Posted in
Labels:
တစ္ဆေတစ်ကောင်ရဲ့တေးသီသံ
|
Friday, October 26, 2007
(၁၁)
`ကလင်..ကလင်´
`ဟဲလို သီဟလား´
`အေးငါပါကွ..´
`……´
`အေး.. နေ့ခင်းက ကိစ္စ မင်းဘယ်လိုထင်လဲ မင်းဆီက တခုခု ကြားရမယ်လို့ ငါထင်တယ် နေခန့်´
`အေး ဟုတ်တယ် ငါအားလုံး ဆက်စပ် ပြီးသွားပြီ… သေချာတယ် စိုးကြီး ဆိုတဲ့ လူက နာနာဘာဝ တစ်ကောင်ပဲ။´
`ငါတို့ ဘယ်လိုလုပ်ကြရင် ကောင်းမလဲ ဒီကိစ္စကို ကိုနိုင်ဦးကို ပြောပြမလား´
`အာ မဖြစ်သေးဘူး..ထင်တယ်.. ငါတို့မှာ လက်ဆုပ်လက်ကိုင် ပြ စရာမရှိသေးဘူး…´
သီဟသည် ငယ်သူငယ်ချင်းလဲ ဖြစ်ရာ တစ်ယောက်စိတ်ကို တစ်ယောက် သိသဖြင့်
`အဲဒိတော့.. မင်းက သရုပ်ပေါ်အောင် လုပ်မယ်ပေါ့ ဟုတ်လား နေခန့်´
`အေး ငါလဲ အဲလိုပဲ စဉ်းစားထားတယ် မင်းဘယ်လိုလဲ´
တဖက်မှ သီဟက ဘာကို ဆိုလိုမှန်းသိ၍ ခေတ္တစဉ်းစားပြီးမှ
`အင်း..ငါလဲ သဘောတူတယ်ကွာ ငါတို့ ဘယ်လို စလှုပ်ရှားကြမလဲ။
`ဒီလိုလုပ်ကွာ´
`…..´
+++++
(၁၂)
နေ၀င်ရီသရော ချိန်မို့ အရာရာ ၀ိုးတ၀ါးသာ မြင်နေရသည်။ လျှပ်စစ်မီးများလဲ ပြတ်နေသဖြင့် အလင်းအား အလွန်နည်းနေသည်။ မြို့စွန်ရပ်ကွက်လေးမို့ အရက်ဆိုင်များ တွင်သာ လူတချို့ရှိနေကြပြီး လမ်းမပေါ်တွင်တော့ လူသူကျဲပါးနေသည်။ ထိုစဉ် လမ်းမပေါ်မှ လူငယ်နှစ်ယောက်သည် ခြံနံပါတ်များကို လိုက်ဖတ်နေ၏။
`ဘယ်လိုလဲ ဒီရပ်ကွက်ထဲမှာ နေတာ သေချာရဲ့လား´
`သေချာပါတယ်ကွ..အဲဒိခြံရဲ့ ဒီဘက်တခြံကျော်မှာ ဆောက်လက်စ တိုက်ကြီးရှိတယ်။ ဒါပေမယ့် ဆက်မဆောက်ဖြစ်လို့လား မသိဘူး။ ခြုံတွေ ပေါက်နေတယ်။´
`ခြံနံပါတ်မမှတ်ခဲ့ဘူးလားကွ..´
`လာပါကွာ ဒီလမ်းရဲ့ အကွေ့လေးဆိုရောက်ပါပြီ။ အခုငါမှတ်မိသွားပါပြီ။ ´
မကြာမှီ လမ်းချိုးလေးရဲ့ မျက်နှာချင်းဆိုင် ထောင့်တွင် လူမနေသော ဆောက်လက်စ တိုက်ကြီးနှင့် တိုက်မဆောက်ရသေးသော ခြံအလွတ်ကြီး၏ ဟိုမှာဘက်တွင် တစ်ထပ်ခွဲတိုက်ပုလေးရှိသည်။ တိုက်က နှစ်ထပ်အပြည့်လဲ မဟုတ်ပဲ အပေါ်ထပ်ကို ထပ်ခိုးပုံစံလေး ဆောက်ထားသည်။
`ငါပြောတာ ဒီခြံပဲနေခန့်ရ. လာဒီဘက် ခြံထဲက ၀င်ရအောင်´
သီဟက သူ့ကို တခြံကျော်ရှိ ဆောက်လက်စ တိုက်ရှိသော ခြံဘက်ကို ချဉ်းကပ်ခေါ်သွား၏။
`သီဟ ဖြစ်ပါ့မလား´
`ဖြစ်ပါတယ်ကွ ငါဟိုတနေ့ကပဲ.. လာစုံစမ်းထားတာ..´
`လာလာ လူပြတ်တုန်း ခြံထဲ ၀င်ရအောင်´
ခြုံနွယ်များ တောထနေသော ခြံထဲသို့ နေခန့်တို့ နှစ်ယောက် မှောင်ရိပ်ထဲသို့ တိုးဝင်သွားကြလေ၏း လရောင်ဖြင့် ဆောက်လက်စ တိုက်ကြီးသည် တစ္ဆေတစ်ကောင် ငုတ်တုတ်ထိုင်နေသည် နှင့်တူ လှသည်ဟု မဆီမဆိုင် တွေးမိသည်။ အဆောက်အဦး ၏ အောက်ထပ်သည် အခန်း သုံးခန်းနှင့် နောက်ဖေးချောင် တခန်း လေးခန်းသာ ဖွဲ့ထားပြီး ကျန်နေရာများသည် အခန်းမဖွဲ့ရသေးသော အခန်းအကျယ်ကြီး ဖြစ်သည်။ အပေါ်ထပ်သို့တက် သော လှေကားဆီသို့ လရောင်အားကိုးဖြင့် လျှောက်သွားကြ၏။ နေခန့်က လှေကားပေါ်သို့ ဦးဆောင်၍ တက်သွားသည်။ သီဟက နောက်မှလိုက်လာသည်။ လှေကား နှစ်ထစ်ခန့်တက်ပြီးသောအခါ ရုတ်တရက်
`အား..´
`သီ..သီဟ..ဘာဖြစ်တာလဲ´
`အရိုးစုကြီးကွ..´
လှေကားအောက်မှ လှေကားထစ်ပေါ်သို့ အရိုးစု တခုထိုးထွက်နေခြင်းဖြစ်သည်။
`ဘယ်မှာလဲကွ..ဓာတ်မီးနဲ့ ထိုးကြည့်ရအောင်..´
`ဟာ.. ခွေးသေ တစ်ကောင်ရဲ့ အရိုးပါလား.. သေနေတာ ကြာလို့ အရိုးဖြစ်နေတာထင်တယ်..´
နေခန့်က အပြင်ဘက် ပတ်ဝန်းကျင်ကို တချက် ကြည့်လိုက်ပြီးမှ..
`တော်သေးတယ်ကွ လမ်းမပေါ်မှာ လူပြတ်နေလို့ ….ကဲကဲ အပေါ်ထပ်ကို တက်ရအောင်..´
နေခန့်တို့သည် အပေါ်ထပ်ပြတင်းပေါက်နေရာမှ တခြံကျော်ရှိ အိမ်ဘက်သို့ မြင်နိုင်လောက်သည့် နေရာယူလိုက်သည်။
`မှန်ဘီလူး ပါတယ် မဟုတ်လား´
`ရော့ပါတယ်.´
သီဟက တဘက်က တထပ်တိုက်ပုလေးဆီကို လှမ်းကြည့်လိုက်၏။
`ငါစုံစမ်းထားသလောက် သူက နယ်ကလာပြီး ဒီမှာ သူ့ဦးလေးနဲ့ နှစ်ယောက်ထဲနေတာတဲ့´
`ဖြစ်နိုင်တယ်.. နေခန့် အခု အပေါ်ထပ် အခန်းဘက်မှာ မီးတွေတော့ လင်းနေတယ်..။ အသုံးအဆောင်တွေ ကြည့်ရတာ သူ့ အခန်းဖြစ်နိုင်တယ်..။´
`ဟော.. မင်းတလှည့် ကြည့်လိုက် သူအခန်းထဲ ၀င်လာပြီကွ´
တခြံကျော်သာ ဖြစ်သဖြင့် မှန်ပြောင်းနှင့် မကြည့်လဲ လှမ်းမြင်နေရ၏။ ဖုန်းနံပါတ်နှိပ်ကာ တနေရာရာကို ဖုန်းဆက်နေ၏။ တစုံတယောက်နှင့် တိုင်ပင်နေပုံရပြီး သူ့ဆံပင်တွေ ထိုးဖွပြီး တခုခု အကြံထုတ်နေသည်။ ခဏကြာသောအခါ ဖုန်းခွက်ကိုချလိုက်ပြီး တကိုယ်တည်း နှုတ်ခမ်းထောင့်ကို တွန့်၍ ကြောက်မက်ဖွယ် ကောက်ကျစ်ကျစ် အပြုံးမျိုး ပြုံးလိုက်၏။ ရုတ်တရက် တိုက်ခတ်လာသော လေအေးများသည် စောင့်ကြည့်နေသော သူတို့ နှစ်ယောက်အား စိမ့်တက်သွားစေသည်။ စိုးကြီးသည် ပြတင်းပေါက်မှ တဖက်အိမ်သို့ အမှတ်တမဲ့ကြည့်နေ၏။ ဒီဘက်တိုက်ကို မသင်္ကာသလို စိုက်ကြည့်နေ၏။
`ဟာ..သီ..သီဟ.. ငုံ့ငုံ့ ငါတို့ အရိပ်ကို လှမ်းမြင်သွားလား မသိဘူး..´
သူတို့ရောက် နေတဲ့ တိုက်ကြီးဘက်ကို မသင်္ကာသလို သေချာစိုက်ကြည့်နေ၏။ ပြီးတော့ အခန်းထဲမှ ပြန်ထွက်သွား၏။
`ဘယ်လို လုပ်ကြမလဲ ဒီဘက်ခြံကို ကူးလာရင်´
`မ..မသိဘူး လောလောဆယ် ငါတို့မှာ လက်နက်ဆိုလို့ ၀ါးရင်းတုတ်ပဲ ပါတာ´
`နေအုံး ဒီမှာ အုတ်ခဲကျိုးတွေတော့ ရှိတယ်ကွ´
`နေခန့်ရေ.. ဒီဘက်ကို လာတာလား မသိဘူး ဓာတ်မီးရောင် တခု တွေ့တယ်ကွ´
ဒီဘက်ခြံသို့ ဓာတ်မီးနှင့် လာနေသော အရိပ်တခုသည် ခြံထဲ သို့ တရွေ့ရွေ့တိုးလာသည်။ အပေါ်စီးမှနေ၍ သူ၏လှုပ်ရှားမှုများကို လရောင်အောက်ဝယ် အထင်းသားမြင်နေရသည်။
ဓာတ်မီးရောင်သည် ခြံဝင်းထဲ ရောက်မှ ပြန်မှိတ်သွား၏။ သီဟတို့ နှစ်ယောက်သည် ပုံမှန်မဟုတ်မှန်း ရိပ်စားမိ၍ အုတ်ပုံများ အနောက်ဘက်သို့ ၀င်ပုန်းနေလိုက်ကြသည်။ ပတ်ဝန်းကျင်တခုလုံး ရုတ်တရက် တိတ်ဆိတ်သွားပြီး ပုစဉ်းရင်ကွဲ၏ စူးစူးဝါးဝါး အော်သံများသာ ကြားနေသဖြင့် ၂ဦးစလုံး ကျောရိုးထဲ စိမ့်တက်သွားသည်။ အုတ်ပုံအောက်မှ အသာဝပ်ပြီး အသံကို နားစွင့်နေရ၏။ လွတ်နေသော အုတ်ခဲ နေရာများမှ အပေါ်ဘက် ပြတင်းပေါက်နှင့် လှေကားဝဆီကို မြင်နေရ၏။ မကြာမှီမှာပင်.. အုတ်နံရံများသို့ ကုတ်ခြစ်သံများ ကြားနေရသည်။
`၀ုန်း..´
ပြတင်းပေါက်ဘောင် ပေါ်မှ ခုန်တက်လာလေသာ ရုတ်တရက် အသံကြီကြောင့် ၂ဦးစလုံး တစ်ယောက်လက်ကို တစ်ယောက် ကျစ်ကျစ်ပါအောင် ဆုပ်ထားလိုက်ကြသည်။ အား. …စိတ်ထဲမှသာ အော်ရဲပြီး ပါးစပ်ကို မအော်မိစေရန် ကိုယ့်လက်နှင့်ကိုယ် ပြန်ပိတ်ထားရ၏။
အလွန်ကြောက်မက်ဖွယ်ကောင်းသော မျက်နှာကြီးနှင့် သတ္တ၀ါတစ်ကောင်သည် ခါးကြီးကိုင်းကာ တုတ်ခိုင်လှသော သူ့လက်ကြီးများဖြင့် ကြမ်းပြင်ကို လိုက်စမ်းနေသည်။
`ဂရူး….´
ထိုအကောင်ကြီး၏ နှာမှုတ်သံ တချက်တချက်သည် လိပ်ပြာလွင့်မတတ် ကြောက်စရာကောင်းလှသည်။ ဘုရား..ဘုရား.. လာမိတာမှားပြီလား မသိ..။
သူတို့ ပုန်းအောင်းနေသော အုတ်ပုံနားသို့ အရမ်းနီးကပ်လာသည်။ ပြီးတော့ ထိုသတ္တ၀ါသည် လေချွန်သံလိုလို ညည်းသံလိုလို အသံသည် သူတို့နှစ်ယောက်၏ အသိစိတ် တချက်တချက် လွတ်ချင်လာသည်။ ထိုအသံဖြင့် အဆက်မပြတ် ညည်းနေပြီး သူတို့ရင်ထဲမှာပင် ဘာကြောင့်မှန်း မသိ တလှပ်လှပ် တုန်လာသည်။
ထိုစဉ် နေခန့်က ရုတ်တရက် မတ်တပ်ရပ် လိုက်ပြီး လက်ထဲမှ အုတ်နီခဲဖြင့် ပစ်ပေါက်လိုက်သည်။ သူတို့ကို တွေ့သွားသောအခါ သတ္တ၀ါကြီးက စိတ်ဆိုးမာန်ဆိုးဖြင့် သူတို့ဆီသို့ လျှောက်လာသည်။
`သီဟရေ… မင်းဒီကောင်ကြီးကို ဆန့်ကျင်ဘက်က တိုက်ခိုက်..´
မထင်မှတ်ပဲ ထိုသတ္တ၀ါကြီး၏ လျှာက အဆမတန် ရှည်လျားထွက်လာပြီး နေခန့်၏ လက်ကို ဆွဲညှစ်ထား၏။
`အ…အား…သီဟရေ… လုပ်ပါအုံး..ငါ..ငါ ရုန်းလို့မရတော့ဘူး..´
သီဟ က ၀ါးရင်းတုတ်ဖြင့် ပြေးရိုက်မည်အပြုတွင် သူ့လက်ဖျံကြီးဖြင့် ဖြတ်ရိုက်လိုက်ရာ တုတ်မှကျိုးသွားပြီး လူကို သီသီလေး လွတ်သွားသည်။
စိုးကြီးတဖြစ်လဲ ထိုသတ္တ၀ါကြီးသည် သူ၏ လျှာကြီးဖြင့် ဆွဲညှစ်၍ သူ့ရှေ့သို့ နေခန့်ကို တရွတ်ဆွဲခေါ်နေ၏။
`ဒုတ်…ဇွိ….´
`အူး………..ဟူး……´
သီဟက နေခန့်ကို အာရုံစိုက်နေသော အခွင့်အရေးကို လက်လွတ်မခံပဲ ကျိုးသွားသော ၀ါးလုံး အစများဖြင့် ထို မကောင်းဆိုးဝါး စိုးကြီး၏ ကျောကုန်း အနောက်ဘက်သို့ အားကုန် ၀ါလုံး တဆုံး ထိုးစိုက်ချလိုက်လေတော့၏။
++++++
`ကလင်.. ကလင်..´
တယ်လီဖုန်းကို အိပ်မှုန်စုံမွှားဖြင့်ကောက်ကိုင် လိုက်သည်။
`ဟဲလို..´
`……..´
`ဟာ … ဟုတ်လား… မင်းအခုဘယ်မှာလဲ…´
`အေး…အခုပဲ လာမယ်…´
++++++
(၁၃)
နေခန့်တို့က ကိုနိုင်ဦး အိမ်ရှေ့ခြံတံခါးဝတွင် စောင့်နေ၏။ မိုးစင်စင်လင်းနေပြီ ဖြစ်သော်လည်း လူသွားလူလာ ရှင်းလင်းနေသေး၏။
`ဒီကိစ္စကိုနိုင်ဦးကို ခေါ်ပြီး ဘာဆက်လုပ်သင့်သလဲ ဆုံးဖြတ်မှဖြစ်မှာ..´
နေခန့်က သူတကိုယ်တည်း ညည်းသလိုလိုနှင့် သီဟကိုပြောနေခြင်းဖြစ်၏။
ခဏကြာတော့ ဂိုဒေါင် တံခါးပွင့်လာပြီး ကားတစ်စီးထွက်လာသည်။
`ကိုနိုင်ဦး ထွက်လာပြီ။´
အလုပ်သမားက ခြံတံခါးထွက်အလာတွင်
`ကိုနိုင်ဦး အခုဘယ်သွားမလို့လဲ..´
`ဟာ.. နေခန့်တို့ပါလား.. ဘာ..ဘာလုပ်မလို့လဲ..´
သူတို့ကိုတွေ့တော့ အံ့သြသွားပုံရသည်။
`အော်.. အရမ်းအရေးကြီးနေလို့ အကို့ကို လာခေါ်တာ အခုဘယ်သွားမလို့လဲ´
`လာ.လာ..ကားပေါ်တက်ကြလေကွာ..´
ကားပေါ်ရောက်တော့ နေခန့်က ကိုနိုင်ဦးကို ဖြစ်ကြောင်းကုန်စင် ပြောပြလိုက်သည်။ ပြီးတော့ သူတို့ ဖမ်းဆီးထားသော သတ္တ၀ါရှိရာ အဆောက်အဦး ပျက်ဆီသို့ ခေါ်ဆောင်သွားတော့သည်။
+++++
`နေခန့်…´
မီးခိုလို ၀ိုးတ၀ါး အရိပ်ဖြင့် ဒီရဲကို မှုန်တိမှုန်ဝါး တွေ့ရ၏။
အသံက တိုးသွားလိုက် ကျယ်သွားလိုက်ဖြစ်နေ၏။
ပုံရိပ်ကလဲ နီးလိုက် ဝေးလိုက်ဖြစ်နေ၏။
ထို့နောက် နေခန့်ကို သတ္တ၀ါ၂ ကောင်က ချုပ်ထားတဲ့ ပုံစံမပီမပြင် မြင်နေရသည်။ ထို့နောက် အောင်ပွဲခံသည့် အနေဖြင့် လေချွန်သံကြီးကိုလဲ ကြားနေရသည်။ နေခန့် တကိုယ်လုံး သွေးများဖြင့် ပွက်အံနေသည်။
`အား….´
`နေခန့်… ဘာဖြစ်တာလဲ..´
`အာ.. ဆောရီး ငါအိပ်ပျော်သွားလို့…´
`ကိုနိုင်ဦး ဟိုရှေ့နားဆို ရောက်ပြီ..´
++++++
(၁၄)
ပြတင်းပေါက်မှ ယုယက အိမ်ရှေ့တံခါးကို လှမ်းကြည့်လိုက်၏။ မနက် ဝေလီဝေလင်းကြီး ကိုခန့် နှင့် သီဟ အိမ်ရှေ့မှာ ဘာလုပ်နေမှန်း မသိရပ်စောင့်နေ၏။ အိပ်ယာထစမို့ ချက်ချင်း သွားမဖွင့်နိုင်လို့ ကိုကို့ ကို အရင် သွားနှိုးအုံးမှပဲ ဟုတွေးလိုက်သည်။ ကိုကို့ အခန်းကို သွားဖို့ ဟန်ပြင်နေတုန်း အိမ်ရှေ့မှ ကားသံကြားသဖြင့် ပြတင်းပေါက်မှ ကြည့်လိုက်ရာ ကိုကိုနှင့် ကိုခန့် တို့ နှစ်ယောက် ခြံဝတွင် စကားရပ်ပြောနေကြပြီး မကြာမှီ သူတို့အားလုံး သည် ကိုကို့ ကားနှင့် အတူထွက်သွားကြလေသည်။
`သမီးရေ.. ယုယ´
`ရှင်ဖေဖေ..´
`ထပြီလား သမီး.. ဒီနေ့ သမီး အကို စည်သူ ကားယူသွားတော့ ဖေဖေကားနဲ့ လိုက်ခဲ့မှရမယ် ဖေဖေ့ရုံးကို အရင် သွားပြီးမှ ကျောင်းကို လိုက်ပို့ပေးမယ်.. သမီးထတော့နော်…´
`ဟုတ်..ဖေဖေ..´
ဘာကိစ္စမို့ ကိုစည်သူက ကားယူသွားတာပါလိမ့်။ သူဒီနေ့ ကျောင်းမတက် ဘူးလားမသိ။ အော် အိမ်မှာ ကိုနိုင်ဦးကို စည်သူလို့ ခေါ်တယ်လေ။ ပြီးတော့ အမှန်က ကိုကိုနဲ့ ယုယက တ၀မ်းကွဲ မောင်နှမသာ ကျောင်းကလူတွေက မောင်နှမ အရင်းဟုသာ ထင်နေကြသည်။ တကယ်တော့ ကိုစည်သူကို ငယ်ငယ်ထဲက သူတို့အိမ်မီးလောင်ပြီး မိဘလဲ မရှိတော့တာ မို့ ဦးလေးဖြစ်တဲ့ ဖေဖေက ခေါ်မွေးစားထားတာလေ။
+++++++
(၁၅)
အေးစက်သော တိုက်ခန်းကျယ်ကြီးက တိတ်ဆိတ်ငြိမ်လွန်းလှသည်။ သူတို့ လမ်းလျှောက်သံများပင် ပဲ့တင်သံ အဖြစ် ပြန်ကြားနေရသည်။ ဆိတ်ငြိမ်နေခြင်းကိုက တမျိုးခြောက်ချားစရာ ဖြစ်နေ၏။ အောက်ထပ်ရှိ မြေအောက်ခန်းလို နေရာ လေးသို့ ခေါ်ဆောင်သွား၏။ ထိုနေရာကို ညက မကောင်းဆိုးဝါးကြီးအား ချုပ်နှောင် ထားခဲ့ ရန် အခန်းရှာရင်းမှ မထင်မှတ်ပဲ တွေ့ခဲ့ခြင်းဖြစ်သည်။
မြေအောက်ခန်းထဲသို့ ၀င်သော အပေါ်ဘက် ၀င်ပေါက်တံခါးမှ အလင်းရောင်များ ဖျာကျနေသော်လည်း တခန်းလုံးတော့ လုံလောက်အောင် အလင်းမပေးနိုင်ချေ။ အခန်းထဲတွင် သစ်တိုသစ်စ များ၊ ပန်းရံ ပစ္စည်း အတိုအထွာများဖြင့် ရှုပ်ထွေး နေပြီး ကာလရှည်ကြာစွာ ပစ်ထားသဖြင့် စိမ်းရွှေရွှေ ဖုန်မှုန့် အနံ့များ ရနေ၏။
`သီဟ ဓာတ်မီးနဲ့ ထိုးကြည့်အုံး.. အားလုံး အသင့်ပြင်ထားနော်..´
သီဟက အခန်း ပတ်လည်ကို ဓာတ်မီးနှင့် ထိုးကြည့်နေ၏။
`ဟာ.. ဟိုကောင်ကြီး မရှိတော့ဘူး.. ဘယ်လိုဖြစ်တာလဲ.. သံကြိုးတွေနဲ့ သေချာချည်ထားခဲ့တာကို…´
ကိုနိုင်ဦးက ဘာမှတ်ချက်မှ မပေးပဲ အခန်းဝန်းကျင်ကို လှည့်ပတ် ကြည့်နေ၏။
`သေချာတယ် ဒီအခန်းထဲက ထွက်သွားပြီ …ဟာ.. ဒီမှာ ကြည့်ပါအုံး ကိုနိုင်ဦး..´
သီဟက အင်္ကျီအစတစ်ခုကို ကိုင်ပြီး ပြလိုက်၏။
နေခန့် စိတ်တွေ အလိုလိုနေရင်း ဘာဖြစ်လာမှန်းမသိ သီဟကို ၀င်ပူးချင်သလိုလို ဖြစ်နေသည်။ မဟုတ်သေးပါဘူး။ ငါက ဘာလို့ ၀င်ပူးရမှာလဲ။ တကိုယ်ထဲ စိတ်ထဲက ရေရွတ်မိနေ၏။ နေခန့်မှာ တရွေ့ရွေ့နှင့် သီဟနား အလိုလို ကပ်သွားမိပြီး သီဟ ပုခုံးကို ရုတ်တရက် ကိုင်လိုက်ပြီး သူ့ကိုယ်ထဲမှ တခုခု လွတ်ထွက်သွားသလို ခံစားလိုက်ရသည်။ ထိုစဉ် သီဟနှင့် ဘေးတိုက်ရပ်နေသော နိုင်ဦးမှာ တအံ့တသြ လှည့်ကြည့်လိုက်သည်။ ဘယ်လိုမှ မထင်မှတ်ထားချိန်မှာ သီဟက နိုင်ဦးကို တွန်းလှဲပစ်လိုက်သည်။ နိုင်ဦးကလဲ ပြန်၍ တိုက်ခိုက်ရာ ဗလုံးပထွေး ဖြစ်ကုန်၏။
`သီ..သီဟ.. ဘယ်လိုဖြစ်တာလဲ..´
သီဟက ထိုးကြိတ်နေရင်းမှ
`နေခန့်ရေ… သတိထား.. ငါဒီရဲကွ.. ဒီကောင်ကြီးက စည်သူပဲ..´
`ဗျာ..´
ခုနက သူ့ကိုယ်ထဲကနေ ကိုဒီရဲ ပူးကပ်လိုက်လာပုံရပြီး အခု သီဟကိုယ်ကို ၀င်ပူးလိုက်ခြင်းဖြစ်မည်။ သူတို့ နှစ်ယောက်ကို ကြည့်ရင်း နေခန့် တစ်ယောက်ဘာလုပ် ရမှန်း မသိဖြစ်နေချိန်တွင်..
`၀ုန်း…´
အပေါ်ဘက် တံခါးဆီမှ တစုံတယောက် ခုန်ချလာ၏။ ဟင်ညက မကောင်းဆိုးဝါးကြီးပဲ။ နီးစပ်ရာမှ သစ်သားတုတ်ကို ကောက်ကိုင်ကာ တိုက်ခိုက်ရန်ဟန်ပြင်နေစဉ်မှာပင် တကိုယ်လုံး အဖုအထစ်များနှင့် အတော်ပုံဆိုးပန်းဆိုး နိုင်သော မကောင်းဆိုးဝါးကြီးက သူ့လျှာဖြင့် နေခန့်လက်ထဲမှ တုတ်ကို ဖြတ်ရိုက်လိုက်သည်။ လက်နက်မဲ့ ဖြစ်သွားသော နေခန့်ဆီ တရွေ့ရွေ့တိုးလာသည်။ နေခန့်ကလဲ တဖြည်းဖြည်း နောက်သို့ ဆုတ်သွားလေ၏။ အနီးအနားရှိ လက်နက်လုပ်လို့ ရမယ့် အရာကို မျက်စိဖြင့် အမြန်ရှာ ရ၏။ ဟင် ကိုနိုင်ဦး ဆိုတဲ့လူလဲ သီဟနဲ့ တိုက်ခိုက်နေရင်း ပုံပျက်ပန်းပျက်ကြီး ဖြစ်နေပါလား။ ဟာ ဘယ်လိုဖြစ်တာလဲ.. သူ..သူလဲ မကောင်းဆိုးဝါး တစ္ဆေတစ်ကောင်ပါပဲလား။ နေခန့်က သူနှင့် ခပ်လှမ်းလှမ်းရှိ နံရံ ဆီမှ သံချည်သံချောင်းစ တခုကို လှမ်းမြင်လိုက်သဖြင့် ထိုသတ္တ၀ါအား ထိုဘက်သို့ မြှားခေါ်ရန် ရုတ်တရက် စဉ်းစားမိလိုက်သည်။ သို့သော် ထိုနေရာ သို့သွားရန် သူ့နေရာနှင့် အတော်လေး လှမ်းနေသေးသည်။ သွေးဆာနေသော မျက်လုံးဖြင့် အကောင်ကြီး၏ လျှာတန်းလန်းကြီးသည် နေခန့်ဆီသို့ ဦးတည်လာနေသည်။ သူ့လည်ပင်း ဆီသို့ မရောက်ခင်ပင် မသတီစရာ လျှာကြီးအား လက်နဲ့ ဖမ်းဆုပ်လိုက်၏။ အနားသို့ ပြေးကပ်လာပြီး သူ့လက်တံကြီးဖြင့် နေခန့် ဦးခေါင်းကို လှမ်းရိုက်ရာ ကပ်၍ ရှောင်လိုက်ပြီး သူ့ရဲ့ ကျောဘက်သို့ ပြေးထွက်သွားလိုက်၏။ တဖက်မှ ဒီရဲ ၀င်ပူးနေသော သီဟနှင့် စည်သူဆိုသော တစ္ဆေကောင်ကြီး တို့ တိုက်ပွဲမှာလည်း ပြင်းထန်လှသည်။ ထိုအကောင်က သူ့လက်ဖြင့် သီဟကို တွန်းလှဲလိုက်ရာ သီဟမှာ အနောက်ဘက်သို့ အရှိန်ဖြင့် ပစ်လဲသွားသည်။ ထိုစဉ်မှာပင် မကောင်းဆိုးဝါးက သီဟ ကိုယ်ပေါ်သို့ ခုန်အုပ်လိုက်လေတော့သည်။ မထင်မှတ်ပဲ သီဟက သူ့အပေါ်သို့ ခုန်အုပ်လာသော အကောင်ကြီး၏ မျက်လုံးကို အနီးရှိ ဘိလပ်မြေ ကိုင်သော သံလျက်ဖြင့် တအား ထိုးစိုက်လိုက်တော့၏။
`အူး……..´
ကြောက်မက်ဖွယ် အသံနက်ကြီးဖြင့် အော်ဟစ်ကာ သီဟ၏ ဘေးသို့ ပစ်လဲကျသွားသည်။ ဒီရဲ သည် အညှိုးကြီးစွာဖြင့် လဲကျနေသော အကောင်ကြီးအား ထုနှက်နေသေး၏။
`ငါသေခဲ့သလို… မင်းလဲ သေရမယ်..´
အသက်ပြင်းလှသော ထိုအကောင်ကြီးသည် ပြန်ကုန်းထလိုက်ပြီး သူ့မျက်လုံးတွင် စိုက်ဝင်နေသော သံလျက်ကို သွေးသံရဲရဲ ဖြင့် ဆွဲနှုတ်လိုက်ပြီး ဒီရဲအား ဆွဲဆုတ်ချင်လောက်အောင် ဒေါသထွက်သွား၏။
တဖက်သို့လှည့်ရှောင်သွားသော နေခန့်ကို မကောင်းဆိုးဝါး စိုးကြီးက ပြေးလာကာ နေခန့်ကို ပြေး၍ ခုန်အုပ်လိုက်သည်။ တမင် ထိုနေရာသို့ ရောက်အောင် မျှားခေါ်ထားသဖြင့် ဘေးဘက်သို့ ခုန်ရှောင်လိုက်ရာ မကောင်းဆိုးဝါးကြီးသည် အားလွန်ကာ နံရံမှ ထိုးထွက်နေသော သံချောင်းသည် ထိုအကောင်ကြီး၏ လည်ပင်းမှ နေ၍ ဦးခေါင်းထိ ထုတ်ချင်းပေါက်ထွက်သွားလေတော့၏။
`အူး……….အား……..´
တကောင်တော့ ကိစ္စချောသွားလေသည်။
`နေခန့်… ကယ်..ကယ်… အစ်..အစ်….´
သီဟကို မကောင်းဆိုးဝါးကြီးက လက်ဖြင့်ပုခုံးကို ဖြစ်ညှစ်ဆုပ်ကိုင်ကာ လည်ပင်းကို လျှာဖြင့် ညှစ်သတ်နေလေ၏။ နေခန့်လဲ ကြမ်းပြင်မှ သံလျက်ဖြင့် ထိုအကောင်ကြီး၏ နားထင်ကို အချက်ပေါင်းများစွာ ရွံ့မုန်းစွာဖြင့် အားနှင့်ထိုးစိုက် လိုက်၏။ အရုပ်ကျိုးပြတ် လဲကျသွားပြီး သီဟကို လွှတ်ချလိုက်သည်။ ပြီးတော့ မသေသေးပဲ ဆန့်ငင်ဆန့်ငင် ဖြစ်နေသေး၏။
`ဖျစ်…ဖျစ်…ဖျစ်..´
`ဟာနေခန့်ရေ ဟိုကောင်ကြီး အပြင်မှာ မီးရှို့ခဲ့တယ် ထင်တယ်.. မီးတွေလောင်နေပြီ…´
အခန်းထဲသို့ မီးခိုးလုံးများ တစတစ ၀င်လာသည်။
`နေခန့်ရေ.. ငါနေခဲ့တော့မယ်.. ငါလက်စားချေလိုက်ရတဲ့ အတွက် ငါကျေနပ်သွားပြီ။ ငါသီဟ ခန္ဓာကိုယ်ထဲက ထွက်တော့မယ် မင်းသူငယ်ချင်းကို ခေါ်သွားတော..´
မကြာမှီမှာပင် ခုနက ရီဝေနေသော သီဟ မျက်လုံးများ ပြန်လည် သတိရလာပြီး..
`… ငါ…ငါ ဘာဖြစ်သွားတာလဲ..´
ဒဏ်ရာ ရနေသော သီဟကို တွဲထူလိုက်ပြီး တံခါးပေါက်ဆီသို့ အောက်မှ အသာတွန်း၍ ပင့်တင်လိုက်၏။ နောက်မှ သူက လိုက်တက်လိုက်သည်။ အိမ်ကြီး အတွင်း၌ မီးများ တဟုန်းဟုန်းလောင်နေပေပြီ။ နေခန့် အပေါ်ထပ်သို့ တက်ပြီး စဉ်မှာပင် ပျော့စိစိ လျှာကြီး က သူ့ခြေထောက်ကို မြေအောက်ခန်းမှ နေ၍ ဆွဲရစ်ပတ်နေသေးသည်။ အလွန်အားသန်သောကြောင့် ရုန်းမရဘဲ မြေအောက်ခန်း တံခါးဝဆီကို တရွတ်တိုက်ပြန်လည် ပါနေ၏။ ထိုအခါမှာ သီဟက မြေအောက်ခန်းတံခါးဘက်သို့ အမြန်သွားကာ ဖွင့်ထားသော တံခါးကို ခြေဖြင့် တအား ဆောင့်ကန် ပိတ်ချလိုက်တော့၏။ အပြင်ဘက်တွင် တံခါးပိတ်လိုက်သော အရှိန်ကြောင့်ပင် ထိုလျှာကြီးသည် ပြတ်ထွက်သွားတော့၏။
မြေအောက်ခန်းမှ ဒီရဲ အသံ ထွက်ပေါ်လာ၏။
`နေခန့်ရေ.. မြန်မြန်ပြေး…သူတို့ ခန္ဓာတွေထဲက တစ္ဆေတွေ ထွက်လာတော့မယ်..ပြေး..ပြေး..´
သီဟကို တွဲ၍ အိမ်နောက်ဖေးဆီမှ အပြင်သို့ အမြန်ထွက်လိုက်ကြသည်။ အိမ်က အတွင်းထဲတွင် သာလောင်နေသေးပြီး အပြင်သို့ မီးမကူးသေးသဖြင့် ပတ်ဝန်းကျင် က သတိမထား မိသေးချေ။ ကားပေါ်သို့ တက်လိုက်ပြီး သီဟကို သက်သောင့်သက်သာ ဖြစ်စေရန် နောက်ခန်းတွင် လဲလျောင်းစေပြီး စိတ်ပျက်စရာ အိမ်ကြီးနှင့် ဝေးရာ ဆီသို့ အပြင်းမောင်းလေတော့၏။ တဖြည်းဖြည်းနှင့် မီးတောက်များသည် အိမ်ကြီးတခုလုံးကို ၀ါးမျိုသွားကာ မီးတောက်ကြီးသည် တစ္ဆေတစ်ကောင်၏ မျက်နှာပြင်ကြီး နှင့် တူလှစွာ ခြောက်ခြားဖွယ် ကျန်ရစ်ခဲ့လေသည်။ ဖြစ်ညှစ်ခံထားရသော ဒဏ်ရာကြောင့် သီဟ၏ လည်ပင်းရှိ အရေပြားမှာ အသားနီလန်နေသည်။ ဒဏ်ရာကြောင့် လူးလွန့်ကာ မှိန်းနေ၏။
`သီဟရေ.. ခဏလေး တောင့်ခံထားပေးပါကွာ.. နေသာရဲ့လား..´
ထိုစဉ် သီဟ၏ လည်ပင်းရှိ ဒဏ်ရာမှ သွေးကြောမျှင်များသည် လှုပ်ရှားလာပြီး မျက်နှာပြင် ပေါ်သို့ပင် ရှုပ်ထွေးတက်ကုန်သည်။ ထို့ပြင် မျက်စံတခုလုံးသည် အမည်းရောင်မှ အစိမ်းရောင်သို့ ပြောင်းလဲသွားလေတော့၏။ သို့သော် သီဟ၏ အဖြစ်အပျက်များကို မူကား ကားမောင်းနေသော နေခန့် တစ်ယောက်မှာတော့ သတိမထား မိလိုက်ပါချေ……။
++++++
နောက်ဆက်တွဲ (၁)
သာယာလှပသော ပန်းခြံလေးထဲတွင် ကောင်လေးနှင့် ကောင်မလေး စုံတွဲလေးသည် အေးဆေး ညိမ်ဆိတ်စွာ ထိုင်နေကြ၏။
ကောင်လေးက ကောင်မလေး ပုခုံးကို ညင်ညင်သာသာ လေးဖက်ထား၏။ တဖက်သို့ လှည့်ငေးနေသော ကောင်မလေးကို ကြည့်ရင်း ကောင်လေး၏ စိတ်များသည် သွေးဆာသလိုလို ကျပ်တည်း ငတ်မွတ်လာသည်။ ကောင်မလေး ခင်မျာမှာတော့ လုံးဝမသိရှာပဲ ပန်းခြံထဲ သို့ သာ ဟိုဟိုဒီဒီ ငေးမောနေသည်။ တဖက်သို့ လှည့်နေသော ကောင်မလေးကို ဖက်ထားသော လက်များကို အသာ ရုတ်လိုက်ပြီး ကောင်လေး၏ ပါးစပ်မှ လျှာကြီးသည် ရှည်သထက် ရှည်ထွက်လာကာ ကောင်မလေး၏ လည်ပင်းကို ရစ်ပတ်ပြီး ဆွဲညှစ်လိုက်တော့၏။
`.အား…..အစ်…အစ်…..´
အလွန်သန်မာစွာ ဆွဲညှစ်မှုကြောင့် ကောင်မလေး၏ ဦးခေါင်း တခုလုံး နီရဲကာ နောက်ဆုံးတွင် ခေါင်းတခုလုံး ပြုတ်ထွက်သွားလေတော့၏။
++++++
နောက်ဆက်တွဲ(၂)
`ဟေ့ကောင် အတန်းထဲ မ၀င်နဲ့အုံး ငါ့ကိုခဏစောင့်အုံး အပေါ့သွားမလို့.. ´
`အေးအေးသွား…´
အပေါ့သွားချင်နေတာကို ကန်တင်းန် မှာထဲက အောင့်ထားသဖြင့် အိမ်သာကို အမြန်ပြေးရ၏။ အိမ်သာထဲသို့ ၀င်၍ ကိစ္စ ရှင်းလိုက်မှ နေသာ ထိုင်သာ ရှိသွားတော့သည်။ သို့သော် သူအခုမှ သတိထားမိသည် အိမ်သာထဲတွင် အိမ်သာနံ့မဟုတ်ပဲ ဆိုးဆိုးဝါးဝါး သွေးညှီနံ့ကြီးနံနေသည်။ အိမ်သာ တခုခုဆီမှ ရေဖွင့်သံများကြားရပြီး ဘယ်လို ကျက်သရေ မရှိသော အသံကြီးဖြင့် သီချင်းညည်းနေသည်။ တော်တော်လေး အနံ့ဆိုးဝါးနေ၍ သူမသင်္ကာဖြစ်ပြီး အိမ်သာတံခါးများကို လိုက်တွန်းဖွင့်ကြည့်နေ၏။ ရေဖွင့်သံကို သေချာနားစွင့်လိုက်တော့ တတိယမြောက်အိမ်သာမှ ဖြစ်သည်။
`အား…..´
တတိယမြောက် အိမ်သာထဲမှ သွေးများသည် အပြင်ဘက်သို့ တရဟော..ကျလာသည်။
`ဟေး…အိမ်…အိမ်သာထဲမှ ဘယ်…ဘယ်..သူ ဘာလုပ်နေလဲ..ထွက်…ထွက်ခဲ့စမ်း….´
ကြောက်ကြောက်လန့်လန့်နှင့် ထိုအိမ်သာ တံခါးရှေ့မှာ မတ်တပ်ရပ်နေမိသည်။
`ကျွီ..´
`ဘုတ်..´
ရုတ်တရက် တံခါးကြီး ပွင့်အန်လာပြီး အိမ်သာရှေ့မှ သူ့ခြေထောက်နားသို့ ဦးခေါင်းမရှိသော ခန္ဓာကြီး တခု လဲပြိုကျလာသည်။ ထို့နောက် အိမ်သာထဲတွင် သွေးများ ပေကျံနေသော ဦးခေါင်းပြတ်ကြီးအား ကိုက်နေသော ရုပ်ပျက်ဆင်းပျက် သတ္တ၀ါကြီးအား သွေးပျက်ဖွယ် မြင်တွေ့လိုက်ရလေတော့၏။
`အား…………………………………´
+++++++++++++++++
နောက်ဆက်တွဲ (နိဂုံး)
သရဲတစ္ဆေဆိုတာ တကယ်ရှိလား…
ယုံတမ်းပုံပြင်လား….
ငယ်ငယ်တုန်းက ကလေးတွေကို ကြောက်အောင်
လူကြီးတွေက ခြောက်လှန့် ကြတာဟာ အဲဒိ အခြောက်အလှန့်တွေကကော
သမာရိုးကျ…စိတ်ကူးယဉ်တွေလား…
ဒါမှမဟုတ် တကယ့်အဖြစ်အပျက်တွေကို အခြေခံသလား….
သင်တကယ်ကော သရဲ ခြောက်ခံခဲ့ဖူးပြီလား…။
အကယ်၍များ သရဲတစ္ဆေ တစ်ကောင်ကောင်ဟာ သင်တို့ ကျွန်ုပ်တို့ အနီးအနားမှာ မထင်မှတ်ပဲ ရှိနေခဲ့ရင် သင့်အနေနဲ့ ဘာလုပ်သင့်တယ်ထင်ပါသလဲ…။
ကျေးဇူးပြု၍ အထက်ပါမေးခွန်းများအား သင်ကိုယ်သင် ပြန်၍ မေးပြီး ဖြေနိုင်သလို မဖြေရင်လဲ မဖြေလို့ ရပါတယ်။ သရဲတစ္ဆေရှိသည် မရှိသည် သင့်အနေနဲ့ မသေချာပေမယ့် သရဲတစ္ဆေနဲ့ ပတ်သက်တဲ့ အကြောင်းအရာများက တော့ တမင်သက်သက် ရှိနေကြလိမ့်မယ်မဟုတ်ဘူး ဆိုတာကတော့…………….။
ပြီးပါပြီ
မင်းယွန်းသစ်
Posted in
Labels:
တစ္ဆေတစ်ကောင်ရဲ့တေးသီသံ
|
Monday, October 15, 2007
(၆)
“နေခန့် ဒါကိုနိုင်ဦးလေ ငါတို့ မေဂျာ ဖိုင်နယ်က ”
ကိုနိုင်ဦးက နှုတ်ဆက်သည့် အနေဖြင့် ပြုံးပြသည်။ ထိုအပြုံးမျိုး သူရင်းနှီးပြီးသား ဖြစ်သည်။ ထိုအပြုံးသည် ချိုယုယနှင့် အနဲငယ် ဆင်တူသည်။ အဘယ့်ကြောင့် ဆိုသော် ကိုနိုင်ဦးသည် ချိုယုယ၏ အစ်ကို ဖြစ်ကြောင်း သီဟ မိတ်မဆက်ပေးလဲ ကျွန်တော် ကောင်းစွာသိပါသည်။
“ကျွန်တော် လူချင်းမသိပေမယ့် အစ်ကို့ အကြောင်းကြား…အဲ မြင်ဖူးနေတာ ကြာပါပြီ”
သီဟက ဆက်ပြီး ကိုနိုင်ဦးဘေးမှ သူငယ်ချင်းအား
“ဒါက ကိုစိုးကြီးကွ သူတို့က တို့ကျောင်းရဲ့ ဘောလုံးလက်ရွေးစင်တွေလေ။”
ကိုစိုးကြီးကို တနေရာရာတွင် တရင်းတနှီး မြင်ဖူးသလို ရှိသည်။
“ဒါက ”
သီဟ စကား မစခင်ပင်
“ ဒါက ကို ကရင်မလေ ”
ကိုကရင်မ က ကွမ်းများ ဗလုံးဗထွေးနှင့် သူ့ကို ရယ်ပြသည်။ ကိုကရင်မ ၏ နာမည် အရင်းကို တော့ ကျွန်တော် မသိပါ။ သို့သော် ဆရာကန်တော့ ပွဲ ဘာပွဲညာပွဲ လုပ်တိုင်း တက်ကြွှစွာ ပါဝင်ကူညီတတ်သော ကရင် လူမျိုး တစ်ယောက် ဖြစ်ပြီး သူ့ကို တကျောင်းလုံး ဆရာမများက အစ မူရင်းနာမည်ပျောက်ကာ ကရင်မဟု ခေါ်ကြလေသည်။
***
(၇)
အ၀တ်လဲခန်းထဲသို့ နေခန့်စောရောက်နေသဖြင့် ဗီဒိုထဲသို့ ပါလာသော အထုပ်အပိုးများထည့်ကာ အားကစား အင်္ကျီကို လဲလှယ်နေသည်။ အ၀တ်လဲ ခန်းထဲတွင်ရှိသော မီးချောင်းအားလုံးပေါင်း ၄ ချောင်း ရှိသော်လည်း တချောင်းမှာ ကျွမ်းနေပြီး တချောင်းသည် မှိန်ဖျော့နေကာ ကျန်၂ချောင်းသာ ကောင်းကောင်းလင်းသည်။ ထိုကြောင့် အ၀တ်လဲခန်းတခုလုံးသို့ အလင်းလုံလောက်စွာ မရဘဲ အနဲငယ် မှောင်ပိန်းပိန်းဖြစ်နေသည်။ ရုတ်တရက် ခြေသံများကြားရပြီး လူ၂ယောက် စကားပြောလာသည်။ အခန်းထဲသို့ ၀င်လာသော အခါ သူ့ကို တွေ့သွားပြီး တိတ်ဆိတ်သွားသည်။ ကိုကရင်မနှင့် ကိုစိုးကြီးဆိုသော သူဖြစ်သည်။ ကိုကရင်မက
“ဟား ငါ့ညီစောလှချည်လား၊ ကိုယ်က ဘယ်သူ့မှ မရောက် သေးဘူးထင်တာ”
“ခုနလေးကပဲ ရောက်တာ အစ်ကိုရ…ဟီး”
နေခန့်က ကိုစိုးကြီးအား လှမ်းရယ်ပြသော်လည်း သူက ကိုကရင်မလို မဟုတ်ပဲ ခပ်တည်တည်ဖြင့် နေနေသဖြင့် သူတောင် နဲနဲ ကြောင်အအဖြစ်သွားသည်။
“ကျွန်တော် ကွင်းထဲ သွေးပူလေ့ကျင့်ခန်း သွားလုပ်လိုက်အုံးမယ်”
“အေး အကိုတို့လဲ ခဏနေ လာခဲ့မယ်ကွ”
အ၀တ်လဲခန်းထဲမှ ထွက်လာခဲ့ပြီး ပွဲကြည့် စင် အောက်ဘက် တွင် အကြောလျော့ လေ့ကျင့်ခန်း လုပ်နေ၏။ ပွဲကြည့်စင် ရှေ့တွင် ကာရံထားသော စတီး တန်းပေါ်သို့ ခြေထောက် တစ်ဖက်တင်ကာ ခြေသလုံးနှင့် ပေါင်ကြောများ ဖြေလျော့နေသည်။ ပြီးမှ ရုတ်တရက် သတိရသွားသည်။ အ၀တ်လဲခန်းထဲတွင် ဒူးစွပ် မေ့ကျန်ခဲ့ခြင်းပင်။ အထဲ ၀င်ယူမှဆိုပြီး အ၀တ်လဲခန်းထဲသို့ ပြန်ဆင်းခဲ့ပြန်သည်။ အ၀တ်လဲခန်းသို့ မရောက်မှီ ရန်ဖြစ်နေသော အသံများကို အတိုင်းသား ကြားနေရသည်။
“ဟာ… မင်းဒီလိုလုပ်မရဘူးကွ”
“ဟဟ လုပ်တော့ ဘာဖြစ်လဲ”
“မင်း အကြောင်းငါ အကုန်ပြန်ပြောလိုက်မယ် အားလုံးကို”
“ပြောလေကွာ မင်းက ဘာလုပ်နိုင်မှာ မို့လဲ”
အခြေအနေက တဖြည်းဖြည်း တင်းမာလာသည်။ သို့သော် ဒီအချိ်န်မှာ သူဝင်ဆွဲ လျှင် ပိုရှုပ်ကုန်လိမ့်မည်။ သူတို့ ၂ ဦးသည် ဗီဒိုများ အဆုံးရှိ အခန်းထောင့်ချိုးလေးတွင် ရန်ဖြစ်နေခြင်း ဖြစ်ပြီး အသံသာ ကြားနေရပြီး ကိုကရင်မကို သာ ကိုယ်တပိုင်း အစွန်လေးကို မြင်နေရသည်။ ထို့ပြင် မှိန်ဖျော့ဖျော့ အလင်းအားကြောင့် ၀ိုးတ၀ါးသာ မြင်နေရသည်။ ကိုနိုင်ဦးတို့ မြန်မြန်လာမှ ဒီပြဿနာကို ရှင်းလို့ရမည်။ သူလဲ မဖြေရှင်းပေးတတ်ပဲ တခါးဝ အကွယ်လေးမှသာ အသာ အခြေအနေ ရပ်ကြည့်နေရ၏။ အခြေအနေ ဆိုးလာမှ ၀င်ဖျန်ဖြေမည်ဟု ဆုံးဖြတ်ထားသည်။
“အေး လောလောဆယ် ငါလုပ်နိုင်တာ ဒါပဲ”
ကိုကရင်မက ပြောပြောဆိုဆိုနှင့် ထိုးလိုက်ပုံရသည်။ အခြေအနေ မဟန်တော့ သဖြင့် ၀င်ဆွဲရန်အခန်းထဲ သို့ ခြေလှမ်းပြင်လိုက်စဉ်
“အစ် အစ်”
ထူးဆန်းစွာ ပင် ကိုကရင်မ ၏ လည်ပင်း တွင် လျှာကဲ့သို့ အရာကြီး က တွန့်လိပ်ခွေကာ ရစ်ပတ်နေသည်။ သူ့လည်ပင်းက လျှာကို အားနှင့် ဆွဲဖယ်မရန် ကြိုးစားသော်လည်း လျှာ သည် တင်းသည်ထက် တင်းလာပြီး ကိုကရင်မ၏ ဦးခေါင်းတစ်ခုလုံး သည် ညိုပုပ်လာကာ လည်ပင်းလဲ သိမ်လာပြီး တခဏချင်းမှာပင် ဦးခေါင်းကြီးသည် ပြတ်ထွက်သွားသည်။ လည်ပင်း ပြတ်ကြီးမှ သွေးများ ပန်းထွက်လာပြီး ခန္ဓာကိုယ်ကြီးသည် ဒယီးဒယိုင်ဖြင့် နောက်သို့ လဲကျသွား၏။
“၀ုန်း”
ထိုစဉ် အခန်း၏ မှောင်ရိပ်ထဲမှ ရုပ်ပျက်ဆင်းပျက် သတ္တ၀ါကြီးသည် ထွက်လာပြီး လျှာတွင် ဦးခေါင်းပြတ်ကြီး တန်းလန်းနှင့်။ သတ္တ၀ါကြီးက မျက်လုံးပြူးဖြင့် အခန်းဝကို ကြည့်လိုက်သည်။ အခန်းဝတွင် အံ့သြလွန်း၍ ကြက်သေသေနေသော နေခန့်သည် ထိုသတ္တ၀ါကြီးအား မြင်တော့မှ ထွက်ပြေးရန် သတိရပြီး အ၀တ်လဲခန်းထဲမှ ခြေကုန်သုတ်ပြေးခဲ့သည်။ လုပ်ကြပါအုံး။ ပြေးပြေးနေခန့်ရေ။ ကြောက်ကြောက်နှင့် သူဇွတ်ပြေးနေရင်း ဘယ်လိုလမ်းမပေါ်သို့ ရောက်မှန်းမသိ ရောက်လာသည်။
“ဟေ့ နေခန့် နေပါအုံး”
ကိုနိုင်ဦး အသံကို ကြားတော့မှ သူအသိဝင်လာပြီး လှည့်ကြည့်လိုက်သည်။
“ငါတို့ ကိုတောင်မမြင်ဘူး ဘယ်လိုဖြစ်တာလဲ။ သွေးပူလေ့ကျင့်ခန်းလုပ်နေ…. ဟာ နေခန့် မင်းမျက်နှာက ဖြူဖတ်ဖြူရော်ဖြစ်နေပါလား။ ဘာဖြစ်ခဲ့တာလဲ”
နေခန့်အခုထိ ကြောက်စိတ်မပြေသေး၍ ဘာမှမပြောနိုင်ပဲ ကိုနိုင်ဦးအား မျက်လုံးအပြူး သားနှင့်သာ စိုက်ကြည့် နေနိုင်တော့သည်။ ကိုနိုင်ဦးဘေးတွင် သီဟပါပါလာသည်။
“ဟို..ဟို”
သီဟက
“နေခန့် ရော့ မင်းရေ အရင်သောက်အုံး မင်းတော်တော် ထိတ်လန့်စရာ မြင်ခဲ့ပုံရတယ်”
ရေကို တဗူးလုံးကုန်အောက်သောက်လိုက် ပြီးမှ
“ကို…ကရင်မ သေပြီ… ကို…ကို စိုးကြီး လျှာကြီးနဲ့ ညှစ်သတ်..သတ်….”
“ဘာ…”
သူ့ရှေ့မှ သီဟတို့ ပုံရိပ်များသည် ဒယိမ်းဒယိုင်ဖြစ်လာကာ မိုက်ခနဲဖြစ်ပြီး တလောကလုံး အမှောင်တိဖုံးသွားတော့သည်။
“နေခန့်…နေခန့်………….”
“………”
++++
“နေခန့် ….နေခန့်”
သူ့ကို တစုံတဦးက ခေါ်နေသလိုလို ကြားရ၍ မျက်လုံးကို အတင်း ဖွင့်ပြီး ကြည့်လိုက်သည်။
`မင်းဘယ်လို နေသေးလဲ…´
မျက်လုံးကို အားယူကာ ကြည့်လိုက်သည်။ေ၀၀ါးနေရာမှ ကိုနိုင်ဦး က သူ့ကို ပွေ့ထားသည်။
`ကျွန်တော်…. ဟို…. ကိုကရင်မ ကို သွားသွား… ကြည့်ပေးကြပါဦး….ဗျာ… သေပြီလားမသိဘူး။´
သီဟက
`လာ…လာ ငါတို့ အတူတူသွား ကြကြည့်မယ်ကွာ.. အခု မင်းစိတ်ကို ခဏလောက် ငြိမ်ငြိမ်လေး ထားလိုက်…´
ကိုနိုင်ဦးက တစုံတခု တွေးတောနေဟန်ဖြင့်
`ငါတို့ ခပ်သုတ်သုတ်သွားရအောင်…ဒါပေမယ့် ငါရှေ့က အရင်သွားနှင့်မယ်… သီဟနဲ့ မင်း ဖြည်းဖြည်းချင်းသာ လိုက်လာခဲ့ …´
နေခန့်က အနည်းငယ်သက်သာ လာသဖြင့်
`ကျွန်တော်ပါလိုက်ခဲ့မယ် ဗျာ။ ကဲပါဗျာ အတူတူ မြန်မြန်သွားကြရအောင်´
`တခုခုတော့မှားနေပြီ….´
ကိုနိုင်ဦးက တကိုယ်တည်းပြောရင်း သူတို့ အကုန်လုံး အားကစား ကွင်း၏ အ၀တ်လဲခန်းဆီသို့ အပြေးအလွှား သွားကြသည်။ အ၀တ်လဲ ခန်းထဲ သို့ လှမ်း အ၀င်တွင် အံ့သြစရာ မြင်ကွင်းမြင်လိုက်ရသည်။ အကြောင်းမှာ ကိုစိုးကြီးသည် ကိုကရင်မနှင့် အေးဆေးစွာ စကား ထိုင်ပြောနေကြခြင်း ဖြစ်သည်။ အံ့သြနေသော သီဟ တို့ ၂ ဦးသည် ကိုစိုးကြီးတို့ ၂ ယောက်က တစ်လှည့် သူ့ကို တလှည့် ကြည့်နေကြသည်။
ကိုစိုးကြီးက လှမ်း၍ မေးလိုက်သည်။
`ဘာဖြစ်လာတာလဲကွ…´
ပြီးတော့ ကိုနိုင်ဦးက သေချာအောင်လို့
`နေခန့် မင်း.. အိပ်ရေးတွေ သိပ်ပျက်လို့ များ ကယောင်ချောက်ချားတွေ ဖြစ်နေတာလား။´
`ဟာ….ကျွန်တော်…မဟုတ်´
ကိုနိုင်ဦးကို သူဘယ်လို ရှင်းပြရမည်မှန်းမသိတော့ပေ။ သူအမြင်မှားခြင်းလဲ မဟုတ်ဘဲ ခုနက ခေါင်းပြတ်ပြီး သေဆုံးသွားသော ကိုကရင်မသည် ယခုတော့ ကိုစိုးကြီးနှင့်ထိုင်ကာ အေးအေးလူလူ စကားထိုင်ပြောနေသဖြင့် သူရူးချင်သလိုလိုဖြစ်သွားသည်။ သူတို့ပဲ မှားသလား။ ငါပဲမှားနေတာလား။
`ညီဒီနေ့… မင်းထရိန်နင် မဆင်းနဲ့အုံးကွာ… သီဟ မင်းသူ့ကိုအိမ်လိုက်ပို့ လိုက်…အနားယူပါစေအုံး။… တနင်္ဂနွေနေ့မှ ကန်မှာ ဆိုတော့ ၃ရက်တောင်လို ပါသေးတယ်။ အိပ်ရေးတွေ သိပ်ပျက်တယ်ထင်တယ်ကွာ။ ငါတောင်စိတ်ပူတယ်´
သီဟက သူ့ကို ဇဝေဇ၀ါ မျက်လုံးဖြင့်ကြည့်သည်။ သူတို့ ကို ဘယ်လိုရှင်းပြရမှန်းမသိပေ။ အနည်းဆုံးတော့ သူ့ကို ရူးကြောင်ကြောင် အကောင်ဟု ထင်သွားကြပြီဟု သူထင်သည်။ စိတ်ပျက်စရာကောင်းသော နေ့ တစ်နေ့ ဖြစ်သည်။
++++
(၈)
ကုတင်ပေါ်ကို ခြေပစ်လက်ပစ်လှဲချလိုက်သည်။ ပြီးတော့ သက်ပြင်းရှည်ကြီး ချလိုက်၏။ နေ့ခင်းက ရူးရူးကြောင်ကြောင် အဖြစ်အပျက်ကြောင့် ညစာစားပြီးသည်နှင့် သူ့အခန်း ပေါ်သို့ တက်လာခြင်းဖြစ်သည်။ သူမျက်စိမှားတာလားဟု ပြန်စဉ်းစားကြည့်နေသည်။ သေချာ တွေးကြည့်သည့်အခါ သူလုံးဝမမှားဘူးဟု ထင်နေပြန်သည်။ မျက်စိနဲ့ တပ်အပ် ခေါင်းပြတ်သွားသည်ကို မြင်ခဲ့ပါလျက် နောက်တစ်ခေါက် သူပြန်တွေ့သော အချိန်တွင် အကောင်းပကတိ ချို့ယွင်းချက် မရှိဖြစ်နေခြင်းက ထူးဆန်းလွန်းလှသည်။ ထိုစဉ် သူ့အခန်းတံခါး အသာလေးဟလာသည်။
“သား..နေမကောင်းဘူးလား”
“ဗျာ သားနေကောင်းပါတယ် မေမေ”
“မှန်းစမ်း..”
ပြောပြောဆိုဆိုနှင့် မေမေက သူ့နဖူးကို လာစမ်းသည်။
“သားဘာမှမဖြစ်ပါဘူး..မေမေရဲ့ သားဒီနေ့..ဘောလုံးကန်ဖို့ ထရိန်နင်ဆင်းလာလို့ နဲနဲပင်ပန်းသွားတာပါ။”
“အေးအေး..သိပ်ပင်ပင်ပန်းပန်းကြီး မလုပ်နဲ့နော် ဒါဆို စောစောအိပ်တော့..”
“ဟုတ်…”
မေမေ အခန်းဝနားသို့ ထွက်ခါနီး သူက ရုတ်တရက် လှမ်းခေါ်လိုက်သည်။
“မေမေ…”
“ဘာလဲသား..”
သူတခုခုပြောပြချင်နေသည်။ ဒါပေမယ့် ဘယ်လိုအစပြုပြီး ပြောရမှာလဲ။ သက်သေကလဲ မရှိနဲ့ သူ့ကို လူကြီးတွေ တမျိုးမြင်သွားနိုင်တယ်။ မပြောတော့ဘူးလို့ ဆုံးဖြတ်လိုက်ပြန်၏။
“အော် ဘာမှ မဟုတ်ပါဘူး…မနက်ကျရင် သားကို ၆ နာရီခွဲလောက်နှိုးပေးပါလို့ ပြောမလို့ပါ”
“အေးအေး မေမေလာနှိုးမယ် အိပ်တော့ အိပ်တော့”
ခါတိုင်းမေမေတို့နှင့် အတူတီဗွီကြည့်ပြီးမှ အိပ်လေ့ရှိသော သူ့ကို မေမေက စိတ်ပူ၍ လာမေးခြင်းဖြစ်သည်။ မေမေပိတ်သွားသော တံခါးကို ငေးကြည့်နေရင်း အရိပ်တခု ၀ိုးတ၀ါး ပေါ်လာသဖြင့် နေခန့် ထိတ်လန့်သွား၏။
“နေခန့် မင်းကျောင်းမှာ တခုခုများ ဖြစ်လာသလား”
“ဟုတ်..ဟုတ်တယ်ဗျာ.. တော်တော် သွေးပျက်ဖို့ကောင်းတယ်”
သူဒီနေ့ အဖြစ်အပျက်ကို ဒီရဲကို ပြန်ပြောပြလိုက်သည်။ သူက တွေးတွေးဆဆ အသံဖြင့်
“ သတိတော့ထားကွာ အန္တရာယ်က နီးကပ်လာနေပြီ..”
“ဗျာ…ဘယ်လို အန္တရာယ်မျိုးလဲ ပြော..ပြောပြပါအုံးဗျာ။”
“စိတ်မကောင်းပါဘူးကွာ… လောလောဆယ်တော့ ငါဒီလောက်ပဲ ပြောပြနိုင်သေးတယ်… ဒိထက်ပိုပြီး ပြောလို့မရသေးဘူး..စိတ်တော့ မပူပါနဲ့ ငါမင်းကို အကြံဥာဏ်ပေးမှာပါ.. ဂွတ်နိုက် နေခန့်”
“ဟေ့..နေအုံးလေ”
သူတားမလို့ ကြံစည် စဉ်မှာပင် အရိပ်သည် မှုံဝါး ပျောက်ကွယ် သွား၏။
++++
နေခင်းက အဖြစ်ကို ခေါင်းထဲမှာ စွဲနေ၍ အိပ်တော့ အိပ်မက်မက်ပြန်သည်။ အိပ်မက်ထဲတွင် ကိုစိုးကြီးသည် သူ့ဦးခေါင်းခွံကြီးအား ဖွင့်ပြီး သူ့ဦးနှောက်များကို လျှာကြီးဖြင့် မသတီစရာ စားနေသည်။ သို့သော် သူကတော့ ဘေးက ရပ်ကြည့်နေသူ အဖြစ်ဖြင့် သူ့အလောင်းကောင်ကြီးကို ပြန်မြင်နေရသည်။ ကိုစိုးကြီးဟု သိသော်လည်း တကယ်တမ်းကျတော့ ကိုစိုးကြီးဆိုသူနှင့် လုံးဝ မတူသော ရုပ်ပျက်ဆင်းပျက် သတ္တ၀ါ တစ်ကောင်ဖြစ်နေလေ၏။ သူကြည့်နေစဉ် အတွင်းမှာပင် ထူးဆန်းစွာ သီချင်းညည်းသံလိုလို ကြားလိုက်ရပြီး ရုတ်တရက် သူလည်ပင်း နောက်မှ လျှာကြီးတခုက လာရစ်ပတ်လေသည်။ လှည့်ကြည့်ရန်ကြိုးစားသော်လည်း လျှာကြီးက လည်ပင်းကို တင်းမာသထက် တင်းမာအောင် ရစ်ပတ်လာလေသည်။ ထိုလျှာကြီးကြောင့် တဖြည်းဖြည်း အသက်ရှုကြပ်လာသည်။ သူရင်းနှီးသော အငွေ့အသက် တခု ရနေသည်။ နောက်လှည့် ကြည့်ရန်ကြိုးစားသော်လည်း ဘယ်သူမှန်းမသိဖြစ်နေ၏။ လည်ပင်းလည်း တင်းသထက် တင်းလာ၍ အသံကုန်ဟစ်ပြီး အော်လိုက်မိသည်။
“အား”
သူ့ရင်ဘတ် ပေါ်တွင် ရစ်ထွေးနေသော စောင်ကို ဖယ်ခွာလိုက်သည်။ မွန်းကျပ်နေသော ခံစားချက်ကြောင့် ပြတင်းပေါက်ကို ဖွင့်လိုက်ပြီ။း လေကို တ၀ကြီး ရှုရှိုက်လိုက်သည်။ စောစောအိပ်ရာ ၀င်သော်လည်း အိပ်မက်ဆိုးများကြောင့် အိပ်ရေး မ၀သလို ဖြစ်နေ၏။ မနက်ခင်း နေရောင် ၏ အလင်းများသည် အခန်းထဲသို့ ဖြာကျနေ၏။ မိုးစင်စင် လင်းနေပေပြီ။
+++
(၉)
`ကိုခန့် မနေ့က.. ဘောလုံးကွင်းနားမှာ မူးလဲလို့ဆို… အခုသက်သာသွားပြီလား…´
ချိုယုယက စိုးရိမ်တကြီးမေးလိုက်သော်လည်း နေခန့် မျက်နှာ အနဲငယ် ပျက်သွား၏။
`အင်း သက်သာသွားပါပြီ ယုယကို ဘယ်သူပြောလဲ´
`သြော်မေ့နေပြီလား.. ကိုကိုပြန်ပြောပြတာပေါ့´
`ဘာတွေပြောပြလို့လဲ´
ချိုယုယက မျက်လုံးဝိုင်းလေးဖြင့် အူကြောင်ကြောင်ကြည့်ကာ
`ဟင်..ဒါပဲလေ…ဘာမှ ထပ်မပြောပါဘူး ဘာဖြစ်လို့လဲ´
ဟူးတော်သေးတာပေါ့။ သူကယောင်ချောက်ချား တွေပြောသည့်ကိစ္စ ကိုနိုင်ဦး ထိန်ချန်ထားလို့။ မဟုတ်ရင် သူ့ကို သူရဲဘောကြောင်သူ ထင်သွားအုံးမယ်။
`ကျေးဇူးပါပဲ´
နေခန့် နှုတ်မှ ရုတ်တရက် ထွက်သွားမိသည်။
`အမ် ဘာကို ကျေးဇူးတင်တာလဲ ကိုက´
`အဲ… ဘာမှမဟုတ်ပါဘူး.. အော်ကိုနိုင်ဦး တို့သာ မရှိရင် ကိုယ်တစ်ယောက်ထဲ လဲနေမှာ ဘယ်သူမှ သိမှာ မဟုတ်ဘူး ဒါကြောင့် ကျေးဇူးတင်တာလို့ ယောက်ဖကို´
`အောင်မယ် ပိုင်စိုးပိုင်နင်း ယုကိုကို ကို ယောက်ဖတဲ့ အင်းဟယ်´
ယုယက နေခန့် လက်မောင်းကို ဆွဲဆိတ်လိုက်သည်။
`အားနာတယ်..အားနာတယ်´
`ဟော့တော့ ပြောလေကဲလေ ပါလား ဘာအားနာတာလဲ´
`ရွှေယောက်ဖကိုပါ အဟတ်စတာပါကွာ ဘောလုံးပွဲနေ့ကျရင် လာအားပေးနော်..´
`…..´
`ဘာဖြစ်လို့လဲ မလာချင်ဘူးလား´
`ယုယ လိုက်တော့ အားပေးချင်တယ်…ယုယ ကိုကို ကော ကိုခန့်ကော ကန်မှာ ဆိုတော့ လိုက်ကြည့်ချင်ပါတယ်… ဒါပေမယ့် ယုယတို့ ရူပဗေဒက သူငယ်ချင်းတွေကိုလဲ နိုင်စေချင်တယ်။ လိုက်ကြည့်ရင် ဘယ်ဘက်အားပေး ရမှန်းမသိပဲ ဗျာများနေမှာ စိုးတယ်´
`ဟာ မရဘူးကွာ လာအားပေးရမယ် ဘယ်အသင်း အားပေးပေးပေါ့ ယုယ လာအားပေးတော့ ကန်ရတာ အားရှိတာပေါ့။´
`အပိုတွေ မပြောနဲ့ လာခဲ့ပါ့မယ်..။´
`ဟေး.. ဒါမှ ပေါ့ကွ´
အားရပါးရ ထအော်သော နေခန့်ကြောင့် ကန်တင်းရှိ တခြားဝိုင်းမှ လူများက ပြုံးစိစိနှင့် လှမ်းကြည့်ကြသည်။ ချိုယုယက နှုတ်ခမ်းလေးစူကာ စိတ်ကောက်သွားသည်။ အော် ကိုယ့်ချစ်သူဆိုတော့ စိတ်ဆိုးနေလဲ လှတာပါပဲ။ မနည်းပြန်ချော့ရပြန်၏။
++++
(၁၀)
မေဂျာပေါင်းစုံ ဘောလုံးပြိုင်ပွဲ ဖွင့်ပွဲ မို့ ကွင်းလုံးပြည့်နီးပါး လာအားပေးသူ ကျောင်းသား ကျောင်းသူများဖြင့် ပြည့်နေသည်။ ဖွင့်ပွဲပွဲစဉ်လဲ ဖြစ်ပြီး သိပ္ပံ မေဂျာ၏ အဓိက ပြိုင်ဘက်များဖြစ်သော ရူပဗေ အသင်းနှင့် ဓာတုဗေဒ အသင်းတို့ ယှဉ်ပြိုင်ကြမည် ဖြစ်ရာ အကြိတ်အနယ် ရှိလှမည့် ပွဲမို့ လာရောက်အားပေးကြခြင်းဖြစ်သည်။ ကျောင်းက ပါမောက္ခချုပ်ကြီး ၏ စီစဉ်ပေးမှုဖြင့် မြို့နယ် ကွင်းမှာ ကန်ကြခြင်းဖြစ်ရာ ပွဲကြည့်စင်များဖြင့် တင့်တင့်တယ်တယ် ရှိရာ ကျောင်းပွဲနှင့် မတူပဲ မြို့နယ်ပွဲကဲ့သို့ ပင် လူစည်ကားလှသည်။
ထိုအချိန်၌ အ၀တ်လဲခန်းအတွင်းတွင်
`ဟိုဘက် တိုက်စစ်က မင်းမင်းကို ကပ်ကစား သိလား ဒီကောင်က မြို့နယ် လက်ရွေးစင် ဆိုတော့ တော်တော် ကန်တတ်တယ်။ နောက်တန်းက ဇော်ဇော်တို့က သူ့ကို သတိထား´
အသင်းခေါင်းဆောင် မှာ နေသည်ကို အားလုံးနားထောင်နေကြသည်။ နေခန့်ကတော့ တခြားသို့သာ အာရုံရောက်နေ၏။ ကရင်မကို ဒီနေ့မတွေ့မိ၍ မေးကြည့်ရာ နေမကောင်းဘူး ဆိုပြီး လာမကန်တော့ကြောင်းပြောကြသည်။ ကိုစိုးကြီးမျက်လုံးတွေက အ၀တ်လဲခန်း၏ အလင်းရောင် မှိန်မှိန်အောက်တွင် အစိမ်းရောင် သန်းနေသလို ထင်ရ၏။ နေခန့် တစ်ယောက်ချင်း လိုက်ကြည့်တော့ အသင်းသားအားလုံး၏ မျက်လုံးတိုင်းလိုလို စိမ်းနေသဖြင့် အလင်းရောင်ကြောင့် ဖြစ်မည်ဟု ဖြေသိမ့်လိုက်ပြီး ဘာကြောင့်မှန်းမသိ ဒီထဲမှာ နေရတာ စိတ်ကျဉ်းကျပ်လာသည်။
ပရိသတ်များ အမှန်တကယ် မျှော်လင့်ထားသည့် အတိုင်းပင် ပွဲက မြိုင်မြိုင်ဆိုင်ဆိုင် နှင့် အကြိတ်အနယ်ရှိလှသည်။ အလယ်တန်းတောင်ပံတွင် ကစားသော နေခန့်က အကြိမ်ကြိမ် ထိုးဖောက်သော်လည်း တဖက်အသင်းမှ ခံစစ်ကောင်း နေ၍ ထင်သလောက်တိုး မပေါက်ဘဲ ဖြစ်နေ၏။ နောက်ဆုံး တွင် ပရိယာယ်သုံးကာ အရောင်ပြသာ တောင်ပံဘက် ထွက်ကစားပြီး အလယ်တန်းမှ သီဟနှင့် နေရာလဲကစားလိုက်သည်။ နောက်ချန်တိုက်စစ်မှူး နေရာပြောင်းကစားသဖြင့် တိုက်စစ်မှူးများဖြစ်သော နိုင်ဦးနှင့် စိုးကြီး တို့နှင့် တွဲကစားရ၏။ ပထမပိုင်း တပိုင်းလုံး အကြိတ်အနယ် ရှိလှပြီး တဖက်နှင့် တဖက် ဂိုးမသွင်းနိုင်ကြပေ။ ဒုတိယပိုင်း တွင်လဲ ဘောလုံးက နှစ်သင်းလုံး ခြေရည်တူနေ၍ ကွင်းလယ်တွင်သာ အချိန်ကုန်နေပြန်သည်။ ဒုတိယပိုင်းပွဲပြီးခါနီး၌ ဓာတုဗေဒ အသင်းမှ အလယ်တန်းကစား သမားတစ်ယောက်ကို ဂိုးစည်းအတွင်းတွင် ခပ်ကြမ်းကြမ်း ဖျက်ထုတ်သဖြင့် ဒိုင်လူကြီးက ပယ်နယ်တီ ပေး၏။ ထိုပယ်နယ်တီကို စိုးကြီးက သူကန်မည်ဆို၍ ပေးကန်လိုက်သည်။ ရူပဗေဒမှ ဂိုးသမားသည် မြို့နယ် လက်ရွေးစင် အဖြစ်လဲ ဖမ်းဖူးသော အတွေ့အကြုံရှိ ကစားသမားတစ်ယောက်ဖြစ်သည်။ ပွဲပြီးခါနီး နောက်ဆုံးအခွင့်အရေးမို့ အားလုံး စိတ်လှုပ်ရှားစွာ စောင့်ကြည့်နေကြ၏။ စိုးကြီးက ဘောလုံးကို တည်၍ ညာခြေ ဖြင့် ကန်ရန် ဟန်ပြင်လိုက်သည်။ ဂိုးသမားကလည်း အသင့် အနေအထား နေရာယူထား၏။ နေခန့်မှ အကယ်၍ ပယ်နယ်တီ ဘောလုံးပြန်လျှံထွက်လာလျှင် ကန်ဖို့ စိုးကြီးနှင့် ဘီးကုတ်စက်ဝိုင်းထိပ် ဂိုက်အနည်းငယ် အကွာတွင် ရပ်နေရသည်။ မကြာမှီ ဒိုင်လူကြီးက ၀ီစီမှုတ်လိုက်၏။ ထိုစဉ် အသင့်နေရာယူထားသော ဂိုးသမား၏ မျက်နှာသည် မထင်မှတ်ပဲ ဖြူလျော်သွားသည်ကို နေခန့် သတိထားမိလိုက်၏။ ၀ီစီသံကြားပြီးသည်နှင့် စိုးကြီးက ဂိုးသမား၏ ညာဘက်အောက်ထောင့်သို့ ကပ်သွင်းလိုက်သည်။ ဂိုးသွားသည်။ ကွင်းထဲရှိ ဓာတုဗေဒအားပေးသူများ က ဂိုးဟုထအော်ကြလေသည်။ ဂိုးဝင်သွားပြီးသည်နှင့် ဂိုးသမားသည် အရုပ်ကြိုးပြတ် ပစ်လဲသွားတော့သည်။
`ဟေ့..ဟေ့.. လုပ်ကြပါအုံး ဂိုးသမား ဘာဖြစ်သွားတာလဲ မသိဘူး..´
ကစားသမားများ ဂိုးသမားဆီသို့ ၀ိုင်းအုံပြေးသွားကြသည်။ သို့သော် မတ်တပ်ရပ်ကာ မလှုပ်မယှက် ဖြစ်နေသူက နေခန့်ဖြစ်သည်။ သူသေချာသိလိုက်တာက ဂိုးသမားခင်မျာ တခုခုသွေးပျက်ဖွယ်မြင် လိုက်ရ၍ဖြစ်နိုင်သည်။ စိုးကြီးဆိုသော သူသည် မကောင်းဆိုးဝါးတစ်ကောင် ဖြစ်လေတော့သည်။
်
Posted in
Labels:
တစ္ဆေတစ်ကောင်ရဲ့တေးသီသံ
|
Thursday, July 19, 2007
(၃)
“နေခန့်ရေ…နေခန့်ရေ….ငါ့ကို …….ကယ်…..ပါဦးကွာ…နေ……ခန့်ရေ”
အသံသည် အဝေးတစ်နေရာဆီမှ သူ့ကို အကူအညီတောင်းနေသည့် အသံဖြစ်သည်။
လှေကားရင်းတွင် သူသည် တက်မည့် ဆဲဆဲဖြစ်နေသည်။
“နေ……ခန့်ရေ..ငါ့……..ကို ကယ်ပါဦး…”
“မင်းဘယ်မှာလဲ… ဘယ်ကအော်နေတာလဲ…”
“…….ငါ……..မင်း…….အကူအညီ…….လိုနေတယ်ကွာ.. ငါ့…..ကို အမြန်လာကယ်ပါ။”
အသံက တိုးလိုက်ကျယ်လိုက် ပြတ်တောင်း ပြတ်တောင်းဖြစ်နေ၏။
“မင်းကို ငါဘာကူညီရမှာလဲ”
“………..ငါ……..အပေါ်….ထပ်မှာ ပါ မင်းတက်လာခဲ့ပါကွာ”
လှေကား၏ ဘယ်ဘက်ကပ်လျက် အခန်းမှ အော်နေခြင်းဖြစ်ရာ နေခန့်က တံခါးကို ဆွဲဖွင့် လိုက်သည်။ အခန်း၏ အလယ်၌ ရှိသော ကုတင်စောင်းတွင် သူ့ကိုကျောပေး၍ သူ့အရွယ်ခန့် ရှိသော လူငယ်တစ်ယောက် ထိုင်နေ၏။
ကုတင်နားသို့ တရွေ့ရွေ့နှင့်ထို လူငယ်နား တိုးကပ်သွား၏။ နေခန့်က သူ့ပုခုံးကို လှမ်းဆွဲလိုက်စဉ် “အား”
အမျိုးအမည်မသိသော နောက်ကျိ မူးမိုက်ခြင်းမျိုးဖြစ်သွား၏။ ခပ်မှောင်မှောင် အခန်းထဲတွင် သူ့ဘက်မှာ အလင်းရောင် မှိ်န်ဖျဖျရှိပြီး ထိုလူစိမ်းမှာ အမှောင်ဖက်ခြမ်းတွင် ရှိတယ်ဆိုရုံလောက် သာ မသဲမကွဲမြင်နေရသည်။ နောက်ထပ်နေရာသစ်တစ်ခု ကို ရောက်သွားခြင်းမျိုးဖြစ်နိုင်သည်။
သူတစုံတစ်ခု ပြောပြဖို့ အားယူနေသည်။ မဟုတ်ဘူး။ ပြောပြနေသည်ဟု ထင်ရသည်။ သို့သော် လက်တွေ့တွင် ဘာသံမှ ထပ်မထွက် လာတော့ပေ။ တစုံတခုကို သေချာရှင်းပြနေသည်။ သူ၏ ၀ိုးတ၀ါး ပုံရိပ်က တဖြည်းဖြည်း လှုပ်ရှားသလို ဖြစ်လာသည်။
“ငါဘာမှ မကြားရတော့ဘူးကွာ”
“……..”
သူအော်ပြောနေရှာပြန်သည်ဟုထင်သည်။
“၀မ်းနည်းပါတယ် ငါဘာမှ ထပ်မကြားရတော့ဘူးကွာ”
“…….”
သူ့ပုံရိပ်က ပုံစံပျက်လာသည် မီးခိုးငွေ့များ လွင့်ပျယ်သလို ဖြစ်လာသည်။ များမကြာမှီမှာပင် သူ့ကို လုံးဝ သေချာ မမြင်ရနိုင်တော့ သည့် အနေအထားမျိုးဖြစ်သွားသည်။ မကောင်းသော အနံ့အသက် တစ်မျိုးကို ရှုရှိုက်မိသလိုပဲ။ ခပ်မှိုင်းမှိုင်းဖြစ်နေသော အရာများသည် သူ့ပတ်ချာလည်တွင် ၀ိုင်းပတ်လာသည်။ နေခန့် ထိုအရာများကို ကြည့်ပြီး အန်ချင်သလိုလို ရင်ထဲမှာ မကောင်းသလို မျိုးကြီးဖြစ်လာ၏။ သူကို တယောက်ယောက် က လေဟာနယ်ထဲသို့ တွန်းလိုက်သလို ရုတ်ချည်း လွင့်စဉ်သွားပြီး ရင်ထဲမှာ ဟာကနဲ ဖြစ်သွားသည်။
“ဟား……”
ရုတ်တရက် အိပ်ယာမှ ငေါက်ကနဲ ထထိုင်မိလျက်သား ဖြစ်နေ၏်။ ပြတင်းပေါက်မှ အလင်းရောင်များသည် သူ့အခန်းထဲသို့ ဖျာကျနေသည်။ ပြတင်းပေါက် ၏ အပေါ်ဘက် ခေါင်မိုးစွန်း မှစာကလေးများ တကျိကျိနှင့် အော်မြည်နေကြသည်။ မိုးစင်စင်လင်း နေလေပြီ။
ထိုနေ့ တမနက် လုံး ဖေဖေနှင့် ပစ္စည်းပစ္စယာများ နေရာတကျ စီရီခြင်း၊ သန့်ရှင်းရေးလုပ်ခြင်း၊ ဧည့်ခန်းကို အလှအပဆင်ယင်ခြင်းများဖြင့် အချိန်ကုန်လွန်ခဲ့သည်။ နေခင်းစာကို မေမေ ချက်ကျွေးသော မျှစ်ချဉ်နှင့် ၀က်သားဟင်းကို ဗိုက်ဆာဆာနှင့် စားပြီး အပေါ်ထပ်သို့တက်ကာ ထမင်းလုံးစီပြီး ဇိမ်ရစ်နေ၏။ အိပ်မလို့ လုပ်ပြီးကာမှ သူ့အခန်းဘေးမှ စတိုခန်းကို သွားမွှေချင်လာသည်။ စတိုခန်းထဲသို့ ဒုတိယအကြိမ် ၀င်ပြန်ပြီး အရင်ဆုံး ဗီဒိုကြီးကို ဖွင့်ကြည့် သည်။ ဗီဒိုထဲတွင် ဘာပစ္စည်းမှ မယ်မယ်ရရ မရှိတော့ပဲ ကင်းအိမ်မျှင်များ အတွင်းထောင့်များတွင် တွယ်ကပ်နေသည်။ ဗီဒိုထဲတွင် ဖြန့်ခင်းထားသော သတင်းစာ စက္ကူအစုတ်များ နှင့် ပွကျဲနေ၏။ ဗီဒိုထဲတွင် အံသုံးဆင့် ရှိသည်။ နေခန့်သည် ဘာရယ်မဟုတ်ဘဲ တဆင့်ချင်းလျှောက်ကြည့်နေ၏။ အောက်ဆုံးအဆင့်တွင် ကပ်ထူပုံး တစ်ခုကို တွေ့ရ၏။ ကပ်ထူပုံးကို ဆွဲထုတ်လိုက်သည်။ “ဂလုပ်” မာသော အရာဝတ္တုတစ်ခု ၏ အသံကိုကြားလိုက်ရသဖြင့် ကပ်ထူပုံးထဲတွင် တခုခုရှိမည်အထင်ဖြင့် ထိုပုံးကို ဖွင့်ကြည့်လိုက်ရာ ထူးဆန်းစွာပင် ထိုထဲတွင် မည်သည့် မာသော အရာတ္တုမှ ရှိမနေဘဲ စက္ကူစုတ်များသာ ရှိနေ၏။ သူနားနှင့်ဆပ်ဆပ် ကြားလိုက်ရသော ထိုအသံသည် ကပ်ထူပုံးထဲမှ မဟုတ်လျှင် ဗီဒိုထဲမှ ဖြစ်မည်ဟု သူတွက်ဆလိုက်သည်။ သူတွေးထင်သည့် အတိုင်းပင် ဗီဒိုအောက်ဆုံးအဆင့်တွင် အံဝှက်တခု ကို တွေ့ရ၏။ အံဝှက်ထဲတွင် ဆေးစာအုပ် (လူနာမှတ်တမ်း)စာအုပ်နှင့် ဗလာစာအုပ်လေးတစ်အုပ်ကို တွေ့ရသည်။ နေခန့်စိတ်ဝင်စားစွာဖြင့် လူနာမှတ်တမ်းစာအုပ်ကို ဖွင့်ကြည့်သော်လည်း သူနားမလည်သော ဆေးစာများဖြစ်နေသဖြင့် ဗလာစာအုပ်ကို လှန်လှောကြည့်ပြန်သည်။ စာအုပ်ထဲတွင်
“ညီလေး….
၂၃. ၅. … တွင် သေဆုံးသည်။” ဟုပထမဆုံးစာအုပ်တွင် ရေးထားသည်။ နောက်စာမျက်နှာ တွင်တော့ ညီအစ်ကို ၂ ဦးဟုထင်ရသော ဓာတ်ပုံ၂ပုံအား စာရွက်ပေါ်တွင် တိပ်နှင့် ကပ်ထား၏။ တဦးမှာ ၁၄ နှစ်ခန့်ရှိပြီး နောက်တဦးမှာ ၁၂ နှစ်ခန့် ရှိကာ ညီအစ်ကို ၂ ဦးဟု ပြောစရာမလိုအောင် ရုပ်ချင်း အနည်းငယ်ဆင်တူကြသည်။
ထိုစဉ် တစုံတခုက သူ့ခန္ဓာကိုယ် ဘေးမှဖြတ်တိုက်သွား သလိုခံစားရပြီး ကြက်သည်းမွှေးညှင်းများ ပင်ထသွား၏။ တစ်ယောက်ယောက်ရှိ နေသလိုလိုပင်။ တစုံတခုတော့ မှားယွင်းနေချေပြီ။ တစုံတယောက်က သူ့ကို ကြည့်နေသလို မလုံမလဲ ဖြစ်နေ၏်။ သရဲ တစ္ဆေ တစ်ကောင် ကောင် များရှိနေသလား။ နေ့ခင်းကြောင်တောင်ကြီးမို့ မဟုတ်လောက်ပါဘူးလေလို့ သူ့စိတ်ကို ပြန်ဖြေ လိုက်သည်။ သို့သော် သူ့စိတ်သူပြန်ဖြေသော်လည်း ကြာကြာမခံပါ။ မကောင်းသော အကောင်တစ်ကောင်ကောင် ရှိနေပြီဟု သူပို၍ထင်လာသည်။ ညက အိပ်မက်ထဲကလို သူ့ကို တစ်ယောက်ယောက်က ရှင်းပြချင်နေတာလား။ တွေးလေ စိတ်ရှုပ်လေ ဖြစ်လာသည်။ ရုတ်တရက် သူ့ပခုံးကို လက်တစ်ခုက လာကိုင်လိုက်၏။
“အား”
ဖေဖေ ဖြစ်သည်။ ဖေဖေက သူသွေးပျက်သွားပုံကို ကြည့်ပြီး အံ့အားသင့်သွား၏။
“သားဘာတွေ စဉ်းစားနေလို့ ဒီလောက်အထိတ်တလန့် ဖြစ်နေတာလဲ။”
“ဟိုဟို စတိုခန်းထဲ…”
ဖေဖေ့ကို သူပြောရင် ကောင်းမလား ဟု စဉ်းစား ပြီးကာမှ ဤသို့ အဓိပ္ပါယ်မရှိသော ကိစ္စကို ပြောပြ လျှင် ယုံလိမ့်မည် မဟုတ်မှန်းသိ၍
“ဘာမှ မဟုတ်ပါဘူးဖေဖေ… ဒီစတိုခန်းကို ဖေဖေ ဒီအတိုင်းထားမှာလား။”
“အေး ထားလိုက်ပါကွာ ဒီအတိုင်း ဖေဖေတို့ မသုံးတဲ့ပစ္စည်းတွေလဲ ဒီထဲပစ်ထည့်ထားလို့ ရတာပဲကွ။ သားဖေဖေ့ကို လမ်းထိပ်က သံဆိုင်မှာ အိမ်ရိုက်သံ နည်းနည်းသွားဝယ်ပေးပါအုံးကွာ”
“ဟုတ်ကဲ့ဖေဖေ”
----------------------
သူတို့ရပ်ကွက်ကို အခုမှ သေချာကြည့်မိသည်။ အတော်အတန် ဆိတ်ငြိမ်လှပြီး အိမ်ခြေအတော် ကျဲပါးသည်။ သူတို့ အိမ်ဘေး၂ဖက်လုံးတွင် လူမနေကြပေ။ ညာဘက်ခြံမှ ၂ထပ်တိုက်ကြီးသည် ဆောက်လက်စ တန်းလန်းကြီးဖြစ်ကာ သံချောင်းများထိုးထိုးထောင်ထောင်နှင့် လုံးဝ အကြမ်းထည်ကြီးဖြစ်သည်။ ဘယ်ဘက်ခြံသည် မြေကွက် သက်သက်သာဖြစ်ပြီး အုတ်တံတိုင်း ကာထားသော အတွင်းဘက်ခြံထဲတွင် ချုံနွယ်များ တောထနေ၏။ မျက်နှာချင်းဆိုင်တွင် အိမ်၂အိမ်သာ ရှိသည်။ ဒီလောက်ခေါင်သော နေရာကို ဖေဖေနှင့် မေမေဘာလို့ရွေးငှားကြတာ ပါလိမ့်။ သံဆိုင်က လမ်းထိပ်ဟုဆိုသော်လည်း လမ်းထိပ်ကား အတော်ခပ်ဝေးဝေးထိ လျှောက်ရအုံးမည် ထင်သည်။ သူ့နောက်မှ တဦးဦး လိုက်လာသလိုလိုရှိသဖြင့် လှည့်ကြည့်လိုက်သည်။ အာကာ…။ တနေ့ည က သူ့အိမ်ကို လာလည်တဲ့အာကာ။
“အာကာပါလား…မင်းဘယ်သွားမလို့လဲ”
အာကာသည် သာမန်ကလေးများနှင့် မတူဘဲ နဲနဲတော့ လူကြီးဆန်သလိုလိုပင်။
“ဘယ်မှမသွားပါဘူး.. အစ်ကို့နောက်ကို သက်သက်လိုက်လာတာ ပြောစရာရှိလို့”
“ပြောလေ ဘာပြောမလို့လဲ”
“အစ်ကို့ကို ကိုဒီရဲက တွေ့ချင်လို့တဲ့။ သူအစ်ကို့ကို တခုခုရှင်းပြချင်နေတယ်။ ပြီးတော့ သူ့ခင်မျာ အကူအညီလိုအပ်နေတယ်လို့ ကျွန်တော်ထင်တယ်။”
“အာကာ ရေမင်းပြောတာတွေ တခုမှငါမသိဘူး။ အဲဒီ ဒီရဲက ဘယ်မှာနေလို့လဲ။ ဒို့ရပ်ကွက်ထဲကလား”
“ဘယ်မှာမှ မနေဘူး၊ အစ်ကိုတို့ အိမ် အပေါ်ထပ်မှာနေတယ်လေ”
“ဘာ…”
(၄)
ညက တောင်တွေးမြောက်တွေးနှင့်မို့ အိပ်ရေးမ၀သလို ဖြစ်နေ၏။ ဟိုတနေ့က မက်သော အိပ်မက်မျိုး ညက ထပ်မက်သေးသည်။ Lecture ချိန်၌ ဘယ်လိုမှ ဟန်မဆောင်နိုင်တော့ဘဲ အိပ်ပျော်သွားသည်။ အတန်းချိန်ပြီး၍ သီဟနှိုးတော့မှ နိုးတော့၏။
“ဟေ့ကောင် မင်းညက ဘာတွေ လုပ်နေလို့ အိပ်ရေးတွေ ပျက်နေတာလဲ”
“အေးကွာ…. ညက ငါတော်တော်နဲ့ အိပ်လို့ မပျော်ဘူးကွ ငါမင်းကို တခုပြောပြစရာရှိတယ်”
နေခန့် သူအိမ်ပြောင်းလာသည့်နေ့က အကြောင်းမှအစ အာကာပြောပြသည်အထိ ရှင်းပြလိုက်သည်။
“မင်းပြဿနာက နဲနဲတော့ ထူးဆန်းနေတယ်ကွာ”
သီဟက စကားကို ဆက်မပြောဘဲ နေခန့် အခြေအနေကို အကဲခတ်သလို စိုက်ကြည့်နေ၏။
“ဟ..ဟ ဟေ့ကောင် ငါကို အဲဒီလိုမျိုးကြီး မကြည့်နဲ့ကွာ၊ မင်းကြည့်တဲ့အဓိပ္ပါယ်ကို ငါသိတယ်ကွ၊ ငါနေကောင်းတယ် ဘာမှမဖြစ်ဘူး။”
နေခန့်က သူ့ကို တမျိုးကြီးကြည့်နေသော သီဟကို အမြန်ဖြေရှင်းချက်ပေးလိုက်ရ၏။
“အေးပါကွာ ငါကစိတ်ပူလို့ပါ။ ဒါဆို မင်းဟိုကလေးပြောသလို အဲဒိ ဘာမှန်းမသိတဲ့ သူက မင်းကို တွေ့ချင်တယ်ဆိုတော့ မင်းတွေ့ လိုတွေ့ငြား ကြိုးစားကြည့်ပေါ့ ဟုတ်မဟုတ်ဆိုတာ”
“ပြောတော့သာ လွယ်တာကွာ အဲဒိကောင်က ငါ့ကို အန္တရာယ် တခုခုများ ပေးမလားလို့ပါ”
“မင်းသဘောက အဲဒိကောင် မင်းတို့ အိမ်မှာ ရှိတယ်လို့ တစ်ထစ်ချယုံနေတယ်ပေါ့ ဟုတ်လား”
သီဟက မယုံကြည်သေးသလိုနဲ့ ထပ်ဆင့်မေးပြန်သည်။
“အေးငါတော့ အဲလိုခံစားမိတာပဲကွာ၊ ဘာလဲ မင်းက အခုထိမယုံသေးဘူးလား၊ ငါတော့ တယောက်ယောက် အိမ်ထဲမှာ ရှိနေသလို တမျိုးကြီး ဖြစ်နေတယ်”
“ဒါမျိုးတခါမှ မကြားဘူးတော့ ငါလဲ ယုံရခက်ကြီး ဖြစ်နေလို့တယ်၊ ဒါပေမယ့် အခု အခြေအနေအရ ဆိုရင် အဲဒိအကောင်က မင်းအကူအညီလိုနေတယ်ဆိုတော့ မင်းကိုတော့ ဘာမှမလုပ်လောက်ပါဘူး။”
“အေးအေး မင်းပြောတော့ သာ လွယ်တာ ငါတွေ့ ရမှာ နာနာဘာဝတစ်ကောင်ဆိုတာလဲ မမေ့နဲ့ အုံး”
သီဟက သူ့ကို ပြုံးပြီး ကြည့်ရင်း(အမှန်တော့ ကလိလိုက်ခြင်းဖြစ်သည်)
“ဘာလဲ မင်းကသရဲ ကြောက်တတ်လို့လား”
အမှန်တကယ်ဆို ရင်ထဲ၌ ကြောက်ရွံ့စိတ်အနည်းငယ် ရှိသော်လည်း ထိုသို့ မခံချင်အောင်မေးလိုက် သဖြင့်
“လုံးဝပဲ” ဟု ညာပြောမိလိုက်သည်။
(၅)
ဒီနေ့ည အဖို့ သူလုံးဝ မအိပ်ပဲ စတိုခန်းထဲသို့ ၀င်ကာ တစ်ခုခုထူးခြားလာလို ငြား ထိုင်စောင့်နေ၏။ ရင်ထဲတွင် ကြောက်ရွံ့စိတ်ရှိနေသော်လည်း စူးစမ်းချင်စိတ်က ပိုများနေသည်။ နာရီမှ ၁ နာရီ ထိုးသော တီးလုံးသံစဉ်သည် တိတ်ဆိတ်သော ၀န်းကျင်ကို ပို၍ ခြောက်လှန့်နေသလိုပင်။
အခန်း၏ အလယ်နားရှိ သေတ္တာပေါ်တွင် ထိုင်နေရင်း သူ့၏ ရှေ့တူရူရှိ တံခါးကိုသာ စိုက်ကြည့်နေမိသည်။
မကြာမှီပင်
“နေခန့်ရေ…”
ခြောက်သွေ့တိုးညင်းသော အသံက သူ့ကျောပြင် တခုလုံးစိမ့်တက်သွား၏။ အသံသည် သူ့ကျောဘက်ဆီမှ လာခြင်းဖြစ်၏။
သူလှည့်ကြည့်တော့ အခန်း၏ ထောင့်စွန်း မှောင်ရိပ်ကျသော နေရာတွင် အရိပ်လိုလို၊ အငွေ့ လိုလို သဏ္ဌာန်တခုကို ၀ိုးတ၀ါး တွေ့ရသည်။ သူအံ့သြလွန်း၍ ကြက်သေသေနေမိသည်။
“နေခန့်ရေ…ငါ့ကို လာရှာလို့ ကျေးဇူးတင်တယ်ကွာ”
“ခင်..ခင်များ..ဘယ်သူလဲ”
“ငါဒီရဲ ပါကွာ… မကြောက်ပါနဲ့ ငါမင်းကို ဘာမှ မလုပ်ပါဘူး။ ငါကသာ မင်းအကူအညီလိုနေတာပါ။”
အမှန်တကယ်တောင်းပန်တိုးလျှိုးသော အသံဖြင့် ထိုသတ္တ၀ါမှာ အန္တရာယ်ပြုမည်ပုံ မပေါ်သဖြင့် အနည်းငယ် ကြောက်စိတ်ပြေသွား၏။
“ဆောရီးကွာ…ငါမင်းကို ဆက်သွယ်ဖို့ အတွက် မင်းကို အိပ်မက်ပေးဖို့ ကြိုးစားရတာပါ။”
“ခင်..ဗျား.. ရှိနေတာ အာကာ သိနေတယ်လား”
“ဒါက ဒီလိုပါ။ ငါတို့ death force တွေဟာ မိန်းမနဲ့ ကလေးတွေ။ အထူးသဖြင့် စိတ်နုတဲ့ သူတွေ ဆီကို အလွယ်တကူ ချဉ်းကပ်လို့ ရပါတယ်။”
“ဒါဖြင့်…ကျွန်တော်..ကကော”
“မင်းမြင်ဖို့ ကျတော့ ငါခုနက ပြောသလို ပထမအဆင့် ငါရှိနေတယ်ဆို တာ မင်းစိတ်ထဲမှာ ထင်မှတ်လာအောင် အိပ်မက်တွေပေး၊ အာကာလေးနဲ့ ဆက်သွယ်ပြီး ယုံကြည်စိတ်ရှိလာအောင် လုပ်ရတာပေါ့။ အဲဒါ တနည်းအားဖြင့် ခြောက်လှန့်ခြင်းလို့ ခေါ်မလားမသိဘူး။ ဒုတိယ အနေနဲ့ မင်းဒီအခန်းထဲ ရောက်လာတဲ့အခါ မြင်ရဖို့ ငါ့ အငွေ့(gas) တွေကို room temperature ငြိမ်တဲ့ အထိ တော်တော်ကြာကြာ စောင့်ဆိုင်းရတယ်လေ”
တော်တော်နားလည်ရခက်သော ကိစ္စဖြစ်သည်။ သူ့ အဖြစ်မှာ တစ္ဆေတစ်ကောင်နှင့် လည်း စကားပြောရပြီး သူတခါမှကြားဖူးသော ထူးထူးဆန်းဆန်း အရာများကို လဲသိလာရသည်။ ဘာပဲဖြစ်ဖြစ် ထိုတစ္ဆေသည် သူကြားသိဖူးသမျှထဲ တွင် စာတတ်ပေတတ် တစ္ဆေဖြစ်သည်ဟု အသာပြုံးလိုက်မိသည်။
“မင်းငါဒါတွေကို သိနေလို့ အထူးအဆန်းဖြစ်နေတာလား။ ဒီလိုပါ ငါဟာ ဒီဘ၀မရောက်ခင် လူ့ဘ၀မှာ တုန်းက သရဲတစ္ဆေအကြောင်းတွေကို အလွန်အကျွံစိတ်ဝင်စားတဲ့ လူငယ်တစ်ယောက် ဖြစ်ခဲ့တယ်လေ”
သူစိတ်ထဲ တွေးနေသော အရာများကို သိနေသဖြင့် နေခန့် အနည်းငယ်တော့ ဖြုံသွားသည်။
“ထားပါတော့…ငါ့အကြောင်းပြောပြရင် ငါတို့မိသားစုဟာ အရင်က ဒီအိမ်မှာ နေခဲ့ကြတာပေါ့။ ငါရယ်၊ မေမေရယ်၊ ငါ့ညီလေးရယ်ပေါ့။ ငါ့အဖေကတော့ ငါတို့ ငယ်ငယ်လေးတည်းက မရှိတော့တာလေ။ ဒီလိုနဲ့ အေးအေးဆေးဆေး နေလာကြရင်းက တနေ့ ငါ့အမေ က အိမ်မှာ ခိုင်းဖို့ ဆိုပြီး မိန်းမတစ်ယောက်ကို ခေါ်လာခဲ့တယ်။ ငါအဲဒိမိန်းမ ကို မြင်မြင်ချင်းပဲ ဘာကြောင့်မှန်းမသိဘူး။ မနှစ်မြို့ဘူး။ ငါသူ့ကို အမြဲတမ်းစောင့်ကြည့်နေခဲ့တယ်။ သူကလဲ ငါ့ကို ပြန်စောင့်ကြည့်နေတယ်လို့ ငါထင်တယ်။ အိမ်မှုကိစ္စနဲ့ ပတ်သက်လို့ ဘာမှပြောစရာမရှိပေမယ့် သူ့ ပုံစံက မသင်္ကာ စရာပဲ်။ မျက်လုံးတွေက မငြိမ်ဘူး။ ငါ..ငါ့အမေကို ပြောပြဖူးတယ်။ ဒါပေမယ့် အမေက ငါပြောတာကို လက်မခံခဲ့ဘူးကွ။ သူက ငါ့ညီလေးကို ဂရုစိုက်တဲ့ပုံစံ လုပ်ပြတယ်လေ။ ငါတနေ့မှာ ကျောင်းက လေ့လာရေး အဖွဲ့ နဲ့ ခရီးတခု ထွက်ခဲ့ပြီး နှစ်ပတ်လောက်ကြာလို့ ငါပြန်လာတော့ အိမ်မှာ ညီလေး အသည်းအသန်ဖျားနေလို့ ဆေးရုံတင်ထားရတယ်။ ထူးဆန်းတာက ငါ့ညီလေးမှာ ဘာရောဂါမှ မယ်မယ်ရရရှာမရ ဘဲ ဖြစ်နေတယ်ကွာ။ ဆရာဝန်တွေလုံးဝ အစွမ်းကုန်ကုနေတဲ့ကြား က ငါ့ညီလေး နှစ်ရက်တိတိ မျောသွားခဲ့တယ်။ ငါတို့ သေပြီလို့ သတ်မှတ်ပြီး ကာမှ မမျှော်လင့်ဘဲ ငါ့ညီပြန်သတိရလာတယ်။ ငါတို့ သားအမိမှာ ဆုံးပြီလို့ သတ်မှတ်ပြီးမှ ညီလေးမသေဘူး ဆိုတော့ ၀မ်းသာလို့ မဆုံးဘူးပေါ့ကွာ။ ဒါပေမယ့်…..ကွာ…ညီလေးဟာ ငါတို့ထင် သလို မဟုတ်ခဲ့ပါဘူး…….”
ထိုစဉ် အပေါ်ထပ်သို့ တက်လာသော ခြေသံတခုကို ကြားလိုက်ရသဖြင့် ဒီရဲ အသံလဲ ရုတ်တရက်တိတ်သွား၏။ နေခန့်လဲ ဗီဒိုနောက်သို့ အသာကပ်ပြီး ပုန်းနေလိုက်သည်။ အခန်းထဲသို့ ဓာတ်မီးရောင်များ ဖြာကျလာပြီး မီးရောင်က ဟိုဟိုဒီဒီ လျှောက်ထိုးနေ၏။ နေခန့် အဖေသည် စကားသံသဲ့သဲ့ကြား၍ အပေါ်တက်လာခြင်းဖြစ်သည်။ ပစ္စည်းများရှုပ်ပွနေသော စတိုခန်းထဲသို့ သူ့စိတ်ကြိုက် ဓာတ်မီးဖြင့် ထိုးကြည့်ပြီးမှ တံခါးကို ပြန်ဆွဲပိတ်သွား၏။ ယခုချိန်မှာ သူ့ကို တွေ့သွားလျှင် နေခန့် မရှင်းပြတတ်သောကြောင့် ပုန်းကွယ်နေတာ အကောင်းဆုံးဟု ယူဆပြီး သူပုန်းနေခဲ့ခြင်း ဖြစ်သည်။ သို့သော်ဖေဖေသည် စတိုခန်းပြီးနောက် သူ့ အခန်းတံခါးကို ဖွင့်သံကြား လိုက်ရသဖြင့် သူလန့် သွားသည်။ ဖေဖေက အခန်းထဲကို ခဏမျှတိတ်ဆိတ်စွာ ကြည့်ပြီးမှ လှေကားအောက်သို့ ဆင်းသွားသော ခြေသံများကြားလိုက်တော့မှ သူ့စတိုခန်းမှ ထွက်ခဲ့၏။ သူအခန်းထဲ သို့ မ၀င်မှီ ၀ရံတာနားက ပြတင်းပေါက်ဆီသို့ လှမ်းကြည့်လိုက်သည်။ ထူးဆန်းစွာပင် အိမ်ရှေ့အိမ်မှ အာကာသည် ပြတင်းပေါက်ဆီမှ သူတို့အိမ်ဘက်ကို လှမ်း၍ကြည့်နေလေသည်။
Posted in
Labels:
တစ္ဆေတစ်ကောင်ရဲ့တေးသီသံ
|
Tuesday, July 03, 2007
(၁)
စူးရှပြင်းထန်သော Marilyn Manson ၏ သီချင်းကို head phone ဖြင့်နားထောင်ကာ အိပ်ယာထက်တွင် တစ်ကိုယ်တည်း ပေါက်ကွဲခံစားနေ၏။ သီချင်းသံစဉ်၏ Tempo တွင် စီးမျောရင်း ပတ်ဝန်းကျင်ကို မေ့နေ၏။ ထိုစဉ် အိမ်ပေါ်ထက်ဆီသို့ အလောတကြီး လူငယ်တစ်ယောက် ပြေးတက်လာသည်။ တံခါးကို အသာဟပြီး အခန်းထဲသို့ ခေါင်းပြူပြီး ကြည့်လိုက်သည်။ အိပ်ယာပေါ်မှ လူငယ်က ဘာလဲဟုမေးငေါ့ပြီး မေး၏။ ထိုအခါ တံခါးဝမှ လူငယ်က ထူးထူးဆန်းဆန်း အပြုံးမျိုးကို ပြန်ပြုံးပြပြီး တံခါးကိုပြန်ဆွဲပိတ် သွားသည်။ အမှုမဲ့စွာပင် သီချင်းကို ပြန်လည်နားထောင်နေ၏။
အခန်းထဲတွင် မီးခိုးညှော်နံ့များ ခိုးဝေလာသည်။ သူ့ Mp3 ကိုပိတ်လိုက်ပြီး အခြေအနေကို စူးစမ်းကြည့်ရာ အခန်း၏ အပြင်ဘက်တွင် တဖျစ်ဖျစ်မြည်သံများ နှင့်အတူ အခန်းအတွင်းသို့ မီးခိုးလုံးများ စိမ့်ဝင်လာသည်။ သူအိမ်မီးလောင်နေပြီမှန်းသူ ခြောက်ခြားစွာ သိလိုက်ရသည်။ အနီးဆုံးပြတင်းပေါက်မှန်ကို ခုံဖြင့်ရိုက်ခွဲပြီး ပြတင်းပေါက်မှထွက်ရန် ကြိုးစားသော်လည်း အလွန် ခိုင်ခံ့နေသော ပြတင်းပေါက် သံတိုင်များက သူ့အား ဟန့်တားနေ၏။ အခန်းတွင်းသို့ မီးခိုးများ တစတစ ပိုမိုများပြားလာသည်။ အသက်ကို ပြင်းစွာရူရင်း မီးခိုးများ အူထွက်နေသော တံခါးဝဆီသို့ သွားပြီး တံခါးကို ဆွဲဖွင့်၏။ ကံမကောင်းစွာပင် တံခါးသည် အပြင်ဘက်တွင် တခုခုခံနေသဖြင့် တင်းကျပ်စွာပင် ဖွင့်၍မရဖြစ်နေပြန်သဖြင့် သူ့ကိုယ်လုံးဖြင့် ဆောင့်ဖွင့်ကြည့်သည်။ ခုံဖြင့်ရိုက်ဖွင့် ကြည့်သော်လည်း အချည်းအနှီးပင်။ အခန်းအပြင်ဘက် ရှိ မီးလျှံများသည် သူ့အခန်းထဲသို့ ၀င် ရောက်လာသည်။
“ဒုန်း..ဒုန်း..ဒုန်း”
“ကယ်ကြပါဦး… ဒီမှာဘယ်သူမှ မရှိကြတော့ဘူးလား။ မီးလောင်နေတယ်ဗျို့ ကယ်ကြပါဦး။ အဟွတ်..အဟွတ်”
စည်သူ…။ သူ့ကို ခုနက တံခါးဝမှာ စည်သူလာကြည့်သည်ကို မှတ်မိသွားသည်။ သူရုတ်တရက် သိသွားသည် စည်သူသူ့ကို ယုတ်မာသွားပြီ။ အခန်းအပြင်ဘက်တွင် တခုခုခံထားခဲ့ခြင်း ဖြစ်နိုင် သည်။
“စည်သူ..ရေ.. ငါ..ငါ့ကို တံခါးပြန်ဖွင့်ပေးပါကွာ… ဒုန်း..ဒုန်း…ဒုန်း ဟေ့ကောင် ငါ့ကို တံခါးပြန်ဖွင့်ပေး စည်သူ… ခွေးမသား စည်သူ ငါ့ကိုတံခါးပြန်ဖွင့် ပေးစမ်း ငါ့ကို တံခါးပြန်ဖွင့် ပေးပါကွာ ငါ့တောင်းပန်ပါတယ် တစ်ယောက်ယောက်များမရှိကြဘူးလား ဒုန်း…ဒုန်း..ဒုန်း…. အဟွတ်အဟွတ်.. ကယ်… ကယ်ကြပါဦးဗျို့…….”
တဖြည်းဖြည်း နှင့် သူအသက်ရူကျပ်လာသည်။ ခေါင်းတွေမူးနောက်လာပြီး မောဟိုက်လာ၏။ သူမျက်စိ တွေ ကျိန်းစပ်နေပြီး ဘာမှမမြင်ရတော့ချေ။ အခန်းတွင်းတွင် အောက်ဆီဂျင် အတော်နည်းနေပြီ ဖြစ်၏။ သူ့ရင်ဘတ် အစုံသည် မြင့်တက်ကာ ပြင်းစွာ အသက်ရူရိူက်ရင်း ….။
“မေမေရေ.. သားမေ့မေ့ဆီလာခဲ့ပြီ..”
သူ့မျက်စိထဲတွင် မေမေက သူ့ကိုထွေးပွေ့ထားပြီး သူ့ခေါင်းကို အသာအယာပွတ်သတ်ပေးနေ၏။ မေမေ့ရင်ခွင်ထဲတွင် မှီရင်း သူ့ဝန်းကျင်တစ်ခုလုံးသည် အမှောင်အတိဖုံးလွှမ်းသွားလေတော့သည်။
********************
(၂)
“ဟေ့ကောင် နေခန့် မင်းကိုငါမေးစရာရှိတယ်။”
“အင်း”
“မင်းဟို..ချိုယုယကို မင်းလိုက်မလို့လား”
“အေးလေ ဘာဖြစ်လို့လဲ”
“မင်းတော့ ပြဿနာ အိုးကို သွားစတာပဲ”
နေခန့်က သီဟကို နားမလည်စွာကြည့်ရင်း…
“ဘာဖြစ်လို့လဲကွ ငါအခုလဲ ချိုယုယနဲ့ အဆင်ပြေနေတာပဲ”
“အာ.. အဲဒီကောင်မလေးအကြောင်း မသိသေးဘူးလား။ တတိယနှစ်မှာ သူ့အစ်ကိုရှိတယ်ကွ။ သူ့အစ်ကို က လူမိုက်လိုလို ဘာလိုလိုနဲ့ အုပ်စုလိုက်နေကြတာ”
“ဟ…သူ့ဘာသာသူ လူမိုက်ဆိုတိုင်း ငါက ကြောက်ရမှာလား၊ ပြီးတော့ သူ့ညီမကိုငါက ရိုးရိုးသားသား လူငယ်ချင်း ချစ်တာပဲ ဘာအပြစ်ရှိလို့လဲ။”
သီဟက နေခန့်ကို အနည်းငယ်စိတ်တိုသွားသည်။
“ပြီးရောကွာ.. အဲဒါဆိုလဲ ငါမပြောတော့ဘူး”
သီဟစိတ်ဆိုးသွားမှန်းသိ၍..
“အလကားစတာပါကွာ သီဟကလဲ.. အေးပါကွာ ငါသတိထားပါ့မယ် ဒါပေမယ့် ချိုယုယနဲ့ က အဆင်ပြေကာနီးနေပြီကွ ပြီးတော့…”
“သောက်ရူး ရောဂါကျွမ်းနေပြီမှတ်လား”
“အဟေး… မဟုတ်ဘူးလားဆိုတော့… အင်းဟုတ်တယ်”
“မင်းအတွက် ချိုယုယဘေးက ဘေဘီဝတုတ်လေးနဲ့ မိတ်ဆက်ပေးပါ့မယ်ကွာ”
“တော်ပါပြီကွာ..ကျေးဇူးတင်ပါတယ်နေခန့်ရာ”
“အဟ.. ဟေ့ကောင်လူကြားကောင်းအောင် လျှောက်ညည်းမနေနဲ့ ကွန်ပြူတာကျောင်းက မင်းကောင်မလေး ဘယ်နားသွားထားမလဲ။ မင်းကဒီကျောင်းမှာလဲ နောက်ဇာတ်လမ်း ထွင်ချင်နေပြန်ပြီလား”
“အဟီး”
ကန်တင်း နားမှဖယ်ရီကားများ ထွက်တော့မည်ဖြစ်ရာ
“see you သီဟရေ.. အာနေဦး မနက်ဖြန်ငါမလာနိုင်ဘူး ဒီနေ့အိမ်ပြောင်းမှာမို့ မနက်ဖြန် ၀ိုင်းကူစရာတွေရှိလို့ မင်း roll sheet အခြေအနေကြည့်ပြီး လတ်မှတ်ထိုးထားပေးကွာ”
“အေးပါကွ ဒီတပတ်ကျောင်းပိတ်ရင်လဲ ငါလာလည်ဦးမယ် မင်းတို့အိမ်ကို”
“Ok bye bye”
**************
“နေခန့်ရေ.. မင်းကလဲကွာ ဒီနေ့ ပြန်လာတာနောက်ကျလှချည်လား။ မေမေတို့ ဒီမှာပစ္စည်းတွေ အကုန် ဟိုဘက်ရောက်သွားပြီ။ သားကို စောင့်နေတာ”
“ဟုတ်တယ်မေမေရေ.. ဒီနေ့ ဖယ်ရီက လမ်းမှာပျက်နေလို့ လိုင်းကားစီးပြန်လာတာ”
“ဟော သားဖေဖေတောင် မေမေတို့ကို လာကြိုနေပြီ.. သွားရအောင်သား”
--------------------------------
အခုကျွန်တော်အသစ်ပြောင်းသော နေရာသည် ခြံဝန်းက အရင်အိမ်ထက်ပိုကျယ်ဝန်းသည်။ အိမ်မှာ တိုက်ခံအိမ်၂ထပ်တိုက် လေးဖြစ်ပြီး ပြန်ပြင်ဆောက်ထားသည်မှာ မကြာသေးဟု သိရသည်။ သို့သော်အိမ်ရှင်က မဆီမဆိုင် အ၀ါနောက်နောက်ကြီး သုတ်ထားသည်။ အိမ်ထဲတွင် ပစ္စည်းများက နေရာချထားတုန်း ဖြစ်သဖြင့် ဟိုတစ်ပုံဒီတစ်ပုံ ဖြစ်နေ၏။
“သားရေ..မေမေတို့ ညနေစာစားဖို့ ထမင်းနဲ့ဟင်း သွားဝယ်လိုက်ဦးမယ်။ ပြီးတော့ လိုတဲ့ပစ္စည်းနဲနဲကို စတိုးဆိုင်မှာ သွားဝယ်လိုက်အုံးမယ်။ သားဗိုက်ဆာရင် ဆွဲခြင်းထဲမှာ ခေါက်ဆွဲခြောက်ထုပ်နဲ့ ရေနွေးနဲ့ ရှိတယ်။ အဆာပြေအရင်စားထားပေါ့။ မေမေတို့ သိပ်မကြာပါဘူး”
“ဟုတ်ကဲ့ပါမေမေ”
ဒီအိမ်ကြီးကို ကြည့်ရတာ နေရာသစ်ဖြစ်နေ၍လားမသိ တမျိုးကြီးဖြစ်နေသည်။ အပေါ်ထပ် တစ်ထပ်ပါသည့် အတွက်တော့ မိသားစုသုံးယောက်သာရှိသော နေခန့်တို့အတွက် အနည်းငယ် ကျယ်ဝန်းလှပါသည်။ နေခန့်က သူ့နေရမည့် အပေါ်ထပ်ရှိ အခန်းကို တက်ကြည့်၏။ အပေါ်ထပ် တွင် အခန်းသုံးခန်းရှိပြီး သူ့အခန်းနှင့် စတိုခန်းသည် ကပ်လျက်ဖြစ်သည်။ သူ့အတွက် အခန်းက အရင်အိမ်က အခန်းထက်ကျယ်ဝန်းပါသည်။ အခန်းထဲရှိ သူ့ပစ္စည်းများအား ဘယ်ကစရှင်းရမှန်း မသိဖြစ်နေ၍ အရင်ဇိမ်ယူဖို့ အိပ်ယာ အရင်ခင်းလိုက်သည်။
“အင်း..ဒီအခန်းလေးက ငါ့အရင်အခန်းထက်စာရင် မဆိုးပါဘူး။ ပြတင်းပေါက်နားမှာ ငါ့ကွန်ပြူတာ ထားမယ်။ စာကြည့်စားပွဲက ဒီဘက်ဘေးမှာ ထားရမယ်။”
“ဂျစ်..ဂျစ်..ဂျစ်”
ရုတ်တရက် သူ့ဘေးဘက် စတိုခန်းမှ တစုံတခုကုတ်ခြစ်သံကို ကြားလိုက်ရသည်။ သို့နှင့် စတိုခန်းဘက်သို့ ကူးခဲ့ပြီး တံခါးကို ဖွင့်လိုက်၏။ တံခါးဖွင့်ဖွင့်ချင်း အောက်သိုးသိုးအနံ့ ကြီးက နှာခေါင်းထဲ တိုးဝင်လာသည်။ ဒီအခန်းက ဒီအတိုင်းပစ်ထားတာ ကြာပြီထင်တယ်။ စတိုခန်းသည် သူ့အခန်းလောက် ကျယ်ပြီး အခန်းထဲမှာ ကလေးစက်ဘီးစုတ်တစ်စီး၊ သေတ္တာတလုံးနှင့် သစ်တိုသစ်စများ၊ ကပ်ထူပုံးကြီးများနှင့် တံခါးနှင့်ကပ်လျက် တွင် ဗီဒိုကြီးတစ်လုံးရှိသည်။ ထိုစဉ် သူ့နောက်မှာ တစ်ယောက်ယောက် ရောက်နေသလို ခံစားရသဖြင့် လှည့်ကြည့်လိုက်၏။ သို့သော် ဘယ်သူမှရှိ မနေပါ။ အခန်းထဲတွင် မီးလုံးလေးသာ တပ်ဆင်ထား သဖြင့် အလင်းရောင်မှာ မိန်ဖျော့နေ၏။ ခုနက အသံသည် ခဏတိတ်ဆိတ်သွားရာမှ သူ့ခြေသံကြားတော့မှ အသံက ပိုကျယ်လာသည်။ သူအနည်းငယ်တော့ ကျောချမ်းသလိုဖြစ်လာသည်။ ဘာကြောင့်မှန်းမသိ သူ့နားတွင် တစ်ယောက်ယောက်ရှိနေသလို ခံစားနေရသည်။ ဗီဒိုထဲမှ အသံသည် ပိုမိုဆူညံလာသဖြင့် အရဲစွန့် ပြီးဆွဲဖွင့်လိုက်သည်။ တစုံတခု သူ့အပေါ်သို့ ခုန်အုပ်လိုက်သည်။
“၀ုန်း”
“အား”
“အာ… တောက်ကြောင်စုတ်”
အနက်ရောင် မဲမှောင်နေသော ကြောင်တစ်ကောင်သာ ဖြစ်၏။ ဘယ်သူကများ ဒီကြောင်ကို ဗီဒိုထဲလာပိတ်ထား ပါလိမ့်။ ဒုတိယအကြိမ်မြောက် သူ့နောက်ကျောတွင် တစုံတယောက် မတ်တပ်လာရပ်နေသလို မသတီစွာ ခံစားရပြန်သည်။
“အာ.. ငါဘာတွေ ဖြစ်နေတာပါလိမ့် မဖြစ်ဘူး အောက်ဆင်းပြီး ရေချိုးအုံးမှပဲ”
သူလှေကားမှ အောက်ထပ်သို့ ဆင်းရန်ပြင်လိုက်စဉ် အောက်ဘက်လှေကားရင်းတွင် သူ့အားစိမ်းစိမ်းကြီး ကြည့်နေသော ကလေးငယ်တစ်ယောက် အားတွေ့လိုက် ရသည်။
“အောင်မယ်လေးဗျ”
သေချာကြည့်တော့မှ ၈နှစ်အရွယ် ခန့်ရှိသော ကလေးငယ်တစ်ယောက် သာဖြစ်နေသဖြင့် နေခန့် အိဒြေ္နပြန်ဆည် လိုက်ပြီး
“ဟေ့ ညီလေး..မင်း ဘာလာလုပ်တာလဲ”
“ကျွန်တော်အိမ်ရှေ့ အိမ်ကပါ.. လူသစ်တွေရောက်တယ်ဆိုလို့ လာကြည့်တာပါ။”
“အော်..အေး..ဟုတ်ဟုတ်လား…အင်းထိုင်လေကွာ”
ကလေးလေး တစ်ယောက်ကို တောင် အဓိပ္ပါယ်မဲ့စွာ ကြောက်ရွံ့နေ၍ သူ့ကိုယ်သူုစိတ်တို မိ၏။
“ကျွန်တော် မထိုင်တော့ပါဘူး”
“ဒါနဲ့ မင်းနာမည် ဘယ်လိုခေါ်လဲကွ”
“အာကာ..ပါ”
ထိုကလေးသည် နေခန့်နှင့် စကားပြောနေရင်းနှင့် နောက်ကျောကို လှမ်းလှမ်းကြည့်နေသဖြင့် နေခန့် ခင်မျာ မလုံမလဲဖြစ်နေသည်။
“သားရေ အာကာရေ”
“ဗျာ သားဒီမှာ လာပြီ ကျွန်တော်သွားပြီနော်”
“အော် အေးမင်း အမေခေါ်နေပြီထင်တယ် နောက်လဲ ငါ့တို့ဆီလာခဲ့လေ”
“ဟုတ် သွားပြီ”
အာကာက သူ့ကို နှုတ်ဆက်စကားဆိုသော်လည်း သူ့မျက်လုံးများက နေခန့် အနောက်ဘက်ဆီသို့ သာ တချက်တချက် ကြည့်နေရာ အနည်းငယ်ကျောချမ်းလာသည်။
မကြာမှီ မေမေတို့ ပြန်ရောက်လာကြသည်။
“သားဗိုက်ဆာနေပြီလား.. ထမင်း၊ ဟင်းတွေ ၀င်ဝယ်နေလို့ ကြာနေတာ ကဲလာမေမေတို့ စားကြရ့အောင်၊ ဖေကြီးရေ.. အဲဒီအထုပ်တွေ ဒီအတိုင်းထားလိုက်တော့လေ။ လာညစာစားကြမယ်။”
မေမေတို့ဝယ်လာသော ညစာကို စားပြီး ထိုညအဖို့ ရေပင်မချိုးတော့ပဲ.. စောစောအိပ်ယာဝင် ပစ်လိုက်တော့၏။ (ဆက်ရန်...)
ဤဘလော့မှ စာသားများ၊ ရုပ်ပုံများအား စီးပွားရေး ဆိုင်ရာ လုပ်ငန်းများတွင် ကူးယူသုံးစွဲခြင်းမပြုလုပ်ပါရန် (အထူး) သတိပေး တားမြစ်အပ်ပါသည်။
