အိပ်မက်ပန်းပွင့်လေးများ
သူတို့သည် ကမ္ဘာမြေပေါ်မှာ ကျွန်တော်တို့နှင့်အတူ တမိုးအောက်တွင် အတူတကွနေထိုင်ကြသူများဖြစ်ကြသည်။ ကျွန်တော်တို့တွင် အနာဂတ်အိပ်မက်များ ရှိသကဲ့သို့ သူတို့တွင်လည်း ရှိပါသည်။ သူတို့သည် သူတို့အချင်းချင်း မတူညီကြသော်လည်း ကိုင်းကျွန်းမှီ ကျွန်းကိုင်းမှီ ရိုင်းပင်းကြပါသည်။ကျွန်တော်တို့၏ ပတ်ဝန်းကျင်၌ ကျွန်တော်တို့အား မေတ္တာများဖြင့် လွှမ်းခြုံထားတတ်ကြပါသည်။ သို့သော်သူတို့တွင်မူ မေတ္တာရှားပါးငတ်မွတ်နေပါသည်။ သူတို့တွင် နွေးထွေးသော ရင်ခွင်တစ်ခုနှင့် အားကိုးလေးစားဖွယ် ကမ်းလင့်လက်တစ်စုံ လိုအပ်နေကြ၏။ ထိုအရာများကား အမေ၊ နှင့် အဖေ ဟူသော မိဘရိပ်မြုံများဖြစ်ကြ၏။ ကျွန်တော်တို့သည် "အမေ"ဟုအားကိုးဖွယ် တမ်းတလိုက်တိုင်း မိခင်၏ နွေးထွေးသောရင်ခွင်က ကျွန်တော်တို့အတွက် အသင့်ရှိနေတတ်ပါသည်။ ထို့အတူပင် "အဖေ"ဟု ယုံကြည်လေးစားဖွယ် ခေါ်လိုက်တိုင်း ခွန်အားအပြည့်ရှိသော ဖခင်၏ ကမ်းလင့် လက်တစ်စုံက အမြဲတမ်း လက်ကမ်းနေတတ်ပါသည်။ သူတို့တွင် ခိုလှုံစရာ၊ အားကိုးစရာ မိဘဟူသော အရိပ် အာဝါသ မဲ့နေကြပါသည်။သူတို့သည်လောကအလယ်တွင် ကျွန်တော်တို့ကဲ့သို့ လူသားချင်းဖြစ်ပါလျက်နဲ့ ခိုကိုးရာမဲ့ အားငယ်နေသော အဖြစ်ကို ကျွန်တော်တို့ မလိုလားကြပါ။ မိဘတို့၏မေတ္တာသည် အစားထိုး၍ ရကောင်းသော အရာမဟုတ်သော်လည်း ကျွန်တော်တို့သည် သူတို့အား အနီးစပ်ဆုံး မေတ္တာတရားနှင့် နွေးထွေးသောလက်တစ်စုံ ဖြင့် ကမ်းလင့်ဖို့လိုအပ်သည် ဟု သင်တို့မထင်ကြဘူးလား။ သူတို့ရဲ့ သိမ်ငယ်ချို့တဲ့မှုတွေကို ကျွန်တော်တို့ အခုပဲဆေးကြောပစ်လိုက်ကြရအောင်။ ကျွန်တော်တို့နှင့် အတူအနာဂတ်များတည်ဆောက်ဖို့ ကျွန်တော်တို့၏ စာနာနားလည်သော တွဲလက်များဖြင့် ခိုင်မြဲစွာ တွဲဆက်ထားကြပါစို့လား။
(မိဘမဲ့ကလေးငယ် များအား လူသားချင်းစာနာ ကူညီနိုင်ကြပါစေ)
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
0 Response to "အိပ်မက်ပန်းပွင့်လေးများ"
Post a Comment