ဝေးရပ်
ပြန်တော့ပြန်ခဲ့ချင်ပေမယ့်
ခပ်ကွေးကွေး လမ်းလေးတွေနောက်
ကောက်ကောက်ပါအောင်
လျှောက်ရတာ ပျော်ဖို့ကောင်းတယ်
မေမေ….။
မှုန်တိမှုန်ဝါး နှင်းငွေ့တွေကြား…
သားကိုယ်သား.. အနွေးထည်
အဖြစ်နဲ့ ထွေးရစ် လှုံနေတယ်..။
ခေါင်မိုးစွန်းမှာ
ခိုရီတွဲနေတဲ့..
ရေမှုန်စက်တွေက..
ရယ်စရာကောင်းလောက်အောင်
လှုပ်လှုပ်လဲ့လဲ့ ခုန်ဆင်းနေကြရဲ့..။
ထိရှိုက်သံတွေ..
သီဖွဲ့နေပုံက..
ငြိမ်ငြိမ် ဆိတ်ဆိတ်..
လဲလျောင်းနေဖို့တောင်ကောင်းသေး..။
ဒါပေမယ့် တခုခု လိုနေသလို..။
အဝေးကို မျှော်ကြည့်တတ်တဲ့
စိတ်တွေက..
ပြတင်းပေါက်က..
တိတ်တခိုး ချောင်းမြောင်းနေကြတယ်..။
မေမေရေ…
သားတော့..
ဒီဆောင်းရိပ်လဲ..
ခိုဖြစ်အုံးမယ် ထင်ပါရဲ့..။
ကဗျာရှင်းလင်းချက်
`ပြန်တော့ပြန်ခဲ့ချင်ပေမယ့်
ခပ်ကွေးကွေး လမ်းလေးတွေနောက်
ကောက်ကောက်ပါအောင်
လျှောက်ရတာ ပျော်ဖို့ကောင်းတယ်
မေမေ….။´
အဝေးတစ်နေရာ မှာ ရောက်နေရှာတဲ့ သားကို အမေက လူကြုံပါးတဲ့အခါ သားက သူ့ဘ၀ လမ်းကလေး ကွေးကောက်ကောက်လေးကို လျှောက်ရတာ အဆင်ပြေနေကြောင်း ပျော်ရွှင် ကျန်းမာနေကြောင်း၊ အမေက အခွင့်သင့်ရင် ပြန်လည်ဖို့ ပြောတဲ့အခါ ပြန်လာခဲ့ပါမယ်ဆိုတဲ့ အကြောင်း စကားလက်ဆောင်ပြန်ပါးလိုက်ခြင်းပင်။
` မှုန်တိမှုန်ဝါး နှင်းငွေ့တွေကြား…
သားကိုယ်သား.. အနွေးထည်
အဖြစ်နဲ့ ထွေးရစ် လှုံနေတယ်..။´
အမေ့ရဲ့ သားဟာ နှင်းမှုန်လေးတွေ မပြတ်ကျတဲ့ ဆောင်းထန်တဲ့ မြို့လေးတစ်မြို့မှာ ရောက်ရှိနေပါတယ်။ အရင်ကလို မိမိအိမ်မှာ မေမေရဲ့ ကြင်နာယုယ မှုကြောင့် နွေးနွေးထွေးထွေး လေးရှိတတ်ပေမယ့် ခုတော့ သားဟာ အမေနဲ့ အလှမ်းကွာတဲ့ အရပ်မှာ ရောက်နေရလို့ မိမိကိုယ်ကို နွေးထွေးအောင် ပြုလုပ်နေရတယ်။
` ခေါင်မိုးစွန်းမှာ
ခိုရီတွဲနေတဲ့..
ရေမှုန်စက်တွေက..
ရယ်စရာကောင်းလောက်အောင်
လှုပ်လှုပ်လဲ့လဲ့ ခုန်ဆင်းနေကြရဲ့..။´
အားလပ်ရက်မျိုးမှာတော့ မိမိ ယခုနေထိုင်တဲ့ အိမ်ရဲ့ ခေါင်မိုးစွန်းလေးက ရေစက်မှုန်လေး တွေကို ကြည့်ပြီး အပန်းဖြေလေ့ရှိတယ်။ ရေစက်လေးတွေ တဖျောက်ဖျောက် လှုပ်လှုပ်လဲ့လဲ့ ကျဆင်းနေတာကို ငေးမောရတာ စိတ်ပြေလက်ပြောက် ရှိလှပါတယ်။
` ထိရှိုက်သံတွေ..
သီဖွဲ့နေပုံက..
ငြိမ်ငြိမ် ဆိတ်ဆိတ်..
လဲလျောင်းနေဖို့တောင်ကောင်းသေး..။
ဒါပေမယ့် တခုခု လိုနေသလို..။´
အဲဒိမြို့လေးမှာ အနုပညာတေးသွား ဒါမှမဟုတ် အလှအပ တရားတွေနဲ့ ငြိမ်ဆိမ် အေးသက်စွာ ခံစား ရှုမောစရာ ကောင်းလှပါတယ်။ အဲဒိအရာတွေကို ခံစားရတဲ့အခါ တဒင်္ဂသာ ပျော်ရွှင်ပြီး ရင်ထဲမှာတော့ တခုခု ဟာ နေသလိုပါပဲ။
` အဝေးကို မျှော်ကြည့်တတ်တဲ့
စိတ်တွေက..
ပြတင်းပေါက်က..
တိတ်တခိုး ချောင်းမြောင်းနေကြတယ်..။´
အမှန်တကယ်တော့ သားရဲ့ရင်ထဲမှာ ခံစားနေရတာက အိမ်လွမ်းဝေဒနာပါပဲ။ ဒါကို လှုပ်ရှားရုန်းကန်နေရင်းက မေ့မေ့ပျောက်ပျောက်လုပ်ဖို့ ကြိုးစားပေမယ့် တခါတခါ ပြန်ပေါ်လာပါတယ်။ မလွမ်းရအောင် စိတ်မှာ တင်းထားပေမယ့်လဲ အဲဒိ မသိစိတ်လေးတွေကပင် ပြတင်းပေါက်မှ ချောင်းကြည့်သလိုမျိုး တိတ်တခိုး လွမ်းနေ တတ်တာပါပဲ။ အိမ်ကိုလွမ်းတဲ့စိတ် အမေ့ရင်ခွင် နွေးနွေးလေးကို လွမ်းတဲ့ စိတ်ကလေးဟာ သူ့ရင်ထဲမှာ ခိုအောင်းနေပါတယ်။
`မေမေရေ…
သားတော့..
ဒီဆောင်းရိပ်လဲ..
ခိုဖြစ်အုံးမယ် ထင်ပါရဲ့..။´
တကယ်တော့မေမေရေ.. သားရင်ထဲမှာ လွမ်းနေပေမယ့် အိမ်ကို ပြန်ပြီး ကလေးတစ်ယောက်လို မေမေ့ကို ဆိုးနွဲ့ချင်ပေမယ့်လဲ သား ဘ၀အတွက် ကြိုးစားနေတယ်မေမေ။ သားတစ်ယောက် မပင်ပန်းပါဘူး။ အိမ်ကလေး အကြောင်း ပြန်စဉ်းစားမိရင်ပဲ ပျော်နေရပါပြီ။ အမေ့ဆီက သတင်းစကားကြားရရင်ပဲ အမေ ပျော်ရွှင်ကျန်းမာ နေရင်ပဲ သား ကျေနပ်ပါပြီ။ ဒီလွမ်းတဲ့စိတ်ကလေးကို ခေတ္တမြိုသိပ်ပြီး သားကြိုးစားအုံးမယ် မေမေ။ ဒါကြောင့်လဲ ဒီတစ်ဆောင်းတော့ ခိုလိုက်အုံးမယ်လို့ စဉ်းစားပြီး နောက်နှစ် နှင်းခိုးဝေတဲ့ ဆောင်းကလေး ရောက်ရင်တော့ အမေ့အိမ်လေးဆီကို သားတစ်ခေါက်ပြန်လာခဲ့ပါ အုံးမည် ဟု တကိုယ်တည်း ရေရွတ်မိနေပါတော့သည်။
ဘာကြောင့်ရှင်းလင်းရလဲ
ကဗျာဆိုတာ ကဗျာခံစားရေးဖွဲ့သူရဲ့ အသီးအပွင့်လေးတွေပါပဲ။ ခေတ်ပေါ်ကဗျာတွေမှာ စကားပြေကို ပြန်တာ တော်တော် ရှားပါတယ်။ အထူးသဖြင့် မော်ဒန်တွေမှာ လောက်လောက်လားလား ဝေဖန် စကားပြေပြန်သူ ဆိုလို့ ဆရာ ဇော်ဇော်အောင်တို့ လောက်ပဲ တွေ့မိပါတယ်။ ခေတ်ပေါ်ကဗျာ ကာရံမဲ့ကဗျာ တွေဟာ တကယ်တော့ စကားပြေပြန်ရခက်ပါတယ်။ ဘာလို့လဲဆိုတော့ ခံစားသီကုံးသူကလဲ လွတ်လပ်စွာ စည်းဘောင်ကို ကျော်ပြီး ရေးတယ်။ စာဖတ်သူကလဲ သူ့အမြင်နဲ့ သူ ကဗျာကို ခံစားပြီး အနက်ယူပါတယ်။ တခါတလေ ကဗျာရဲ့ အဓိပ္ပါယ်ကနေ ဆင့်ပွား အတွေးတွေ ရသွားတတ်သလို၊ မူလ ကဗျာဆရာရဲ့ စံသတ်မှတ်မှုကနေ လွတ်ထွက်သွားတတ်ပါတယ်။
အဲဒိအခါမှ မူလကဗျာရဲ့ အနက်ကနေ လမ်းကြောင်းပြောင်းသွားတတ်သလို၊ ကဗျာဆရာရဲ့ မူလ အနက်နဲ့ လဲ နီးစပ်ချင်နီးစပ်သွားတတ်တာပါပဲ။ အမြင်တူချင်မှတူ ကြလိမ့်မယ်။ ဒါဟာ ခေတ်ပေါ်ကဗျာတွေ၊ မော်ဒန်တွေရဲ့ လွတ်လပ်မှုပါပဲ။ ကျွန်တော်က ခေတ်ပေါ်ကဗျာတွေ ရေးဖွဲ့ပေမယ့် ကဗျာ အကြောင်း ထဲထဲဝင်ဝင်တော့ သိတဲ့သူ မဟုတ်ပါဘူး။ တချက်သတိပြုစေလိုတာက ကျွန်တော်က ကျွန်တော့်ကဗျာကို မော်ဒန်လို့ ခေါင်းစဉ် မတပ်ပါဘူး။ ခေတ်ပေါ်ကဗျာလို့ပဲ ခေါင်းစဉ်တပ်ပါရစေ။ ဘာလို့လဲ ဆိုတော့ ကျွန်တော် ၀ါသနာ အရ ကဗျာလေးတွေ ရေးဖွဲ့တတ်သူ ဖြစ်ပေမယ့် ကဗျာ သုသေတီ တစ်ယောက် မဟုတ်ပါဘူး။
ဒါကြောင့် ကျွန်တော့် ကဗျာတွေက မော်ဒန် ချင်မှ မော်ဒန်မယ်၊ တခါတလေ မော်ဒန် ဖြစ်ချင်ဖြစ်မယ်။ ကျွန်တော် အာမမခံနိုင်ပါဘူး။ ကျွန်တော် ခံစားမိသလောက် ကျွန်တော် ရေးဖွဲ့တတ်သလောက် ရေးဖွဲ့ထားခြင်းသာဖြစ်ပါသည်။ မကောင်းလျှင် ကျွန်တော်ညံ့လို့ ဖြစ်ပါမည်။ ကောင်းလျှင်တော့ ခံစားချက်နဲ့ ကိုက်ညီ သွား၍ ဖြစ်ပါလိမ့်မည်။ ကျွန်တော် အပေါ်က ကဗျာကို စကားပြေပြန်ရခြင်းမှာ home sick လို့ ခေါ်တဲ့ အိမ်လွမ်းဝေဒနာ လေးကို ကျွန်တော် ထိခတ် ခံစားမိလို့ ရေးဖွဲ့ခြင်းပါ။ အကယ်၍များ အိမ်လွမ်းသူတစ်ယောက် ဖြစ်ခဲ့ရင် ဘယ်လိုများ ခံစားရမလဲ ဆိုပြီး ကျွန်တော် ပူးကပ် ခံစားယူလိုက်တာပါ။ ကျွန်တော် ကိုယ်တိုင် မခံစားရသေးပေမယ့် တခါတလေ ကျွန်တော်က အဲဒိလို အငှားခံစားချက်တွေ မထင်မှတ်ပဲ ရတတ်တယ်။ အဲဒိအခါမျိုးကျရင် စာဖြစ်ဖြစ် ကဗျာဖြစ်ဖြစ်ရေး လို့ရှိရင် စကားလုံးတွေ သွန်ကျလာတတ်ပါတယ်။ ပြီးတော့ ကျွန်တော် ခေတ်ပေါ်ကဗျာတွေ ရေးတဲ့ အခါ စကားလုံးကို တမင်သက်သက်ကြီး အဆန်းတကြယ် ဖြစ်ညှစ် မရေးပါဘူး။ ကဗျာနဲ့ ကိုက်ညီမှုရှိမယ့် စကားလုံးတွေက ရေးရင်းရေးရင်းမှ စာရွက်ပေါ်ပြုတ်ကျ လာတတ်တာပါ။ ကြွားတယ် ထင်ရင်တော့ ခွင့်လွှတ်ပါ။ ကျွန်တော် ဒီကဗျာလေးကို ဘာလို့ စကားပြေပြန်လဲ ဒီအတိုင်းကော ထားလို့မရဘူးလား။ ရပါတယ်။ စောစောက ပြောသလို ကျွန်တော့် ကဗျာဖတ်ပြီး စာဖတ်သူရဲ့ သူ့ကိုယ်ပိုင် အမြင်နဲ့ အနက် ဖွင့်ရင်လဲ ကျွန်တော့်ထက် ပိုကောင်းချင် ကောင်းသွားပါလိမ့်မယ်။ ဒါပေမယ့် ကျွန်တော်က ဒီကဗျာလေးကို ဘယ်လို ခံစားချက် feeling လေးနဲ့ ရေးဖွဲ့ထားတယ်ဆိုတာ သိစေရုံလေးပါ။ ကျွန်တော် ကဗျာက ကောင်းပြီး စကားပြေက ညံ့နေရင်လဲ ညံ့နေပါလိမ့်မယ်။ ဒါမှမဟုတ် စကားပြေက ကောင်းပြီး ကဗျာက ညံ့ချင်ညံ့နေပါလိမ့်မယ်။ ဒါမှမဟုတ်လဲ နှစ်မျိုးစလုံး ညံ့ချင်ညံ့ကြပါလိမ့်မယ်။ ဘာပဲဖြစ်ဖြစ် ညံ့သည်ဖြစ်စေ ကောင်းသည်ဖြစ်စေ ကျွန်တော်၏ ရင်တွင်းဖြစ် လက်ရာများသာ ဖြစ်ပါ၍ ဝေဖန် အပြစ်တင်လိုက ကျွန်တော့်ကိုသာ တင်နိုင်ကြပါကြောင်း..။
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
October 25, 2007 at 3:05 PM
မင်းယွန်းရယ်
ဖတ်လို့ကောင်းတယ်လို့လာပြောတာ
"Every man has his own price" ပါ
ကြိုးစားထားကွ
October 26, 2007 at 12:06 PM
မင်းယွန်းရေ
`ဝေးရပ်´ဆိုတဲ့ ကဗျာလေးကို အရမ်းကြိုက်တယ်။ ကဗျာလေးက ကောင်းသလို စကားပြေပြန်ထားတာလဲ အဝေးရောက်သားတစ်ယောက်ရဲ့ခံစားချက်ကို ပေါ်လွင်စေပါတယ်...။ မင်းယွန်းရဲ့ကဗျာလေးတွေကို အမြဲစောင့်မျှော်အားပေးနေပါတယ်...။