Posted in
Labels:
poem
|
Saturday, December 29, 2007
မအိပ်ချင်ပါဘူးဆိုမှ
ခပ်ပြာပြာ မျက်ခွံတွေက စပ်ခိုးနေကြတယ်
မယ်မယ်ရရ မရှိတဲ့ မျက်နှာကျက်လေးထောင့်တွေက
(သူတို့ဟာ သူတို့) ကန့်လန့်တွေးနေကြ..
အစာသွပ်ထားတဲ့ ဦးနှောက်ကြီးနဲ့..
ခြေပစ်လက်ပစ် ပုံကျနေတဲ့ ခပ်ငူငူ (ငါဟာ)
လက်တံရှည်ကျိုးနေတဲ့ နာရီကောင်ပေါ့…
အဇ္ဖျတ္တထဲက စိမ့်ထွက်လာတဲ့
လတ်ဆတ်ခြင်းတွေက အပြင်ထွက်လာစဉ်မှာပဲ
ခန်းပြင်ရဲ့ ခြောက်ကွဲ သလပ်မှုကြောင့်
ချက်ချင်း ပုပ်သိုးသွားပြန်တယ်..
တကယ့်ကို စိတ်ပျက်စရာ ကောင်းတဲ့
အဆီခန်းနေသော ပြတင်းပေါက် ပတ္တာတွေက..
ညအိပ်ဧည့်သည် လက်မခံပါဟု
တကျီကျီ..အော်ညည်းနေကြရဲ့…
စကားလုံးညှော်နံ့တွေနဲ့ ရစ်ထွေးခဲ့ပြီး
တစ်ပတ်စာ လူ့ကျင့်ဝတ် တွေကို
လျှော်ဖွတ်ဆေးကျော ရတာလဲ
ငါ့နံရိုးပြိုင်းတွေတောင် အောင့်လို့….
ဘယ်တော့မှ မရင့်ကျက်နိုင်သေးတဲ့
ငါ့ စိတ်ကူးတွေက… ချောကလက်တခုစာ
အိပ်မက်ကို ထပ်ကာ ထပ်ကာ မက်နေမိတယ်..
ဘ၀ရဲ့ ဆုဒိုခု ကွက်တွေထဲ က ငါကိုယ့်ငါကို..
ဒေါင်လိုက်ထည့်ရမလား… ကန့်လန့်ထည့်ရမလား
တွေးရခက်နေတုန်းပဲ….
မကြည့်ပဲနဲ့… တွေ့လာတဲ့ မျက်စိအောက်က…
မုံယိုနေသော့ လူ့အတ္တတွေ… က
ကြည့်ရတာ အီစိမ့်လာပြီ….
ပလုံစီနေတဲ့ မြို့ပြအကျည်းတန်ညတွေကို…
ကုလားကာ အောက်မှာ လှမ်းတွေ့တွေ့နေရတယ်
ဘယ်တော့မှ ထူးဆန်းမလာတဲ့…. ငါ့ပြက္ခဒိန်တွေနဲ့..
အ၀ါရောင် စာမျက်နှာများကြား
အေးစက်ခြင်းတွေ တိုးဝှေ့လာတဲ့…
သြော်…ငါ့ရဲ့… တနင်္ဂနွေ ……။
Posted in
Labels:
Article,
Thought
|
Saturday, December 29, 2007
လူနှင့် မျက်နှာဖုံး
တခါတလေ လူတွေရဲ့ မျက်နှာဖုံးတွေ ကွာကျသွားတဲ့အခါ အဲဒိအောက်က မျက်နှာအမျိုးမျိုးကို တွေ့နိုင်ပါတယ်။ တချို့မျက်နှာတွေက ချဉ်တယ်။ တချို့က ခါးသီးရှုံ့တွနေတယ်။ တချို့က မဲ့ရွဲ့နေတယ်။ တချို့မျက်နှာတွေက အေးစက်စက်နိုင်တယ်။ တကယ့်ကိုငြိမ်ဆိမ်လွန်းတဲ့ မျက်နှာဖုံးတွေ နောက်မှာတောင်မှ ရွံစရာလူ့ကျင့်ဝတ် ဖောက်မယ့် မျက်နှာပေါက်မျိုးတွေတောင် တခါတရံ တအံ့တသြ တွေ့နိုင်ပါတယ်။ တချို့ရဲ့ မျက်နှာဖုံး အပေါ်ယံတွေက အသိဉာဏ်ပကာသနတွေ လူမသိအောင် ဖုံးနိုင်တယ်။ အသိဉာဏ်ရှိတဲ့ တကယ့်ပညာရှိတစ်ယောက်ရဲ့ ပြယုဂ်ဟာ လူမမြင်ကွယ်ရာမှာမှာလဲ လူမြင်ကွင်းမှာ ကဲ့သို့ မိမိအတ္တကိုပယ်သတ် နိုင်ရပါမယ်။ လောကမှာ ကြောက်စရာ ကောင်းတာက လူဆိုးသူခိုးတွေ မဟုတ်ပါဘူး။ တကယ်ဆိုးမိုက်တဲ့ သူတွေဟာ သူတို့ဟာ သူတို့ဆိုးမိုက်ပြီးသားမို့ ထင်ရှားနေပြီးသားပါ။ အဲဒိလူဆိုး သူခိုးထက် ပိုကြောက်စရာ ပိုကျောချမ်းစရာကောင်းတာက အပေါ်ယံအရေခြုံ ကြောင်သူတော်များပါပဲ။ ပညာရှိဆိုတာ ထမင်းစားပြီးတဲ့ခါ လက်ဆေးကာ သုတ်စရာအ၀တ်မရှိခဲ့ရင် လူကွယ်ရာဖြစ်နေရင်တောင်မှ ဘယ်တော့မှ ကိုယ့်ပုဆိုးကိုယ် ပြန်မသုတ်ပါဘူး။ ဒါက ကြားဖူးနားဝလေးပါ။ ရိုးရှင်းပေမယ့် သူ့နောက်မှာ အတွေးတွေ တပုံကြီးပါပါတယ်။ အသိဉာဏ်ဆိုတာ ခံယူတတ်ရင် လိုသလိုလုပ်ယူလို့ရပေမယ့် အရိုးစွဲနေတဲ့ ဗီဇလေးတွေကတော့ တခါတရံ မဖုံးနိုင် မဖိနိုင် ပေါ်ပေါ်လာတတ်ပါတယ်။ အဲဒါဟာ ဘယ်တော့မှ လုပ်ယူပြီးပြင်လို့ မရတာများပါတယ်။ ပြင်ဖို့လဲတော်တော်ခဲယဉ်းလိမ့်မယ်။ ကိုယ့်ဟာကိုယ် သိအုံးမှ။
ဒီလိုစိတ်မျိုးဟာ တနည်းအားဖြင့် လူတွေရဲ့အတွင်းစိတ်မှာ ခိုကပ်ပုန်းအောင်းနေတဲ့ ဘီလူးသရဲစိတ် (ဆိုလိုတာ ကြောက်စရာကောင်းသော၊ ဘာကိုမှမကြည့်တတ် တခါတရံ မိမိအတ္တတစ်ခုတည်းအတွက်နဲ့ အောက်တန်းကျရဲသော စိတ်) မျိုး ဖြစ်ပါတယ်။ အတွင်းစိတ်ထဲက အညစ်အကြေးတွေဟာ အပြင်စိတ်က မသိလိုက်ဖာသာ စုပ်ယူလိုက်တဲ့ဟာတွေဖြစ်ပါတယ်။ စိတ်ပညာ သဘောတရားတွေနဲ့ ပြောရင်တော့ နဲနဲရှုပ်သွားပါလိမ့်မယ်။ ထားပါတော့။ တခါတလေ ကိုယ်ဘယ်လိုမှ မထင်မှတ်ထားသော ခပ်ညစ်ညစ် ပတ်ပတ် အတွေးမျိုးကို အဲဒိလို မျက်နှာဖုံးစွပ်လူတွေက လက်ရဲဇက်ရဲ လုပ်တတ်လေ့ရှိကြပါတယ်။ လူတော်တော်များများရဲ့ အပြုအမူတော်တော်များများဟာ ပြောတဲ့အပြောနဲ့ အလုပ်နဲ့လွဲနေတတ်တာများပါတယ်။ လူရှေ့သူရှေ့မှာပြောနေတဲ့ စကားလုံးကြီးကျယ်တွေဟာ တကယ့်လက်တွေ့သူတို့အမူအကျင့်တွေနဲ့ တော်တော်လေး အလှမ်းဝေးနေတာတွေ တွေ့နိုင်ပါတယ်။ စာကြီးပေကြီး ဒဿနတွေဘာတွေ ဖတ်လဲဖတ်ပဲရှိမှာပါ။ စုပ်ယူမှု (absorb) မရှိရင် အလကားပါပဲ။ အတွေးအခေါ်စာအုပ်ကြီး ဖတ်ပြီး ပြီးသာ ပြီးသွားမယ်။ သူ့အတွက် အတွင်းကျကျ တွေးခေါ်စုပ်ယူ နိုင်စွမ်းမရှိရင် အကျိုးမရှိနိုင်ပါဘူး။ ဒါမျိုးက အရေအတွက်သာ ရှိပြီး ကိုယ့်အတွက် အရည်အချင်းတွေ ပြန်မရတတ်တာမျိုးပါ။ အပေါ်ယံအဆောင် အယောင်ဆိုတာ မမြဲခြင်းတွေပါ ဆိုတာ ဟိုးဗုဒ္ဓခေတ်ထဲက ကြားဖူးလာတဲ့ ရိုးအီနေတဲ့ ဓမ္မအမြင်ပါ။ ဒါပေမယ့် ဒါကိုပဲ သိသာသိပြီး သေချာမမြင်နိုင်တာတော့ တမျိုးတော့ တွေးရခက်တာပေါ့လေ။
ဒီနေရာမှာ အတွင်းစိတ်ရိုင်းတွေကို မဖုံးနိုင်တဲ့သူကျတော့ ရိုးသားလို့တော့ မဟုတ်ဘူး။ ပြောရရင် သူ့ရဲ့ဟန်ဆောင်တတ်တဲ့ အပေါ်ယံမျက်နှာဖုံး အမျိုးအစားမကောင်းလို့ပဲ ဖြစ်ပါတယ်။ ဘယ်လိုပဲဖြစ်ဖြစ် မျက်နှာဖုံးဆိုတာ ဘယ်သူမှ အမြဲတမ်းစွပ်ထားနိုင်တာ မဟုတ်ပါဘူး။ တချိန်ချိန် တော့ ပြန်ချွတ်ရတာပဲ။ မယုံရင် သေချာစူးစိုက်ကြည့်ပါ။ လူဆိုတာ ကိုယ်နဲ့ မျက်နှာဖုံးချင်းတူသူတွေကိုပဲ ရွေးပေါင်းတတ်ကျတယ်။ သေချာရွေးချယ် စရာမလိုပဲကို သူ့ဟာသူ မသိစိတ်က ရွေးသွားတတ်ပါတယ်။ အရင်ဆုံးသင့်မှာ မျက်နှာဖုံးရှိမရှိ အရင် စမ်းသပ်ကြည့်ပါ။ စမ်းသပ်လို့ ခွဲခြမ်းကြည့်လို့ မသိနိုင်ဘူးဆိုရင်တော့ သင့်သူငယ်ချင်း၊ သင့်မိတ်ဆွေရဲ့ မျက်နှာဖုံးကွာကျချိန်ကို သတိထားကြည့်ပါ။ အဲဒိအခါ သူ့မျက်နှာဖုံးအောက်က သင်ဘယ်လိုမှ မထင်ထားတဲ့ သူ့မျက်နှာစစ်ကြီး ပေါ်လာပါလိမ့်မယ်။ သူ့မှာတောင် မျက်နှာဖုံးရှိနေမှတော့ ကိုယ့်မှာလဲ ရှိဖို့ကျိန်းသေနေပြီ။ အတွင်းမျက်နှာစစ်ကြီးကတောင် နဲနဲသွားတူတဲ့ အချက်တွေ ရှိချင်ရှိနိုင်ပါလိမ့်မယ်။ အဲကိုယ့်မှာ မျက်နှာဖုံးတခု ရှိပြီလို့ သိရင်တော့ အချိန်မှီချွတ်ရင်ချွတ် မချွတ်ရင်တော့ တချိန်ချိန် သင်မျက်နှာဖုံး ခဏချွတ်တဲ့ ချိန်တစ်ယောက်ယောက် ဒါမှမဟုတ် အများက မြင်သွားလို့ကတော့ သင်လဲ လူတွေထဲက (သူတို့လိုပဲ) ထူးမခြားနား လူ့အန္ဓတစ်ယောက်ပဲ ဖြစ်ပြီလို့မှတ်။ လူတွေက ကောင်းတဲ့ အချက်သာ ကျော်ချင်ကျော်သွားမယ်။ ဒါမျိုးကျ သေချာ ဂရုတစိုက်ရှိကြလိမ့်မယ်။ အဲဒိတော့ ကိုယ့်မှာ မျက်နှာဖုံးရှိပြီလို့ သိတဲ့ချိန်ကစပြီး ကျေးဇူးပြု၍ စုတ်ဖြဲပစ်လိုက်ပါ။ အတွင်းမျက်နှာကြီးကို ကြည်လင်နေအောင် ဆေးကြောပစ်ပါ။ပြောပြီးပြီပဲ မျက်နှာဖုံးဆိုတာ ကြာကြာစွပ်ထားလို့ ရတဲ့ အရာမဟုတ်ဘူးဆိုတာ …..။
Posted in
Labels:
အတိုအထွာ
|
Friday, December 28, 2007
အွန်လိုင်းရည်းစားဆိုတာ ခုခေတ်မှာကြားလေ့ကြားထရှိတဲ့ ရည်းစားထားနည်း ဖက်ရှင်တစ်မျိုးပါပဲ။ လူချင်းလဲ တခါမှ မတွေ့ဖူးပဲနဲ့ ချစ်ကြ..တယ်။ ကိုယ်က အချစ်စစ်လို့ ထင်ပေမယ့် တဖက်ဖက်က ကိုယ့်ကို ကစားစရာလို လုပ်သွားရင် ခံရရောပဲ။ အဲဒိအကြောင်းလေးတွေထဲက သူသိတဲ့ အကြောင်းလေးကို ကျွန်တော့် သယ်ရင်း တစ်ယောက် ဘလော့မှာ ရေးထားပါတယ်။ ဖတ်စေလိုပါတယ်။ တကယ်တော့ အချစ်ဆိုတာ ဘယ်နေရာ ဘယ်ဒေသရောက် ရောက် နယ်မြေမခြားပါဘူး။ အချစ်စစ်မှန်ရင်ပေါ့လေ..။ ဒါပေမယ့် လူတွေက တခါတလေ တော့ ဉာဏ်တိမ်သားဗျ။ အေးပေါ့လေ.. ထမင်းစားရေသောက် သူများ အသဲလိုက်ခွဲနေတဲ့ သူတွေ အတွက်တော့ အေးဆေးနေမှာပေါ့..။ အချစ်ဆိုတာ ကိုးကွယ် စရာ မဟုတ်ပေမယ့် တန်ဖိုးထားသင့်တဲ့ အရာလို့တော့ ကျွန်တော်ထင်တယ်။
ဒီမှာဖတ်နိုင်ပါတယ်
Posted in
Labels:
memories
|
Friday, December 28, 2007
ဘုန်းဘုန်းတွေထဲက ဘလော့ဂ်ရေးတဲ့ သူဆိုတာ အတော်ရှားပါးပါတယ်။ ဘာပဲဖြစ်ဖြစ် တိုးတက်နေတဲ့ခေတ်ကြီးမှာ သာသနာပြုဘုန်းဘုန်းတွေထဲကလဲ ဒီလိုရေးနိုင်တဲ့သူတွေ စိတ်ဝင်စားတဲ့သူတွေ များများပေါ်သင့်တယ်လို့ ကျွန်တော်ထင်တယ်။ ဒါမှဗုဒ္ဓသာသနာကို ခေတ်မှီနည်းနဲ့ ပြန့်ပွားအောင် လုပ်နိုင်မှာပါ။ ပြောမယ်ဆို ကျွန်တော်သိတဲ့ ဘုန်းဘုန်း ဦးကုမာရ ဟာ ကျွန်တော်တို့ထက် ဘလော့ရေးတာ အများကြီးစောပါတယ်။ ကျွန်တော် ဘုန်းဘုန်းကို သိတာ အချိန်ကာလ အားဖြင့် သိပ်မကြာလိုက်ပေမယ့် ဘုန်းဘုန်း ဦးကောဝိဒကော ဘုန်းဘုန်း ဦးကုမာရကော ခင်မင်စရာကောင်းပြီး ခေတ်အမြင်ရှိပြီး တိုးတက်တဲ့ ဗုဒ္ဓသာသနာပြုဘုန်းဘုန်းတွေပါပဲ။ ခုတော့ ဘုန်းဘုန်း ဦးကုမာရဟာ ဒီကနေ့ လေယာဉ်ပျံနဲ့ စင်ကာပူကိုကြွသွားပါပြီ။ သီရိလင်္ကာမှာ PhDဘွဲ့အတွက် သွားတဲ့ ဘုန်းဘုန်း ဦးကုမာရတစ်ယောက် သာသနာ့အကျိုးဆထက်တပိုး သယ်ပိုးနိုင်ပါစေလို့ တပည့်တော် ဆုတောင်း မေတ္တာပို့သပါတယ်။ :D
ဘုန်းဘုန်းဦးကုမာရနှင့် ကပ္ပိယကြီး တိုလီမုတ်စ :P
Posted in
Labels:
poem
|
Thursday, December 27, 2007
မတွေးဘဲနဲ့ ….
ဦးခေါင်းခပ်နုနုထဲ ၀င်ဝင်လာတယ်…
မမက်ဘဲနဲ့ ငါ့မျက်လုံးအိမ်ထဲ
လာလာ အိပ်မက်ဖြစ်နေတယ်…
မပြောဖြစ်ပေမယ့် တစ်ဦးတည်း ကြိတ်ကြံနေမိတယ်
မရည်ရွယ်ဘဲနဲ့
တိုးခတ်သွားတဲ့ ရင်ခတ်သံကို
ကိုယ့်ဟာကိုယ် (တအံ့တသြ) ပြန်ကြားရတယ်..
စည်းတစ်ခုခြားနေတဲ့….
ဟိုမှာဘက်က….သူမကို
တိုးတိုးလေး ပြုံးပြနေရတယ်…
တကယ့်ကို မုန်းစရာ ကောင်းတဲ့
လူ့ကျင့်ဝတ်တွေထဲ…
ငါက မယဉ်ကျေးကောင် ဖြစ်နေမှာပေါ့..
တစ်ကြိမ်ပဲ့ဖူးတဲ့ ငါ့နှလုံးအိမ်က
(သူမကို) ခုံမင်ဖို့…
နဲနဲတော့ ခပ်ရွံ့ရွံ့နေတာပေါ့..
ဆိတ်ညံနေတဲ့ ၀န်းကျင်အေးစက်ထဲက
အထီးကျန် (ငါ) ဟာ
ခပ်ရွံ့ရွံ့လေး….ရွတ်ညည်းမိတယ်…
“တကယ်တော့ ကျွန်တော်လေ………”
Posted in
Labels:
poem
|
Wednesday, December 26, 2007
အဆီခန်းနေတဲ့ ဦးနှောက်အခန်းပျက်တစ်လုံးနဲ့...
ချဉ်စော်နံ ဒဿနတွေပေကျံနေတဲ့သူ....
ခပ်လွင့်လွင့် ပျက်ရယ်သံတွေ....
မျက်နှာကျက် အပေါ်ဘက်ကို တစွန်းတစ ထွက်လာကြတယ်..
ခြေဖ၀ါးအောက်က လူ့ယဉ်ကျေးမှုများ
ရိုးတိုးရွတ မျက်စိနောက်အောင်....
သွားလာနေကြပေါ့...
ဘာမှတွယ်တာစရာ မရှိတော့တဲ့ နာရီလက်တံတွေရှေ့မှာ..
ခန္ဓာကိုယ်ကို ရှေ့သို့ကိုင်းညွှတ်ကျ...
တချိန်ချိန်ခွဲရမယ့် လောကကြီးကို ဂွတ်ဘိုင်လို့ နှုတ်ဆက်ရင်း
တဖြည်းဖြည်း.....နိမ့်၍...နိမ့်၍......နိမ့်၍...............။
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။