုးဆယ်ဆသာလိမ့်မယ် ဇာတ်ကားမှ ဦးမိုးဒီ၏ သရုပ်ဆောင်ဟန်
၂၀၀၇ခုနှစ်အတွက် ရရှိခဲ့သော ရုပ်ရှင်ထူးချွန်ဆုများ-
ဇာတ်ကားဆု - ကိုးဆယ်ဆသာလိမ့်မယ် (မြင့်မာလာ ရုပ်ရှင်ထုတ်လုပ်ရေး)
ဒါရိုက်တာဆု - မြိုတော်မောင်ယဉ်အောင် (ကိုးဆယ်ဆသာလိမ့်မယ်)
အမျိုးသားသရုပ်ဆောင်ဆု - ကျော်ရဲအောင် (ကိုးဆယ်ဆသာလိမ့်မယ်)
အမျိုးသားဇာတ်ပို့ဆု - မိုးဒီ (ကိုးဆယ်ဆသာလိမ့်မယ်)
ရုပ်ရှင်ဓါတ်ပုံဆု - ကျောက်ဖြူ (ပဒေသာ) (ငါ့ဓား ငါ့သွေး ငါ့ဧရာဝတီ)
ရုပ်ရှင်တေးဂီတဆု - စိန်မွတ်တား (ကိုးဆယ်ဆသာလိမ့်မယ်)
အကယ်ဒမီသတင်း အပြည့်အစုံနဲ့ အကယ်ဒမီည ဖက်ရှင်များကို ကြည့်ချင်ရင်တော့ အောက်ပါလင့်ခ်များတွင် သွားရောက် ဖတ်ရှုနိုင်ကြပါတယ်။
အကယ်ဒမီသတင်း
အကယ်ဒမီဖက်ရှင်နှင့် အကယ်ဒမီအကြောင်းစုံစုံလင်လင်
Posted in
Labels:
Music
|
Saturday, February 07, 2009
ဤသီချင်း ၏ သံစဉ်သည် နေတိုး၊ ရဲလေး၊ မိုးမိုးတို့၏ နှင်းဆီသခင်အငြိမ့်မှ အာ..ဟာ ဟုတ်လဲ ဟုတ်ပဲနဲ့ သံစဉ်အား မှီးယူ ရေးသား ထားခြင်း ဖြစ်ပါကြောင်း...
A Dbm Bm E
နိုင်ငံသစ်ကြီး တည်ဆောက်တဲ့အခါ တိုးတက်စည်ပင်ဝပြောမယ်..
အိုလျှပ်စစ် မီးလဲမှန်ပမယ် အင်တာနက်လဲ ကိုနက်ရှင် သိပ်ကောင်းမယ်....
A Gbm Bm E
(အား.. ဟား... ဒန့်.တန့်.ဒန့်.တန့်.ဒန်)၂
ကုန်ဈေးနှုန်းများ ကျဆင်းမယ် လူတိုင်းဝင်ငွေလျှံကြတယ်...
ထမင်းရေ ချောင်းစီးမောင်းတီးမယ်. တယ်လီဖုန်းတွေလဲ ကိုယ်စီကိုင်ရမယ်..
(အား...ဟား.. ဒန့်.တန့်.ဒန်.တန့်.ဒန့်)၂
မိုးပျံလမ်းများ တည်ဆောက်လို့ရယ်.. မြေအောက်ရထားလဲ ဆွဲပါမယ်
ဈေးကွက်စီးပွား ဖွံ့ထွားမယ် အာရှကျားကြီး အမှန်တကယ် ဖြစ်လာမယ်.
(အား...ဟား.. ဒန့်.တန့်.ဒန်.တန့်.ဒန့်)၂
သမ္မတကြီး အလွန်ဖြောင့်တယ် ကျောသားရင်သား မခွဲပါတယ်...
အဂတိလိုက်စား အလွန်ရှင်းတယ် ရှာမှရှားတဲ့ နိုင်ငံတော်ကြီးပါပဲ..
(အား...ဟား.. ဒန့်.တန့်.ဒန်.တန့်.ဒန့်)၂
Posted in
Labels:
poem
|
Wednesday, February 04, 2009
အိပ်မက်ဆိုးတွေနဲ့.. လန့်နိုးတော့..
ယောင်ယမ်းပြီး .. အဲဒိမျက်နှာပြင်ပေါ် လမ်းလျှောက်ခဲ့...
ဟောဒိ အောက်ဘက်ကို ငုံ့ကြည့်လိုက်ရင်
ဂြိုလ်ပြာကြီးက ပတ်တီးဗရပွနဲ့…
မုန်တိုင်းတွေ ပစ်စလတ်ခတ်.
စစ်ပွဲတွေ ၀ုန်းဒိုင်းကျဲ..
ရောဂါပေါင်း သောင်းခြောက်ထောင်…
သူ့ခန္ဓာကို လှုပ်ရှားပြီးရင်း လှုပ်ရှားခံရ...
ပြီး.. ဆို့နင့်စရာ.. ငိုသံယိုသံတွေနဲ့…
“ဟား..........”
ဟေ့လူတွေ..
ကမ္ဘာကြီးကို ဆေးရုံလေးဘာလေး ပို့ကြပါအုံး..။
Posted in
Labels:
poem
|
Wednesday, February 04, 2009
အဝေးက ကြယ်ကို မျှော်ကြည့်ဆဲ...
ငါဟာ ခရီးသွားတယောက်ရယ်ပါ..
မမျှော်လင့်ရဲပေမယ့် မျှော်လင့်ရဲနေတယ်...
ကိုယ့်အိပ်မက်ကို ပြန်ရှုာရင်း..
ငါဟာ လွမ်းဒဏ်သင့်သူလဲ ဖြစ်ပါရဲ့..
ကောင်လေးရေ....
နင်မသိသေးပေမယ့် ငါပျော်တယ်...
နင်လက်သင့်ခံမခံ မရေရာ ပေမယ့်..
ငါလေ.. ပုန်းဝှက်စွာ ချစ်တယ်....
ဘာပဲဖြစ်ဖြစ်ပေါ့... ကောင်လေးရယ်...
နင်ဟာ ငါ့ခရီးအတွက်တော့ လမ်းပြကြယ်...။
(ဟုတ်ကဲ့ တမျိုးတမည် မထင်သွားနဲ့အုံး အဟတ်.. ကျွန်တော့် သူငယ်ချင်းမ အတွက်ရေးပေးတဲ့ ကဗျာဆိုတာ ဒီတပုဒ်ပဲ.. ဘယ်ဆိုက်မှာတွေ့ရင် ဖြစ်ဖြစ်.. ဒါကျွန်တော့် လက်ရာလို့ မှတ်ပါ.. :D)
Posted in |
Monday, February 02, 2009
အွန်လိုင်းကနေ သိတဲ့ သူငယ်ချင်းမ တယောက် သူ့ရည်းစားကို ပေးဖို့ ဗယ်လင်တိုင်းကဗျာ ရေးပေးပါတဲ့။ တဘက်သက် သဘောမျိုးရေး ပေးပါတဲ့။ ကျွန်တော်လဲ ကုသိုလ်ရပါတယ် ဒါမျိုးက ဆိုပြီး စေတနာ ထားပြီးရေးပေးလိုက်တယ်..။ ဒါပေမယ့် သူက ကျွန်တော့်ကဗျာကို ဘယ်ရည်းစားကိုမှ မပေးပါဘူးဗျာ..။ တခြားဆိုက်တခုမှာ ခပ်တည်တည်နဲ့ ပြန်တင်ထားတယ်တဲ့ လာပြောတယ်..။ ကျွန်တော် အံ့သြသွားတယ်..။ ကျွန်တော်ကိုယ်တိုင် ရှဲဒိုး ရေးပေးမိသလို ဖြစ်သွားတယ်..။ ကျွန်တော် သူ့ကို ဒီလို မလုပ်ဖို့ ပြောတယ်..။ သူကတော့ ကျွန်တော့် နာမည်ပြန်ထည့်ပေးပါမယ် တဲ့..။ မသိလို့ပါတဲ့ ဘာပဲဖြစ်ဖြစ် စိတ်အချဉ်ပေါက်သွားတယ်ဗျာ.. ။ စေတနာကို မလေးစား သလို အနုပညာကိုလဲ စော်ကားသလိုပဲ..။ တော်ပြီ မှတ်သွားပါပြီ ကျွန်တော် ဘယ်သူ့ကိုမှ ကဗျာတွေ လက်ဆောင် အဖြစ် မရေးပေးတော့ဘူး။ ဟူးးးး မပြောချင်တော့ဘူး..ဗျာ...။
Posted in
Labels:
Fun,
Short Story
|
Sunday, February 01, 2009
လှထွန်း တစ်ယောက် ညကင်း ကျသဖြင့် အကျပ်ရိုက်နေလေသည်။ ခါတိုင်း သူ့ဆရာ တပ်ကြပ်ကြီး ရှိတုန်းက ဆို ညနေခင်းပိုင်း သူ့ဆရာကို ဘီအီး တလုံး တည်လိုက်ရင် ညကင်းစောင့် ရမည့် အစား ရုံးခန်းက အဖွဲ့များဖြင့် အေးအေး လူလူ ဂျူတီကျတတ်သည်။ အခုတော့ သူ့ဆရာကား လွန်ခဲ့သော တပတ်က ပင် တခြားနယ်မြို့သို့ ပြောင်းရွှေ့သွားပြီ ဖြစ်သည်။ မသွားခင် သူ့ကို ကြက်ခြံ ၌ တာဝန်ချထားပေးခဲ့သည်။ ဖြစ်ချင်တော့ ကြက်ခြံမှာ သူနှင့် အတူတူ လုပ်ရသော တပ်သားမင်းမင်းမှာလဲ သူ့ကဲ့သို့ပင် သတ္တိခဲဖြစ်သည်။ သတ္တိခဲဆိုတော့ တကယ် မထင်လိုက်ပါနှင့် နှစ်ဦး စလုံး သရဲကို အလွန်ကြောက် တတ်သူများဖြစ်ကြသည်။
သူတို့သည် ညနေ ကြက်ခြံသိမ်းချိန်ပြီးသည်နှင့် ကြက်ခြံကို သေချာ သော့ခတ် ခဲ့ပြီး အလင်းရောင်ရှိသေးသော ညဦးပိုင်းမှ လွဲ၍ ညပိုင်း လုံးဝပင် ခြေဦးမလှည့်ကြပေ။ အကြောင်းမှာ ၀ဲကျော်( နာမည်အရင်းက ရဲကျော်)က သူတို့ အလုပ်လုပ်သော ကြက်ခြံနားတွင် ညညဆိုလျှင် ခွေးများ အူသံကြားကြောင်း သူ့အိမ်ဘက်က ကြက်ခြံဘက် လှမ်းကြည့်လျှင် ကြက်ခြံ၏ ခေါင်မိုးထက်၌ မဲမဲအရာ တခုသည် အမြဲ လွင့်နေတတ်ကြောင်း ပြောထားခြင်း ကြောင့် ဖြစ်သည်။ ထို့ပြင် ထိုမဲမဲ အရာသည် ညဘက်ညဘက် အလွန် နာမည်ကြီးနေသော သရဲခြောက်သည်ဆိုသော တောင်ဘက် ကင်းမျှော်စင်မှ သရဲကြီး ဖြစ်ကြောင်း စသည်ဖြင့် ပြောသံကြားထား လေရာ ၎င်းတို့၂ယောက်မှာ ညပိုင်းဆိုလျှင် ထိုကြက်ခြံဘက်သို့ ယောင်လို့ ပင် ခြေဦး မလှည့်ဝံ့ကြပေ။
လှထွန်းသည် တခါက လူပျိုအဆောင်တွင်နေတုန်း အခန်းဖော်မှ သူ့ကို သရဲအယောင်ဆောင် စ ရာ ကြောက်ကြောက်နှင့် ခေါင်းရင်းမှ နံပါတ်တုတ်ဖြင့် အားကုန်လွှဲရိုက်ရာ ထိုအခန်းဖော်မှာ မနည်းလွတ်အောင် ပြေးခဲ့ရသည်။ ပြီးနောက် အခြားအခန်းများမှ လာကြည့်သောအခါ လှထွန်းမှာ ကြောက်လွန်း၍ တကိုယ်လုံး တုန်နေပြီး ပုဆိုးတခုလုံးလဲ သေးများပင် ရွှဲရွှဲစိုနေလေတော့သည်။ ထို့ကြောင့်ပင် လှထွန်းအား ဗန္ဓုလသားဟု နာမည်ပြောင် ပေးထားကြ၏။ မင်းမင်းသည်လဲ ထူးမခြားနား ပင် ဖြစ်သည်။ သူသည် လောလောလတ်လတ် မိန်းမယူ ထားသူဖြစ်သည်။ သို့သော် မိန်းမသာ ယူထားသည် လူက သရဲကြောက်တုန်း။ (အေးလေ မိန်းမရတာနဲ့ သရဲ ကြောက် တာ ဘာဆိုင်တာ မှတ်လို့)။ တညတော့ ညဘက်ကြီး အိမ်သာ ထတက်လေသည်။ ကိစ္စပြီးလို့ အိမ်သာထဲမှ ထွက်လာတော့ တံခါးပေါက်ဝ တွင် မြင်လိုက်ရသော မဲမဲအရိပ်ကြီးကို မြင်ကာ မင်းမင်း အလွန်သွေးပျက်သွားသည်။ သူမြင်လိုက်ရသည်မှာကား အလင်းရောင်ကို နောက်ခံပေးထားသော ဆံပင်ဖားယားနှင့် သရဲမကြီး တယောက်ကို ဖြစ်လေသည်။ သို့နှင့် လွန်စွာမှ သတ္တိကောင်းလှသော မင်းမင်းသည် နေရာ၌ပင် လန့်၍ တက်သွားလေရာ အိပ်ချင်မူးတူးနှင့် အပေါ့ထသွားသော သူ့မိန်းမခင်ဗျာ.. ဘေးအိမ်များကို အော်၍ အကူအညီတောင်းကာ မနည်း နှာနှပ် ယူရသည်။ ကိုယ့်မိန်းမကိုပင် သရဲမဟု ထင်လေလောက်အောင် ကြောက်တတ်သော မင်းမင်းမှာလဲ ၀န်ထမ်းများ ကြား နောက်စရာ တယောက် ဖြစ်နေလေသည်။
ထိုသတ္တိခဲကြီး ၂ယောက်မှ တိုက်တိုက်ဆိုင်ဆိုင် အတူတူ အလုပ်လုပ်ကြလေသည်။ ပြီးခဲ့သော အပတ်ကမှ အတွဲလိုက် အသစ်ပြောင်းလာကြသော အရာရှိနှင့် တပ်ကြပ်ကြီးသည် အစမို့လို့လား မသိ အလွန်စည်းကမ်း တင်းကြပ်လှသည်။ ခါတိုင်း သူတို့ ယူနီဖောင်းကို အောက်မှ ညှပ်ဖိနပ်ဖြင့် လွတ်လွတ်လပ်လပ် ရုံးတက်သော်လည်း ယခုမူ ထိုကဲ့သို့ အရာရှိ ရှေ့တွင် တွေ့ပါက ၀န်ထမ်းများအား လမ်းဘေးက ကောင်တွေ ဟု ကျိန်းမောင်း တတ်လေသည်။
ယခုလဲ ညကင်းမစောင့်တာ ၂လခန့်ကြာပြီ ဖြစ်သော လှထွန်းကို ခေါ်တွေ့ပြီး ယနေ့ ညကင်းစောင့် ရမည် ဖြစ်ကြောင်း ပြောလေသည်။ လှထွန်းမှာ ဘာပြောရမည် မသိ။ ထို့ထက် ဆိုးသည်မှာကား အလွန်တရာမှ နာမည် ကြီးလှသော တောင်ဘက် ကင်းမျှော်စင်တွင် စောင့်ရမည် ဖြစ်လေသည်။ ညက်ချွာဖရား…။
ညနေပိုင်း တပ်ဖွဲ့အားလုံးကို တန်းစီစစ်ဆေးပြီး မင်းမင်းမှာလဲ ထီပေါက်လေသည်။
တပ်ကြပ်ကြီး။ ။ “တပ်သားတွေအားလုံး တာဝန် အပြောင်းအလဲ ရှိမယ်။ တနေရာကို ၃လထက် မပိုစေရဘူး။ အလှည့်ကျ တာဝန်ကျမယ်။ ဒီတော့ မနက်ဖြန် အားလုံးကို ဘယ်တာဝန်ကျတယ်ဆိုတာ ထပ်ပြောပေးမယ်။ ဒီတော့ ဒီနေ့ည ပတ်ကင်း တာဝန်ကျသူတွေကို ပြောမယ်။ တပ်သား စိုးရွှေ”
“ရှိ...”
တပ်ကြပ်ကြီး ။ ။ “တပ်သား တင်မြင့်”
“ရှိ..”
တပ်ကြပ်ကြီး။ ။ “တပ်သား မင်းမင်း၊ အင်း .. ဟေ့ မင်းမင်း မှတ်တမ်းတွေမှာ မင်း စိုက်ပျိုးရေးနဲ့ ကြက်ခြံကို လှည့်ကိုင်တာ ၅လလောက် ရှိနေပြီ။ ပတ်ကင်းကော မျှော်စင် တာဝန်မကျတာ ကြာနေပြီ။ ဒီတော့ ဒီနေ့ ပတ်ကင်းကို စိုးရွှေ၊ တင်မြင့်နဲ့ မင်းမင်းတို့ တာဝန်ကျတယ်။”
မင်းမင်း မျက်နှာမှာ ဆီး(ဇီး)ရွက်လောက်ပင် ရှိတော့သည်။ အသစ်ရောက်လာသော တပ်ကြပ်ကြီးကို လဲ မပြောရဲ သဖြင့် ငြိမ်နေရသည်။ တန်းဖြုတ်တော့ တခြား ကောင်တွေက သူ့အား ဒီည လကွယ်ည ဖြစ်သဖြင့် ကင်းမျှော်စင် သရဲကြီး ထကြွ သောင်းကျန်း တတ်ကြောင်း တယောက်တပေါက် လာပြောကြလေသည်။ အားလုံးက နောက်နေမှန်း သိသော်လည်း လကွယ်နေ့တွင် တာဝန်ကျသူတိုင်း သူရှေ့တွင် ခြောက်ခံရသည့် ဆိုသော ပါးစပ်ပြောများ ရှိနေသည့် အတွက် မင်းမင်းမှာ မိန်းမခိုးပြေးတုန်းက ထက်ပင် ရင်တဒိန်းဒိန်းနှင့် ခုန်နေလေပြီ။
ညနေစောင်းတော့ လှထွန်းက မျှော်စင်ပေါ် ရောက်နေပြီ။ သူ့အိပ်ယာလိပ်တွေအပြင် ဖောင်းကားနေတဲ့ ကျောပိုးအိတ် တလုံးကလဲ ပါသေး။ ကျောပိုးအိတ်ထဲမှာ ဘာတွေထည့်ထားသလဲ ဆိုတော့ သောက်ရေဗူး အပြင်၊ ဘုန်းကြီးပုံတော်တွေ၊ ပရိတ်စာအုပ်တွေ၊ ပုတီး စတဲ့ ပစ္စည်းတွေပါ ပါလို့။ ညနေစောင်း အရာရှိက လိုက်စစ်တော့ အပေါ်ကနေ အားလုံးကောင်းကြောင်း သတင်းပို့တော့ လည်ပင်းကြီးမှာ ပုတီးကြီးက အတိုင်းသား။ ရီတော့ ရီရတယ်.. အရာရှိနဲ့ နောက်က ၀န်ထမ်းတွေ အားလုံး ပြုံးစိစိနဲ့။
အဲ ညပိုင်းရောက်တော့.. တပ်ကြပ်ကြီးက မင်းမင်းကို ရှေ့ပြေးကင်း အရင်စစ်ခိုင်းတယ်။ မင်းမင်းမှာတော့ ဒူးတုန်နေပြီ။ ကျန်တဲ့သူတွေထဲက တယောက်ယောက်ကို မသိမသာ ခေါ်တော့ ဘယ်သူမှ မလိုက်ဘူး။ အတွင်းဘက်ကို လိုက်စစ်ရအုံးမှာတဲ့။ အီးဟီး သေပြီ ဆရာ။ တပ်ကြပ်ကြီးက တပတ်လိုက်စစ် နောက်ဆုံး မျှော်စင်ရောက်ရင် နောက်က ငါတို့လိုက်ခဲ့မယ်တဲ့။ လက်ယာဘက်လှည့်ရင် တပတ် ပြည့်တဲ့ နေရာက အောင်ညက်လေး သရဲခြောက်တဲ့ တောင်ဘက် မျှော်စင်ပါလား..ဖလား.. အဲလေ..ဘုရား..။
လှထွန်း တယောက်တော့ ဘုရားစာရွတ်ရလို့ ရေကလဲ ခဏခဏ သောက်နေရတယ်။ ကင်းဆိုတော့ သိပ်ပြီး ကလားသေ ကလားမော အိပ်လို့မရ (အမှန်တော့ ခိုးအိပ်တာ) လာစစ်တဲ့အချိန်ကျ ရွတ်ရမယ့် ဦးရေ၊ ဘာတွေကို စာရွက် ကြည့်ရသေးတယ်။ ပုံမှန်တော့ ကင်းက မျှော်စင်ပေါ် ၂ယောက် စောင့်ရတာ။ ဒီနေ့ သူနဲ့ စောင့်ရမယ့်သူက ၀ဲကျော်အဲလေ ရဲကျော်.. ဒီကောင့်ကို တပ်ကြပ်ကြီးက စိုက်ခင်းဘက် တပ်သား တယောက် ဖျားလို့ဆေးရုံတင်ထားတော့ စိုက်ခင်းဘက်ကို အစားထိုး လွှတ်လိုက်တယ်။ ဟင့် သူနဲ့ စောင့်ဖို့ အတွက်တော့ ဒီည အင်အား မလောက်လို့ အစား မထိုးပေးဘူး။ သူများမျှော်စင်တွေက ၂ယောက်စီ။ သူ့ မျှော်စင် အီးဟီး သရဲခြောက်တဲ့ မျှော်စင်ကျမှ သူ တယောက်တည်း။
ညကား တဖြည်းဖြည်း တိတ်ဆိတ်လာ၏။ အချိန်သည် ၁၂နာရီစွန်းခဲ့လေပြီ။ လှထွန်းသည် မျှော်စင်ပေါ်မှ ၁၂ချက် သံချောင်းကို ခေါက်လိုက်ပြီး ပါးစပ်မှ ပွစိပွစိ ဘုရားစာ ရွတ်နေ၏။ လေတိုးသံများကြောင့် သူပိုလန့်နေ၏။ သူ့မျက်လုံးများက မျှော်စင်နဲ့ ကပ်လျှက်ရှိ ကုက္ကိုပင်ကြီးဆိုသို့။ ဟင်…။
အ..အပင်ပေါ်မှာ လှုပ်လှုပ်နဲ့ ဘာပါလိမ့်..။ သစ်ကိုင်းဖျားပေါ်သို့ တက်နေသော အရိပ်တခု..။ တရွေ့ရွေ့ ….။ လှထွန်း ခေါင်းနပန်းကြီးသွားသည်။ သူ့မျှော်စင်နဲ့ အနီးဆုံး ကိုင်းပေါ်သို့ တက်လာသည်တွင် ထိုအရိပ်၏ ခေါင်းကြီး သည် လှုပ်လှုပ် လှုပ်လှုပ် ဖြစ်လာကာ…နောက်ဆုံး..လေထဲသို့ လွင့်သွားလေသည်။ ဟင်…ဒါ..ဒါ.. သရဲကြီးရဲ့.. ခေါင်း..ခေါင်း လွင့်..လွင့်.. လာတာ ဖြစ်မယ်…။ လုပ်ကြပါအုံး။ လေတိုးလေလေ ထိုလွင့်နေသော ခေါင်းကြီးသည် သူ့မျှော်စင်ဘက်ဆီသို့ ကပ်လာလေလေဖြစ်သည်။ နောက်ဆုံး…။
'ဖလပ်…ဖလပ်'
ဒီတခါတော့.. လှထွန်း ချုပ်တည်းနိုင်စွမ်းကုန်သွားပြီမို့…
'အောင်မြတ်ဟတ်လေး….. အမေဂျီးရေ….ခေါင်း….ခေါင်း…..ခေါင်းကျပ်ကြီး….. ခေါင်းကျပ်ကြီး…."
'ကယ်တော်မူကြပါ……'
တိုက်ဆိုင်ချင်တော့ … တောင်ဘက် မျှော်စင်အောက်ကို မင်းမင်းအရောက် အသံနက်ကြီး ကြားလိုက်ရသဖြင့် မင်းမင်းလဲ ခြေဦးတည့်ရာ ပြေးလေတော့သည်။
'အောင်မြတ်လေး…. ၀ုန်း….အား……'
'ဟေ့ကောင်တွေ ဘာတွေဖြစ်နေတာလဲ.. မျှော်စင်ပေါ် အမြန်တက်စမ်း… ဟိုကောင် မင်းမင်း ဘာဖြစ်လဲ မသိဘူး.. အရှေ့ဘက်မှာ အသံကြားတယ်ဟ…'
အနောက်မှ လိုက်လာသော တပ်ကြပ်ကြီးတို့ အဖွဲ့လဲ ပြာပြာသလဲ ဖြစ်ကုန်၏။ ထို့နောက် အသံပျောက်သွားသော မင်းမင်းကို လိုက်ရှာကြရ၏။
'ဟေ့ကောင်… မင်းမင်း…မင်းဘယ်မှာလဲ အဆင်ပြေလား…မင်းမင်း..'
'အီးဟီး….ကျွန်တော် ဒီမှာ ဆရာကြီး…. ဝေါ့…..မြန်မြန်.. လာဆယ်ကြပါ…'
ဟိုက်…။ မင်းမင်း တယောက် ကံဆိုးချင်တော့ တလောက ပိတ်ပစ်တဲ့ အိမ်သာကြွင်းထဲ ကျသွားတာကိုး။ ၀ါးလုံးတလုံး ရှာပြီး အမြန်ဆယ်ကြရတယ်။ နံစော် နေတာပဲ… ဝေါ့….။
ထို့နောက် တပ်သား တယောက်လာ သတင်းပို့၏။
"ဟေ့ကောင် ဟိုကောင် ဘာဖြစ်တာလဲ.."
"ဟုတ်..ဟဲ.. ဒီကောင် အကြောက်လွန်ပြီး တက်သွားတယ် ဆရာကြီး အခု နှာနှပ်လိုက်တာ.. ပြန်သတိရနေပါပြီ..။ အဟဲ ဘာမှ မဟုတ်ဘူး.. ကလေးတွေ ဆော့တဲ့ စွန်က သစ်ပင်မှာ ညိနေတာ.. လေတိုက်ပြီး မျှော်စင်ဘက် လွင့်လာတာကို ကြောက်ပြီး တက်သွားတာ…ဟီးဟီး"
လာသတင်းပို့တဲ့ တပ်သားက စပ်ဖြီးဖြီး ရယ်ချင်ပက်ကျိနဲ့ တင်ပြ၏။ တပ်ကြပ်ကြီးလဲ ထိုသတ္တိခဲ ၂ကောင်ကို တော်တော် လက်လန်သွား၏။ မင်းမင်းကတော့ ညကြီးမင်းကြီး ပေကျံနေတဲ့ သူ့အကျီအ၀တ်အစားတွေ အကုန်ချွတ်ပြီး မိမွေးတိုင်းဖမွေးတိုင်း ရေကန်ဆီသို့ ပြေးလေသည်။ ထို့နောက် သူ့သူငယ်ချင်းများက အ၀တ်အစား သွားပေး ရလေသည်။ ရေကို တညလုံး ချိုးနေတာ.. မနက် ၄နာရီလောက်မှ အချိုး ရပ်တော့သည်။ လှထွန်းကိုတော့ အိမ်ပြန်ခိုင်းလိုက်ပြီး တောင်ဘက်မျှော်စင်ကို ပတ်ကင်းထဲမှ နောက်တယောက်ဖြင့် အစားထိုး လိုက်သည်။ မနက်ကျတော့ မင်းမင်းမှာ အအေးမိကာ ဖျားလေတော့သည်။ (လှထွန်းညဘက်က မြင်သော လှုပ်လှုပ်နှင့် သတ္တ၀ါသည် ကုက္ကိုသီးများ တက်စားလေ့ရှိသော ရှဥ့်တကောင်သာ ဖြစ်ကြောင်း နောင်တွင် သိရလေသည်)ဤသို့ဤနှယ် လွန်စွာမှ သတ္တိကောင်းသော လှထွန်းနှင့် မင်းမင်း တို့၏ ပြောင်မြောက်သော သတ္တိတို့အား အစွဲပြှုလျှက် ကျန် ၀န်ထမ်းများက ခေါင်းကျပ်ကြီးနှင့် အီးလူးမင်းဟု မော်ကွန်း တင်လိုက်ကြလေတော့သည် တမုံ့။
(ဟိဟိ ၀န်ထမ်းလောက မှ တကယ့်ဖြစ်ရပ်မှန် ဇာတ်လမ်းအား ဆီလျှော်အောင် ဇာတ်လမ်းရေးဖွဲ့ပါသည်)
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။