My TLMS

“တကယ်တော့ ကျွန်တော်ဟာ အူကြောင်ကြောင် ကောင်လေး တစ်ယောက်ရယ်ပါမ။ လွဲချော် မှုတွေနဲ့ ဖန်တရာတေနေတဲ့ နမော်နမဲ့ ကောင်လေး ကျွန်တော်ဟာ မကို ချစ်တာ လွဲချော်မှုမဟုတ်ခဲ့ပါဘူး။ မတော်တဆလဲ မဟုတ်ခဲ့ပါဘူး။ ကျွန်တော်လေ မကို စတွေ့မိတဲ့နေ့က ကျွန်တော့်ရင်ထဲ မွတ်သိပ်လာခဲ့တယ်။ ကျွန်တော်ရူးတယ်လို့ပဲပြောပြော မရဲ့နောက်က (မ မသိပေမယ့်) တကောက်ကောက်လိုက်နေမိတယ်။ တကယ်ဆို ကျွန်တော်ဟာ မနာမည်ကိုတောင် အခုထိမသိသေးတဲ့သူပါ မရယ်။ မ မတော်တဆလေး လှည့်ကြည့်မိတဲ့ အချိန်လေးမှာတောင် ကျွန်တော် ရင်တွေ ခုန်နေလိုက်ရတာ။ တကယ်ပါမရယ် မ ဟာ ကျွန်တော့် ရဲ့ ကဗျာပါပဲ။ လင်္ကာတွေ ထုံမွမ်းထားတဲ့ မကို ကျွန်တော်လေ မ၀ံ့ရဲစွာပဲချစ်နေမိတယ် မရယ်။”
ရေးလက်စ စာကို ရပ်လိုက်ပြီး ပြတင်းပေါက်က မိုးစက်မိုးပေါက် လေးများကို လွမ်းမော စွာ ငေးကြည့်နေလိုက်၏။ လေပြေတချက်ဝေ့တိုင်း မိုးစက်မိုးပေါက်လေးများသည် ငြင်းဆန်ပိုင်ခွင့် မရှိပဲ လေနှင်ရာသို့ ယိမ်းနွဲ့ပါသွားကြ၏။ တကယ်ဆို သူ့ဘ၀ကလဲ မိုးစက်မိုးပေါက်များလိုပဲ မရဲ့ အလှမှာ ငြင်းဆန်ခြင်း မပြုနိုင်ပဲ ကျဆုံးခဲ့ရသူပါ။ မကို သူဘယ်လိုမှ မေ့လို့မရအောင် စွဲမြဲနေမိတယ်။ “မ” ဟာ အိပ်မက်ထဲမှာတောင် အပြစ်ကင်းစွာ လှနေပါသည်။ မ၏အလှသည် အပိုအလိုမရှိ တည်ငြိမ်လွန်းလှသည်။ မသည်မရိုးလွန်း မဆန်းလွန်းသာ ၀တ်စားဆင်ယင် တတ်ပါသည်။ ထို့ကြောင့်ပင် မသည် သူ့အတွက် မရိုးသော်လည်းဆန်းနေခြင်းဖြစ်သည်။ မ၏ တည်ငြိမ်မှု ရှိတဲ့ ရွှန်းလဲ့လဲ့ မျက်လုံးဝိုင်းလေးတွေကို သူအနှစ်သက်ဆုံးဖြစ်သည်။ ဘယ်လိုပဲဖြစ်ဖြစ်လေ သူသည်မကို မြတ်နိုးစွာ ချစ်နေမိပါသည်။
**********
တောင်ဥက္ကလာ ပုဏ္ဏမီမှတ်တိုင်သို့ရောက်လျှင် ကားပေါ်မှ ဆင်းလိုက်သည်။ နာရီကို ကြည့်လိုက်တော့ သူရောက်နေတာ နဲနဲစောနေသေး၍ ကားဂိတ်နားက လက်ဘက်ရည်ဆိုင် တွင် ၀င်ထိုင်လိုက်သည်။ ပေါ့ဆိမ့် တခွက်နှင့် လန်ဒန်စီးကရက် တပွဲမှာလိုက်ပြီး ကားဂိတ်ဘက်သို့ လှမ်းလှမ်းကြည့်နေရ၏။ “မ”များ ရောက်နေမလားလို့ပေါ့။ မသည် သူသတိထားမိသလောက် အချိန်လေးစားသူ တစ်ယောက် ဖြစ်သည်။ မနက်တိုင်း ၈း ၀၀ နာရီဆို ကားဂိတ်ကို ကွက်တိရောက်လေ့ရှိသည်။ ဒီနေ့တော့ သူရောက်နေတာ ၁၅ မိနစ်ခန့်စောနေသေးတယ်။ လက်ဘက်ရည်ခွက် ထက် အရင်လာချသော စီးကရက်ပွဲမှ တလိပ်ယူကာ မီးညှိပြီး သောက်လိုက်သည်။ ဆေးလိပ်သောက်ရင်း စဉ်းစားမိသည်။
“မက ဆေးလိပ်သောက်တာ ကြိုက်ပါ့မလား၊ အေးလေ ဆေးလိပ်သောက်တာကို ဘယ်မိန်းကလေး က အားပေးမှာလဲ”
ထို့ကြောင့်ပင် အရင်က တနေ့ တဗူး နှုန်းသောက်သော သူ့မှာ တနေ့ ၃ လိပ် ခန့်သာ သောက်ပြီး ဒီတပတ်သည် ဆေးလိပ်သောက်သော နောက်ဆုံးပတ် ဖြစ်သည် ဟု သူ့ဘာသူ သန္ဒိဋ္ဌာန်ချထားလိုက်သည်။ ဘာကြောင့်မှန်းမသိ မရှေ့မှာဆိုလျှင် သူမဟုတ်တာ ဘာမှမလုပ်ရဲ။ လုပ်လဲ မလုပ်ချင်ပေ။ “မ” အထင်သေးသွားမှာကို မလိုလားခြင်းဖြစ်သည်။ ထိုကြောင့် မကို တွေ့သည် ကာလအတွင်း သူ့ကိုယ်သူ တော်တော်လေး ပြောင်းလဲပစ်လိုက်သည်။ အရင်က လည်ပင်းထောက်ဆံပင်ကို Gel တွေနှင့် ရှုပ်ရှုပ်ထွေးထွေး ဖွထားသော ပုံစံမှ လုံးဝအတိုလေးညှပ်လိုက်သည်။ အရောင်ဆိုးနေကျ သူ့ဆံပင်ကို အနက်ရောင်ဆိုးလိုက်သည်။ အ၀တ်အစားက အစ ပိုသီဖတ်သီ အ၀တ်များကို မ၀တ်တော့ပဲ ရိုးရိုးရှင်းရှင်းလေးများသာ ၀တ်တော့သည်။ ထိုသို့ပြောင်းလဲ လာသော သူ့ကို သူငယ်ချင်းများက ပင်
“ဟေ့ကောင် မင်းကြောင်သွားတာလား” လို့ အမေးခံရလေသည်။
လူငယ်တစ်ယောက်၏ လွတ်လပ်ခွင့်ကို အပြည့်အ၀ပေးထားသော မေမေပင်လျှင်
“ငါ့သားလေးက ဒီလိုမှ ပိုပြီး ကြည့်လို့ကောင်းသွားတာကွဲ့၊ အဲဒီလို သပ်သပ်ရပ်ရပ် ဆိုတော့ မေမေတောင် လူမှားသွားတယ်။” လို့ ပြောလာသည် အထိပင် သူပြောင်းလဲသွားသည်။
ဟော မလာနေပြီ။ လမ်းချိုးလေးမှကားဂိတ် ဘက်သို့ လျှောက်လာသော မသည် ဖြူဝင်းသော သူ့အသားအရေ နှင့် လိုက်ဖက်သော မိုးပြာရောင် အနွေးထည်လေးနှင့် အပြာရင့်ရောင်လုံချည် ၀တ်ဆင်ထားပြီး သူမြင်ဖူးနေကျ ပန်းနုရောင် ခြင်းတောင်း ၀ိုင်းကလေးကို ဆွဲပြီး လျှောက်လာနေ၏။ ဒီနေ့ မရဲ့ အလှသည် ကောင်းကင်ဆန်စွာ လှပနေသည်။ သြော် ဒီနေ့မှ မဟုတ်ပါဘူး မ က နေ့တိုင်း လှနေတာပါပဲလေ။ မလာနေပြီမို့ ကမန်းကတန်း ပိုက်ဆံရှင်းလိုက်သည်။ သူလုံးဝမသောက်ရသေးသော လက်ဘက်ရည်ခွက်သည် အေးစက်စွာ ကျန်ရစ်ခဲ့လေသည်။ ၃၆ ဘတ်စ်ကားကြီး ရောက်လာပြီး မ ကားပေါ်တက်ရန် ဟန်ပြင်နေသဖြင့် သူခပ်မြန်မြန်လေး ကားဆီသို့ ပြေးသွားရ၏။ မ ၏ ကိုယ်မှ ရေမွှေးနံ့သင်းသင်းလေးသည် လူ၂ယောက်ကျော်မှ ပင် မွှေးကြိုင်နေသည်။ “မ” ဟာ ပန်းပွင့်လေး တစ်ပွင့် နဲ့ ဆင်ဆင်တူပါတယ်။
+++++
အလွန်သာယာသော ကြာသပတေးနေ့ လေးတနေ့ကို သူကြုံဖူးသည်။ ထိုနေ့က ကားချောင်နေ၍ ခုံနေရာ ရလိုက်သည်။ အမှန်တကယ်ဆို ထိုင်ခုံက သုံးနေရာ လွတ်နေသော်လည်း ကျွန်တော်က ၂ယောက်တွဲခုံ ကို ပြတင်းပေါက်ဘက်ခြမ်းတွင် ၀င်ထိုင်လိုက်သည်။ သူကံကောင်းစွာပင် မသည် သူ့ဘေးက ခုံပေါ်တွင် ၀င်ထိုင်လိုက်သည်။ ပျော်လိုက်တာ။ ကျွန်တော့် ရင်ခုန်သံကို ကိုယ့်ဘာသာကိုယ် ပြန်ကြားနေရလား အောက်မေ့ရတယ်။ သူ့ဘေးက မကတော့ နှုတ်ခမ်းကလေး လှုပ်စိလှုပ်စိနှင့် ဘုရားစာတွေ ရွတ်နေတယ်။ မရယ် ကျွန်တော်က နတ်ဆိုးတစ်ကောင်မှ မဟုတ်တာ။ မနဲ့ တွေ့ခဲ့တဲ့ ကာလအတွင်း ဒီလောက် နီးနီးကပ်ကပ် ရှားပါးစွာ ဒီတစ်ခါပဲ ကြုံဖူးသေးသည်။ မကို ခေါင်းလေး ငဲ့ကာ ခိုးခိုးကြည့်ပြီး လက်ဖျားတွေ အေးစက်ကာ ချွေစေးလေးတွေတောင် ပြန်နေတယ်။ ပြီးတော့ မရဲ့ ကိုယ်သင်းနံ့လေးကို ခိုးပြီး နမ်းရှိုက်မိတယ်။ ကျွန်တော့် ကို ခွင့်လွှတ်ပေးပါ မ။ ကျွန်တော်က အရူးကောင်ပါ။ အမြဲတမ်း မပါတဲ့ ဘတ်စ်ကားကို မှ တမင် ရွေးစီးပြီး အမြဲပင် မ ကို လူအုပ်တွေကြားထဲက ခိုးခိုးကြည့်တတ်သူပါ။ ကျွန်တော် သာ ဂစ်တာလေး တစ်လက်ဆို မ သည် သံစဉ်လေးတစ်ပုဒ် ဖြစ်ပါလိမ့်မည်။ တကယ်ဆို မရဲ့ နှုတ်ခမ်းဖူးဖူးလေးနဲ့ ပြောတဲ့ အသံလေးကိုတောင်မှ သေသေချာချာ ကျွန်တော် မကြားဖူးသေးပါဘူး မရယ်။ ဒီလောက် ချစ်စရာကောင်းတဲ့ မ သည် အသံကလေးလဲ အေးမြ ညက်ညော နေလိမ့်မည် ဟု ထင်ပါသည်။ မကို တွေ့သည့် တလ အတောအတွင်း သူ “မ”ကို ချဉ်းကပ်ဖို့ တခါမှ မကြိုးစားဖူးပါ။ ဟင့်အင်း ပိုတယ်လို့ ပြောချင်ပြော ပါစေ။ ကျွန်တော် “မ”ကို ဒီအတိုင်းလေးပဲ ငေးကြည့်နေရတာကို ကျေနပ်နှစ်သက်ပါတယ်။ မကို မနက်ခင်းလေးတိုင်း တွေ့နေရတာကို က သူ့အတွက် ဆုလာဘ် တစ်ခုဖြစ်သည်။ အင်းလေ မိန်းကလေး တစ်ယောက် ရဲ့ အချစ်ကို ရယူလိုခြင်းဟာ ပိုင်ဆိုင် ဖို့ ကြိုးစားခြင်း တစ်မျိုးပဲလေ။ ပိုင်ဆိုင်ချင်လာပြီ ဆိုမှတော့ ပူလောင် လာတတ်စမြဲပဲပေါ့။ သေချာတယ် သူ့ အချစ်က ပိုင်ဆိုင်လိုတဲ့ ဆန္ဒလုံးဝ မပါဘူးဆိုတာ သူယုံကြည်ပါတယ်။ တကယ်ပါ မရယ် မကို ကျွန်တော် အေးချမ်း စွာ တိတ်တခိုးလေး ချစ်တယ်။
++++
ကျွန်တော့် ရင်တွေ လှုပ်ရှားပြိုဆင်း ခဲ့တဲ့ မနက်ခင်းလေး တခုပေါ့။ အဲဒိနေ့က ကျွန်တော် ဘတ်စ်ကား ဂိတ်မှာ တစ်ယောက်ထဲ ကားစောင့်နေရင်း လမ်းချိုးလေးကို အမှတ်တမဲ့ ငေးကြည့်နေခဲ့တယ်။ အဲဒိနေ့က “မ” ဟာ ခြင်းတောင်းဝိုင်းလေးကို ကိုင်ပြီး လမ်းရဲ့ ထောင့်ချိုးလေး ကနေ ခရမ်းရောင်ဆန်ဆန် လျှောက်လာလိုက်တာများ ကျွန်တော့် နှလုံးသား ထောင့်ချိုးလေး အထိပါပဲ။ မှတ်မှတ်ရရ အဲဒိနေ့က ပန်းနုရောင် ၀မ်းဆက်လေး ဆင်မြန်းထား ခဲ့တယ်လေ။ တကယ်တော့ ကျွန်တော့် ရာသီဥတုတွေ “မ” ကြောင့် စွတ်စိုခဲ့ရပါတယ်။ ပြီတော့ ကျွန်တော် က ကျွန်တော် သွားမယ့်လမ်းနဲ့ မဆီမဆိုင်တဲ့ ဘတ်စ်ကားကြီး ပေါ်အူကြောင်ကြောင်နိုင်စွာ လိုက်ခဲ့တယ်။ ကျွန်တော်ဟာ အချစ်ကို ငြင်းဆန်ဖို့ မတတ်နိုင်ခဲ့သူ တစ်ယောက်ပါ။ “မ”ရဲ့ မျက်နှာလေးကို ငေးကြည့်ရတဲ့ အချိန်လေး ဟာ ကျွန်တော့်ကမ္ဘာ မှာ မ ကလွဲလို့ လူသူကင်းမဲ့ သွားခဲ့တယ်။ အဲဒိလောက် ကျွန်တော် ရူးမိုက်လွန်းပါတယ်။ မရဲ့ စိမ်းလန်းခြင်းတွေက ကျွန်တော့်တိမ်တိုက်တွေကို သွန်းဖြိုးစေခဲ့တယ်လေ။

ခမ်းနားကြီးကျယ်သော မင်္ဂလာဆောင်သည် ခန်းမ ကျယ်ကြီးတွင် မီးရောင်များ ထိန်တောက်နေ၏။ သတို့သား၊ သတို့သမီးတို့ ခန်းမထဲ မရောက်လာ သေးသော်လည်း ပရိသတ် များမှာ နေရာပြည့် ရောက်ရှိနေပြီးဖြစ်သည်။ မကြာမှီပင်
“အခါတော်ပေး….နတ်ရွေးငယ်ရွှေးစာ..”
မင်္ဂလာတေးသံသည် မင်္ဂလာ ရှိစွာပင် ငြိမ့်ညောင်းစွာ ထွက်ပေါ်လာသည်။ သတို့သားနှင့် သတိုးသမီးတို့ သည် စင်္ကြန်လေးအတိုင်း ပန်းကလေးများ ကျဲဖြန့်ပေးနေသော ကောင်မလေး၏ နောက်မှ လျှောက်လှမ်းလာ၏။ သတို့သမီးလေးနှင့် သတို့သားလေးတို့သည် လက်ချင်းချိတ်ကာ တဦးကို တဦး ချစ်ရွှန်းစွာ ကြည့်နေကြသည်။ အလွန်လိုက်ဖက်သော စုံတွဲပင် ဖြစ်၏။ ၀ိုင်းတ၀ိုင်း ဆီမှ မိန်းမကြီးတစ်ဦးသည် သူ့ဘေးမှ အဖော်အား တိုးတိုးတိတ်တိတ်ပြော၏။

“အဲဒိသမီးလေးက ကျွန်မတို့ မိတ်ဆွေရဲ့ သမီးလေးပေါ့ အခု သူယူမယ့် အမျိုးသားက နိုင်ငံခြားမှာနေတဲ့ အင်ဂျင်နီယာလေးလေ။ သူတို့စေ့စပ်ထားတာ ကြာပြီပေါ့။ ကောင်လေးက အလုပ်မအားတာနဲ့ အခု တခေါက် နိုင်ငံခြားက ပြန်လာတော့ လက်ထက်ပြီး ကောင်မလေးကို ဟိုကို တခါတည်း ခေါ်သွားမယ်လို့ပြောတယ်တဲ့”

“ဟယ်ဟုတ်လား ကောင်လေးနဲ့ ကောင်မလေးက အတော်လိုက်ဖက်တယ်နော်”
ထိုမိန်းမကြီး ၂ ဦးလုံးသည် ကောင်မလေးအား ကြည့်ကာ သူတို့၏ သမီးများ ဖြစ်လိုက်ရလျှင် ဆိုသော အတွေးများဖြင့် ထိုချစ်စရာကောင်းသော သူတို့ သမီးလေးအား ၀ိုင်းဝန်း ငေးစိုက်ကြည့်နေလေတော့သည်။
++++
လူသူရှင်းနေသော လမ်းထောင့်လေးသည် ငြိမ်သက်နေ၏။ ကားဂိတ်တွင် ထိုနေ့က ထူးဆန်းစွာပင် ကားများ ကျဲပါးနေသည်။ မှိုင်းအုံ့နေသော မိုးတိမ်များသည် မကြာမှီ တအိအိနှင့် ရွာသွန်းလေတော့သည်။ အိတ်ထဲမှ ခိုထီးလေးထုတ်ဆောင်းလိုက်သည်။ သို့သော်မိုးက သည်းထန်စွာ ရွာသွန်းလာ ၍ မိုးရေစက်များအား ကာဆီးနိုင်ခွင့် မရှိဘဲ သူ့တကိုယ်လုံး စွတ်စိုကုန်သည်။ သူနှုတ်ခမ်းကို ကိုက်၍ တွေဝေစွာ လမ်းချိုးလေးကို ရပ်ကြည့်ရင်းနှင့် “မ”ကို မတွေ့ရ သည်မှာ တစ်လနှင့် ခြောက်ရက်ပင် ရှိပြီပေါ့ဟု တကိုယ်တည်းရေရွတ်မိသည်။ အေးစက်နေသော လမ်းချိုးကလေးသည်။ လူသူကင်းမဲ့စွာပင် မိုးစက် ၀ိုးတ၀ါးများကြား သူတစိမ်းဆန်လွန်း နေတော့သည်။ ထိုအချိန်တွင် ဖဲကြိုးလေးများဖြင့် အလှဆင်ထားသော မင်္ဂလာဆောင် ကားလေးသည် ထိုလမ်းချိုးလေးထဲသို့ ကွေ့ဝင်သွားလေတော့သည်။